BAKTE

Are mancar dhari temor

Ros-terrosan salanjangnga omor
Atoro’ dha’ ka parenta Pangeran
Agnte bakto agente jaman

Odhi’ paneka coma sakejja’

Kaangguy ibada banne agaja’
Tore jeuwi parkara juba’
Sopaja daddi salametta aba’

Patak’ dha’ ka Guste

Tor ajaga gulina ate
Ja’ loppa abakte ban ngastete
Sabellunna odh’ atemmo pate

PONDHUK LUK-GHULUK

E ka’dhinto bula ngabdi

Nyare elmo
Torajar ngaji
Sabban are bula eator

Nyare elmo ka bara’ ka temor

Sanjjan bula paggun budhu
Samoga’a olle berkat kalaban atoro’ keyae tor sadaja ghuru

ASAKOLA

Saamponna are metto dha’ ka DUNNYA

Bula asakolaabareng ca-kanca
Ate bula arassa bunga e sakola’an
Sabab ngaolle elmo dhari pangajaran
Namong, samoga sadaja se bula olle
Daddi berkat tor manfaat paparengepon keyae
 TOBAT

Posang ngalengsang rassana ate

Bannya’ dusa se elakone
Sabban are gun mekker dunnya
Makennyang tabu’ ta’ enga’ dha’ ibada

Dhu Guste
Coma dha Ajunan tobat se paste
Kaangguy ngosot dusa dhalem ate

CELLEP

E bakto malam se seppe

Tadha’ jangkrek se amonye
Angen se ngalesser

Ngoba aba daddi ngetter

Pekkeran bula
Ngalengsang
Sebab, cellep ta’ duli elang

NE’MAT

DHU Guste Se Kobasa

Ce’ rajana Ajunan matoron ne’mat dha’ka dunnya
Aropaojen se masegger, angen se ngalesser
Tor laenepon se Ajunan kasenneng

Dhu Guste kadiponapa cara abdina kaangguy asokkor

Sopaja ta’ durhaka
Nyecebi ne’mat se kaator