LIHAT KE HALAMAN ASLI

Nasir Bako
Pemilik usaha bubuk Kopi Aceh di Meulaboh yang tertarik dengan permasalahan sastra dan masalah sosial
dan adat

ME NG IK UT I

15 Peunyaket Hatee Versi Aceh

    

15 April 2011 19:55 |

Data: 26 Juni 2015 06:45

Oleh MNBako
Kutpameu 15-04-2011

Nyang peukutoe malam uroe hatee insan

Limong blah boh ta meuteu oh dalam nadham
Teutop hate han teupikee keubeunaran
Dalam tipe gadoh malee jioh iman

Manusia yang seumpurna geuciptakan

Leupah suci dudoe keuji busuk lam lubang
Oh ta tatilek deungon lisek deurajat manyang
Tapi dudoe tape Peukutuhoe deurajat manyang Tapi

dudoe tape nyang peukutoe benci insan

Hana sunyi ulee ilie uroe malam
Bak poen HASAD iri benci deungon rakan
Hanjeut leubeh oh tangieng gob nikmat manyang

Dua HAQAD teuka dengki gob tapandang

Tamah beunci oh tangieng gob keule ekubihan
Mulai sinan poen krot keneng lam pandangan
Oh gob leubeh geutanyoe ka di lam pandangan pitam
Lee SUUZZAN brok that sangka perkiraan
Ta anggap ngon dalam hate macam-macam
Keupeut Kibir leupah sombong penampilan
Leupah angkuh dengon ceubeuh teuka garang

Limong U'JUB meurasa droe keulebihan

Ureung laen taniet den-den meu sapeu tan
Keunam RIYA pamer harta bermegahan
Seu gob hana bandeng deungon gob nyan

Tujoeh SUM'A geu mita gah kemasyhuran

Beudi tusoe sideh sinoe gob turi nan
Kiban cara geumeugaya penampilan
Cari muka ngon seusama rakan-

rakan Lapan BUKHUL nyang geukeun kliet mempersembahkan

Padahai leubeh deungon laen nibak
goban nyeuk
Fakirre putoh han peu pajoeh gebrie pih tan

Nyoe bak ma'siet geupeutubiet tan catatan

Bak agama limong reutoh pembukuan
Gob nyan dikeu urutan poen joek sumbangan
Bacut tan weuh bak keuneuleuh lam pikiran

Keu HUBBUL MAL keusikureung ulon peutrang

Harta beunda that geucinta uroe malam
Romoh mewah moto lagak kesayangan
Inong tari aneuk leukang

Siploh TAFAHUR geu bangga droe cukop manyang

Bangga pangkat bangga bangga seunang
Siblah GHADAB teuga beungeh le peu macam
Meunoe salah nyang jeh hanpa nibak gob nyan

Dua bla GHIBAH tukang upat uroe malam

Meunyoe keu gob hana beutoi lam pikiran
Lee blah NAMIMAH tukang
Keun meulikoet han teumakoet ubak Tuhan

Peut bla KIZIB geukeun dusta perkataan

Di meusulet lagee pijet lunkiek bantai
Nyang teurakher keulimong blah bek tuwoe pham
Nan KHIANAT haba mangat bukon wayang

Meunyoe peugah hana salah kejujuran

Nibak pubuet hanjeut keubuet tan sipadan
Ciri ureanje si munafu
janji ikatan
ran dalam hatee tanyoe rakan
Pane teuka dalam donya keuadilan
Dipat di duek hudep Zuhud keu tauladan
Uswatun nyang takeun-keun jioh reunggang

Nyoe mantong na peunyaket nyan tanyoe simpan

Hanpeu harap keu ibadat syiruga lapan
Bandum hancoe teupuroe
kaki nale apung panggang

Dak lam Shalat hatee hanjab ingat Tuhan

Tapet mata peu kusyuk droe laen datang
Luwa Shalat peulom tanyoe le urusan
Di sinan deuh mulai Takbir Ratul Ihram

Karena hatee lagee bangkee kutoe han ban

Hana pageu bandum di eu dum binatang
Dak ta usee umpama lalat siat terbang
Leuh nyan troeh lom beuthat tarom lom jiriwang

Ngon Zikkrullah ta usee bandum atra nyan

Lailahaillallah dengon lidah ta meukalam
Allah-Allah beudi samboet deungon simbam
Dalam hatee nyang taingat barang kajan

Lam ibadat disinan deuh

ponoe Teupet teubleut rasa mata teungeut keuweut badan
Keuboh yaitu
Le lom laen di daya jen nyang meu iman

Ek ta peuteun nyang ka takeun di ateuh nyan

Laen troeh lom jeut mangat
bron bak amalan Teuka hasut bak teutangga macam-macam
Caci maki iri dengki lom suuzzan

Bek peuduli meunyoe na niet perbaikan

Pubuet laju peu nyang geu yue le mursyidan
Makin tabloh makin hantroeh bak tujuan
Oh kaseb dok tinggai tacok keulazatan

Hana tatee meunyoe katroeh bak tujuan

Tanyoe keudroe han tateupeu gob nyang
pandang Lom Takhalli peugleh habeh luwa dalam
Arah maksut geutanyoe meuheut keusucian

Maka bek na nyang limong blah tanyoe simpan

lam kanden
droe lahee baten latheukalang
Sifeut limong blah sinan kemah bersemanyam
Nyang limong bla hana soe deuh tilek pandang
Oh ka Nyata desya lahee ka geupeunan
Desya lahee seubab jahee pengeutahuan
Hana Ilmee han soe peu engkau joek larangan

Asai punca nibak Hatee dum atra nyan

Perintah Hatee desya lahee Muba roe trang
Mata geulinyueng hidong babah teuka reman
Jaroe gaki ka beurani pubuet curang Geukeun

Takhalli peujioh droe wahee rakan

Masiet lahee maksiet baten bek na sajan
Dak di rayu oleh nafsu bek roeh goyang
Dalam bai-at ta meujanji deungon Tuhan

Nyoe tapeukoe biet mupaloe bak saboh jan

Binasa tuboeh ka ta publoeh lom lam
tap Tapuwoe lom cukop payah wahee taulan
Katalangga sumpah janji ngon aturan

Nyang keuh desya lahee baten inong agam

Beu ek tapoh ta peugadoh dum atra nyan
Oh ka habeh suci berseh luwa dalam
Tahalli trang baroe timoh keubajikan

Lam Tahalli sipeut puji ta lakukan

Ruku 'sujud tadong taduek lam
amalan Mata teungeut baroe jaga ta meumandang
Baca nyang mendapat kitab Hadist dan Al-Qur'an

Babah tasbeh tahmid saheh ngon takbiran

Gaki kapui siblah uneun mendapat tujuan
Jaroe ringan keu gob laen joek bantuan
Di geulinyueng mubaroe deuh bak seruan

Badan kapui bak ibadat teungoh malam

Di ie mata ka ditem roe penyeusalan
Lam Tahalli nyan tapasoe barang kajan
Berlebihan peudeuh-peudeuh pih geularang

Tahalli nyoe tapasoe buet keubajikan

Tapeutaat lahee baten luwa dalam
Seumbah sujud ubak makbud nyang laen tan
Kusyuk ikhlas nyang tamita keredhaan

Kon syiruga nyang tamita nibak Tuhan

Bukon pahala nyang taharap uroe malam
Konversa nyang tatakot brat siksaan
poen bakulu
padang mahsyar- sabee uroe malam
Beuroh lam kon dalam himpon gaseh sayang
Beujeut keu hamba geutanyoe nyeo wahee rakan
Pat geupuduek tadong taduet urusan gob Nyan

Peu syiruga peu neraka geubri sajan

Bek tabantah bek tasanggah wahee taulan
Nyang tahararap tameul tahakee
uroe malamhang keued hamba

Meunyoe Allah ka geuredha pat hambatan

Teuntee geucok geupuduek bak kenikmatan
Lagee ureung na nyang pakat jalan-jalan
Hana mungken ureung diba dijoek beuban

Misee ongkos teumpat tinggai ngon makanan

Ka bandum pree istimewa Tuhan gaseh sayang
Nyan keuh meunan lon ibarat wahee rakan
Antara hamba

Lam Tajalli real lazat tilek pandang

Ka meutumee bineh-bineh kelazatan
Antara droe di dalam droe deungon Tuhan
Mubaroe deuh rasa peungeuh tercanggih

Oh takalon wie ngon uneun munyub manyang

Kana soe poe baroe meusoe lam pandangan
Pandang lahee lahee tilek baten deungon iman
Haqinanquluh nyata Tuhan

Awai akhee lahee baten disinan trang

Baroe meusoe droe pandang droe nyata sinan
Disinan deuh kezuhudan oh gob pandang
Akan donya gadoh cinta berlebehan

Teutangudar harta han teupikee cita manyang

Bukon hanjeut nyang nyang tiyeub bermegahan
Tameuharta raja bek meuhamba nabi
lagi keulalaian Leupah hajat eh seuke

lagi nabi Sulaiman

Hana tuwoe geuseumbah Poe uroe malam
Kaya geutanyoe hatee tuwoe ingat Tuhan
Di Khatijah harta limpah geukeuruban

Lom Qana'ah padup nyang na kecukupan

Beena hasee oh nan sagai mempersembahkan
Hudep taat pateh suroh ngon larangan
Peurintah Allah dengon Rasul geukeurjakan
Peu nyang geu yue han geubiyeu geulakukan
Istiqamah lam ibadah berkekalan
Cinta Allah deungon rasul hantom leukang
Mahabbah hatee cinta sabee Rasul ngon Tuhan

Cinta Allah deungon Rasul leubeh manyang

Dari pada cinta keudroe lam batasan
Baroe ikhlas taibadah uroe malam
Lam sedia pui deungon brat tan hambatan

'Ubudiyah hudep sabee peungabdian

Akan Allah akan Rasul barang kajan
Dong beukong-kong lam i'tikeut wahee rakan
Tameuguree bek teumiree salah jalan

Seubab amal bukon barang keuhiasan

Mita Allah bukon mudah mat ngon reugam
Tapi geukeun hana jioh deungon insan
Ciet leupah toe ngon geutanyoe soe tem pandang

Ohnoe habeh saboh tambeh lam karangan

Ta sanbong lom nyoe na izin nibak Tuhan
Hina dina dhaef fana poe karangan
Han sahoe roeh ngon peu lon loeh ilmee pihtan

Peuturôt prang ancô nanggroe, peuturôt putroe malèe raja; peuturôt napsu malèe h’ana lé,
peuturôt até badan binasa

ADAT BAK PO TEUMEUREUHON, HUKOM BAK SYIAH KUALA, KANUN BAK

PUTROE PHANG, REUSAM BAK LAKSAMANA

BUBEI DUA JAB SEUREUKAB DUA MUKA, KEUNOE TOE KEUDEH RAB, MAN
DUA PAT MEUTEUMEI LABA.

BUYA KRUENG KA TAHE TEUDONGDONG, BUYA TAMOENG KA MEU

RASEUKI.
LAM HUDEP TAMEUSARE, LAM MEUGLE TAMEUBILA, LAM
LAMPOHTAMEUTULONG ALANG, LAM MEUBLANG TAMEU SYEDARA.

MATE ANEUK MEUPAT JEURAT, GADOH ADAT PAT TAMITA.

NYANG SULET KREHKROH, NYANG TOH BOH MIRAH MUKA.

PAT BOH PANAH NYANG HANA GEUTAH KECUALI BOH MIRAH NGOEN BOH
KEULADI, PAT TUTO ATAWA BUT NYANG HANA SALAH KECUALI FIRMAN
ALLAH NGOEN HADIH NABI.

PAT UJEUN NYANG HANA PIRANG, PAT PRANG NYANG HANA REUDA.

TAJAK BEUTROH TAKALOEN BEUDEUH, BEK RUGOE MEUH SAKET HATE.

UREUNG SABA LUWAH LAMPOH, PENG SIRIBEE TINGGAI SIREUTOH.

AMPOEN NA DI IDI CUT, POCUT NA DI SAMALANGA, PEUREULEE BREUH

JAK U TANGSE, PEUREULEE PAKE TRON U BANDA, PEUREULEE KEUBEU
JAK U JANTHO, PEUREULEE PUTROE NA DI KEUMALA.

BAK JIEDUK TEULEUMIEK-LEUMIEK, MUKA TUBAI TEUSEUNYOM-

SEUNYOM, WATEI JI JAK TEUBUNGKOK-BUNGKOK, HATE KUROK JIE
PUBLOE NGOEN.

BAK PENG DUROEH JANGGOET, BAK BROET ALEH DO’A

LAGEE TA MEUKAT SIRA LAM UJEUN, MASEN KEU TABEU HANJEUT TA

PEUTEUN.

LAGEE U MEUNAN MINYEUK, LAGEE DU MEUNAN ANEUK.

LEUNGOE OEN KAYEE KA MEUTEUPEU CICEM, TEUSEUNYOM NEUKHEM

KA MEUTEUHO MAKNA.

MEUNYOE JEUT TA PEULAKU, BOH LABU JEUT KEU ASOE KAYA, MEUNYOE
HAN TA TEU’OH PEULAKU, ANEUK TEUNGKU JEUT KEU BEULAGA.

MEURIRI UROET TA IKAT KEU BEUNTEUNG, MEURIRI UREUNG JEUT TA

BOH KEU RAJA.
NIBAK TA ASEK GET TA ANGGOK, BEU THAT BROK BROK ASAI KANA.

TAJAK BEULAKU LIENGGANG, TAPINGGANG BEULAKU IJA, TANGUI

BEULAKU TUBOH, TAPAJOH BEULAKU ATRA.

ASAI CABOK NIBAK KUDE, ASAI PAKE NIBAK SUENDA.

BAK IE RAYA BEK TA THEUN AMPEH, BAK IE TAREK BEK TA THEUN BUBE,
BEK TA MEURAKAN NGOEN SI PALEH, HAREUTA HABEH GEUTANYOE
BINASA.

BARANGKADUM RAYA IE KRUENG NYANG GEUBILEUNG IE KUALA,

BARANGKADUM BUET RAKYAT NYANG GEUBILEUNG BUET RAJA.

BULUEN PEUNGEUH TAKAWE EUNGKOT, WATEI IE SUROT TAKOH BAK

BANGKA, TASUET GLUENG MEUH SOK GLUENG BALOT, BUET HAN PATOT
BEK TAKEUREUJA.

DI CONG BAK MANGGEH JI MEULOT SIWAH, DI CONG BAK LAWAH

UMPUENG SEUREUNGGA, HATE ULOEN NYOE CUKOP THAT SUSAH, BAK
PEUTIMANG GAH PEUREULEE KEU CINTA.

HINA BAK DONYA HAREUTA TEUH TAN, HINA BAK TUHAN ILEUMEI HANA.

KHEM MEUHAH-HAK SALEUEK IBLIH, KHEM MEUHIH-HIH SALEUEK GUDA,

KHEM TEUSEUNYOM SALEUEK BAK TEUNGKU, KHEM SIGEUTU SALEUEK
ULAMA.

LAMPOEH MEUPAGEU, UMONG MEUATEUNG, UTEUN MEUTALOE,

NANGGROE MEURAJA.

MEUNYOE ATE HANA TEUPEH, PADE BIJEH DI PEUTABA, MEUNYOE ATE KA

TEUPEH BU LEUBEH HAN MEUTEUME RASA.

MEUNYOE HANA ANGEN DI POT, PANE PATOT SUWE MEUPUTA, MEUNYOE

HANA SAPEU NYANG DI TOT, PANE PATOT ASAP MEUBURA.

ABEH NYAWOENG TUHAN TUENG, ABEH HAREUTA HUKOM PAJOH.

ADAT MEUKOH REUBONG, HUKOM MEUKOH PUREH, ADAT JEUT
BEURANGKAHO TAKONG, HUKOM HANJEUT TALANGGEH.

DI LAOT KA SAPEU PAKAT, TROEH U DARAT LAEN KEUNIRA.

HAK BUYA DI DALAM KRUENG, HAK RIMUENG BAK BINEH RIMBA

MEUNYOE GET LAM HATEE, LAHEE BAK IE RUPA, MEUNYOE BROK LAM
HATEE, LAHEE BAK PEUGAH HABA.

PAT RANUB NYANG HANA MIRAH, PAT PEUNEURAH NYANG HANA BAJO,
PAT TUTO NYANG HANA SALAH, HANA BAK TEUNTE NA BAK DUDOE.

TAHEMAT YOH MANTOENG NA, BEUTEUGOH THAT YOH GOH CILAKA.

TEUNGOH TEUGA TA IBADAT, TAHAREUKAT YOH GOH MATEE.

UDEP SAREE MATEE SYAHID

ULEUE BAH MATEE RANTENG BEK PATAH, BUT BEUJEUT GEUTANYOE BEK
LEUMAH.

BEK HARAP PAGEU KEUBEE LAM PADEE, BEK HARAP JANTONG

PEUREULOH HATE, JEUT LEUMIEK TANOH KEUBEU KEUMEUBANG,
LEUMIEK GO PARANG GOB MAT KUASA.

BEUHE RIMUENG DI DALAM UTEUN, BEUHE BUYA DI DALAM KRUENG.

GOB PAJOH BOH PANAH, TANYOE YANG MEUGEUTAH.

LAM GEURUPOH MEUBEK TA PEULEUH MUSANG, LAM RAGA PISANG BEK

PEULEUH TUPE.

MEUNYOE PIJET TABOH BAK SAPAI, KA TEUNTEE GATAI TA TEUMEE RASA,

MEUNYOE SULET TA BOH KEU PANGKAI, KA TEUNTEE KANJAI TA COEK
KEU LABA.

NA GLE JIPEUGOET KEU BLANG, NA RUMOH JIPEUGOET KEURANGKANG

TA MEUEEN CATO BEK LEUPAH-LEUPAH, MEUNYOE ROH BOH 14 MATEE U
PUNCA, TA MEUTUTO BEK LEUPAH-LEUPAH. PEULARA LIDAH YOH GOH
BINASA.

TEUNGKU JAMEUN PIJUT-PIJUT, GADOH KALUET BACA DO’A, TEUNGKU

JINOE TUMBON-TUMBON, GADOH EK TROEN RINYEUEN ISTANA.

TULAK TONG TINGGAI TEM.

WAJEB UROE JUM’AT , SUNAT UROE RAYA, MEU UTANG BAK JUDI,
MEUJANJI NI BAK CINTA, ME UCAP ‘OH BALA, MEU RATEB ‘OH GEUMPA.