BAHAN SERMON PANGULA NA GOK TINGKI

HKBP DISTRIK XXVI LABUHANBATU

JAMITA TU JUMAT AGUNG, 07 APRIL 2023
HEBER 5 : 7 – 10
“JESUS KRISTUS SIBOAN HALUAON SALELENGLELENGNA”

I. PATUJOLO
Surat Heber disurat jala ditongos tu huria Heber manang halak Ibrani naung leleng mangadopi
ragam parungkilon, tarlumobi di na manghatindanghon haporseaon nasida di tongatonga ni halak
Jahudi non Kristen. Jala nasida na mangadopi ragam parungkilon i ima halak Jahudi/Ibrani naung
gabe Kristen. Di tongatonga situasi na songon on ma diapuli nasida marhite hata ni Debata na
patoguhon haporseaon nasida, asa unang be mandele, alai gabe marpanghirimon na mangolu ma
nasida tu Kristus. Ai Kristus do Sintua ni Malim na tutu di hita.
II. HATORANGAN
Malim naung pasahathon diriNa gabe pelean hasesaan ni dosa di angka jolma pardosa. Marasing
situtu do hadirion ni sintua ni malim na binuat sian jolma. Ima na pinabangkit ala ni jolma, na
pinajolo sian tongatonga ni jolma i laho mangulahon ulaon ni Debata, ima songon angka sintua ni
malim na sian horong Jahudi. Di Heber bindu 5 on dipatorang do taringot tu hadirion ni Jesus
songon Sintua ni Malim. Ai ganup sintua ni malim pasahathon pelean di bagas joro ni Debata
bahen hasesaan ni dosa torop jolma dohot dirina sandiri songon jolma pardosa alai marasing situtu
do ia Jesus. Molo Jesus, diriNa sandiri do na gabe pelean hasesaan ni dosanta jolma pardosa di
adopan ni Debata. Songon na nidokna i, ai naung adong do di hita Sintua ni Malim na tarbahen
dongan manghilala di angka hagaleonta; tung tarunjun do Ibana di na saluhut songon hita, alai
ndang mardosa “Ai sintua ni malim na songon i do tama di hita, na badia, na so marlaok, na so
marlindang, na marbolat sian angka pardosa, naung gabe tumimbo sian angka banua ginjang ”. Ido
umbahen na didok: On pe, dibahen naung adong di hita Sintua ni Malim na bolon naung manorusi
angka banua ginjang i, ima Jesus, Anak ni Debata, gomos ma tatiop naung taparhatopot i (Heber
4:14).Alani, idaonta ma hasurungan ni Jesus songon Sintua ni Malim ną tutu i, ima:

a. Debata do na pasahathon sahala Sintua ni Malim tu Jesus Kristus (Ay.5-6; ay.10)

Sahala ima wibawa, hagogoon, huaso dohot hamuliaon. Debata sandiri do na pasahathon tu Jesus
Kristus.
Debata do na mandok “AnakHu do Ho". Taingot ma dung tardidi Jesus di aek Jordan, nididi ni si
Johannes Pandidi. Tarbege do soara sian ginjang na mandok: "On do AnakHu, Haholongan i,
halomoan ni rohangku do Ibana (Mat.3:17). Ndada sian diriNa, sahala ni Jesus i, sian Debata Ama
do na pinasahatNa tu Anak haholongan ni rohaNa. Jala ro di saleleng ni lelengna do ia huaso ni
Jesus songon Sintua ni Malim i lobi sian huaso ni si Melkisedek. Ia Melkisedek ima sahalak raja
Salem jala malim bolon, borhat do ibana laho mamasumasu si Abraham uju mulak si Abraham
manaluhon angka musuna (1 Musa 14:17-24; Pat.Heber 7:1-10). Di bagasan turpuk on pola do dua
hali didok goar ni si Melkisedek. Jesus Kristus dipatudos songon Melkisedek, alai ndada be
Melkisedek na di Padan na robi, alai Melkisedek naimbaru. Ima Sintua ni Malim, Raja na
tumimbul, hamalimonNa ndada ditontuhon sian pinompar ni malim di pardagingon, Ibana ma
Melkisedek (di bagasan hata Heber didok mal-ki-tse-deq) na marlapatan Raja Kebenaran/Raja
Hasintongan). Jala hamalimon ni Jesus Kristus i gok dame (me lek sha-lem) na marlapatan: Raja
Damai Sejahtera/Raja Hadameon. Songon i ma balga ni sahala na adong di Tuhanta Jesus songon
Sintua ni Malim na tutu ibana

b. Jesus, patutoru diriNa bahen dalan haluaon ni jolma pardosa (Ay.7-8)

Dibagasan haunduhon do Jesus pasauthon sangkap ni AmaNa i marhitehite na ingkon tarsilang
Ibana di hau pinarsilang i. Andorang so tartangkup Jesus, jumolo do dipasahat diriNa marhitehite
tangiangNa di bagasan pangidoan dohot elekelek, huhut tumatangis patutoru diriNa di adopan ni
Ama i di porlak Getsemane. Di bagasan tangiangNa didok Jesus do: Ale Amang, namun na
tarbahen, salpuhon ma siinumon on sian Ahu. Alai tahe, unang marguru tu rohangKu; rohaM do!
(Mat.26:39). Marhitehite i tarida ma hamalimon ni Jesus marhitehite na manghophop dosa ni sude
jolma, rade Ibana tumaon haporsuhon marhitehite na pasahathon diriNa di hau pinarsilang i.
Dipatutoru Jesus do diriNa marhitehite pangoloionNa di sitaonon na ingkon songgop tu diriNa.
Anak ni Debata na gok huaso dohot hamuliaon do Ibana tutu. Alai ditadingkon do hamuliaonNa i
laho ro tu portibion di bagasan pangoloion. Ndang manjua manang ditulak ulaon na balga
siulahononNa dalan paluahon hita jolma pardosa i. Gari Jesus na gok huaso dohot hamuliaon i,
rade patutoru diriNa manghophop hita jolma pardosa, lam ma hita jolma pardosa. Naeng ma rade
hita paubahon roha nang pangalahonta dalan manjangkon haluaon naung pinasahatNa i tu hita.

c. Jesus Kristus Sihorhon haluaon di hita jolma pardosa (Ay.9)

Nunga tangkas Jesus do Sihorhon haluaon di hita, ndang adong asing ni i. Ndang tarbahen jolma
pardosa paluahon dirina sian uhuman ni dosa. Ai ndang adong nanggo sada sian hita na singkop
mangulahon Patik ni Debata. Holan Jesus Kristus do na tuk pasingkophon saluhut Patik ni Debata.
 Ido umbahen malua pe hita, ndada ala ni ulaonta mangulahon patik i. Alai holan ala asi ni roha ni
Debata marhitehite AnakNa Tuhan Jesus Kristus do, tajalo haluaonta i. Jadi, naeng ma jumpang
haporseaon di hita songon dalan manjangkon haluaon i. Molo Jesus diulahon do pangoloionNa di
sangkap ni Debata, hita pe naeng ma dibagasan pangoloion manghaporseai Debata. Jadi, nunga
tangkas be di hita ia Jesus ima Sintua ni Malim na tutu, Ibana ma Melkisedek naimbaru, Raja
Hasintongan dohot Raja Hadameon. Naung padamehon Debata tu hita jolma pardosa, alani Jesus
ndang holang be hita sian Debata. Nunga dipadame be hita dohot Debata marhitehite mudar ni
Tuhanta Jesus.
III. PANIMPULI
Topik Minggu "Jesus Kristus Siboan Haluaon Salelenglelengna", papatarhon tu hita Jesus
Kristus do dalan di hita manjanghon haluaon i. Ndang adong na tarpatupa hita laho paluahon
dirinta, asing ni naeng lam porsea hita di Ibana. Naeng taargahon panghophopon ni Tuhanta Jesus
di hita. Ai ndang dihalomohon Debata hamatean ni hita jolma pardosa, hangoluan na
salelengnilelengna do naeng pasahatonNa di hita. Molo porsea hita jala rade marhamubaon ni roha
di parngoluonta siganup ari. Amen.

HKBP Ressort Aek Pamienke, Pdt Hualatua Simanungkalit, STh

SERMON DISTRIK XXVI LABUHAN BATU

MINGGU PASKAH I
MINGGU, 09 APRIL 2023.
EV: KOLOSSE 3:1-4
“ RAPHON JESUS DIPAHEHE “
I.PATUJOLO.
Kolosse i ma sada kota di Asia na metmet di Timur ni Efesus (Turki nuaeng, jala hatihai masuk tu
gomgoman ni Bangso Roma. Hira satolop do angka ahli Theologia PB mandok bahwa ndang Apostel
Paulus na pajongjong huria on. Alai nangpe songon i perduli do Apostel i tu Huria on, buktina dipaborhat
ibana do angka pangula, ala dietong ibana do i songon bahagian tanggungjawabna laho pauliulihon huria i.
Sahat do tu sipareon ni si Paulus angka na masa di huria i marhite sian si Epafras, halak Kolosse
(Ul.19:10;Kol 1:7). Lumobi ma i partumbur ni angka poda na lipe dohot ragat ni angka pangajari na
mangaliluhon. Didok nasida do, asa boi sasahalak mananda Debata jala dapotan haluaon, ingkon sombaon
nasida do angka tondi na mangarajai dohot na mamarenta portibi on rap dohot pangisina. Asing ni i didok
muse do asa ulahonon nasida sunat nang angka subangsubang, dungi sintong ma nasida dapotan haluaon.
(Kol2:8,11,16,18, 21-23). Mangadopi namasa i, gabe ditongos Apostel Paulus ma surat on tu huria i. Isina i
ma laho paandarhon angka poda nang pangajarion na tutu situtu dibagasan Kristus, huhut sintong
marparange dibagasan poda dohot pangajarion na sintong. Gabe disosohon Apostel i ma asa dialo nasida
angka poda na so sintong i marhitehite na sumolukhon na imbaru, na pinaimbaru ni Kristus i. Nunga dipalua
hita marhite jala di bagasan Jesus Kristus. Dibahen i, holan ala ni hasadaonta mangolu di bagasan Kristus do
tarbahen hita mangolu jala dapotan haluaon. Janghononta ma Kristus i di ngolunta. Dia masuk ke dalam kita
dan diam di dalam roh kita, dan menjadi segala sesuatu bagi kita (2 Tim 4:22 ).

II. PANORANGION TURPUK.

2.1. MANJALAHI NA DI GINJANG. ( Ayt 1 – 4 )
Nasida angka naung rap dipahehe dohot Kristus, jalahan nasida ma angka na di ginjang. Disi do Kristus
hundul, di siamun ni Debata (1). Dibahen i angka na di ginjang i nama siparrohahononta, unang ma angka
na di tano on (2). Nungga dibagasan Debata hita raphon Kristus i (3). Kristus i do hangoluanta. Patar ma
nang hita sogot di bagasan hasangaponNa i (4). Nungga rap tartanom hita dohot Kristus marhite pandidion i.
Laos dibagasan Ibana do hita di pahehe, di na porsea hita di hagogoon ni Debata na pahehehon Ibana sian
angka na mate. Dibahen i ingkon skala prioritas do di na porsea laho pajolohon mangalului Harajaon ni
Debata dohot nasa hatigoranna. Ala naung dibagasan Debata hita raphon Kristus, tontu na so uhum be molo
sai datdatanta dope mardosa.
2.2.PANGARADEION TU JAMITA.
A. Nungga mangolu hita nuaeng di bagasan Jesus Kristus. Taparhatopot do, nungga mate hita di bagasan
hamamateNa, jala nungga di pahehe hita dibagasan haheheonNa, jala nungga parjambar hita di Harajaon
banua ginjang i. Alani i, romote control ni ngolunta sinuaeng pe, sian banua ginjang nama.

B. Taradoti ma hasadon di bagasan Jesus, ai sada do Tuhan ni hita saluhut na jala nungga sada daging hita
saluhut na dibagasan Ibana. Lam sisi ma sian hita roha daging, roha diri asa sumisi nang angka konflik,
parbadaan asa lam patar na gabe pasupasu hita ala nuang rap di pahehe dohot Kristus i.

C. Paskah i ma partanda Pesta dohot hamonangan ni Kristus naung hehe na laos gabe pesta na bolon di
halak Kristen partanda ni hamonangan ni angka na porsea. Alani i di ondolhon do di Pesta Paskah taon
on patuduhon karakter ni ngolu sahalak PEMENANG bukan PECUNDANG. Kita MENANG ala
Kristus naung monang do, ingkon pertahanhononta do i marhitehite na paholang diri sian roha daging
dohot sibuk na marlaok dosa. Memandang kepada Kristus dan melakukan kehendakNya adalah
panggilan kita sebagai orang yang sudah dimenangkan. SELAMAT PASKAH.
 (Pdt. H. Marbun.STh, RPK
SERMON DISRTIK JAMITA TU MINGGU PASKAH II, 10
April 2023
Turpuk : Ulaon Apostel 3 : 24 -26
Topik : DEBATA PAHEHEHON NAPOSONA ( ALLAH MEMBANGKITKAN
HAMBANYA )

I. Patujolo
Ulaon ni Apostel on ima patuduhon songon dia do tondi mangula dibagasan ngolu ni jolma manang
pe pasadahon ulaon ni Debata dohot ulaon ni ganup angka jolma. Alana manghatai taringot tondi do
turpuk on, ima umbahen dibahen Debata paheheon naposoNa. Namarlapatan mai na mangula do
tondi i dibagasan hadirion ni ganup angka jolma. Jala tangkas do botoonta parbarita na adong
dibagasan turpuk on i ma si Petrus dohot si Johannes na laho mambaritahon naung dipahehe
Debata do NaposoNa i. Dibagasan tingkion dipabotohon do tu hita sada parbarita nauli si Petrus,
songgop do Tondi Parbadia dihadirionna di na laho mambaritahon barita nauli i ibana. Dongan ni si
Petrus di nalaho marbarita nauli, ima si Johannes, tung mansai godang do dipatupa nasida
halongangan, na laho manghorhon haporseaon diluat i. Godang dope angka natorop i
manghaporseai angka ulaon ni halak Yahudi, ido umbahen adong hata ni si Petrus tu halak Yahudi
i asa paimbaruhon ngolu ni nasida asa disesa Tuhan Jesus luhut angka dosa nang pangalasion nasida
i. alai dang na holan i, ingkon adong do tanda di nasida na laho paubahon diri nasida, jala ingkon
marsitutu do nasida na mar Tuhan, unang ma holan di formalitas di Agama sambing. Dina
marbarita i si Petrus didok do adong sahalak Naposo ni Debata na laho marbarita, alai tung so
adong do manangihon naposoNa i ( ayat 22 ), i ma Tuhan Jesus, laho manobus jala paluahon jolma
pardosa asa malua, jala mangolu.
II. Hatorangan
Apostel Petrus manurirangi di sada inganan na margoar Emper ni si Salomo. Jala manurirangi
ibana tu halak Jahudi na ro mandapothon i ibana di inganan i, molo halak Jahudi sai dipikkiri jala
dihaporseai do ia haluaon i marhite na mangulahon patik ni Debata marhite si Musa. Jala
dipingkiran ni nasida namangulahon na denggan do jolma asa gabe malua. Alani do disurirangkon
Apostel Petrus ma Jesus do hasisingkop ni patik ni Debata. Jala Jesus do hasisingkop ni Padan na
Robi. Hasisingkopna, i ma marhite Jesus na tubu, Jesus Mate, Jesus naung hehe sian hamatean ta
goari ma paska, ima haheheon ni Jesus sian hamatean. Nunga talu hamatean, nunga hehe Jesus.
Alani sada pesta na balga do hita halak Kristen Pesta Paska pola dua hali dipestahon. Marhite
turpuk on diharingkothon si Petrus do ima hamubaon ni roha angka na manjanghon Jesus i, jala
dihamubaon ni roha i do hataridaan ni naung manjangkon Kristus Jesus naung hehe sian hamatean
humongkop jolma pardosa jala na manolsoli angka dosana.

Alani do di turpuk jamita di Pesta Paduahon Parningotan Ari Haheheon ni Tuhanta Jesus sadarion
marojahan do deba sian jamita Apostel Petrus na pinasahatna tu angka natorop i na marpungu di
emper ni si Salomo, siala di ida nasida sada tanda halongangan naung pinatupa Apostel Petrus
dohot Apostel Johannes, ima gabe boi mardalan halak na pagpang sian hatutubuna ( Ul.3:2 )
Marnida angka natorop i las disi ma dipasahat Apostel Petrus taringot tu Jesus Sipalua i, ima na
diparsilangkon i, jala Ibana do Mesias i, Ibana do NaposoNa mate jala hehe sian hamatean, laho
manghophop jolma pardosa. Naposo ni Debata do Jesus Kristus i, alani ingkon porsea do hita
saluhutna na pinatupani Debata marhita anakNa Jesus Kristus. Dijamitahon Apostel Petrus do tu
angka natorop i asa, uang be ditulak nasida Jesus Sipalua i, Ibana do Anak ni Debata
Sipahusorhusoron

1. Pesta parningotan Haheheon ni Tuhan Jesus kristus sadarion Paingothon hita saluhutna asa
lam togu marhaporseaon tu Tuhan Jesus Kristus. Marhite naung hehe ibana sian hamatean i
asa mangolu hita, molo nasailaon hita mangolu dibagasan haholomon, nuaeng muba ma hita
hehe ma hita. Ingkon hehe ma hita manadinghon ganup angka dosa. Ima nasa ulaon dohot
ngolu naso dihalomohon Debata.
2. Somal do molo di Pesta paduahon Parningotan ari Haheheon ni Tuhan Jesus dideba
huria dang pola torop ro parminggu, las olo do holan Parhalado, adong do deba huria i dang
adong Parmingguaon. Alani do marhite turpuk sadarion ta soarahon ma hinaarga ni
pambahenon ni Debata marhite anakNa Jesus Kristus naung hehe sian hamatean. Nunga
hehe Tuhan Jesus. Lam ta haringkothon ma ngolu na mar Tuhan i.
3. Selamat Paska Gr.Halomoan Ginting. Bukit
Maria
 BAHAN SERMON DISTRIK XXVI LABUHAN BATU 16 APRIL 2023
MINGGU QUASIMODOGENITI
SONGON POSOPOSO NAIMBARU TUBU ( 1 PETRUS 2:2)
Ev. Hesekiel 36 : 22-27 Ep. Pangungkapon 21 : 5 -7
TOPIK: MARPARANGE HOMBAR TU HATA NI DEBATA.

PENDAHULUAN.
Panurirang Hesekiel masuk maon di masa pembungan Babel rap dohot dua panurirang Jesaya dohot
Jeremia di taon 597 SM. Mangihuthon angka pande bisuk rap do ibana dohot si Daniel di masa
habuangan alai jumolo do si Daniel ima taon 605 SM, jala masuk do ibana tu horong na bisuk
manurirangi alani i pola tolu hali si Hesekiel manggurithon taringot tu Ibana. Ia buku Hesekiel marisihon
tolu panurirangon bolon, ima naparjolo panurirangon sorimago (nubuat penghukuman) tu bangso Israel,
napaduahon: panurirngon sorimago penghukuman tu bangso jala napatoluhon panurirangon panghirimon
tu bangso. Jala jamita on masukma tu horong napatoluhon namarisihon bagabaga hamumulak ni bangso
Israel tu Jerusalem.
Hatorangan ni turpuk
Dipabadia Debata ngolu ni bangso i mulak sian habuangon dipaingot Debata do ngolu ni bangso Israel
hatiha di masa habungan huhut dipabadiahon Debata roha nasida huhut dipauba asa lam jonok nasida tu
Debata ala holan asi ni roha ni Debata nasida taruli di las ni roha haluaon i. Di Babel do bangso Israel
songon halak habuangan ala ni i ndang adong hak politik nasida, secara ekonomi marsingkor jala secara
social tertindas. Jala mago do nang indetitas nasida songon bangso ni Debata jala nunga marongso bagas
joro di Jerusalem. Gabe lea ma goar ni Debata di adopan ni bangso i. di ayat 22-24 : molo tung pe diloas
Debata bangso i tarbuang tu Babel ndada gabe natalu Jahowa maralohon debata ni babel alai na di loas
Debata do masa angka i, ido umbahen di dok di ayat 22 ndada ala hamu mmbahen songon i, ale
pinompar ni Israel, ala ni goarhu nabadia i do namarlapatan: Jahowa mamboan bangso i haluar sian babel
alai ndada holan hata haluar alai asa mulak do goar ni Jahowa dibagasan pamujion ni bangso i. Jala di
ayat 23 dipaboa do nang gabe patar ma goarna nang huasona songon bukti hapapataronna ni Jahowa. Jala
naikkon Debata do na mamboan bangso i haluar sian parhatobanon, dang pasombaon ni Jahowa nasida
hot di habuangan ai ido dalan laho paulakhon habadiaon ni Jahowa. Ala ni ido didok di ayat 25: “
urashononhu ma tu hamu aek angka natio, asa tung ias hamu; urasonHu hamu tahe sian saluhut
haramunon muna i dohot sian saluhut ganaganaanmuna i” dipaingot di ayat on ima holan Debata do
namarhuaso laho paulihon bangso laho manguras nasida sian saluhut pangalaosionna (dosa) asa ias jala
mulak roha nasida tu Debata gabe marngolu naimbaru, jala dipaingot Debata marhite turpuk on holan
Debata do namarhuaso manarihon ngolu nasida asa haluar sian jorbut ni dosa. Dipatupa Debata laho
manguras nasida sian hajorbuton ni ngolu ni bangso Israel i asa marhamubaon, tung aha pe di ula bangso
i naeng ma nasida mangolu laho mamuji dohot pasangaphon Debata.
Marnampunahon ngolu na di dongani ni Tondi ni Debata dohot asi ni rohaNa

Dilehon Jahowa ma tu nasida roha nang tondi na imbaru, ima roha sibuk ala nasailaonna i roha batu di
nasida. Roha batu i ma roha na mangolu tu hata ni Jahowa marhite manomba debata sileban, mangula
ulaon na jahat, nang ragam pangarupaon. Unsaton ni Jahowa roha batu i jala digantihon dohot roha sibuk,
 ima roha namangoloi Jahowa. Tondi ni Debata dilehon dibagasan ateate ni bangso Israel asa tondi i
mambahen roha nasida gabe roha sibuk na manghorhon parange na hombar tu hata ni Debata.
Mangulahon hata ni Debata ndang be holan sian hadirion ni bangso i, ndang mangasahon hagogoon ni
jolma ala gagal do molo songon naung nialaman ni bangso Israel pola sahat tu natarbuang nasida. Inggo
nuaeng tondi ni Debata do napatauhon bangso i laho mangulahon patik ni Debata.

Panimpuli.

Ndang tarula hita patik ni Debata ianggo sian gogota sandiri, alai dilehon Debata do tu hita tondina asa
gabe marroha dohot martondi na imbaru hita. Taloas ma diunsat Debata roha na robi, ima naginoaranna
roha batu namanghorhon haramunan tu goar ni Jahowa. Taloas ma hita diuras Debata sian haramunon
marhite mudar ni Tuhan Jesus Kristus asa ias hita di adopan ni Debata. Songon goar ni Minggunta
Quasimodogeniti, namarlapatan songon posoposo naimbaru tubu na uasan disusu natama, tajanghon ma
tondi ni Debata na mangalehon roha sibuk tu hita asa tau hita marparange hombar tu hata ni Debata

Bvr. Novalisna Malau, Negeri Lama

JAMITA TU MINGGU : MISERICORDIAS DOMINI, 23 APRIL 2023

EVANGGELIUM: 1 PETRUS 1 :17 – 23
TOPIK: MANGULAHI TUBU DI BAGASAN HATA NI DEBATA
(DILAHIRKAN KEMBALI OLEH FIRMAN ALLAH)

I.PATUJOLO
Ditongatonga ni situasi dohot kondisi na sulit, jala di bagasan parungkilon do halak Kristen na adong di
parserahan, di Asia na metmet hatihai, ala pangaleleion sian harajaon Romawi tu angka na porsea, jala
na satia mangihutton Tuhan Jesus. Dipasahat si Petrus ma surat on laho patoguhon haporseaon nasida
asa lam marsihohot haporseaonna tu Jesus di bagasan hatana, songon didok topik Minggunta
“MANGULAHI TUBU DI BAGASAN HATA NI DEBATA”

II.HATORANGAN
Adong 3 hal pesan na di pasahat si Petrus laho patoguhon haporseaon ni halak Kristen na mangadopi
ancaman, dohot parungkilon:

1. Disosoi asa marposniroha tu Jesus dohot tu Amai, silehon haluaon (Ay 17 – 19 )

Didok angka ahli Theologia do, ia Jesus Kristus ”EMANCIPATOR” yang membebaskan manusia dari
belenggu dosa dan kematian, laho mangadopi hamaolon dohot sitaonon i, di arahon si Petrus do halak
Kristen i asa marnida sitaonon dohot panghophopon ni Tuhan Jesus marhite hite hamamate dohot ha
heheonna i, naung tapestahon di pesta Paskah i, songoni ma muse Tuhanta Jesus laho paluahon halak
Kristen na di asia na metmet i sian saluhut parungkilonna, asa dapotan haluaon nasida. Di paboa
Sipetrus do ia Jesus i ima “HAMBA YANG MENDERITA”na dienet sian Jesaya 53 ”Yang Oleh
penderitaannya manusia di selamatkan dan di sembuhkan” ndada binahen ni sere manang perak
angka na olo buruk, umbahen na malua hamu sian adatmuna, alai binahen ni mudar ni Kritus na argai
do, na songon mudar ni biru biru naso hasurahan, holan marhite haporseaon di Jesus Kristus do malua
halak Kristen i, sian nasa pangalaho na mangambati halak Kristen marsaor dohot Tuhan i, haporseaon
manang posniroha di hatana, boi paluahon na porsea i songon didok di Markus 9 : 23 “Na
Marhagogoan
do na Porseai patupahon saluhutna” Haporseaontai do patuduhon na so ganggu hita di huaso ni
Debata
dohot di hatongtongan ni asi ni rohaNa na mangurupi hita, pos ni roha di Tuhan i, pataridahon di
haringgason marguru tu Tuhan i, dohot di haringgason manangihon hatana, porsea di panghophopon ni
Kristus I do nanidokna”MANGULAHI TUBU NA PORSEA”
2. Disosoi si Petrus do muse halak Kristen i asa holan tu Debata haporseaon nang pangkirimonna (Ay 20-21)
Molo ro parungkilon na borat jala na paet, boi doi mangela angka na porseai menggol sian haporseaonna
Alani i tangkas disosoi Si Petrus, asa holan tu Debata haporseaonta nang pangkirimonna namangalehon
jaminan na pasti di Haluaon. Hata “Naung di todo do ibana hian, tagan so ojak dope Portibion ”(Ay
20)
Ima sada jaminan dan kepastian bahwa Allah itulah satu satunya yang penuh dengan kuasa.
ARISTOTELES pernah mengatakan ”Bahwa Tuhan itu adalah penyebab yang pertama”
(The Supreme Cause) Lapatanna : holan Tuhan i do na gok huaso na boi paluahon jolma sian saluhut
Na masa di ngoluna

3. Disosoi si Petrus muse halak Kristen i asa paias diri marpangoloion na sintong di Jesus, b+inahen ni
hataNa
na mangolu jala na mian i (Ay 22-23), pos ni roha dohot haunduhon tu Tuhan i, ingkon pataridahonon
di habadiaon dohot di parange na denggan, boi do sada halak na mangadopi parungkilon gabe madabu
tu keputusasaan, stess, jala ujungna mangulahon haramunon laho pasonanghon dirina, isarani marboru
boru, mabuk mabuk, marjuji, marnarkoba dohot lan na asing, marhite i ma disosohon halak Kristen,
asa paias diri sian angka nasongon i, ingkon badia parangena nang pe godang parungkilon na
niadopanna.
Ala molo laho mencari kesenangan dan kepuasan diri, ndang i na boi mengatasi parungkilon manang
problem naniadopanna, alai holan na mangolu di bagasan hata ni Debata do na boi mangatasi sude
persoalan ni ngolunta, RONALD REAGEN, mantan Presiden Amerika pernah mengatakan “Bahwa
“Di dalam satu kitab ini yaitu Alkitab, terdapat seluruh jawaban bagi masalah yang kita hadapi
Saat ini, kalau kita mau membaca dan mempercayai Firman Tuhan”

III.RENUNGAN/SIPARHUSOR HUSORAN
Alan ni i marhite turpuk jamiata on, gabe halak Kristen naung mangulahi tubu ma hita, porsea jala
mangolu di bagasan hata ni Debata, asa gabe duta Allah di dunia ini, laho manogu jolma asa mananda
jala porsea di Tuhan i dohot mangolu di bagasan hatana, naeng ma hata ni Debata”Way of life”di
ibana
ima karakterna asa taruli haluaon dohot hangoluan hita sian Tuhan Jesus Kristus
Gr. Bonar Sihotang, Tahuan
Ganda

BAHAN SERMON DISTRIX XXVI LABUHAN BATU

MINGGU, 30 APRIL 2023
PSALMEN 100: 1-5 “MANONTONG DO ASI NI ROHANA”

1. Di minggu 30 April 2023 ima Minggu Jubilate na marlapatan “ Marolopolop tu Debata ma sandok
ale tano on, Psalmen 66 : 1. Ganup halak na marolopolop ima angka na dapotan asi dohot holong ni
roha ni Debata di bagasan ngoluna. Di turpuk on joujou laho mangolophon Jahowa ndada holan tu
bangso Israel di pasahat alai dohot do tu sandok tano on. Asa saluhut na di tano on ingkon
marsomba jala mangolophon Jahowa. Di padan na robi lapatan ni mangolophon Jahowa ima : na
mangendehon ende pujipujian tu i Jahowa di bagasan las ni roha. Boasa ingkon olophonon jala
ingkon pujion Jahowa? Di ayat 3 tangkas didok “ Siala Jahowa ima Debata na jumadihon hita jala
nampuna hita, bahen bangsona dohot biribiru napinarmahanna. Jala Ibana do Debata na tumompa
langit dohot tano on. marhite pandohan i, di arahon ma hita marolop olop ala Ibana sitompa hita
dohot sitompa nasa na adong. Ibana sitompa nasa na adong lapatanna, Ibana do nampuna portibion,
saguru di Ibana do nasa na adong. Ala Jahowa Debata do sitompa na sa na adong alani i holan
Debata ma na ingkon sisombaon, sihabiaran. Jala Debata do mual ni nasa na ringkot di ngolunta on
jala mual angka las ni roha nang hatuaon.
2. Molo Taida muse ndada holan ala na Jahowa Debatata i na tumompa hita umbahen na ingkon tapuji
Ibana jala taolophon alai ala dipatorang do muse di ayat 5 i ima na pabotohon siala pardenggan basa
do Jahowa (sebab Tuhan itu baik), ro di saleleng ni lelengna do asi ni rohaNa, jala marsundut sundut
 do hasintonganNa. Pandohan Hata “baik” sai marhahonaan do i tu hasintongan dohot hadengganon
ni hadirion ni sada halak. Hasintongan ni Debata ima habadiaonNa, hasangaponNa, hatongtongonNa,
dohot holong ni rohaNa. Jala Hasintongan di hataNa dohot holongNa nungga dipapatar di bagasan
diri ni Jesus. Ndang holan manompa portibi on dohot nasa isina Tuhan i, alai di anju, di ampuni, di
asi i do jolma i di bagasan panghophopon ni Jesus na mate Ibana di hau na pinarsilang i. On ma
hataridaan Haburjuon ni Debata di ngolunta. Sialani i di arahaon do hita asa mangolophon dohot
mangendehon Jahowa ala nungga dapotan asi ni roha dohot haluaon hita marhite Jesus Kristus.
3. Songon panompa, uluan, partogi Jahowa maradophon hita, diigil do sian hita roha haunduhon nang
roha pangoloion di Debata. sialani i do didok di ayat 2 i “Oloi hamu ma jahowa” . Pangoloion di
Jahowa ima parbue ni pos ni roha, manang haporseaon. Ala porsea di Debata, sude pargulmiton ni
ngolu patuduhon pangoloion, parsombaon (ibadah) tu Debata. Mangoloi Jahowa lapatanna unang
ganggu di hagogoonNa jala tongtong marparange na denggan di adopan ni Debata. Sialani i halak na
marolopolop tu Debata ingkon marparange na denggan. Jala taingot ma na so mansohot do Debata
manghaholongi hita. Molo togu haporseaonta di Debata, daionta do nauli sian panandaon na tingkos
tu Debata, laos sian i ma haruar suara pamujion tu Debata. Nang pe jotjot mangalaosi jolma i alai
ndang na gabe mago jolma i dibahen Debata, dipaima Debata do ngolu hamubaon ni roha. Di jou do
hita asa maninggalhon angka dalan na pilit na maralo tu lomo ni RohaNa. Tongtong do do adong
sipaingot dipasahat tu hita asa unang mago hita alai mangolu di bagasan asi ni RohaNa.
4. Marhite Minggu Jubilate on di jou ma hita saluhutna asa mangolophon Jahowa dibagasan las ni roha,
ala naung tangkas tajalo asi ni rohaNa. Taoloi ma joujouNa i asa taruli hita di ragam ni angka pasu
pasu. Tadapothon ma Ibana jala taulahon ma lomo ni rohaNa asa jumpangan haluaon nang hatuaon
hita dibagasan Jesus Kristus. Jala olo ma hita tongtong di parmahani Jesus i asa taruli hita di
hangoluan Sogot. Amen.
Diak. Dewi. S. Simanungkalit
HKBP Emplasmen Aek Raso Ressort Cikampak