Sairiang balam jo barabah cabiak lah siriah pinang kami

Balam lalu barabah mandi bak pipatah mangko di singkok

Sairiang salam nan jo sambah bak ibarat mangko di cabiak
Salam lalu salam kumbali sapah nyo bari ba junjuangan

Rajo alam di Minangkabau dek bapak - ibu nan datang

Pamuncak di limo puluah sarato hadirin kasado nyo
Iyo carano urang namokan nak sanang hati sipangkalan

Pihak carano nan mandatang gayuang nan tak usah ka disambuik

sarek barisi kalangkapan kato tak usah ka dijawek
iyo lah siriah dengan pinang jo karajo sajo ba iriangan

Buruang sinurak buruang sinuri

Manari-nari ateh pamatang
Siriah galak pinang manari
Mancaliak alek nan lah datang

mudiak kan sawah di alai

ilia kan sawah taruko
banyak bana siriah di balai
sado iko dalam carano

tanam siriah tanamlah pinang

tanam karakok di halaman
cabiak siriah gatok lah pinang
giliang lah rokok pamenan tangan

ayam putiah tabang Batali

di lurah mangko maraok
batalua di rumpun sariak
anak nyo turun salapan