BAHAN SERMON EPSITEL MINGGU UJUNG TAON PARHURIAON

SARESORT IMANUEL HUTAGURGUR

Topik Minggu : Harajaon ni Debata na manogtong

Turpuk : Pangukapon 7 : 9-17

I. Patujolo

Disurathon si Johanes do buku Pangungkapaon on mandopathon pitu huria na di Asia.

Tung masai botar do parungkilon na niadopan ni halak Kristen uju i, molo so unduk jala ndang
olo manomba Kaesar, jaloon ma uhuman mate. Ala ni i ma dipauli jala di pargogou si Johanes
ma ruas ni huria nang angka na porsea i marhite buku Pangukapon on.

II. Hatorangan ni turpuk

Dang mardia imbar angka na badia i di adopan ni Debata. Ndang adong parasingan manang
parbolatbolaton di harajaon ni Debata, ai dos do ganup houm nang bangso manajalo panobusioan
nang haluon na pinatupa ni Birubiru ni Debata, asa saluhut na monang i rap manghalasohon jala
marolopolop. Angka na mamuji Debata dohot Birubiru i di harajaon Debata (ay.10-12). Saluhut
angka natorop i marsoara na gogo jala manjoujou pasahathon pujipujion tu Debata dohot tu
Birubiru i dibagsan las ni roha dohot olopolop. Dipuji nasida do huaso, hagogoon, hamuliaon,
hasongkalon, hamoraon, habisuhon nang hasangapon ni Debata, songon tanda pujipujion
mandok mauliate di panobusioan nang haluaon na ni jalo nasida marhite birubiru i, disoarahon
nasida do “na tama do Birubiru nanung tarbunu i manjalo hagogoon dohot hamoraon dohot
hapistaron, hamuliaon dohot hasangapon dohot pujipujian”. Sasoara nasida pasahathon
pujipujian i nang pe marharoroan sian ragam ni houm, bangso nang panghataion nasida. Hombar
tu ojahan pujipujian, ima Debata jala sangkap nasida laho pasangaphon Debata, ido umbahen na
boi sa soara nasida.

Manungkap jala marsoma ma di jolo ni habangsa i angka surusuruan, ninna nasida ma Amen
(tutu situtu/Sungguh benar) pandohan i songon pangauhon (respon) nasida taringot tu
pujipujionni angka na badia i. Na marlapatan na di tolopi angka surusuruon i do pujipujian ni
torop angka nabadia i naso habilangan i. Tutu situtu do ingkon pasangapon Debata hinorhon ni
angka pambahenanNa.

Ise do angka na torop i? I ma angka na badia naung ro sian haporsuhon godang naung di buri
nasida abit nasida jala dipasaksak di bagasan mudar ni Birubiru i. Asa dang ala ni mangadopi
haporsuhon gabe badia, alai hinorhon ni panobusiaon ni dosa marhite Tuhan Jesus Kristus, gabe
badai jala tubu ma haporseaon jala margogo ma nang mangadopi ragam ni haporsuhon, tung
hamamate pe i ujungna. Angka na torop mamuji Debata i ima gombaron sials ni roha dohot
olopolop di harajaon ni Debata.

Di tingki na manomba Debata angka na torop i, dijangkon Debata do nasida. “Ibana na

manghunduli habangsa i ma paulihon inganan nasida”, tarida ma baga baga ni Debata na
patupahon hasonangan molo mian Debata di adopan nasida, di hasiholi Debata do parsaoran na
ro su sian angka na porsea i maradophon Ibana di inganan na badia, jala mian Ibana disi.

III. Panimpuli

Dihasiholi Debata do asa mian hita di habangsanNa i, di inganan na badia di bagasan

joroNa. Dihasiholi do nang parsaoran na rosu tu ibana, asa marhite i mian ma nang Ibana di
inganan i nang di tongatonganta. Dang di halomohon Debata parungutunguton, angka na
paroaroahon angka napabadabadahon ai hadameon dohot silas niroha do harajon ni Debata jala
manongtong ro di saleleng lelengna, dipasupasu ma hita marhite ragam ni pasupasu pardagingon
nang partondion, i do bagabaga ni Debata di angka na badia jala pangoloin di Ibana. Amen