Cerita rakyat - lalan belek (Bahasa rejang)

Ade cerito nak imbo ade telago penan menei bidadarei kunai kayangan. tiyep tangal 14
malem purnama si tuun menei nakdi. bidadarei o genne nawang sasi, nawang sari, nawang
lintang, nawang dadar, nawang langit, nawang terang, ngen nawang wulan.

Bulen purnama dik kekedew kileine, tuun baTojoak bidadarei mai penanne galak menei.
Padohal dewa coa meloak tapi sitetep tuun mai bumei. Gidong menei slinang nawang wulan
(putri lalan) laput. Tepaksoba si teninga gensanak – gensanakne, nyatone slinang oh naling
bujang mengkurung dik tinga nak imbo ngen ninik tuei dik cemrito bidadarei oh dik galak menei
waktew bulen purnama. Bujang mengkurung penasaran ngen cerito ninik oh, oba si mageah
nemini kemleak slinang oh ade nakdi.

Karno si suae ngen baes ne bidadarei lajeu bujang mengkurung ade niat kidek lak maling
delai slinang kunai tujuoak bidadarei. Coa ngut peker panyang mengkurung mak dlai slinang,
nyatone slinangne slinang nawang wulan (putrei lalan). Penak cerito bujang mengkurung
betemeu putrei lalan gidong menangis ibo. Bujang mengkurung cek-cek coa tew lajeu majak
putrei lalan belek umeak ninik tuei penan ne tinga.

Bilei mai bilei begitea tobo oh makin paak ngen saling cinto lajew mutus untuk nikeak.
Toboyo kulo nloea keturunan ngen idup senang. Secaro coa sajei bilei oh lalan temmeu
slinangne nak lenget-lenget umeakne. Putrei lalan mengeak serto pateak atoea ngen bujang
mengkurung ahirne si mutus belek mae kayangan serto min anakne waktew oh ba. Bujang
mengkurung menyesoa udem oh temgeak putrei lalan aleu samei mawoak “OI LALAN
BELEK ! OI LALAN BELEK” sayangne coa tengut igei, lalan coa belek igei.

Nama : Mikayla putri faycha

Asal sekolah : SD IT Nurul fikri

Kabupaten : Kepahiang