Acara Partangiangan Sektor HKBP Ressort Tanjung Morawa kota

Rabu - Jumat 21 – 23 Oktober 2020

1.Marende BE No. 179 : 1-2 “Adong do sada mual”
1. Adong do sada mual i, di na mardosa i Mansai denggan do mual i pasonang rohangki
2. Aek mual na badia i, ima di Jesus i. Disesa do tihasta i, dibuat arsak i.
2. Votum-Introitus-Doa
U: Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni tondi Parbadia, na
tumompa langit dohot tano on. Amen. Songon on do didok Tuhan Jesus, Ianggo poda na di Ahu, ndang Ahu
nampunasa, poda ni namarsurua Ahu do i. molo adong manang ise namambaen lomo ni roha ni Ama i, botoon ni i do
taringot tu poda i, manang na sian Debata i, manang na huhatahon i sian rohangrohangKu sandiri. Songon na didok ni
Surat i, Angka batang aek na mangolu do mabaor sian pamatang ni na porsea di Ahu. Haleluya.
Sude: Ale Jahowa Debata sai lehon ma aek Hangoluan di hami, asa sombu uas na di rohanami on.
P: Martangiang ma hita: Ale Tuhan Debata, pargogoi na so hatudosan, Amanami saleleng ni lelengna. Asi ni rohaM do
na mangaramoti hami sian na sailaon rasirasa nuaeng, jala asi ni rohaM do na mangalehon Barita na Uli i, gabe
hangoluannami. Sai asi ma rohaM, sai buhai ma rohanami jala lehon TondiM na badia i, asa huantusi hami sude
panogunoguM dohot pambahenanMu na balga i. paian ma hataM dibagasan rohanami, asa mardame jala lam imbaru
rohanami, asa mardame jala sonang hami lam imbaru rohanami marhitehite AnakMu, Tuhan Jesus Kristus Tuhannami
Sude : Amen
3.  Manjaha turpuk Epistel : Johannes 4 : 5-14
U 4:5 Gabe ro ma ibana tu sada huta na di Samaria, na margoar Sikar, mardonokkon ladang na nilehon ni si Jakkob tu si
Josep, anakna i.
J 4:6 Alai adong ma disi sumur ni si Jakkob; jadi dibahen naung loja Jesus sian pardalanan, hundul ma Ibana di lambung
ni sumur i; tar di hos ni ari ma i.
U 4:7 Dung i ro ma sada boru Samaria, manahui aek. Jadi didok Jesus ma mandok ibana: Lehon Ahu minum! 4:8 Ai
nunga laho angka siseanna i tu huta, manuhor bohal.
J 4:9 Jadi didok boru Samaria i ma mandok Ibana. Boasa mangido tapian Ho halak Jahudi, sian ahu boru Samaria? Ai
ndang marparsaoran halak Jahudi dohot halak Samaria.
U 4:10 Dung i ninna Jesus ma mangalusi ibana: Aut diboto ho basabasa ni Debata, jala aut ditanda ho na mangido aek
inumon sian ho, ra olo ho mangido tu Ibana; dung i lehononna ma tu ho aek na mangolu.
J 4:11 Jadi didok boruboru i ma tu Ibana: Tuan, tahutahu gari soada di Ho, tole bagas do sumur on; tung sian dia ma tu Ho
aek na mangolu?
U 4:12 Tung umbalga ma Ho asa ompunta si Jakkob, na mangalehon sumur on di hami? Ibana do manginum sian i dohot
ianakhonna ro di pinahanna!
J 4:13 Dung i ninna Jesus ma mangalusi ibana: Sai mangulahi mauas do nasa na minum sian aek on.
U 4:14 Alai na manginum aek silehononki, na so tupa mauas be i ro di salelenglelengna. Ai anggo aek silehononki, gabe
mual do i di bagasan ibana, na mabaor sahat ro di hangoluan sisalelenglelengna. I do sahat na martua ma na
tumangihon hata ni Debata jala naumpeonsa.
J: amin
4. Marende BE No. 709 : 1-2 “ Jesus mangasi i au”
1. Jesus mangasi i au Bibel i mandok tu au nang gale, metmet pe au tongtong do nampuNa au.
Jesus Tuhanku nampuna ahu Sai pos rohangku Bibel mandok tu au.
2. Jesus mangasi i au, pola mate ala au Lao manesa dosangki, laos mangungkap surgo i.
Jesus Tuhanku .........
5. Jamita sian: 1 Rajaraja 17 : 1- 6
U 17:1 Dung i ro ma hata ni si Elia, halak Tisbi, sian halak paisolat di Gilead, mandok tu si Ahab: Songon sintongna
mangolu Jahowa, Debata ni Israel, jala ahu marhalado di jolona, ndang jadi ro nambur manang udan, manang piga taon
on, molo so jolo ahu mandokkon!
J 17:2 Dung i ro ma hata ni Jahowa mandok tu ibana:
U 17:3 Laho ma ho sian on jala tondong ma dompak purba, jala martabuni ma ho di lambung sunge Kerit na di bariba ni
Jordan.
J 17:4 Ingkon minum sian sunge i ma ho, jala nunga hudokkon angka pidong sigak, asa nasida marmudu do disi.
U 17:5 Dung i laho ma ibana jala dibahen ma hombar tu hata ni Jahowa, laho ma ibana tutu jala hundul di lambung sunge
Kerit na di bariba ni Jordan.
J 17:6 Jadi ro ma angka pidong sigak mamboan tu ibana sagusagu dohot juhut manogotna i dohot bodarina i, jala sian
sunge i ibana minum.
Hatorangan Jamita.
Hamu angka dongan hinaholongan ni Tuhanta Jesus Kristus!
Dilehon Debata do si Elia on gabe tiruan di hita di kondisi ni toleransi beragama di bangsonta (Di na masa Corona,
didok pamarenta asa sude beribadah di jabu; hape, alai di na marminggu ruas sekeluarga di jabuna, ro do parugamo na
asing mangorai nasida). Ai di uju ni si Elia on, raja Ahab ma gabe raja ni Israel. Si Isebel ma gabe pardihutana, boru ni
bangso sisomba debata baal. Mansai gogo do ibana mempengaruhi si Ahab, gabe sude ma Israel marsomba tu baal;
ditadingkon nasida ma Debata Jahowa.
Alai, di situasi na songon i ma ro si Elia. Ro ma ibana tu jolo ni raja Ahab manurirangkon uhum sidabuon ni Debata
tu Israel ala ni dosa i, ima na so ro udan saleleng so ibana mandok. Ima na parohon bencana kemarau dohot kelaparan.
Ndang mabiar ibana. Dia mau “tampil beda”. Songon nidok ni ende i “Mengikut Yesus Keputusanku”: “Tetap kuikut
walau sendiri...” Nang pe naung sude Israel termasuk rajana marsomba tu baal, ianggo si Elia hot do maniop Debata
Jahowa. Jala barani do ibana menegor angka na sala – termasuk rajana sandiri.
 I ma sitiruonta, hatoguon manghatindangkon Debata ditonga-tonga ni angka halak situndali Debata. Hape didok
angka uluan ni huria, musuh na umborat adopan ni halak Kristen nuaeng ima: konformismus, sikap ikut arus tanpa daya
kritis. Songon nidok ni halak Batak: Eme na masak digagat ursa, ia i na masa ima niula. Hea do binege barita sian dongan
pandita di sada huria di bonapasogit. Adong anak ranto na mulak tu huta ala naeng gabe calon legislatip di kota. Dibahen
ibana ma gondang begu di huta i laho mangido pangurupion ni sumangot ni angka ompuna asa boi ibana tarpillit. Gabe
dohot ma sude tondongna na di huta i. Disungkun pandita i ma ruas na mandohoti i: Diboto hamu do na maralo i tu Hata
ni Debata?”. “Huboto hami”, ninna nasida. “Jadi boasa dohotanmuna?”. Aha ma dohonon amang, ai molo so hudohoti
hami, sirang ma partondongonnami. Songon i do nang di angka parkarejoan: Korupsi halak, dohot hita. Manguangi (main
suap) halak, dohot hita. Nang di bisnis. Nang di dunia mode, parbajubajuon, panghataion dohot na asing pe.
Kita harus membina iman agar semakin mampu tampil beda dari kebiasaan yang mneyimpang dari jalan Tuhan. Ai di
portibi on di hita, alai unang sarombang hita dohot portibi on (Rom 12, 12). Justru ingkon ingotonta, sengaja do hita
disuru Tuhan Jesus tu na songon i, gabe sinondang dohot sira na paubahon nasida. Tuhan membutuhkan orang-orang
Kristen yang mau tampil beda dari sekelilingnya karena iman percayanya, tidak mau berkompromi dengan hal yang salah
walau sudah semua orang melakukannya, karena yang dilakukan banyak orang belum tentu benar, tetapi yang benar itu
yang harus dilakukan banyak orang. Didia do hagogoon ni hatoguon ni si Elia on? Tapaihut ma turpuk on tu Jakobus 5, 17
– 18: martangiang, unang jolo ro udan; jala ndang ro udan di tano i, tolu taon onom bulan lelengna. Dung i diulahi ma
martangiang, jala dilehon langit i ma udan; dung i dipantubuhon tano i ma parbuena. Di ay. 1, di na ro ibana tu jolo ni raja
Ahab, didok ibana do: “Songon sintongna mangolu Jahowa, Debata ni Israel, jala ahu marhalado di joloNa ..” ("Demi
Tuhan yang hidup, Allah Israel, yang kulayani)”. Hagogoona ima mangasahon Debata, martangiang ma ibana.
Tangiangna i ma na marhuaso, na margogo, ala marhite tangiangna i, tersalur ma tu ibana hagogoon ni Debata Pargogo na
so hatudosan i. I do ala didok di Jakobus 5, 16b: “Na margogo situtu do tangiang ni partigor, molo dihaburjuhon” (Doa
orang yang benar, bila dengan yakin didoakan, sangat besar kuasanya). Ala ni i, ingkon lam gogo do hita martangiang, asa
holan mangasahon goar ni Debata asa boi hita tampil beda sian masyarakat na lumlam, jala asa boi hita paubahon nasida
mulak tu Debata.
Hamu angka dongan! Namangihut ma. Gabe dohot do si Elia mangae na hansit ala ni panurirangonna i. Ai gabe masa
ma haleon potir (kelaparan) di sandok Israel. Hona ma nang si Elia. Alai disi ma taida kehebatan ni Debatanta i: Disarihon
do angka naposoNa, na porsea tu Ibana, dengan caraNya yang sungguh-sungguh ajaib. Ai ala nunga masa haleon, disuru
Debata ma si Elia tu sunge Kerit. Disi ma ibana martabuni atik gabe tarrimas raja Ahab. Laos disi ma ibana diparmudu
Debata. Minumna sian aek ni sunge i. Ianggo i somal dope i, ate! Alai na paling mengagumkan ima: didok Debata di ay.
4b: “nunga Hudokkon angka pidong sigak, asa nasida marmudu do disi”. Jala di ay. 6, didok: “Jadi ro ma angka pidong
sigak mamboan tu ibana sagusagu dohot juhut manogotna i dohot bodarina i”. Pidong sigak (burung gagak) disuru Debata
marmudu si Elia. Molo jolma disuru Debata, somal do i, ate! On pidong sigak. Luar biasa! Boasa? Tangkas ma dipatudu
tu hita, tung di toru ni huaso ni Debata do saluhut. Boi do disuru nang pidong marmuduhon jolma. Na somal, jolma do
mangalehon mangan pidong. Alai on, tarbalik do. Tutu situtu ma, di toru ni huaso ni Debata do i sude. Boi do dihuntam
Debata pamangan ni angka singa unang dibuha pamanganna mangallang si Daniel, dkk na i. Di na mardalan Israel sian
Misir tu Kanaan mamolus padang gurun i, gok do disi ulok na berbisa situtu nang kalajengking, alai dipaonjap Debata do
i, gabe boi nasida mardalan dohot berkemah disi so dihahua angka pandoit i. Ala ni aha? Ala di toru ni huaso ni Debata do
i sude.
Alai na paling menakjubkan ima: pidong sigak disuru manaruhon sagusagu dohot juhut (jagal) ganup manogot dohot
botarina. Hape, somalna, sai mangareapreap do pidong sigak i mangalului bangke, ai nunga tung torop marmatean jolma
nang angka binatang. Ai binatang na rakus tu juhut do pidong sigak. Molo diida i juhut, pintor dipolgak do, marbada pe
taho dohot dongannna, ndang diboto i berbagi tu donganna. Jala ndang adong i tersisa bahenonna. Hape nuaeng, pidong
sigak i ma disuru Debata manarui juhut laho sipanganon ni Elia, asa singkop
sipanganon ni naposoNa i. Adong aek, adong sagusagu, adong muse juhut. Terjamin ma kesehatan dohot gogo ni
naposoNa i. Sungguh-sungguh luar biasa. I do ala didok Tuhan Jesus hape paposhon rohanta: Unang holsohon hamu agia
aha ai disarihon Debata do hamu (Mat. 6, 25; Pil. 4,6). Kejadian meyakinan kita bahwa Tuhan sanggup menyediakan
makanan dan minuman serta yang kita butuhkan dengan cara ajaib. Allah selalu punya caraNya sendiri, dengan menggu-
nakan dan menggerakkan segala yang ada di sekitar kita untuk memeli-hara hidup kita. Allah sanggup mendatangkan
Manna, entah dari mana, juga burung puyuh (lote) ke perkemahan Israel selama 40 tahun. I do hape ala pos roha ni
parpsalmen i mandok: Jahowa Siparmahan au, ndang tagamon hurangan au... (Tajaha Psalm 23). Dan Mazmur 37, 19b
mengatakan tentang orang yang saleh: “mereka akan menjadi kenyang pada hari-hari kelaparan”.
Alai ra pintor ro ma sungkunsungkunta: Toho dope masa sisongn i sahat tu nuaeng. Manang dohononta: Holan jamita
ma i, panditanami. Alai hujaha di blog ni amanta Jhonni Pardede, taringot tu sahalak pandita di Cina, na di penjarahon
manang piga taon (taboto do pangaleleon tu halak Kristen di Cina, ate). Ndang dilehon ibana mangan. Alai sai torus do
ibana martangiang, jala pos rohana, na sanggup Debata marmudu ibana disi. Aha ma na masa. Mansai godang do
bagudung mardalani di sel-na i. Dipambuati bagudung i do roti dohot sipanganon sian dapur, jala ingkon bolusonna sel-na
i laho tu asarna. Jotjot ma madabu angka sipanganon i di sel-na i. Ima gabe sipanganonna ganup ari gabe sehat do ibana.
Ra, molo jujur hita, taalami do angka halongangan sian Debata laho manarihon ngolunta. Hea do masa, entah kenapa,
borhat sahalak pandita dohot inanta i manopot sada ina na mabalu di huta i. Ndang apala ditanda pandita i dope nasida, ai
na imbaru ro dope pandita i tu huria i. Hape di na sahat nasida, dituktuk ma pintu. Tar leleng dibuka. Dung i haruar ma
inanta i. Taarida situtu do, na imbaru tanagis dope inanta i. Dung masitandaan, manghatahatai ma, dipaboa inanta i ma
persoalanna. Hira piga bulan dope monding amanta i. Hape manadingkon utang na balga tu sahalak tondongna, alai ndang
diboto inanta i. Hape ndang adong hepeng nasida laho manggarar. Gabe naeng disita ma arta nasida. Alai didok inanta i tu
pandita i: Amang, disi hubege dituktuk hamu pintu i, ndang huboto ise, jala ndang hutanda dope hamu, alai, hira na
ungkap huida dalan tu banuaginjang. Entah kenap, didok pandita i ma: Hulului pe hepeng sipinjamonmuna. Hira na
pajagojagohon do idaon i nian. Alai, tung mangula do Debata. Boi do dapot ni pandita i hepeng pinjaman so pola
marbunga. Dipasahat ma tu inanta i piga ari berikutnya. Hiras ma roha ni inanta i. Dipasupasu Tuhan ma boi berkembang
usaho tinadingkon ni amanta i.Tutu situtu, Allah punya cara tersendiri, cara yang ajaib untuk membantu kita. Haporseai
ma i, unang holsoan hita, unang korupsi, unang mangalului arta sian dalan na so turut. Amen

6. Marende BE No. 774 : 1-2 “ Tung mabaor sian Ho”

1. Tung mabaor sian Ho, mual hangoluan i, Ai torop pe batang aek angka dolok dohot rura, Nang pe langit dohot tano Ho
do na manompa i, Ho do na manompa i, Ho do na manompa i, Ho do manompa i, Ho do na manompa i.
2. Ai huboto do tangkas hagoonMi Tuhan, Ho do na so hatudosan na tongtong Ho pasangapon Las rohangku
pasangaphon, Ro marsomba tu joloM, ro marsomba tu joloM Ro marsomba tu joloM, ro marsomba tu joloM.

7. Tangiang sian ianakkon

8. Marende BE No. 673 : 1-2 “ Adong do sada mual i”

1. Adong do sada mual I na sian Tuhan I, Durus sian bugangNa I di hau parsilang I,
Di hau parsilang I, di hau parsilang I, Durus sian bugangNa I di hau parsilang i.
2. Parjahat na dilambungMi taruli sian I, Nang au pardosa songon I, ias diburi I, Ias diburi I, ias diburi I,
Nang au pardosa songon I, ias diburi.

9. Tangiang sian natoras

10. Marende BE No. 760 : 1-2 “Jesus do ale-alengku”(Pasahat ma pelean )

1. Jesus do ale-alengku soada tudos ni ale-ale na sumurung I di au, hasoloanni rohangku Tuhan haposanki,
Sipalua na mamorsan dosangki, Na mangapuli au di sitaononki mangurupi au di hagogotan i. Jesus do alealengku
soada tudos mi, Ale-ale na sumurung I di au. Na mangapuli au di sitaononki mangurupi au di hagogotan i.
2. Tuhan Jesus do mamorsan sude na dosangki Napalua au sian pangago I, Hutanggali ma luhutna, jolma na buruk I
Hupelehon ngolungki tu Tuhan I Molo pajumpang sogot au dohot Tuhan I Idaonku ma hamuliaon na i.
Jesus ma hamuliaon na i. Jesus do .........
11. Rap mandok Tangiang Ale Amanami
12. Mangendehon Amen... Amen... Amen...