PATU MBOJO

Sarah Mantika menulispada 25 Oktober 2009 jam 19:13

oleh: Yan Bima

INA

Kawaraku weki nahu bou woko

Nangi ka' Ea tanda da loa ka'ao
Pohu ro sa Rerena nahu ma boupu Roro
Ce'ina Nahu wati ne'e na Co'o

Kawarasi ede na lingi ndai na Ade

Pohu ro Ngiluna wati Ne'e na Ngala
Kawarasi Ede na ndumba Ndai na Ade
Nahu ma maru Midi mbuipu ndi sa Madan

Ede pala Ade na Ina samada na Nahu di Ana

Ede pahuTo'ana Ina maru Pohu na nahu wunga To'i
Ede pahu Ade na Ina maru Ngilu na nahu wati Ne'e na Ngala
ohh..... iNa.....

Sarah Mantika menulispada 25 Oktober 2009 jam 19:13

"KASI PAHU"

Wati taho ndi Pehe kasi Pahu di weki

Dawara dou ma Tua ndi mangoa ro Tei
Mori da Rura wati bae ngge'e Rero
Loko ma Hido wati wara kone ndi pula kai Hodo

Ina ro Ama na Wa'ura weha ba Ruma

Mori ma Pa'i loko ba ndi Pe'e
di Ita Ruma mpa ndi Te'e kaiku Rima
Kasi to'ipu AdeMU di adam ake

Iswahyudin Tolowata menulispada 10 November 2009 jam 4:16

 wati kawati mada doho tolowata
niki ai nai rawi sambea na neo
ba loaku sambea wati cauku mbou
ntuwu raho diruma ede mpa rawi romo

dou ma haji aina mori wadu ra haju

semba ta reko katahopu rawi ruku
watija mpa ngau nee kai ku ngoa
pala supu ongu ndi kawara kai angi

Wati ca'uku roro ba morima darere

Adeku maraso ndadi kaiku ama rasa
ne'e riu ba dou ndi bade ba ita dae
ndadiku kepala desa wati ngupa ku dosa

Sandede wa'u kapatu di wa'a

Wara si ma ncara ta cua kangampu ncore
Nggahi ra kapatu tampu'u kai pata
Wau ra nia ro haja ne'e pata dae haji...

Sarah Mantika menulispada 25 Oktober 2009 jam 19:12

oleh: Rahmad Kempo

Dongaku langi kasamadaku lenga

ku tio si ntara na ngaha kantero
doho kananu kese aka wawo kaso
samonto sara'a ku di ru'u

Do'o di ntanda, wati wara di tende

mori kese wati loa tantu maru
aka rasa dou mado'o la'o dae ra dua
mado'o la'o uma ra ina ra ama

Ku dula si pede ku ne'e poda

wara dou di loa kupedu
di marai ao samena ra ne'e ku iu
di loa kaiku ongu ro di bage kai angi

ipi ku dahu adeku da loa ku eda

 sampela sama na'e ratio ro di ne'e
siwe sama rasa manggahi ra eli raso
maloa eda di ne'e ba ade
maloa di nenti samene di nuntu

mboto poda siwe di loaku siwi

siwe bune ngge'e rompa pala ku ne'e marimpu
siwe sama kampo wati pori dou kempo
siwe ma taho di toho
ma nggahi ra eli ma raso ra alo
mataho di mode ra mori sama sampe si made

Na ndadi poda si dula ku pede

ku ka tantu poda ku nupa dou di pedu
nawara si wati ngenak mbolo wura
ku rakasi wati ntoina ai nain di reke
ku kalosa ku ade di dou saudu
di ngaha sama kai janga siwe mone

KAPATU dou MBOJO

Aina tambari teka si doro tambora

Aina sinci di mai kai ba suncu
Warampa hidi di sia kaimu hido
Warampa nanga di matampu nangi

Wa'usi wara nia aina ngena nai

Lo'o ra langga wi'i paki ra lingga
Piti ro masa aina wi'i kamosu
Teda kaipu tini ade lampa matani

Pori para kapatu'ta paindede mada ti pata tantu

Palasi itade maloa tantu pala tunti patu
Patuta ma hebade wa'ura kone hebo bune haba
Rawaa mu lahabiba

Na ipi ku pata ku dou makapatu ake

Ama moa nunggi maseke ne'e nangga
Ama wihu sambina'e maseke ne'e ni'u
 Ndaiku ama hima rupe mane'e kalili eropa

Nontapa doro tambora nde'i ne'e kaiku tambari

Nontapa moti paman sam nda'i da eda kaiku bune simpa sai.
Konepa ncai karumbu matanta kasapa katenteku
Pahu ipi ne'e ku tana'o tunti ro baca
Teka doro ro moti wati loa mu daro rero mada

Nontapa Teka doro Tambora ndei ne'e kaimu tambari

Konepa liwa moti Paman Sam Ta'edaku bune sumpa sai
Pahu siba na'e na cita2 ro ne'e de
Teka doro ro londo sori wati loamu suru

Kone tapa ba afi makalea ka ngemo mpa

Nggara iwa ro lenga wati wa'u ku lingi kai
Wati karenda ku dawara piti ro masa
Pahu ipi ne'e ku ngupa ilimu ma na'e

Wati wa'u ku ngena nai natu'u mpara niaku

Nggara ba lingga ra pohu de kamoda weaku mpa pahuna
Ba pitima sato'I wati loa nde'I dengga kai tu'u
Waraja iman dei sarumbu nde'I ma kanira ncai saramba na

Samena na ra poke de pahala na aina paki

De pala katandi kaipo poko na aiba ngahamu pekena
Samadapo sarumbu nde'I ma made
Ngahapo ma halal walaupun ngupa ngaha ma da hela
Weha weapu intina, sara'ana nggahi ra nuntu...

KAREKU KANDEI, oleh Adi Lazz Rhall.

wura nawaura mbolo

sampuru lima nai kaina wura
langi maraso dana watidu sarusa
ringaku eli kareku kandei
rawi sampela siwa matutu fare

di salaja doho kaboro kabate

sampela lempo cua tonggu angi
dou di ne'e mawunga tutu fare na'e
 tala ra bila di ru'u satando
dana mbojo macaru taroa

kareku kandei, kareku karuku

kareku kandei ma ou wali
sampela lempo kaboro kabate
kareku kandei makaruku sara'a
sampela siwe mone dikaruku mena
cou mabade raka kai mode
kareku kandeiku ngarana rawi rangina

dambe to'i mampa'a sadopa

ama ra ina, ompu ra wa'i
doho kaboro disalaja mbenco
aina cua paki rawi rangina
dana mbojo macaru taroa

PENUTUP PATU CAMBE

Aina de nee mena kaimu pata ba da loa ku nggahi ra patu,

ai na da nee mena mu rojo ba kani ngara raja,
mada dou nggahi rawi pahu ma nee aina dengga di pehe.

Aina ba da eda mu pahuku di da hina mena kai mu pehe,

aina ka mbora menamu aka mu ba da tau foto ta ake,
mada dou sampula ma toi mee mpalu.

Ake romo di nee midi aka dana nae,

wii paki ku lenga pala ade de na lingi,
pahu ba nae na nia loa ku ra mori sana,
santabe ncore aijana hinamu ncora,
mada dou ndai ma ngena di kande...

Ese na sape wati loa mu di lampa sapa,

dei na woro wati loa mu di da kawara,
awana rora wati di ma loa ncengga rero,edeku dana ra rasamu di kataho ro
karasomu.....
Kombi sandede wau pa samena na cina ra angie wara si ncara de mboto
kangampu ncore.