Nasehat Marapulai

Puji syukur
Salawat Nabi

Yang terhormat angku-angku niniak mamak

Nan gadang basa batuah
Gadang dek anak kamanakan
Basa dek adat jo pusako
Tuah dek cupak dengan gantang
Seterusnyo kapado urang sumando kami
Nan capek kaki ringan tangan
Capek kaki indak manaruang
Ringan tangan indak mamacah

Istimewa buat bundo kanduang

Limpapeh rumah nan gadang
Ancang-ancang dalam nagari
Awih ka tampek mintak ayia
Lapa ka tampek mintak nasi

Seterusnyo kapado kamanakan kami

Nan mudo salendang duni
Generasi penerus bangsa

Marilah kita bersyukur kepada Allah SWT

Berkat rahmat-Nya jualah kita dapat berkumpul
Berkumpul dalam rangka menurunkan gelar
Pusako kepada anak kemanakan
Mudah-mudahan gala ko diberkati oleh Allah SWT
Dan mudah-mudahan anak kemanakan ko dapek pulo manurunkan gala
pusako
Kepada anak kemanakan selanjutnyo Aamiin ya Rabbal al’alamiin
Salawat...

Limbak nan dari pado itu

Alah dapek kato nan saiyo
Rundiang samupakat kamanakan kami nan banamo _______ kami
turunkan gala _______
Mintak diimbauan galanyo dek niniak mamak ujuang jo pangka sarato jo
urang limo suku

Sebutkan nama dan turunkan gelarnya mintak diimbauan urang banyak

3x

Galako manuruik sumpah sati adaik

Sumpah sati ko bukan sumpah kiramaik
Sumpah sati ko adolah sumpah setia
Kalau lai batua-batua setia galako pasti lancar
Kalau ndak setia pasti tingga
Jadi manuruik sumpah sati adaik
Kalau babuni lanca, kalau ndak babunyi gaca
Dek kada ciek sari, cegak & ciek satahun
Dari pado kito dek kada ciek sari, cegak & ciek satahun, lebih baik kito
babuni
Jadi gala ko patah gayuang jo balabeh, patah kato dipangkanyo
Yoo.. baitu mak datuak

Galako putuih gayuang jo balabeh, putuih kato dipangkanyo

Kito pangka nan ka maimbauan galanyo anak kamanakan kito ko
Baru urang lain nan ka manuruik
Kami berharap (ateh tumbuah) mamak baiak dilabuah nan golong dipasa
nan rami
Di balai nan gadang dan dimasjid tolong diimbauan galanyo

Limbak nan dari pado itu

Tabayang barih jo balabeh
Bana bak andai kato lidah

Guntiang nan dari ampek angkek

Di bao nak urang ka mandi angin
Dipinjam anak kabiaso
Kok nyampang gunjiang jo upek
Sangko sitawa jo sidingin
Baitu kito ka jadi pamimpin sabananyo

Adaik taluk timbunan kapa

Adaik lurah timbunan ayia
Adaik gunuang timbunan kabuik
Adaik kito ka jadi pamimpin tahan upek

Walau kini tabuuang ka mangirok

Kuku nan panjang tak baguno
Bungo mamaga tampuak alam
Kato mupakat nan kuaso
Anggang lalu atah jatuah
Pulang pagi basah-basah
Rajo bunsu kok takicuah
Kampuang halaman lah tajua

Dibao ribuik dibao angin

Dibao pikek dibao langau
Muluik jo hati kok balain
Pantangan adaik di minangkabau

Tatukiak jajak mandaki

Tasidorong jajak manurun
Adak jo sarak kok tasusun
Bumi sahang padi manjadi

Lah baurih bak sipasin

Kok akik alah bajajak
Muluik rajo bunsu ndak nyo masin
Pandai bagaua jo urang banyak

Dago dagi mambari malu

Sumbang langkah laku parangai
Jalankan hak dek rajo bunsu
Bapantang kusuik indak salasai

Samun taka tagak dibateh

Umbai-umbai dudi marangkak
Kiri kanan riak maampeh
Ditangah-tangah rajo bunsu tagak

Curi maliang taluang dindiang

Tikam bunuah pedang badarah
Cameh dibadan ka tagiliang
Ikuti putaran roda

Sia baka sabatang suluah

Upeh racun tabang basayok
Cameh dibadan ka takicuah
Ilmu nan usah dibaok lalok

Batang au ka api tungku

Ureknyo sarang sipasan
Ligundi di sawah ladang
Sarik nan indak baguno lai

Mambu u rajo bungsu kok mambuku

Mauleh rajo bungsu kok mangasan
Budi rajo bungsu kok dapek diurang
Cadiak nan indak ka paguno lai

Jadi supayo budi jan tajua

Paham jaan tagadai
Ingek nasihat urang tuo-tuo kito
Badariang buni panggang bakok
Badariang lalu nan ka suduik
Ambiak nasi jo samba lado
Baru dimulai jo Bismillah
Duduak baduo ma adu sandiang
Sambia maota galak badarai
Sinan lamak mako taraso

Jadi nan paralu bana dek rajo bungsu

Sabalum karajo ko dikakok
Rundiang sabuah ka di sabuik
Latak an bana dalam hati
Pikiakan bana jo kiro-kiro
Naiakkan ka taraju
Liek timbangan hukum sarak
Lai ko didalam ridho Allah SWT

Itulah naraco nan tak paliang

Sarato bungka nan piawai
Indak bakicuah salamonyo

Limbak nan dari pado itu

Tumbuah rampak dihalaman

Pancirengek jo batang kapeh
Tumbuah dibawah rumpun dadok
Duri nan tumbuah tiok tangkai
Aka manjelo masuak ayia

Kok nyampang elok ratak tangan

Ingek-ingeklah kalau diateh
Nan dibawah kok datang ka maimpok
Tirih nan datang dari lantai
Galodo nan datang dari ilia

Ingek-ingeklah sabalum kanai

Urang ingek pantang takicuah
Urang jago pantang kamalingan

Ingek-ingeklah sabalum kanai

Maniti sabalum anyuik
Malantai sabalum lapuak

Biduak dikayuah manantang ombak

Layia dikambang manantang badai
Nahkoda awasi dikamudi
Padoman ko usah dilapehan

Tajam alah celak pun ado

Tinggi dibawah manyimpaikan
Adaik alah sarak pun ado
Tingga di rajo bungsu mamakaikan
Ampunlah ambo dek niniak mamak
Nan gadang basa batuah
Kok salah maaf ambo pabanyak
Nan kadim hanyo sifat Allah SWT

Assalamu’alaikum warahmatullah wabarakatuh

KATO BAIYO

Baitulah malin sutan atau (ateh tumbuah)

Basiang ateh tumbuah
Manimbang ateh nan ado
Tumbuah sarupo ko kini
Elok. Kito cari nan elok rupo sapamandangan
Elok buni sapandangaran
Elok rupo nak samo kito caliak
Elok buni nak samo kito danga
Baa ruponyo kini
Salido jo painan
Tamasuak lareh nan kaduo
Sakali disiko sakali disinan
Manuruik caro nan biaso
Jo mufakat kami bana an

Kok balari-lari parak awak

Tantu tibo diparak urang
Kok dibari kandak awak
Tantu diagiah kandak urang
Baa pandapek satantang itu

URAK SELO PENDEK

E.. basiang diateh tumbuah

Manimbang diateh nan ado
Tumbuah sarupo ko kini
Kok ambo tikam jajak kok gawa
Sio-sio utang kok tumbuah
Mungkin badan juo nan ka manangguangan
Baa rupo e.. kini
Kami nan sagalo alek
Tumbuah karano ditanam
Lareh karano bajuluak
Datang karano bapanggia
Karano karajo alah salamat pihak
Sabanta iko kini dari awal sampai akhia
E.. Kok malin tu ndak baliak ka surau
E.. Niniak mamak jo alek ndak pulang katampek masiang-masiang

BUKAK KATO

a. Ooo sutan
b. Yo, ambo

a. E.. basiang diateh tumbuah

Manimbang diateh nan ado
Tumbuah sarupo iko kini
E.. tantu ndak lapeh kito dari barek sapikua ringan sajinjiang
Kok iyo barek sapikua ringan sajinjiang hilang tantu kito cari,
tabanam kito silami
E.. pihak dunsanak nan datang ado juo nan ka dinanti-nanti lai
(mananti)
b. Diambiak kato baiyo
Baitulah bagindo
Lah dapek kato nan saiyo rundiang
Samufakat antaro kami jo anak kamanakan, disigi niniak mamak
Lai ditapiak bandua, titingkek janjang
Pado hari kini ko manantukan hari baralek
Kamudian anak-baranak ipa pabisan bako pasumandan
Sarato jo urang sumando
Umpamo alah cukuik sakian dari ambo

a. E.. lah sampai sutan

b. Umpamo alah

a. Kalau lah hilang lah bacari

Tabanam lah basilau
Hanyuiklah bapinteh sapakaik kami dunsanak nan datang yo
batingkek an
b. Ambo lah didalam itu pulo

a. A.. baitu lah sutan

Litak jo panek pun lah lapeh
Paluah didado pun lah suruik
Rokok sabatang pun lah abih
Makan jo minum pun alah pulo (ateh tumbuah)
Tapi sumantang pun baitu
Lai nan takila dimato, nan taraso dihati
Kato sapatah ndak ka manyabuik
Kabanaran maka ka tangahan
Alah buliah kami ka lalu

b. (kato baiyo)
A.. baitulah bagindo
Lah dapek kato nan saiyo sarundiang samufakat
Dek kami pihak dipangka, lah sapanjang imbauan bagindo tadi
Kato sapatah ndak ka manyabuik
Kabanaran ndak kama ka tangahan
Kan baitu bana bagindo

a. Yo.. lah

b. Kami luangan jalan bakeh lalu

Kami kana an janjang bakeh naiak
Bao lalu lah dek bagindo
a. E.. tarimo kasih banyak
Tapi sumantang pun baitu
Kato jarang dibulati, kato basamo dipaiyoan
Kami paiyoan dulu

(imbauan urang sumando ma antaan carano)

E.. lah sampai pakiriman urang sumando kami sutan

b. Umpamo alah

a. Kok iyo umpamo alah sampai

Talayang siriah jo pinang ta unjuk
Rokok jo timbakau ditatiang janang
Tak bagawa balampih balipek kain
Saparah kato tak sudah
Kok hilang bana dimato, namun dihati ndak ka hilang
Baa rupo e.. kini
Siriah sakapu mintak dimakan
Rokok sabatang mintak diisok
Sekian dari ambo

b. (kato baiyo)
Baitulah bagindo tantangan siriah nan katangah
Siriah sakapu umpamo lah kami makan
Rokok sabatang umpamo lah kami hisok
Tapi samantang pun baitu
 Balai ma adang pulau
Mamanah manuju tampuk
Apo bana mukasuik bagindo
Sekian dari ambo

a. Lah sampai dek sutan

b. Umpamo alah

a. Kok iyo umpamo alah sampai

Tapi samantang pun baitu
Putuih gayuang jo balabeh
Putuih kato dipangkanyo
Kami silaulah dulu dipangkanyo
Sifat mananti malah sutan

Baitulah sutan
Kan putuih gayuang jo balabeh
Putuih kato dipangkanyo
Lah kami silau kapangka
Yo.. gadang mukasuik kami
Lah dapek kato nan saiyo rundiang
Samufakat antaro anak kamanakan kami
(sianu jo sianu) alah disepakati
Antaro pihak bapak jo mande
Basiang diateh tumbuah, diateh nak ado tumbuah sarupo iko kini
Kami iyo mintak ditantukan baralek
 Hari baiak katiko nan elok dibulan nan tarang
Kok batali samo-samo kito irik
Kok batampuak samo-samo kito jinjiang
Sekian mukasuik siriah kami

b. Lah sampai dek bagindo

a. Sakiro sutan

b. (ambiak kato baiyo) Pulangan

A.. bagitulah bagindo
Lah dapek kato nan saiyo rundiang
Jo mufakat dek kami pihak si pangkalan
Kok kandak iyo biaso babari
Kok pintak iyo biaso palakuan
Tapi samantang pun baitu
Adat diisi limbago dituang
A.. baa dek bagindo

a. InsyaAllah sasuai jo adat nan balaku

1. Hari baralek
2. Hari nikah
3. Uang nikah di st

Adat nan biaso

Paluak = bako
Sanda = panghulu
Kalang kaki = anak
Mandi kapalo = pandik / malin
Talang ayia = limo suku
Talakin = sebaiknyo pulang ka pangka