BAHAN SERMON EPISTEL HKBP RESSORT SIBANDANG

MINGGU XIIV DUNG TRINITATIS (10 September 2023)

Ev. : Hesekiel 33 : 7 - 11 Ep. : Mateus 18 : 15 - 20
DIHALOMOHON JAHOWA DO HAMUMULAK NI PARJAHAT
ALLAH BERKENAN KEPADA PERTOBATAN ORANG FASIK
I. Patujolo Turpuk
Pangajarion na mansai manontong, ido sada garis besar na diboan ni panurat buku Mateus di bagasan
suratna. Pandohan taringot tu pangaramotion on do na mangondolhon asa saluhut na tumanda Debata mansai
bagas di pangantusion, songon I pe nang di parulahonna. Mateus songon sahalak sijalo beo, tontu gumodang
di angka parsiajaran dohot pangantusion –alana di tingki I, ingkon timbo do parsikkolaan ni sahalak sijalo
beo– ido na umbahen di buku Mateus on, ditaringoti do taringot tu arta (17 : 24 -27) dohot angka poda marhite
umpama na laho manogihon halak porsea asa mangolu songon sorminan ni Kristus (18 : 1 – 35).
Panoghinonon ni Mateus on do na diida marhite turpuk on, asa boi ma halak na porsea I marsitogihon di angka
ulaon nang panghataionnasida. (Willi Marxen; Pengantar Perjanjian Baru; BPK GM, 2004). Songon I pe
nang di na mamboan angka pangantusion laho marsiurupan, dohot do nang laho manogihon angka dongan
sahaporseaon I dibagasan asi na sian Debata. Jala I do na naeng dipatuduhon marhite turpuk on, uju mangkatai
Jesus dohot angka siseanNa, laho mangarahon angka sisean I, asa boi ma pasingothon angka donganna
sahaporseaon dibagasan asi ni roha, ndada laho pailahon. Pangurupian na di bagasan holong on do nang na
laho mangarahon angka dongan sahaporseaon asa marhamubaon, mulak tu Debata.

II. Hatorangan ni turpuk.

Pangajarion na marasi (Ayat 15 – 17) Pangajarion na dibagasan asi ni Roha, ido na naeng diida
marhite turpuk on, laho manogihon halak na porseai tumundalhon dalanna naung so tama. Sada bagian na
mansai ringkot dipatupahon marhite turpuk on, asa olo ma laho pasingothon laho paubahon roha ni dongan I
secara pribadi/padua. (Ay. 15) asa marhite panghataion secara pribadi I, olo ma donganta I patuduhon holso na
adong di rohana, jala marhite I ma laho paubahon rohana. Alai olo do sipata marasing pangantusion ni sahalak
dongan na naeng pasingothon I, jala hurang boi tarjalo dongan, ido na umbahen boi ma dibagasan pasingothon
I, asa unang tarrimas, digorahon ma dongan sada manang dua, asa boi mangurupi, jala manghatindanghon hata
pasingothon i. (Ay. 16) dalan pasingothon dongan I do na ringkot laho sibotoon ni angka dongan na dua laho
mangurupi I, asa marhite angka hata naung dipasahat, boi ma I pahothon pangantusion, asa unang mail aroha
ni dongan na dipasingot i. alai molo dung manghatai dibagasan parpunguan na metmet, jala ndang ditangihon,
boi ma pangajarion I dipasahat dibagasan huria, asa boi ganup huria I manimbangi dalan na dumenggan naeng
laho sipatupahononhon (win win solution) tu dongan na sa huria (Ay. 17). Pangajarion na sisongon I do na
laho mandokhon, ia halak na porsea I pe ingkon manat do laho pasingothon donganna sa haporseaon, nang pe
na denggan naeng dipasahat, alai naeng ma dipasahat I dibagasan asi ni roha.
BB (Ay. 18 – 20) ndada na tarihot jolma I holan tu donganna, alai tarihot do sahalak jolma I tu
Debata. Sada panghataion na dipasahat di bagasan tingki na denggan, jala roha na laho paubahon, ido na
mangarahon jolma I asa unang laho marabali sian panghataionna tu donganna, tarlumobi ma I molo nunga
taringot tu padan (ay. 18) na mandokhon ia jolma I pae olan hata do na dipasahat nasida tu Debata; hata
pangidoan, hata hamauliateon, hata las ni roha, hata muruk, dohot lan na asing, jala mansai arga do hata ni
sahalak jolma I molo dipasahat tu donganna dibagasan pangurupion na sian Debata (ay. 19) panogihonon tu
hamumulak ni dongan naung manimbil I do na dipangidohon asa boi ma dongan naung manimbil I
tumundalhon dalanna, jala mulak tu Debata. (Ay. 20) pangajarion na marsitutu on do na naeng mangarahon
jolma, asa nang pe nunga dipasahat panghataion, pangajarion, dohot singotsingot, alai molo so tung tarjalo
dongan na naung manimbil I, dipasahat ma tu Debata marhite tangiang, asa unang ma dipangidohon mudarna I
tu dongan naung pashaathon hatigoran I tu ibana (Hes. 3 : 20-21).
III. Sipahusorhusoron.
 Olo do sipata adong hata na boi dihatahon, jala na so boi dihatahon sahalak jolma; isarana molo di halak
batak na jolo, ndang boi sahalak parompuan manghatai tu bao na, jala ingkon marhite angka barang na
asing do, asa boi adong panghataion di nasida. Songon I pe nang hata singotsingot na dipatuduhon sian
turpuk on, asa nang pe hata na denggan na laho sipasahathon ni sahalak na porsea, unang ma I gabe
partuktuhan di na umbegesa. Naeng ma nian panghataion I dipasahat dibagasan holong na laho paubahon
dongan, asa marhite I boi ma mulak dongan naung manimbil i.
 Ulaon ni Jolma ndang adong na singkop, jala hahurangan I do jambar ni jolma. ido na umbahen diarahon
do parngoluan ni jolma I marhitehite hat ani Debata, na laho mangarahon huhut paubahon Roha. Umbahen
I ma nang di pangurupion tu dongan I pe, naeng ma sahalak jolma I mangarahon di bagasan holong na sian
Debata, jala Debata ma na pasingkophon hata pangajarion I tu saluhut jolma naung mananda asi ni
RohaNa na paubahon jolma. Amen.
HKBP Sampuran, Ressort Sibandang
C.Pdt. Russell G.J.P. Sitorus, S.Th
HKBP Sampuran, Ressort Sibandang
C.Pdt. Russell G.J.P. Sitorus, S.Th