BAHAN SERMON HKI RESORT PANGARIBUAN BARAT

Minggu, 19 November 2023

Ev : Ulangan 8:7-18 Ep : Yakobus 1:22-25

UNANG HALUPAHON DEBATA

I. Patujolo

Jotjot do tabege hata na mandok "kacang lupa akan kulitnya" boi dohonon na marlapatan
"halak na lupa hadirionna, lupa sian dia harorona". Sian hota borhat to pangarantoanna
gabe mamora, marhasangapon, marhagabeon, alai mangalupahon sian dia ibana
marharoroan (Lupa diri jala ginjang marroha). Molo di Bibel boi do tapatodos songon raja
Saul (1 Samuel 9:1-2.21, 10:20-24) ndung gabe raja, ginjang ma rohana Mardomu tu si do
hatorangan ni jamita di minggu 24 dung trinitatis on, di na diulahi si Masa angka uhum ni
Debata naingkon sihangoluhononhon ni bangso Israel. Di buku 5 Musa on ma angka hata
parpudi sian si tu bangso Israel, andorang so marujung ngoluna. Dipaingot si Musa do i
taringot tu denggan basa ni Debata na manghophop nasida, suang songoni patik ni Debata
na sampului (Dasa Titah) Tarlumobi ma di na laho mamasuhi tano parpadanan i, ingkon
ulum ni Debata do pamasaon nasida di tano sicahan ni bangso Israel i ma tano Kanaan, asa
tumpahan ni Debata bangso haholonganNa i. Tapaihutihut ma hatorangan ni evangelium di
Minggu, 19 November 2023 on.

II. Hatorangan

Di tingki masa natarsurat on (5 Musa 8:7-18) ia bangso Israel nunga ruar sian tano Misir.
Jala lao tolhas nama nasida tu Tano Kanaan naung niuarihon/dijanjikan ni Debata tu
ompunasida (Abraham, Isak dohot si Jakkob). Di turpuk on di ulahi Debata paingothon
bangso i marhite si Musa di saluhut naung binolus ni nasida, pardalanan di parhorsihan
sian tano Misir lelengna 40 taon na gabe sada bukti di pandonganion ni Debata. Di
parmudumudu nasida marhite manna sipanganon nasida dohot mual na tio siinumon,
dohot ombun manaongi ditingki las ni ari, suang songon tiang api na gabe sulu di golap ni
ari. Jala pahean ni nasida pe dang marnaburuk/sega saleleng 40 taon. Saluhutna i ala asi
dohot holong ni Debata di nasida hombar di padanNa tu ompu ni bangso i. Siala ni i do,
dipaingot si Musa bangsona di luhut naung jinalona na marharoroan holan sian Debata.
Ndang ala gogo ni nasida asa tolhas nasida sian Misir mamolus parhorsihan jala
mamparsaulihon basabasa i. Ndung tolhas nasida tu tano Kanaan lam martamba angka
silehonlehon ni Debata. Siala ni i ndang adong na laho sihaginjanghonon ni roha ni bangso i,
ala luhut na do sian Debata.

Ditogihon Debata do nasida tu sada inganan/tano na mansai uli, jala tu si do nasida laho
mian. la tano manang luat na laho siinganan ni bangso marbatang ack, marmual dohot
martao. Hatubuan ni eme, anggur dohot angka miak na angur. Tano namarbatu bosi dohot
sian dolokna adong tombaga. Saluhutna ndang be tagamon rapar manang hurangan nasida
di angka bohal ni pardagingon, ai luhut do dapot nasida di tano i. Diboto ma na andul situtu
do pamgoluan nasida di parborsihan na mansai posa. Alai ditogihon Debata do nasida tu
hasonangan. Jala dipardalanan i do dipatuduhon Ibana pangaramotionNa tu nasida sahat tu
inganan habaoran ni susu dohot situak ni loba. Pabotohon muse, asa dipatudubon nasida
hasatiaonna tu Debata jala marsihohot mangulahon patik ni Debata. Jala ingkon songon i do
ngolu ni nasida satorusna asa manontong di tano na denggan i. la tano manggombarhon
inganan hasonangan na gok las ni roha na marharoroan manang silehonlehon holan sian
Debata.

Dung dipaboa si Musa haulion dohot hinadenggan ni tano Kanaan, porlu situtu
pabotohononna lumbalumba taringot tu angka na masa sogot ala ni hinadenggan ni tano i.
Asa unang lupa nasida ala ni anggur mansai denggan nadipantubuhon tano i, molo dung
bosuran nasida ingkon mamuji Debata. Unang mangan nasida marlobilobi (serakah), unang
sarombang nasida dohot angka sipele begu songon naniulahonna uju di parhorsihan
mamele lombu omas, asa manang aha pe diula dohot dihalashon nasida ingkon bahen
sangap tu Debata do. Molo marpesta gotilon, ingkon tongtong do marningot di tano naung
ni lehon ni Debata tu nasida songon tanda ni hasatiaon ni Debata tu bangsoNa. Dipasingkop
si Musa do lumbalumba ni Debata tu bangsoNa, ia dung bosuran nasida sian na so pinungka
ni tanganna asa unag gabe madabu tu ginjang ni roha, ala songon halimu do ginjang ni roha
tu hamoraon. Tongtong ma marroha haserepon, patutoru diri, satia tu Debata. Asa unang
didok nasida ala gogo dohot malona mangomo angka hamoraoni.
Di Ayat 17 tangkas situtu do sipaingot ni Debata na mandok "Asa unang dohononmu
dibagasan roham: Gogangku sandiri dohot huaso ni tanganhu mangomo di au hamoraon
on." Molo mamora pe jolma, silehonlehon ni Debata do i, Debata do na pasauthon dohot
napasingkophon asa sahat hamoraon i. Dipasahat Debata pe hamoraon i na marningot jala
pahothon janjiNa do. Marhite i nian mangonjar roha na mandok mauliate tu Debata na
paluahon sian parhatobanan ni bangso Misir gabe bangso na merdeka: marhagabeon,
mamora jala sangap. Jadi boi ma dohononta dilean Debata tu hita gogo ndada asa lao
mamora arta i, ndada asa mahap jala mambahen sonang. Alai asa margogo do marningot,
satia, jala mandok mauliate tu Debata na satia di janjiNa. Dipasahat Debata pe luhutna i asa
gabe pasupasu do jala pasinghophon angka ulaon ni Debata.

III. Panimpuli

Saluhut na pinasahat ni Debata di ngolunta ndang ala ni hamaloon ni jolma dohot ala ni
gogona sandiri. Luhutna i silehonlehon ni Debata do hombar tu janjiNa. Ala ni i do tongtong
ma hita mandok mauliate tu Debata naung pasonanghon ngolunta, unang gabe ginjang roha
(angkuh) (Poda 11:2), ai maralo situtu do i diadopan ni Debata (Psalmen 119:21). Baliksa
ingkon tapangido do tu Debata asa malua hita sian ginjang ni roha (Psalmen 19:14) ala
molo ginjang rohanta, naparjolo on patuduhon na so unduk hita tu Debata, selehon uhum
tu hita. Na paduahon molo ginjang rohanta (mangulahon na so ulaanta) boi gabe
parsalisian tu na asing (Poda 13:10), na patoluhon, maila do hita molo diboto halak ginjang
rohanta (Lukas 14:8-9). Ginjang ni roha i pe boi marbonsir sian roha dohot pingkiranta
molo hamoraon i holan sebatas di arta, hagabeon dohot hasangapon. Jala unang adong tubu
pingkiranta holan jolma na burju, serep do na gabe mamora. Tu Juhut do dilehon Debata
hamoraon i dibagasan Jesus Kristus Tuhanta i, na boi pabosurhon, pasingkophon na ringkot
di ngolunta gabe boi hita marlas ni roha situtu. Di na bosur manang ndang bosur hita,
unang tung halupahon Debata. Amen