Kumpulan Sastra Lama Muna

Oleh: Ismira Yanti (A1D1 09 039)

1.

Pantun 1) Pantun muda-mudi Mafusau sesau-sau Pughuno tane tampano Ane ihintu megau-gau Dopobisara samotompano

2) Pantun anak-anak Aekasuu kenta buntati Tanokona wandiu-diu Aworada dopokamunti Wora anahi dopogolu

3) Pantun jenaka Akalamo temasalili Apansuru tekambo-kamba Awulemo tigho alili Mina awora kalambe komba

4) Pantun nasehat Sia kadea bhe ngkahumalo Dokalaghoo ngkaese-ese Ladhangka ane omoghosa lalo Bhe daomoolifiko paise

2.

Syair Akalamo we mawasangka Pansuru dua we kambaara Kotughu dua mbadja sumangka Pada dolera suli dombara

Aeuta kapaea Kabhilahano eda tahunda Kalabhihano eda kapea Rampano sintu pada ohunda

Amonimo te kadhariha Pansuru dua tendo ansadha Wangkuni koemo nsadha Inodi padamo agha

3.

Mantra Mantra pada saaat memutuskan benang Saruna-runa Batuna rasulullah Bismillah

Mantra kaasi yang digunakan sebelum tidur. Maimo takoeaka Maimo tabhanguaka Takole taroamia Tabhangu taroamia Wasimbali omora hulaku ini anu Mak mombaka moma Maka omiru molodho Bismillah Mantra kaasi yang digunakan pada saat turun tangga. Aleko Abheroko Sembali paise omangkafi iamu bhe amamu Maka paise omangkafi kanau Sembali paise omaasi inamu Maka paise omaasi kanau Bismillah

4.

Karmina atau pantun kilat Okalabhino-okalabhino bhela laloku Bhara amafa-amafaangkomu

5.

Bidal Anahi amaitu neghawa Bhala bheka Suanano nosape, kemano neala

6.

Talibun atau Kantola Talibun dalam bahasa Muna disebut kantola. Kantola adalah salah satu bentuk kesenian

masyarakat muna yang sangat tinggi dan digemari oleh masyarakat Muna dan jaya pada masanya. Kantola adalah sejenis permainan tradisional , dimana para pemainnya berdiri berhadapan antara pria dan wanita. Mereka berbalas pantun yang di awali dengan irama lagu ruuruunta atau ruuruuntetea (Yock Fang,1993-1995). Kantola di daerah Muna ada yang genap barisnya dan ada yang ganjil. Jadi syair kantola tidak mementingkan baris tetapi tergantung si pelaku dan bisa dikatakan sebagai talibun yaitu pantun yang jumlah barisnya lebih panjang. Contoh talibun atau kantola Kowala te wakaoma nsumolo-nsoleidi Mombeleane kamponisa Mekataa-taa wangkuno Bhahi kawu sala-sala, sala-sala nokooe Mulugho kampealai aongkadoghoo hae Maka ane kowala kanae Kilateno kakebhano nohamai-maianemo Ane mpuu radhaki Dukuno lalono mbadha Ngkonau aghumawae

Keterangan:

Di daerah Muna, penulis tidak menemukan puisi lama jenis gurindam dan seloka. Hal ini karena dalam kebudayaan Muna masyarakata lebih banyak menggunaakan sastra lisan jenis pantun (kabanti), mantra dan bidal atau yang lebih dikenal dengan sebutan syair kantola atau nyanyian kantola.Kabanti atau pantun ini masih sering digunakan terutama dalam lagulagu yang bernafaskan gambus. Sedangkan mantra hingga kini masih digunakan sebab suku Muna menganggap mantra mengandung kekuatan magis yang dapat melindungi diri. Lain halnya, dengan kantola ini memang sudah jarang sebab hanya digunakan pada acara-acara tertentu.

*************************************************************************** *** A. PROSA LAMA

Di daerah Muna banyak sekali cerita rakyat tetapi hanya sebagian kecil dari ceritacerita tersebut yang dibukukan. Sedangkan cerita-cerita lainnya hingga saat ini tetap menjadi cerita yang diceritrakan secara turun-temurun. Beberapa cerita rakya Muna yang termasuk dalam prosa lama yaitu:

1.

Hikayat Tula-Tulano Ratono Fitu Ghulu Bhidhadhari

Anaghaini te wuna dosampumo fitu ghulu bhidhahdari ne wiwino laa fotuna rete. Wakutuno dosampu, omputo wuna ladhe Husaini (amputa sangia) nando nekadiu we laa anagha. Bhidhadhari ii miina damandehaane bhe mekadiono ne laa kasampuhana maitu. Nopandhanda kaawu dosampu omputo sangia kansuru nekakope welo karumbi. O bhidhadhari kansuru delembisi bhadhunda maka dekadiu. Pada dekadiu da sukoma tora pakeainda dasumuli te kaltehanda. Gara noombamo omputa sangia nomaiga ne katebunihana, nekansuru we wutonda bhidhadhari anagha maka neintara semie. Nohisaramo omputa sangia, ihintu koemo hora, rampana soaembaliangko mieno lambuku. Lahae notuduko asampu ne liwuku ini. Aesalo maafu, ane mobhalakanau lalo, runsa kanaumo ahumorogho. Inadi paenambali miene lainbumu rampaghano miina akokoro pede manusia bhainda. Ane orunsakanau madaho aesaloangko nekakawasa namaangko anahi samokesano pede inodi. Nofetingke tolano wamba bhidhadhari aenaagha kansuru norunsaeline nahumoro. Omputo sangia momponamo nogaa taaka miina nokoana.

Seha-sehae kaawu omputa sangia anarobhineno nobhalamo taghino. Salentehano anahi anaagha kapasoleno pasae daano bhidhadhari karakono we laa. Taka anhi anaagha miina dua nokokoro. Anahi anaagha nofoneane wadhe Kamomono Kamba. Ghuluhano sebera manusia sebhera tora nembali ghule. Anea neano adhe wuna, wadhe kamomono kamba nohende nembali kalambe mongkera pedamo dua adhe wuna nembali moghane mpavale. Ompute sangia anahi robhine bhe ana moghanenda dotekabhalae wela kalalaesano lalanda. Dhobhari anainoghane tumangkuno wengkaretenda omputa sangia somefenagho tungguno cakarete. Nohalimo lalono omputa sangia sampahano nopandehaane kalambeno miina nokokoro peda kalambe seegahano. Omputa sangia nomaintemo kambano. Peda kaaawu anaagha notolamo nekakawasa sia-siamo ananda anaitu panaewanta umurundo. Nasehasehae nosakimo anaagha meghanehi itigho kumalano nobhatala mo lalenda wadhe kamomono kamba do koburue te wadalau (wasolangka). Somateno wedha kamomono kamba nomoisamo adhe wuna. Adhe wuna ini miina intigho nolimba wengkaroto. Rampahano noambanogho wutono. Welambu ntigo nosongku nekalambehi melateno welo lambo nofetingke kaawu pede anaagha diuna adhe wuna, omputa sanngia nobhasimo ponggawa hina doneatigho namolimba adhe wuna neliwuno wuna. Dokalamo dempali-mpaline adhe wuna te wiwina tehino mantobua bhe dopobhangkabhangka. Peda anaagha adhe wuna doghuluane wololia newiwino tehi wakorumba. Lia anaahga nolona te kulisuru. Nofetingke bhiritano adhe wuna noghulu te maluku nekansuru te seram, maka ne late te kabhawono anaahga.

2.

Tula-Tula Beteno Ne Tombula

Tandi Abe anano raja luwu. Tandi Abe sewakutua tano balamo taghino. Rato defenae Raja Luwu ambano mina namandehanea moghane lahaeno mo balano taghino Tandi Abe. Niworano kaawu Tandi Abe saje o kila, maka pasaemo bersetubuhnoa, taka mina nae wora hula. Akhirino Raja Luwu nombano. Tandi Abe dofolapae we tehi. Madaho namate nofumae kadadino tehi dofosawie ne palangga. Waktu nokala nobero-bero kapusulino. Rakyati nobelaane lalo sampe doangkafie donono deowa be katokano kampanaha sepasa be kasongkono sere kaforoghuha do sawi ne palangga. Seghonu no rato se wolio, limaghonu no rato we loghiya nokonandono lima ghonuno. Pada aitu do worae we napa me fonotino patujundoa ingka o bangka takapedahae ingka ne ngkonu kabilanga katoa. Dokala doghondae ini gara ingka o katoa daano be mieno we lalo

nobala taghino. Akhirino nokolelemo tendo kolakino wemelai. Kolakino wamelai dokonae dua mojino lele. Tae lambu balano mojino lele notududa dae forato lele notududa dae forato mie be La Katumende. Kolakino wamelai notududa dasumampu daghumondoe, dakumampie, damampe teini. Rato dakumala damalae doangkamo detandoane tumbula so kasughuno. Dalako koronoa tumbla nofokoadede ghagheku dolakoe labuntano nofokoadede labuntaku dolakoe tegholeno nofokoadede fotuku, taka mina dae wora hulano mie. Akhirino tade paksamo dolakoe so kasuhgu mhalahemo ingka nadae wora mie ingka tao suara, pada aitu dokalonemo. Rato kaawu dosughuanemo Tandi Abe. Pada aitu doampe te lambu balano dopoghawao kolakino Wamelai. Dokolambuemo Tandi Abe. Wolo kolambu se alo,ora alo, tane alo-alomo dua kabilahano korondoha tado wora mina be ghotia, orr tado woramo mina be oe. Tado fetingkemo me kadiuno taka mina dae wora mie. Akhirino sewakutua do solaie bahi ohae. Niworando o kila, nokokila lagi walo kolambu Tandi Abe, nomaigho ne kasuhgu tumbula niteindo te ghahu. Dengkoramo kaawu mie bari doghondoemo bahi ohae kokilano maitu, ingka kabilahano ghoti be oe tano wolomo. Dongkoranemo liwu mate-matemo dengkoranemo nofolahirimo wutono, maka netepandahaghao anoa moghaneno Tandi Abe, Zulzaman neano. Neano te wuna beteno ne tombula, mbalahaemo sajea no maighono we losono tombula. Anando rodua, anondo balano neano Runtu Wulou, anando seiseno neano Sugi Patola. Rato rafulu taghu kaawu, domusaywaramo be Tandi Abe, nofenamo bahi namangku namoni te luwu. Nofenamo Runtu Wulou ae afa nagha te luwu Tandi Abe omoni oghumando a wamu te luwubahi nandoe, Runtu Wulou barangka o maksa kanau omu asumakala. Runtu Wulou nohundamo nomoni te Luwu , dosabangkae dodidima dopopa boseno, semie sabangkano neano La Tosari. Noratomu te Luwu ne tembamo pada ne tembe nofitingkemo Raja Luwu, maka netududamo mie dasumampu daghumondoe bahai ohaeno we napa. Dorato kaawu mie, doforatomo.Runtu Wulou nobisaramo insaidi me tembano. Nobisaramo tora mieno Raja Luwu kumamo ampa nahamai itu?. Nobisaramo patudjuno Runtu Wulou ne mie aitu bahwa insaidi ini tamoni dua tamoghawao Raja Luwu. Oo..barangka dopowaanamu itua, nobisaramo tora Runtu Woluo runsahano paghindulu omomu , tamburumai insaidi. Nampahano dorato katudu, andoa doratomo dua be La Tosari. Pada aitu nefenadamo.Raja luwu omaighomu ampa nahamai?, ambano Runtu Wulou maighono we witeno wuna. Nofenaemo Raja Luwu patuju no, ambono Runtu Wulou tae mpali-mpali

kaawu dua.Nopadamu kaawu kawulendo de salomo doforoghu. Pada aitu dealanda sere mo kesa-kesahando . Runtu Wuluo nobisaramo paa roghua ne sere aitu idia bahi taa bala rampahano soano kaforoghuha mania itua, meala kasami kaforoghuha sigahano. Dealanemo tora, sereno no kesa tora. Runtu Wuluono bisaramo tora paa roghua ne sere aitu, bata abala (rampahano). Dofendua tora dealane , mina namindaloea na roghu , be nobisara sob a meala kasami kaforoghuha sigahano bahi Pkaghua, ataune hae. No bisaramo mieno Raja minamo kaforoghuha sigahano nofetapamo Raja maka nofenae minamo bahi kaforoghuha sigahano. Ambano nando taka nomponamo dopoke. Wakutu anamu nifokala we tehi. Raja Luwu alaghaomo kaforoghuha aitu.Doalanemo sere anagha, maka doghomesie, dofokatietialie, maka dufoteigho oe, maka dowaane Runtu Wulou. Runtu Wulou noforoghumo pada noforoghu nealiane kasongkono sere niowano Tandi Abe rafulu taghu labino. Maka nosongkoghau. Pada aitu aitu Raja Luwu nefolimbamo kampanaha. Runtu Wulou no bisaramo , na taepana ne itu . Rampahano aitukaepanahando kamuokula. Pada aitu dofolimba kampanaha sigahano, Runru Wulou saje nokiida rampahano kampanaha amaitu kampanahando mie balano (kamukula). Tolu paku kaawu tora pada aitu nofetamo Raja Luwu minamo gara itu kampanaha sighano?, ambani nando kolaki, taka dopakea rafulu taghu, nando be anando nifokala we tehi.nobisaramo Raja Luwu waghaomo aitu. Doalamo tora aitu, maka doghomesi fekatia-tialie, pada aitu dofokisinihiane katokano kamapanaha, gili , karoo, ghefi, kajambiri, bea, tabako. Pada aitu dowanedaamu Runtu Wulou dohundamo de pana. Pada de pana notei ane tora kasongkono . kabilahanda pada doukurue. Raja Luwu nafenando tora sa katughono hintumu ini maghono nahamai? Ambano Runtu Lulou maghono we witeno wuna. Maka lahae kamukulamu?, dokonae sangke palangga. Kamukulamo moghane? Ambano dokonae beteno ne tombula. Raja Luwu neano sigahano lahae? No bisara tora Runtu Wulou mina naenturu dokonae, taka afitingkea neano Baizulzaman. Ane komukulamo robine? Dokonae Tandi Abe. Pada aitu dopokakopomu, ambano Raja Luwu ingka awaku gara hintiinia. Aitu melatemo teini. Inodi akosakimo kuasaku inia amotorima angkoema ne hintu. Pada aitu Runtu Wulou nembali Raja Luwu.

3.

Kisah Tula-Tulano Saidhi Rabba Dhamani wawono, nandomo katudu maighono we witeno Arabu dorudua syembali

fofogurughono dhalangino kaIslamu maananoa ne witeno wuna ini. Neando Sye anagha, semie neano Saidhi Rabba, semie neano ne Wolio inia dokonae Bhatua poaro. Kandiho

dokonae Bhatua Poaro rampano noere maitu noangka bhatini. Dhadi neano sakutughuhano we witeno arabu dokonae Abudhu Wahidhi. Dameremo kaawu Sye maitu dopobhotumo deki. Aitu welo kabhotundo maitu, konae tana siwa wula siwa gholeo dapoghawamo we witeno Wolio. Dhadi nofenamo Saidhi Rabba ini, bhahi dahae sodapotandaigho mada kaawu. aitu sadapoghawa kaawu, aekabusaki hulamu, sa omeena kanau: hintumu itu sabhangka? Amohundangko kereku, maananoa indimo itu. Pada kaawu dobhotu nagha doeremo. Saidhi Rabba noerea nosawi nekapusuli, rato Abdhu Wahidhi nomate. Dhadi welo kaereno nahga Saidhi Rabba inia nope we napano Walingkabola, we napano laghontoghe, welokamutugha we liwu ngkodau. Nenaghamo bha-bhano dhalano kaislamu ne Wuna ini. Nofoguruandamo kaIslamu miehino aghontoghe ini, fogurunda alahano aendo bhe alano wakutu. Dopokapo-kapoimo dua maanano mieni liwu mbali defoere masigi so kasambahayaha liwu. Dahadi wakutu anagha tae wuna noparintae nikonando Sangia Latugho. Omputo Sangia Latugho. Dahadi, nodhalano kaislamu ne Laghontoghe ini, tae Wuna minaho damandehanea. Kawu anagha Sangia Latugho ini nopoghaumo, saolonoa mina bhe kakaeno Saidhi Rabba ini, gara nando dua kakaeno. Dadhi noambanoanemo dua pogauno Sangia Latugho ini Saidhi Rabba. ane peda anagha Sangia, meala oe akumadiugho mieno lambumu aini. Dealanemo oe Saidhi Rabba ini mbali nokadiu mieno lambno Sangia ini. Pada kaawu nokadiue maitu mieno lambuno Sangia inia, kansuru notibhali pasaeno kalambe kabua-bua. Pada anagha nebasandamo dhoa.aitu ghoghondo kanau Sangia. Tontokanau bhahi nehamai noturu luuku. Barangkaa batumuru ne suanaku, naseturu mananoa so moghane anamu. Barangka notumuru korawetahae, maanano okoanagho kolopo, moghane bhe robhine. Dadhi wakutu notafakuru nebasa dhoa nagha Saidhi Rabba inia, notontoe Sangia Latugho ini nopoangka noturu luuno matano Saidhi Rabba ini, ne suanano. Aitu latugho ini. Nopohaumo Sangia Latugho ini, konae nesuana tumuruno, ratunu nopoangka. Nopogaumo Saidhi Rabba ini: aitu pedamo nipogaughoku anini, dhadi mada kaawu anaomu omoghane darudua. Aitu akumonadhomo idi neando. Dahadi oisa amokonae Hasani, rato oaia amokonae Husaini. Dahadi nofogoruandamo dua kaIslamu Saidhi Rabba ini tae Wuna. Nofoguruandamo ngadhi maanano, sambahaya, bhari-baharie dhalangino ka Islamu nofoguruaanda. Defoeremo dua masigi te Wuna maitu. Norato kaawu tantunowakutuno, maanano kapodhandihano bhe

Abudhu Wahidhi ini, tana segholeo Saidhi Rabba inia eremo no Wolia so napoghawagho bhe Abhudhu Wahidhi ini. Maomo dua anagha, nerunsa nopoghau Saidhi Rabba inia, konae nifogurughono ini maananoa kulino kaawu kaIslamu, mada kaawu nando semie Sye tora sabhangkano sorumatono we Wuna ini somoguruanda ihino kaIslamu. Nipatudhughonomo Abudhu Wahidhi.

4.

Legenda Kampo Motonuno

Dhamani wawono ne liwu wuna nomai omiehi, kabarindo nando tolufulo lambu be dhe rato we sorirno Mantabua neano Meleura. Andoa itu domai be bangkano semi-semie. Ampa karatono andoa we soririno kaghotia Meleura andoa dekansuru dopoghawagho kolakino liwu Mantobua. Daefenada kolakino liwu hintuumu ini lahae be omaighomo ne hamai ?, miehi moratono dobalomo insaidi ini mieno wadjo tipandehao kalateha mani,nehamai bekadadiha mani neitu kalateha mani dua,nentela we soririno tehi kansuru. Ampahi aitu ohamba-hamaba kasami oparampo we tehi tighomepongkono we tehi. Sababuno, insaidi tafilei we kaleteha manibhenina depandahane ampa aitu insaidi tarato we kaghotia Meleura. Maka insaidi tamai so taemealai sosonomo insaidi daehunda kasami taelate we kaghotia liwu aini. Kolakino liwu Mantobua nopoghawu naembali tamaka hintumu we kaghotia liwu Mantabua aini , taka ihintumu panambali opoghatimu be miehi welo liwu aini, manano tabea dapotulu-tulumi so paralu welo liwu aini. Ihintu meangkafie. Miehino wadjo itu dobalomo ampahi aitu insaidi pada dofotingke hamaikabisarano kolakino liwu, dadi haeno mbalino khaneano we liwu aini minabali insaidi tapoghati wutho. Ane pada aitu nombali bahi hintuumu melatemu neini, wamba kolakino liwu. So katokano lambu, hintumu nombali otugho sau we kaghotia Meleura. Fetingke poghawuno kolakino liwu aitu, mieno wadjo kabaruhindo, be nofealai nasumuli we kaghotia be patudju so delate we kaghotia Meleure Saratono andoa we kaghotia, andoa dokalamo detugho sau we tampa sokarabuhano lambu. Ane so kahumaahando minaho nombali masalah, rampahano andoa de owa kabakhu nopataane. Toluwula andoa delate we kaghotiano Meleura, andoa padamo derabu lambu setahono so andoa Gholeo nombali wula, wula nomabali taghu, nompona-mpona khaawu andoa dua dopandehanemo degalu insuano khaaawu de kabua. Pada aitu, andoa dua domooro kapa hasilino katisando kapa domoisa. Hamai kaworando ne mie sighaano, andoa dua de sobaae ampa kaghosando andoa.

Tampa kalatehando andoa aitu nanumando sekilo maigho kaghotia Meleura. Nesoriri tampando delate nando seghonu mataoe, nehamai miehindo liwu Mantobua daeala oe so kagauha be so kaforoguabe neitu andoa aini deala oe. Nompona kaawu ando delate we tampa itu, ando minamo dewora goti. Tamaka andoa dopotudju doghondohi kaghotia sighahano rampano minamo dotaa dadindo. Sewakutu-wakutu andoa tigho dofefena ne miehindo liwu Mantabua, sehaehadae kakodohono liwuno wuna maighono we bara bhe matanogholeo kaghotia. Noforantoda ando dokala be dekala-kala maka segholeo sealo. Nando suatu gholeo, andoa dethudo the popa mie so kumalano meghonono kaghotia sewetano liwu wuna bhe deowa baku ampa sokaratohando bhe kahundano kolakino liwu Mantobua. Rampano andoa minano mandehane dokansuru kanandono maka anda dorato we kaghotia bara liwu wuna bhe dokala-kala ragholeo sealo. Mina nokadoho ampa we kalatehando dolodo, nando segonu mataoe pedamo laa dokonae Wula Moni . sealo andoadelodo wekaghotia itu maka dosuli rampahano bakundo nowolomo, minamo deghawa kalateha mokesano neitu. Dorato kaawu we kalatehando andoa dobisaramo ne sabangkahindo,we kangkahando mina deghawa we kaghotia bara liwu wuna. Wakutu miepopano kathudu aitu dosuli, andoa doala oe we Wula Moni we kaghotia bara liwu wuna so kaforoghundo dosuli we kaghotia Meleura. Oe aitu mina dofoghunsaie welo kakalahando. Andoa kansuru dohobae welo kaintehano oe kaforoghua we lambuno semie maighono katudju aitu nopokansagho bhe oeno Mantabua. Noando fokogindu,padakau oe wula moni de hobae bhe desampurue be oeno Mantabua, minanompona nokoolumo lani, minanompona tora noghusemo bhe noghosa kawea, gara wakutu aitu nando wulano gholeo. Fitu gholeo, fitu alo guse aitu minaho dua nometumpu bhe kaghosano kawea, semie nokala nofena we kolakino liwu Mantabua guse patamentohono bhe detula-tulaane pakatandahano dorato domaigho dogondo kaghotia bara liwuno wuna, andoa de owa oekaforoghu domaigho we laa wula moni so bakundo doroghu we kakahando dosuli taka mina nowolo, bhe labino desampurue be oe kaforoghundo nomaigho we Mantabua aini. Padaaitu insaidi tahobae nomaimo gus be kagosano kawea. Pada kaawu aitu mieno wadjo itu nokopuna be nowamba-wamba be kolakino liwu, nampona-mpona nofetingkemo birita kalatehando miehindo wadjo we kaghotia Meleura notondumo. Birita aitu norato we liwu, kolakino liwu kansuru dokala dogondoe, gara birita aitu nokotugu. Sakabarihe lambuno mieno wadjo bhe rakyatino notondu ta mie kumano meowawa birita we kolakino liwu patametunduo. Kampo metonduno aitu nombali laa dokonae motonuno . pada aitu kolakino liwuMantobua noforatoemo rakyatino panamabali dosampurue raahula oe nahha.

5.

Sage Kinoliwu oleh La Ode Ngkoda

Okinoliwu ini nokoanaghoo Adhe Anaana. Adhe Anaana ini noowa-owae inano wela ghaibu setaghu-setanga. Narato nolente segholeo omuruno nofumaamo sekontikalei, regholeo rakonti, tolugholeo tolu konti, fatogholeo fatokonti, lima gholeo lima konti, nokapo fitugholeo nofumaamo sewili. Nokapo sewula nowolomo kalei weloliwu. Pasina nofumaamo pae, semula sekadu, rawula rakadu, toluwula tolukadu. Norato setaghu nosombamo idjano bhe inano. Noforompumo raeatino liwu idhano. Notududa daetugho pughuho bhake nhalano, nopula kaawu dotudumo Adhe Anaana nakumantafee, mate-matemo nopula nokantafee Adhe Anaana. Mate-mateno dosuli doforatomo idhano ambado nomatemo Adhe Anaana. Pasino dopoalo anemo. Noratomo efituno nando de dharusu kuraani gara noratomo Adhe Anaana bhe katongkuno sauno, saratono noghoroe tewiseno kamalin idhano. Ghoti kagaundo nagha nopadae nofumaae bhe popomaano. Norato fitugholeo nosussa anemo tora idhano. Notutudamo tora dae bhalole kantusangia, maka dotutu Adhe Anaana. Nakumantafee we panda. Mate-matemo notaburie ambado namatemo Adhe Anaana. Dopoaloanemo tora ndoidhano bhe inano. Nando dedharusu kuraani noratomo tora bhe katughuno sauno. Ghoti kagaundo nopadae tora nofumae Adhe Anaana. Nopandadehaomo kaawu lalono norakue idhano neferabumo kapulu fitu rofa kawera, fitu rofa kawanta. Nerabu anemo bhakuno, fatoghonuu ghunteli. Nokoka kaawu bhakuno nokalamo. Fatofulgha maka nofumaaae bhakuna, nofumaae sepaku . mate-mateno norato ne seghonu liwu nopogawa ghoomu Adhe Meholotono Girisa, pasino dopoangkamo dorudua. Pasino nofeenamo Adhe Meholotono Girisa, ambano dakumala nehamai ini. Tadakumala amba Adhe Anaana sara moghane. Gara dopoghawaghoomo tora Adhe metampano Bhoru. Dokalamo tora dototolu. Gara dipoghawahgoomotora metampano Ure, pasino dokalamo dopopaa. Dorato ne tompano napa gara sabhangkano totoluno nabhe mandeno lumenino. Adhe metampano Ure nokoloe, Adhe Mebunatino Bhoru noghatie ne suanano, Adhe meholotono Girisa noghatie ne kemano. Pada aitu noforatodamo ambano ghondo-ghondo kaetamu teewise nobhari kenta sori. Gara doworamo kenta sori, dobisaramo okenta sori Adha Anaana. Tana pefitu rofa kakodhono nobheraemo nofetolu bhera. Notudamo daeintara sebhera semie. Gara doratomo neenapa ini nopula kamalinoa kino liwu. Adhe Anaana tobisara , okamali rumatono wa ompu dopopaa, semie sebhera deintara kenta. Pasino semieno neintara kaplu fitu metere kaware.

Soba kalaghondo kaetaamu domaighoo naini. Gara norato dobhasida ambado nada kopaea. Dosulimo tora doforato kinoliwu, ambando mina dakumiido waompu maka miina dakopakea. Daewa andamo pakea, abhadhu , obheta pada aitu dofonimo. Afetingke bhiritano ambaamu nohali dedea bhe damowanu kamaliku ini. Umbe waompu ane bhe katulu mino kasemie-miehano. Defealamo oe ne bhalobu kapute maka noferebua, pada aitu nolikimo lambu fato-fato walae. Dasimopi-mopiloha waompu mahingga intaidi. Mate-mateno dopilo nosiduane pundano sori, mate-mateno nowula kinoliwu gara kamalinno nowanumo. Pasino nabisaramo kinoliwu , kalambeku dopopaa ambano tamepilimo so sakawimo. Gara adhe anaana nokiido, nofokawimo Adhe Meholotono Girisa. Amba Adhe Meholotono Girisa daerabu katandai, detisamo ntanga-ntanga, amba Adhe Meholotono Girisa ane naleleu roono maighondo kanauumu aosaki itu. Dopolimba ghoomo tora tehi, gara nopula tora lambuno kinoliwu. Nofowanuemo tora Adhe Anaana, nosidu ane labuntano sori neintara Adhe Mebunano Mboru. Kinoliwu nagha anano dototolu, nofopiliemo gara Adhe Anaana nokiido nakumawi. Nofokawimo tora Adhe Mebunano Mboru. Pada nofokawi Adhe Mebunano Mboru dokalamo dorudua. Gara amba Adhe Mebunano Mboru daerabu tora katandai ontanga-ntanga, ane nalleu roono maighondo kanauumuaosaki itu. Dopolimbaghoomo tora seghono liwu gara nopula tora kamalino kinoliwu, nosidu ane fotuno soritantadeno tora. Gara okinoliwu ini dorudua tora anano. Nofopilidamo tora kinoliwu. Gara Adhe Anaana dokiido tora. Nofokawimo Adhe Metampeno Ure. Derabumo tora katandai. Pasino nokalamo

nomoisa gara noratomo seghonu liwu nowolomo mieno nopadada gurudha. Nopalikomo liwu anagha nomaigho te tompaampa we setompano, gara mieno nowolomo domate. Pasino nofonimo telolambu ne tepa ganda. Gara naando wuntano netepa ganda noratomo kamokula robhine. Aesalo mpuu dhe Anaku insaidi ini laokawuno nopada kasami gurudha. Aotehi ghoo gurudha amba Adhe Anaana. Nofwono mie gurudha nosampumo nomaigho te lani nopee te wawono sau fato mitere kalangkeno. Noalewi ane kapuluno nosampu ngkaale-ale, pasino nofonimo tora netepa ganda. Nobisaramo tora kamokula anagha ini ambano nopada kasami gurudha. Gara nolimbamo kalambe kapasole nomaigho weloganda. Adhe Anaana nosipuli. Nobisaramo kamokula angha kaasi ana rambigho wulu fotumu kolaki itu, hadaeno somu sakawimo. Napeompulu meniti nosadaramo Adhe Anaana. Soba Wa Ina meala kaeta oe ne bhalobu dokadiugho liwi ini bhahi dodadi komate-matehino. Neferebua oe maitu nokadiu liwu notanda we tompa ampa we tompa. Pasino nosulimo we lambu kafonihano wawo maka netepa tora ganda. Gara defetingkemo suarando mie, oanahi, okamokula, oanamoghane, okalambehi. Gara kalambe maighonoo weloganda nagha anano kinoliwu. Dofokawiemo be Adhe Anaana pasino Adhe Anaana dosankeemo nembali kinoliwu.

6.

Dongeng Jenaka kabore-bore

Nando djamani wawono,ne karumbu, noando robhine be anano moghane. Anano ait dokonae Kabore-bore. Ina be anano aitu noasi ane late ne itu. Nando suatu gholeo, Kabore-bere nokala we karumbu, patujuno notado tando. Kabari tandono, nando ompulu maka notaghoe kosibarahae. Regholeomo, Kabore-borenokalamo nokalamo noghondo tandono. Gholeo aitu, kabore-bore be radjakino. Kabari manu kampo nekona ne tando. Kabore-bore nobaru sepaligha. Taka mina nopandehaane ghuluhano mano kampo aitu, maka nofofilehie kosibarihano manu kampo. Maka nothudue no kala we lambuno so nosalo kaforoghu ne inano, ambano afofileangkoe maka kamesalo foroghu ne inaku ambano Kabore-bore ne mano kampo aitu. Taka,ahaeno mombalino manu kampo aitu nofileimo we karumbu. Pada aitu, Kabore-bore noforatoe inano nobari mano kampo nerako, ambano inano nehamimo mano kampo aitu. Nobisaramo Kabore-bore mina nomaigha ne ini no salo kaforoghu ne hintu ? wah, soano pedaaitu kone, mada kaau tabeadatumapue. Naewine tora, Kabore-bore nokala we karumbu. Norato welo karumbu, Kabore-bore nowora lambunoani. Minamo nokofikiri wanta, kansuru nokoboe. Kosibarahae oaini aitu domamara, Kabore-bore dosiae sampe hula be fotuno no kowiwio. Eee! Soano peda aitu kone! Tabea dakumantunue amba ino. Aini tora Kabore-bore nokala tora we karumbu beneowa solo. Nakodoho nokala noworamo rusa nolodo. Maka fokarimba-rimba nokantunue. Rusa aitu nokoghendu maka notende fokarimba-rimba. Noforatoe tora aitu ne inano. eee, soano peda aitu kone, tabea dalumoghae amba inano. Gholeo madakhawu, Kabore-bore nokalamo tora we karumbu be neowa kalogha. Mina nokodoho be aitu, nomora omie dopoghiira. Mina nokofikiri ne wanta, Kabore-bore kansuru nologhae mie poghirano aitu. Dosimateha korudhuahae. Nekapunane tora ne ianano. Dadi inano nososoane podiuno anano aitu. Maka noforatoe tora panaembali mie poghirano dalumoghae tabea dopoghatianda. umbe! wambano Kabore-bore. Newine tora, Kabore-bore nempalipali tora we karumbu. Mina mompona noworamo tora kadue doko tandu. Notifehulai wambano inano, anenewora poghirano tabea dopoghatiando. Maka. Kabore-bore napoghatiandakadue aiu. Taka noka meri-meri, Kadue

aitu notamdomo Kabore-bore aitu . Dadino aitu Kabore-bore kansuru nondawhu maka nomate. Matemo Kabore-bore.

7.

Fabel Obeka be Wulawo

Djamani wawono nondo sehulu obeka robine taka dosunsae moghaneno ne soririno karombu wakutu aitu obeka robine aitu nando nobala taghino. Padamo nolente anano obeka aitu minamo nokala gondohi kafumaaha, rampahano nodganie anano. Nifumaahano kampona aitu kadadi-kadadi karubu pedamo wulawo bhe manu-manu karubu moliuno we kalatehano obeka aitu. Padamo nobala anano obeka aitu nofekirimo, nombali hadae arunsae anaku maka akala gondohi kafumaaha we tamapa sigahano rampahano kamponaha aini minamo aeghawa kafumaaha. Wulawo minamo noliu netampano. Obeka aitu nobotuemo so gondohi kafumaaha we tamap sibahano be norunsae anono moisa ramapahano tampano aitu fekirini no amani. Pada norunsae anano nopesuamo welo liwu wakutu norondomo gholeo, noliumo ne soririno kantaruma omanuno miehi liwu patudjuno. Kansuru norakoe seghulu maka nofileimo rampahano nofehingkehimo mefebuhano omanu aitu. Obeka robine aitu dohambae miehino liwu. Noratomo maigho nosibu omanu, noworamo anono nomate. Pada nofumae kaalano aitu. Nokalamo gondohi haeno mepongkono anono. Ane jmepongkono kadadi karubu maka anoa moisa naepongkoe, taka ane kadadi mepongkono anono kabala maka noforatoe ne okadue rampahano okadua wakutu aitu nombali radja. Obeka aitu nogondohi kansuru haeno mepongkono anono, wakutu aitu noworamo orusa nopunda-punda be notende. Obeka aitu kansulu noforatoe okadue ane anabo nomate nofindahie orusa. Oradja noparintangie orusa rampahano noando kafaraluno sepaliha. Waktut no rato orosa nobisaramo soano anoa mepongkono anono obeka. Anoa no punda-punda be notende rampahano nando manu-manu nopatopato osahu maka konahinke okaewa norato. Oradja nobasimo tora manu-manu, manu-manu aitu nobisaramo tora soano anua mepongkano anono obeka, anoa nopatopato osau rampahano nando ondau nopotalala we wite melangkeno dopake badju kapute konahinke nanumando pogira-girano welo liwu. Radja dobasiemo tora ondau. Radja nobisaramo noafa ondau nopotalala we melangkeno maka nobalomo ondau rampahano obiku nogonto lambuno fekatangkatangka konahingke nando pogiragirano we liwu. oradja nobisaramo ane ondau mina nohala. Dobasiemo tora obiku,

dofenaemo noafa mengontoe lambumu fekatangkatangka, obiku nobisaramo, ambano agonto lambuku rampahano kalapiti notenbe be kaloghano konahingke nanumando pogira-girano rampahano wulalo notende bhe nokohide-hide, nobisaramo wulalo ambano norabu peda aitu rampahano notehi obeka. Obeka nopongko kansuru maka nofuma wulawo pedamo kafemata kamukula wawawo. Katudjuno radja nobisaramo ane norabutora pedaitu obeka maka obeka dotorongkoe. Nobalomo obeka ohae maknano dotorongkoe ane anoa madanamatemo. Maka

dotorongkoemo obeka bhe dodjaganie kansuru. Patamo tolutaghu obeka dotorongkoe maka dofolimbaemo. Wulalo noworae obeka dofolimbae. Wulalo aitu bepatudjuno so nosalo maafu ne obeka taka wulalo sigahano nokido , nompona kaawu andoa dokalamu salo maafu ne obeka rampahano dokohengke nomandamo. Wolalu noratomo tewise lambuno obeka maka dofointaramo maka notudue dupesua welo lambu maka noghontoe tora pada doposua. Obeka aitu norakoemo tora wulalo, nando mofileio taka kabari dua metono. Ampa ani obeka be wulalo dopohalati.

Keterangan : Dalam kebudayaan suku Muna tidak ditemukan adanya prosa lama bentuk drama. Hal ini, karena wilayah Muna pertama kali dikuaasi oleh kebudayaan yang bernafaskan Islam sehingga drama tidak ditemukan di daerah Muna. Terkait dengan prosa lama yang berupa sejarah di daerah Muna, menurut sumber yang terpercaya dalam hal ini orang-orang tua dulu menyatakan bahwa sejarah di Muna ada seperti sejarah Sawerigading. Namun, belum penulis temukan karena sulitnya menemukan sumber yang mengetahui jelas ceritra tersebut.