BAHAN SERMON EPISTEL MINGGU XVIII TRINITATIS

SARESORT HKBP IMANUEL HUTAGURGUR

TOPIK MINGGU : NGOLU DIBAGASAN PANGARAMOTION NI TUHAN

Turpuk : Matius 8:23-17

I. PATUJOLO
Godang do marnida angka halongangan na pinatupa Tuhan Jesus di tonatonga bangso Jahudi.
Gok angka na pinatupa ni Jesus marhite huasoNa ima, pamalumhon na marsahit, mangajari,
dohot patupahon angka halongan di hatiha i. Saluhutna angkan na pinatupa ni Jesus i patuduhon
huasaona tu angka jolma asa lam porsea di huasoNa.marhite turpuk on ditogutogu do hita
mangarimangi songon dia do panghorhon ni haporseaonta di Tuha Jesus di angka na masa di
ngolunta.

II. HATORANGAN NI TURPUK

Rap do Jesus dohot sisaNa dipardalanan marhite na marparao nasida. Dipardalanan i ro ma haba
haba si palautus di tao i (ay.24). di boto Jesus do angka namasa di si jal boi do nian diambati
(cegah) Ibana haba haba i manang pe dang sian tao i nasida lewat. marhite habahaba i sada
kesempatan do di nalaho patuduhon balga huaso ni Jesus di nalaho patoguhon haporseoan ni
angka siseanNa i marhite na menyelamathon nasida. Mabiar situtu do ianggo angka siseanNa i di
pa ro ni haba haba i pola di dok “na mago nama hami/binasa”(ay 25). Alai marningot do nasida
na rap dohot Tuhan Jesus, disunggulli nasida ma Jesus i jala didok “urupi ma hami”. Di
pangidoan ni angka siseanNai asa di urupi Tuhan Jesus asa unang mago nasida “ale Tuhan urupi
ma namago ma hami) boi do idaonta na porsea do angka si seaNai na boi do paluaon
(diselamatkan) Jesus nasida sian habahaba i. Na mago nama hami ima namarlapatan, mabiar do
nasida jala holan pasrah sambing nama nasidajala marpangidoan asa di urupi Jesus nasida sian
hamaolan i.
Sada na masai arga si guruhononta sian sisean ni Tuhan Jesus na tahutan di pardalanan
ala ni habahaba siampalatus dohot galumbang na mangalingkupi parau sisean i, i ma di na ro
nasida tu Tuhan Jesus. Adong disi sada kesadaran, jala kesadaran disi porlu hangoluhononta
ditingki on, i ma na rap do nasida dohot Tuhan Jesus di pardalanan na maol, asa molo masa tu
hita hamaolon jala merasa terancam ngolunta, keluarganta, ulaonta, hutanta, hurianta,bangsota
dohot lan angka na asing pe. Naeng totong taingot sigop mandapothon Tuhan Jesus. Pasahat
holso dohot lomos ni roha tu Tuhan Jesus di pardalanan na maol mansai ringkot, asa tajalo
pangurupion jala sonang rohanta manguduti ulaon dohot pardalanan.
Diselesaihon Jesus do dibagasan satongkinnai masalah na mansai borat i, jala na luar
biasa i, marhite hehe ibana laos hona hata ma alogo dohot tao i dibahen laos menak ma. Tarida
sada keluarbiasaan ni huaso ni Jesus marhite na patupa halongangan (mujizat) tarhalomong
nasida jala pola sungkun sungkun “Halak dia do on?” (ay. 27), ima sada bentuk ni kekaguman
nasida tu Tuhan Jesus na boi paluahon nasida sian parmaraan i, dang adong na boi mangulahon i
jala patuduhon huaso songon huaso ni Tuhan Jesus i. Marhite halongangan na binahen ni Jesus i
tarlonang angka siseanNa i angin dohot tao/habahaba pe taat do tu Ibana, patut do di puji debata
siala holan ibana do na boi pataridahaon huaso mamarenta habahaba gabe menak.

III. PANIMPULI
Marhuaso situtu do Jesus dinalaho patupahon angka halongangan na adong di portibion
dohot di pardalanan ngolunta nuaeng on pe. Ingkon pos dorohanta jala porsea holan tu Ibana
do hita majalo pangurupion. Manang aha penamasa dipardalanan ni ngolu arsak nang las
niroha, hamaolan dohot galumbang pardalanan ni ngolu namambahen jotjot tahutan hita di
pardalanan ni ngoluta ingkon pos dorohata jala porsea hita rap dohot Debata do hita
mandalani saluhutna i jala ibana mangalehon pangaramotion songon topik ni mingguta
“ngolu dibagasan pangaramotion ni Tuhan”, Debata do mangaramoti nasa pardalanan ni
ngolutta. Aha pe masa di ngolumon, Tuhan manjaga ho, holongNa do mangondihon ho
Tuhan manjaga ho, Tuhan manjaga ho las pe roham marsak pe ho sai di ramoti ho Tuhan
manjaga ho. (BE. 806:1). Amen.