Manjapuik 

Marapulai
malin : sapokok ,tuan rumah
Sutan : manjapuik. tamu

kini Ma sutan
Ka bakeh sutan sambah ambo tibokan (manitah lah malin)
Alah sambah ambo tibokan kapado sutan,wakaf kalam sakutiko antaro kami
mampalegakan,
Kato adat pulo amal kato sorak maliputi,paham niaik akal bicaro,pena ndak main jo
karateh.
Puntiang ndak suruik ka hulunyo,suruik ka asal mulo jadi,Tapi samantang pun
baitu,Pihak caro ko kini ,kami jumlah karajo nan bapokok silang nan bapangka,kok jauah
makanan saru,nan ampia makanan panggie,lah tibo ditangah rumah iko,kok naiak disiko
disingkokkan pintu ,duduak lah dikambangkan lapiak,siriah talatak di carano sarato rokok
nan sabatang,rundiang lah sudah
kito mulai, tapi samantang pun baitu ,pihak kapado duduak sutan,kok kurang ririk nan
bajaguang ,kok kurang bareh nan bapamatur,hati bana duduak ditapi kok di tangah
,duduak ditangah nan ditapi.nak dibari ma’af kami nan bapokok silang bapangka,tapi
samantang pun baitu,lah mandariang piriang pandapuran,tando jo juadah sudah tasusun
,aia nan sudah tarisi,talatak di muko kito basamo,kok jauah tolong di jamboa,dakek
tolong dijangkau.ambiak aia basuah lah tangan,ndak makan kito basamo
Sakian bana ka bakeh sutan….

Jaweknyo (andai ditulak makannyo)

Lah sampai malin….
Sapanjang buah kabanaran malin itu nan mangilek mangalimantan satabuah katangah2
taserak ka na rami tibo ka badan diri ambo ,itulah kato nan sabananyo.tapi samantang pun
baitu,minuruik pituah malin juo,baibaraik urang babuai,lah diam tali gantuangan .di oyak
jo batang tubuah ,badan nan pulang 2 baliak ,sumangaik nan ilang2 tumbuah,tapi
samantang pun baitu ,malakik badan basalimuik,malaikik tubuah basimangaik ,di tundoh
buaian bagulambek ,kan ba’a dek malin,

Jaweknyo
Lah sampai sutan
Di ambo nan marusuah nan digamangan nan galap jo gulito,siang manjadi angan2 malam
manjadi buah mimpi, iyo lah kato sutah nan sapatah itu.nan pangana budi,hati.ambo
tadi,kandak kok indak ka babari,pintak kok indak ka balaku,namuan sakarang iko
kini,pintak ka raso ka bulieh ,kandak baraso ka balaku,bismillah lah malin ditangah nak
mairiangan kami di tapi.

jaweknyo.(kok masih ingin manulak)

lah sampai malin
Kok bubuh sarang anai2,baribu tobang ka langik ,sikua jatuah ka bumi,kan ba’a malin,
jaweknyo
lah sampai malin
apo lah nan manjadi buah panitahan malin ka bakeh ambo,pihak dek kami jumlah karajo
nan bapokok jo silang nan bapangka,baibaraik barumah di tapi pasie,ndak ditakuik
dilamun ombak lai malin…

(Ndak ado tulaknyo lai do…Hanyo 2x bulieh manulak)

satelah siap makan

pitaruahan marapulai

kini manyo malin

kapado malin juo bana(sambah) ambo tibokan,pihak di badan diri malin ,umpamo kayu
gadang ditangah padang,baurek limbago mantan,ka batang sandi andiko,nan badaun
rimbun di adat ,babungo mungkin jo patuik,babuah kato nan bana,daun ka tampek rang
balauang (kapanasan)bataduah tampek ka hujanan,urek ka tampek rang baselo ,batang ka
tampek rang basanda,dahan tabantang tampek bagantuang,gantuangkan cupak nan
duo,partamo cupak usolli,kaduo cupak buatan,nan dikatokan cupak usolli,nan sakundi
sakundinyo,sapanciang ka tali bajak,kupang jo ameh masuak pulo,di asak indaknyo
layua,dibubuik(dicabuik)indaknyo mati.cupak nan ganok 12 tayie,
Nan dikatokan cupak buatan,ba tapuang kapua jo soda,badacik pinang jo gambie,sasuai
mangko manjadi,saukua mangko takanak,lah janie cahayo adat,lah tarang bungo
pusako,nan baribuik ditimpo rinyai,musim pabilo di pula’i.ibo bak padi saribu,urek
tagantuang ka jarami,rangkiang nan tinggi nan dicinto,musim pabilo ka ditaruihi,pihak
kapado marapulai,ba umua baru satahun jaguang ,badarah baru satahun pinanng,tinggi
karano dek rueh,gapuak karano dek dagiang.gadang tabao dek lingkaran,aka kurang
pandapek balun,baelemu jauah sakali,tapi kok elok latak lidahnyo,baok baiyo jo
batido,panjang kok lai ka mangarek,santiang baok jo mambilai,ka bukik samo mandaki
,ka lurah samo dituruni,kok barek samo manjunjuang ,panjang nak samo dipikua,pihak di
diri badan marapulai,ka panawa badan kok sakik,ka iman badan kok mati,pihak
marapulai jo anak daro ,baibaraik aua jo tabiang ,sanda basanda kaduonyo,runtuah
tabiang ka bakeh aua,pangkua tambilang ka mancarean,sakian pitaruah (imanaik)dari
ambo malin,

jaweknyo
yo lah sampai sutan
sapanjang kato sutan itu,lai di dalam barieh jo bilabeh, didalam adat jo pusako,lah cupak
tagak nan baisi,indak ka lupo jo rasonyo,pihak di badan diri ambo,daulu ambo baladiang
ciek kini ladiang ciek manjadi duo,daulu ambo ba kanakan ciek,kanakan ciek manjadi
duo,indak ka babeda rasonnyo do sutan.lah sanang rasonyo hati sutan…

sasudah itu mintak turun lai….

sabarieh lai ka pado malin mach ,

pihak bak caro iko kini,nan kandak lah babari,namunnyo pintak lah balaku,nan diamal
alah pacah,nan di niat alah sampai,namun sakarang kiniko pihak manjamu nan di malin(si
jamu malin)duduak lamo taraso panek ,tagak lamo maraso paniang,kok duduak nak
maurak selo,tagak nak ka malayunkan langkah,kato sapatah tando izin,rundiang sabuah
tando rela,nak manjalang tampek masiang2 iyo karumah surang2,sakian sajo bana ka
bakeh malin,

jaweknyo….

Lah sampai sutan

sapanjang kato malin itu nan mangilek nan mangalimantan tatabuah ka nan banyak
,tatimpa ka badan diri ambo itulah kato sabananyo,tapi samantang pun baitu,minuruik
pituah sutan juo,baibaraik urang babuai,lah diam tali gantuangan,di oyak jo batang
tubuah,badan nan pulang 2 baliak.sumangaik nan ilang2 tumbuah,tapi samamntang pun
baitu,malakik badan basumangaik malakik tubuah basalimuik ,kok ditundoh buaian
bagulambek .kan ba’a nyo sutan

Jaweknyo
yo lah sampai malin
Di ambo nan marusuah nan digamangan nan galap jo gulito,siang manjadi angan2 malam
manjadi buah mimpi, iyo lah kato malin nan sapatah itu.nan pangana budi,hati ambo
tadi,kandak kok indak ka babari,pintak kok indak ka balaku,namuan sakarang iko kini,asa
pintak lai ka dibari,asa kandak lai ka balaku,lamo jo lambek ambo nanti.

setelah malin barundiang

Kini ma sutan

ruponyo ambo antaro jo sutan tadi ,panek lah jadi parantian,patang lah jadi
pamalaman,dek mancari golek nan sagolek mancari picak nan salayang,namun sakarang
iko kini,kok bulek lah dapek di golekkan,picak lah dapek dilayangkan,dilapeh sutan jo
hati suci sarato muko nan janiah,

jaweknyo

lah sampai malin

pangana hati ambo tadi,kok nan lamo ado upeknyo,kok nan lambek upek di
balakang,namun sakarrang iko kini,nan lamo indak kabasabuik,nan lambek indak ka
dietong,manuruik kato malin tadi Alhamdulillah ka jawabnyo.ibaraik patah jo patitih
,anak urang di pariaman ,ka pasa baduo2,tampak nan dari pandakian,guluang lapiak
sapulah rima ,Assalamu alaikum kami sudahi