BAHAN SERMON PARHALADO SE-RESSORT IMMANUEL HUTAGURGUR MINGGU

INVOCAVIT (JOUJOU MA AHU, JADI ALUSANHU MA IBANA)

TOPIK : HATA I DO HANGOLUAN
Ev : Poda 4. 18 -27
Patujolo.
Bangkit do raja Salomo manggantihon amana raja Daud na nilantik ni Panurirang Nathan (I Rajaraja 1:22-
23). Tarbarita do ia raja Salomo ima raja na marbisuk jala na pantas maroha. Ungodangan do sian buku
Poda on na ginurithon na. sarupa tu goar ni buku on Poda, songon i ma nang isi ni buku i. Poda mangajari
angka natoras mis.. poda ni natoras mangajari angka ianakhon na asa unang mago, unang manolsoli
dipudian ni ari. Dohot poda tu angka sundut naumposo (ianakhon) asa burju, patuh tu angka natoras..
Dibagasan turpuknta on ditaringoti do Nasihat untuk berkat dan Hikmat. Asa dohot hita manghangoluhon
dalan ni angka partigor na tudos tu buha siang ari, lam tu tiur na do. Jala asa tapasiding dalan ni angka
parjahat na holom marimpotimpot na so mamboto partuktuhan nasida i.

Hatorangan
Ay. 18 -19. Sipaingot tu angka jolma na mardalan di dalan ni angka parjahat dohot pasupasu tu angka jolma
na mardalan na tigor. Ise na nidokna angka parjahat dibagasan turpuk on? Ima angka halak na so mangoloi
Debata, siulahon hajahato, sipata hera halak partigor alai diroha dohot dipangalaho balik do, Banyak tipu
muslihat na so mamboto partuktuhanna alani golap ni dalan na i. alai molo halak partigor, tiur do dalan na i
jala lam tu tiur na. Yesus berkata “Barangsiapa mengikut Aku, ia tidak akan berjalan dalam kegelaapan
Yoh. 8:12”. Tontu ndang dihalomohon mangolu dibagasan hagolapon, gariada tahe diigil Tuhan i do sian
hita asa gabe hatiuron hita tu angka halak na dibagasan haholomon. BE No. 720 “ Tiur marsinondang ido ni
igil ni Jesus tongtong marsinondang panondang do au tutu”.
Ay. 20-22. Parateatehon, tarehon pinggolmu, sai momosi diroham hata ni Debata. Ingkon tarimangi jala
diajarhon natoras ma hata ni Debata (Logos/Firman) Ul.6 :6 -7 “Jala ingkon parateatehononmu luhut hata
on, angka na hutonahon tu ho sadarion. Jala ingkon gogoonmu mangajarhon angka i tu angka anakmu,
jala taringotanmu angka i, molo hundulhundul ho di bagasan jabum, manang mardalani ho di pardalanan,
manang laho modom pe ho, nang dung hehe muse”. Ido pangondolon ni buku Poda on, asa diparateatehon
ma poda ni Debata marhite natoras na ai siani do hangoluan jala gabe hahisaron do hatai didaging na (ay22).
Ay. 23-27. Ala gabe hahisaron do hata ni Debata didaginnta on, tontu adong na gabe siulahononta. Parjolo:
manjaga roha (menjaga hati). Mat 15:19 “Ai sian roha do hehe angka pingkiran na jahat, pamunuon,
pangalangkupon, harorangon, panangkoon, hata gapgap dohot panginsahion”. Ngolunta on ima:
Pamatang/tubuh; Roha/Jiwa, pikiran, perasaan; dohot tondi/roh. Saurdot do na tolu on. Mangula hombar tu
tugas na, alai na pasti roh dikendalikan oleh Roh (Tondi Parbadia). --- Molo Tondi ni Debata do na
manguluhon hita, angka na denggan ma taulahon dohot na dirohanta.--- alai molo tondi na hodar do na
manguluhon hita, angka na jahat ma di rohanta dohot na taulahon. “Hidup benar atau Jahat, tergantung roh
siapa yang menguasai dirimu, Roh Tuhan atau roh jahat. Paduahon: Manjaga pamangan. umaol do manjaga
pamangan on, jala dibagas ni pamangan adong na margoar dila. Ido umbahen adong hata na mandok; kejam
lidah api,tapi libih kejam lagi apinya lidah. Molo didok lidah api, ima percikan manang api na metmet. Alai
molo apinya lidah, ima hata na dipatubutubu na so tutu. Boi ma i manutung sahuta. Metmet pe dila on alai
balga do panghorhon na tu na roa (siganjang dila). Pola do dipatudos si Jakobus dila on songon api. (Jak.
3:5-8) “Songon i do nang dila i: Ruas na metmet do i, alai godang do hatahatana; metmet pe api i, digalahi
do tombak na sai balga! Api do nang dila i, portibi hageduhon; songon i do pangalaho ni dila di
tongatonga ni angka ruas ni dagingta, dipahodar do sandok daging i jala dipagalak do panggulmiton ni
ngolunta i, dung galak dibahen na roko. Ai nasa ragam ni binatang, angka pidong, ulok ro di dengke
tarpatunduk do, gabe tunduk dibahen hajolmaon. Alai ndang tarpatunduk jolma anggo dila i; panjahati na
so marpansadian do i, gok bisa hamatean” . jala marpardomuan do tu Patik Pasiahon. Unang ho olo
manghatidakhon ,dss….. Na Patoluhon:Manjaga Mata. Saurdot do tugas ni mata dohot roha. Boi do tubu
ulaon na so denggan alani pamerengan, gabe targoda roha laho mangulahon. Ex. Si Hawa. Targiur ibana
mamereng parbue ni hau i, si Daud pe, targoda ibana mambereng haulion ni si Betsyeba. Tapangke ma
Simalolong on tu ulaon na denggan, unang tabereng tu siamun nang tu hambirang apalagi tu pudi. Ingkon
marpanatap do hita tu jolo, tu angka na denggan. Memandang Yesus, berpengharapan akan menjauhkan kita
dari segala godaan.

Panimpuli
Jolama na mangolu dibagasan hata ni Debata, ima angka halak partigor na marbisuk jala umboto dalan ni
Debata. Gabe mangolu ma ibana hombar tu na hinalomohon ni Debata. Ta jagai ma roha, pingkiran,
pamangan nang pamatangta pe asa unang madabu hita tu bagasan dosa, alai hita haposi jala hita hangoluhon
ma patik nang Hata ni Debata asa mangolu hita. Na parpudi, didok parpesalmen do di Psalm 119 : 105
“FirmanMu itu pelita bagi kakiku dan terang bagi jalanku. Amen.