PARUNDIANGAN DI PUSARO

DI PUSARO

Tuan/Sutan. . . . .

Lai. . . .

Nak barundiang sapatah

Kananlain lah. . .

Kato spatah . . . .

Sabalum kato bajawek gayuang basambuik ambo paiyoan kato sapatah basaba . . . . Mananti

Paiyoan lah ....... basaba ambo mananti

Ba duh . . . .

Biaso kato bajawab gayuang basambuik

Kok singkek bauleh kurang batukuak . . .

Manuruik adaik

Katangahanlah . . . .

Ma . . . .

Lai

Alah nan manjadi buah parundiangan ambo bakeh.......... (*)maagak dihari (nan samalam tadi/
nan sahari nanko) alah garak dari pado Allah alah warih daripado Nabi panjang langkah singkek
tapinto lah bapulang karahmatullah (saudaro kito/urangtuo kito) dihari nan (samalam tadi/nan
sahari nanko) mako bahimpunlah anak jo bapak niniak jo mamak, ipa jo bisan, karik jo kabia
sarato (buek arek karang badagok / urang korong jo kampuang) mambaok kan kato nan sabuah
diratok nan babujuak di rangak nan balarai mangko tarhadap (almarhum/almarhumah) di cukuik
saraik jo rukunyo partamo dimandikan, kaduo dikapani, katigo disalatkan ampek takabia lah
bapatikan dengan doa, alah saiyo niniak jo mamak sarato pangka tuo mairiang urang nagari
mambaok (almarhum/almarhumah) kapandam pakuburan katanah nan lambang karumpuik
nan layua ka alam nan sunyi, ba sakarang kini nanko alah di samparonokan Allah pun baitu anyo
lai .------->••
• Di medan duo tarantang, partamo medan nan bapaneh kaduo medan nan balinduang, ba
di medan nan bapaneh di caliak laia pandang rupo balaia lah sampai ka pulau bajalan lah
sampai kabateh, ba di medan nan balinduang manjadi kandak silang nan bapangka karajo nan
 bapokok nak mangisakan niniak jo mamak sarato urang nagari dari medan nan bapaneh ka
medan nan balinduang :
> (laki²) - medan balinduang tampekno duo nan
partamo
Rumah anak di............ nan kaduo rumah kamanakan
di...........
> (padusi) - tampekno di.........
• Nan kaduono di barek nan kabapikua di ringan nan kabajinjiang tantang hari kamanjapuik batu
harino hari akaik bisuak tampekno di simpang taman iko nak duduak baiyo tagak baramuah
jo.............. kandak mintak di bari paintak mintak di palakuan sakian buah patundiangan nan
baanta sampai bakeh.............

___________________________________________________________

DI PUSARO MANJAPUIK BATU

Alah nan manjadi buah parundiangan ambo bakeh.......... ditiup-tiupkan hari di bilang-bilangkan
malam lah tibo dihari nan sahari nanko di barek nan samo bapikua di ringan nan samo bajinjiang
kabukik lah samo mandaki kalurah lah samo baturuni labuah nan golong lah batampuah jalan
nan pasa lah baturuik dicaliak jauah nan balayangkan ampia nan batukiakan tantang batu lah
samparono tibo di tampeknyo pun baitu hanyo lai, ->
• Di medan duo tarantang, partamo medan nan bapaneh kaduo medan nan balinduang, ba
di medan nan bapaneh di caliak laia pandang rupo balaia lah sampai ka pulau bajalan lah
sampai kabateh, ba di medan nan balinduang manjadi kandak silang nan bapangka karajo nan
bapokok nak mangisakan niniak jo mamak sarato urang nagari dari medan nan bapaneh ka
medan nan balinduang :
> (laki²) - medan balinduang tampekno duo nan
partamo
Rumah anak di............ nan kaduo rumah kamanakan
di...........
> (padusi) - tampekno di.........
Kandak nak babari pintak nak bapalakuan sakian buah paru diangan nan baanta sampai ka
bakeh..........

___________________________________________________________

MAMBALIAKAN PARUNDIANGAN DI PUSARO

Dimaso sabantako parundiangan............. nan baanta ka bakeh ambo kok di ambo lah bapakai
manuruik undang bakato baiyo bajalan bamolah kahadapan niniak mamak nan salingka duduak,
lah dapek bana nan sapai paham nan saukua bulek aia kapambuluah bulek kato samufakaik
supakaik baliau maanta ka bakeh ambo, ambo maanta sampai ka bakeh............... antano di
ambo kabakeh........... suri tauladan kain cupak tauladan gantang, cupak tatagak samo baisi ragi
takambang samo batiru kalauan diateh nantun kandak lai kababari pintak lai kabapalakuan tapi
sungguahpun bak nantun ujuik jo sapo dak bacarai kok ado niniak jo mamak sarato urang nagari
painyo jo mupakaik tingganyo jo parundiangan mintak dilapeh johati nan suci jo mungko nan
janiah di silang nan bapangka karajo nan bapokok
Nan kaduo no di tantang barek nan kabapikua di ringan nan kabajinjiang tantang manjapuik batu
harinyo hari akaik bisuak tampeknyo di simpang taman InsyaAllah ilimu lai kabaama pituah lai
kabapakai iko lah buah barino nan baanta ka bakeh........... lah sampai di ambo...........

Terakhir diubah: 07:32