BAHAYANA WARAMPARANGNGE

Oleh, Ust. Wahidin Ar-Raffany, S.Ag., M.A

‫الحمد هلل رب العالمين والعا قبة للمتقين و أل عد وان اال على الظا لمين‬
‫الصالة والسالم على رسول هللا و على اله و صحبه ومن وال‬
Sininna tau matoa malebbiku engkae hadere.

Rilalenna atuo-tuongeng linota, parellu manekki riasengnge waramparang.

Pa’galungnge sibawa pa’dare’e parellu waramparang. Pedangkangnge parelluto
waramparang. Pegawaiye paimeng parelluto waramparang. Mancaji pejaba’I taue
mala’deto napparelluang yasengnge waramparang. Bahkan orang yang masih sekolah
pun sangat membutuhkan hal ini. Iyanaro nakkeda Anre Gurutta tau panritae, iyatu
waramparangnge, “Mappakkasiasi kodegaga, tetapi narekko engka mappanrasa-rasa”.

Narimakkuannaro, pada tapakkeguna madecenni sininna keahliatta sibawa

keterampilatta untuk sappa’I pappedalle’na PAT sarekkoammengngi namadeceng
atuo-tuongeng linota. Naekiya aja nassabari nakarena waramparang isappa,
gangkanna takkalupaki passadiangengngi bokong aleta lisu ripammasena PAT.
Narampei nabitta Muhammad SAW makkada;

Battuangenna;
Tuntu’I jama-jamang linomu samanna maeloko tuo mannennungeng, anrengnge
tuntu toi jama-jamang akhera’mu, samanna melono mate baja.

Akkatana iya hadde’se’ewe, nalorengngi nabitta sarekkoammengngi tumattongeng-

tongeng makkareso sappa’I waramparangnge tetapi aja laloki gaga takalupa nassabari
nakarena waramparang.

Sininna tau matoa malebbiku engkae hadere.

Tetapi kenyataan yang sering kita saksikan, maega ladde silessureng selletta
samanna irita nallupai amateangnge. Karena mendapatkan kekayaan yang melimpah
yarega tomakkada sogiini, nabolaini sipa matanre atie. Gangkanna macingkanni
nasibawai tempo narekko mabbicarai. Napandang entenni sumpulolona. Bahkan dia
tidak segan-segan mengatakan kepada orang miskin bahwa “taniaje bangsamu
wedding sibawa iyya. Ngga Level dong.

Sininna tau matoa malebbiku engkae hadere.

Iyana hikmah maraja maelo nappasengeng PAT narampengngi nabitta Muhammad

SAW kissana siddi tau sogi loppo ri lalenna akorangnge riasengnge Qarun.

Iyaro Qarun umma’na Nabi Musa a.s. Riwettu deenapa nasogi, rajing ladde pigau’I
pasuroanna PAT. Gangkanna engkana nengka siddi wettu nabbicara Qarun sibawa
Nabi Musa napodangngi makkada, “E…. Sappo. Ellodoangeng ri PAT naweddikka
sogi”. Makkadai Pangulutta Nabi Musa a.s, “Magije’ro mumaelo yellodoangeng
sogii. Deega muitai tau sogi’e makaeega macigau. Napandang enteng manenni tau
peddi’e”. Mappebalini Qarun makkeda, justeru iyanatu ampai maeloka yillau
doangeng usogi. Cauna napandang enteng tao sogii’e.
Gangkanna mangingngini Nabi Musa idesa’ okko Qarun, naillau doangenni ri PAT
makkada E… Puang. Tawerengngi asogireng Qarun sarekkoammengngi
narasakangngi rejjinna riasengnge Sogii.

Sininna tau matoa malebbiku engkae hadere.

Takko itarima tongenni paddoangenna Nabi Musa pole ri PAT, gangkanna

sogiladde’ni Qarun. Narampei Anre Gurutta Tau Panritae makkada onro ladde’na
sogii Qarun, iyaro waramparanna napattamai rilalenna pettie nappa nagoncing.
Gangkanna namoo goncinna petti waramparanna Qarun liwe’to eganna. Narekko
maelo’I riteke iyarao goncing pettie, naipassadiangeng nyareng magala’e mattekke
pituppolo (70) deepa nullai tekee manengngi iyaro goncing pettie. Nappai goncinna,
taniaparo ise’na pettie. Iyatonaro wettu natakkalupa ladde Qarun.

Riwettunna takkalupa Qarun ipangjaarini ri Nabi Musa naripoadang makkeda ;

Akkattaana ;
E…. Sappo, aja mumatanre ati. Nasaba majeppunna PAT, dee napojiwi tau matanre
atie.

Nappebalina Qarun makkada ;

Akkattana;
Iyyami ampai sogika, nasaba iyya matoha macca berusaha. Magi naengka PAT
irampe.

Sininna tau matoa malebbiku engkae hadere.

Punca’na atakkalupanna Qarun, engka nacorita nabitta Muhammad SAW rilalenna

haddese’ Qudsie makkada;

Engka nengka siddi wettu namaelo Qarun massu Carnaval (pawai). Napassu manenni
sininna waramparang nabolaiye sarekkoammengngi nitai tau linoe makkada
de’tongenna gaga tau mullai cau sogi’I Qarun. Gangkanna namo nyareng pattekeena
napennoito ulaweng. Iyatonaro wettu naicalla Qarun ri PAT. Sininna laleng nolae
Qarun sibawa waramparanna, langsung terbelah. Gangkanna ilabui Qarun lollong
waramparang, lollong pengawal rilalenna tanae. Purana ilabu Qarun sibawa
waramparanna tattutu’ni paimeng tanae tampa bekas. Iyanatu nassabari naengka
mopa tau sappa HARTA QARUN.

Sininna tau matoa malebbiku engkae hadere.

Okknie Monroe bahayana riasengnge waramparang. Narimakkuannanaro, ajamo

namaladde ri banggakang waramparangnge. Ajamo namaladde’ki terpesona narekko
engka sijitta yarega bali bolata sogii. Nasaba narekko dee namakessing batewe
lolongengngi bahaya ladde’ risesena PAT. Makkotoparo paimeng narekko engkani
ibolai nadee namakessing batewa balancai, lebbi bahayapi lao ridi.

Olehnya itu sininna tau matowakku, pada tapakkegunani waramparata rilalenna

muurusu’I agamana PAT pada-padanna bantui sikola agama weddingnge passalama’I
agamata, anrengnge passalama’I masa depanna umma sellengnge beberapa tahun
yang akan datang. Tapegaiwi bantui padatta ripancaji. Tapassu’I sekke’na
waramparatta, sarekkoammengngi naweddikki napassalama ri lino nenniya rikhera.
Wallahu Yatawalla Shalihiin
Wassalamu Alaikum WarahmatulahiWabarakatuh.