Sibasaon Minggu 06 Juni 2021

Teks : 1 Musa 3 :1-7 Doding : Hal No. 353 : 1,3, 4

1. Haputusan ni jolma in do mambahen madabuh ia hu bagas dosa, sedo halani ulog in. Memang
igambarhon do paboa ulog do sipandeian marimbang sagala binatng na i talun, na tinompa ni
Naibata. Bani terjemahanni hata Heber, “talun” aima halimisan. Jadi memang i antara binatang
i halimisan, ulog ma na paling mampu bertahan bani talun na gok tantangan ai. Pandeini ulog
ai ningon itempatkon hita do ibagas pangarusion pasal kenmampuanni laho paoto-otohon
jolma in do, na sasintongni markuasa dompak sagala binatang (1 Musa 2:1). Jadi, ulog na bani
teks on sedo ulog songon na ibagas pambotohta na manjulur i tanoh, tapi sada sarana kuasa
na manlawan Tuhan, aima sibolis in. Aima ase na itonjolhon pe pasal ulog on, aima humbani
cara kerja ni na mangoto-otoi jolma in do.

2. Anggo ipardiatei hita bani ayat 1 ai, isuba ulog ai do mambobai pikiranni jolma in ase “sangsi’
bani hata ni Naibata; “Adong do nani ihatahon Naibata, na so bulih panganonnasiam humbani
sagala buah ni hayu na i pohon on?”. Songon sora ni ulog ai na “memancing” jolma in masuk
hubani “tawar-menawar” bani titah atap hata ni Naibata. Ijon ma terjebak naboru ai marhitei
na ra “mardiskusi” pakon sipangoto-otoi, na mambalosi : “Bulih do panganonnami humbani
buah ni hayu na i pohon on; tapi anggo pasal buah ni hayu na i parsitongahan ni pohon on,
ihatahon Naibata do: Ulang pangan hanima hunjai anjaha ulang jamah, ase ulang matei
hanima.”. Jolma in mulai “mambuha diri” hubani arahan ni ulog ai. Ulog ai pe mulai
ma”manggeser” hasintongan ni hata ni Naibata, nini ma : “Seng tongon matei nasiam, tapi
ibotoh Naibata do, anggo ipangan nasiam hunjai, gabe buha ma matanasiam, doskon Naibata
ma nasiam mambotoh na madear pakon na masambor.”.

3. Proses dialog na “memperdebatkon” hata ni Naibata aima gabe tubuh ma penilaian humbani
jolma in sesuai hubani rosuhni, lang be marpanukkun hubani Naibata. Anggo isobut bani ayat
5 ai, “Inonoi naboru ai ma....”, on mararti naboru ai mulai ma “melihat”, “menilai” humbani
mata ni sandiri. On ma holi na gabe bona ni keputusanni na laho mangankon buah ai. Jenges
idahon anjaha marosuh ma ia mangidah, halani boi papentarhon, nini uhurni. Lupa ma bani
titah, lupa ma bani uhuman ni Naibata. On mana menggerakhon jolma in, ibuat anjaha
ipangan ma buah ai. Humbani proses in ididah hita, jolma in do na bani ujungni mambahen
kesimpulan ampa keputusan. Ibere hubani paramangonni, anjaha ipangan. Tontu, sarupa do
ijon penilaian ni si Adam homa tene. Jadi keputusan akhir aima “ipangan” sidea do buah ai.
Jadi tangkas ma, sedo ulog ai, tapi sihol ni uhur ase dos songon Naibata do tene mambahen
madabuh jolma in hubagas dosa. Age banin goluhta sonari pe, anggo memang pitah
“penilaian” ni mata pakon harosuhta do ibahen hita, tanpa marpedoman hubani harosuhni
Naibata, madabuh do hita hubagas dosa sihol ni uhur bani hajengeson ni dunia on. Adong do
jolma na “serakah”, lang parduli bani hasoman, lingkungan. Ioppot do hansa mansuhuni
rosuhni ase ia ninuhurni sipentaran, sibayakan, pnl. Dosanta aima sanggah lang be dong
komunikasi pakon Naibata, ijai ma hita “irayu” keinginanta, golap ma mata, ujungni pikirianni
ma ianggap hasintongan ai.

4. Gabe buha ma mata ni sidea, ibotoh ma na talanjang sidea. Aha na tarjadi? Lang tongon na
hinatahon ni ulog ai. Suhar do na jumpah. Taridah in humbani sikap ni jolma in dob madabuh
hubagas dosa, isomot sidea ma bulung ni hayu ara bahen bobat ni sidea. Aha na saud ibotoh
sidea dob buha matani sidea, sedo jumpahan hapentaran, tapi lambin tangkas do ididah sidea
pasal dirini na talanjang ai. Gabe adong suasana na baru, aima maila anjaha mabiar do sidea.
Ijon pe na ibotoh anjaha isadari paboa sidea domma gabe korban kelicikan ni ulog/sibolis ai.
Marhitei kesadaran na sonon, paboa na ipaoto-oto sibolis do hita marhitei mata pakon
harosuhni dagingta, tontu hita pe lambin tartuju ma pikiranta hubani harosuh ni Naibata, na
dob manobus hita humbani dosa, Ase ulang ma hita manunut dosa na sasintongni isadari hita
domma manlembang humbani rosuh ni Naibata. Amen
Pdt.ASP