Rahmawati ghuru MTsN 1 Pamekasan

SYI'IR AMOLJE AGHI GHURU

Santre se lebur abekte ka guruna

Se ngastete ajege tengka gulina
Ka’dhinto tandha santre bekal ontongnga
Salamet e dunnya Barokah elmona
Manabi ekon pakon sareng guruna
Liduli karna deri sakeng getena
Mon prappa’na bede e ajunna
Nonduk ta’ Bengal maongak ka muwana
Ta’ olle hokomma ngolok dhe’ guruna
Kalaben nyebut nyama aslina
Tape kodu egelluin sabelluna
Kalaben pangkat kamolje’enna
Wekto acabis nonduk siyom astana
Kalaben bibir elong benni deina
Lik-belik tello kale lebbi otama
Kalaben ngareb ridho ben barokana

Fainnamal mar’u bi asroroihi – Laisa birijlaihi wala yadaihi

Lisanuhu wakhol kuhul murobkabu fishodrihi wadaka kholqun ‘ajabu

Bile ngagungi guru se gempang dhuka

Abe’ pasabber Ikhlas ben panarema
Payakin je’abek keng epateppa’a
Karna abe’ kalero ebecce’a
Selakar kodu lebbi ekatako’e
Bile guruh ta’ pate dhuka ka santre
Dhuka seddina sobung se ngataoe
Manabi tak ngastete lebbi nolae
Musibe manabi semma’ dhe’ guruna
Pas ta’ bisa ajege tengka lakona
Tor kadheng bede sesampe’ ce’sarana
Guruna epade agi ban kancana
Masemma’ yatoragi sobung larangan
Korsenga’ angguy tatakrama se sopan
Ngastete ajege dhe’ ka parasaan bide agi
Kaguru ben sakanca’an
Fainnamal mar’u bi asroroihi – Laisa birijlaihi wala yadaihi
Lisanuhu wakhol kuhul murobkabu fishodrihi wadaka kholqun ‘ajabu

Lamun tor mator pabegus angguynah

Jek le toleyan bile e ajunna
Ewakto tor-mator ngala’ saparlona
Aje’ mata’ sae kapanggelienna
Bile prappa’en bede edelemma
Ta’ kengeng nok tok dhe’ ka labengnga
Nantos elowar sambi nondu’ mowana
Sampe’ mejil ben mareksane parlona
Molje agi potrana ban lebelena
Rasogen, tete’na ben di’ andikna
Mon epakon asapoan e dhelema
Pabunga niat aberse’e atena
Manabi esettong wakto edhikane
Je’ ngenteng agi pakaburu cabisi
Kalako sadeje se ekasokani
Sala gi’ ta’ sala ka Allah toro’e

Fainnamal mar’u bi asroroihi – Laisa birijlaihi wala yadaihi

Lisanuhu wakhol kuhul murobkabu fishodrihi wadaka kholqun ‘ajabu