BAHAN SERMON HKBP RESSORT SEI LOBA

JUMAT, 07 OKTOBER 2020

MARINGANAN DI HKBP PARSAORAN RESSORT SEI LOBA

MINGGU XX DUNG TRINITATIS

30 OKTOBER 2022
Evangelium: Jesaya 1:16-20
Massadi Sian Nasa Hajahaton Jala Burju Mangaradoti Hadaulaton

I. Patujolo
Adong lirik ni Ende namandok “ Apalah arti ibadahmu kepada Tuhan, bila tiada rela sujud dan
sungkur? Apalah arti ibadahmu kepada Tuhan, bila tiada hati tulus dan syukur? Ibadah sejati, jadikanlah
persembahan. Ibadah sejati: kasihilah sesamamu! Ibadah sejati yang berkenan bagi Tuhan, jujur dan
tulus ibadah murni bagi Tuhan”Sian lirik ni Ende on boi do tabereng , songon dia do panombaonta na
dihalomohon Tuhani Ima parangetta maradophon dongan jolma .barita namangolu Ima songon dia do
pambaenatta tu hasangapon ni Tuhan.
Diminggu na pa 20hon Dung Trinitatis Ima taringot Sitolu Sada ni Debata .dibagasan turpuk ta sadarion
di patakkas do taringot tu bukku ni si Jesaya napatolhasson habadiaon ni Debata, namarlapatan mai lao
paingotton bangso Israel naingkon Tuhan Debata do si sombaon nasida jala marparange mangihutton
habadiaon nai. Sada narikkot di bereng si Jesaya, ima akka panombaon panombaon na diulahon ni
bangso i di tingki hatihai jala songon dia do parange nasida maradophon dongan jolma !dibagasan
pambaritaanni panurirang Yesaya, di patolhas si tutu do taringot Debata, songon raja ni israel, alai dung
di pillit Debata si Jesaya gabe panurirang di taon halak Juda. krisis politik na massai posi umbaeni
bangso ni Tuhani gabe di bagasan pardingkanon ,parungkilon ,dohot pargabuson.

II. Hatorangan ni turpuk

Hatani Tuhani na di surathon di bukku ni si Jesaya Ima di bindu 1:16,didok marburi ma hamu ,urasi
hamu ma dirimuna,paholang hamu ma hinaroani pambaenanmuna Sian jolo ni matakku,pasohot
hamunma manjahati. Di ayaton Adong tolu parenta na tadapot. ima marburihon dirinta Sian dosa nang
hajahaton, paissahon diritta Sian dosa Nang hajahaton,jala paholang hon diri Sian angka dosa Nang
hajahaton Sian jolo Matani Debata.
Adong Muse di turpuk na asing Debata paingotton nasida Ima bangso Israel tikki hatihai dohot dihita
apala di tikkion ,asa boi Hita paholanghon dirinta Sian angka dosa pangaloseon Nasida asa mulak Muse
tu Tuhani! Nian ringgas martangiang, marminggu, mandok mauliate pasangaphon, manomba jala
mangalehon pelean ,udut pasonanghon Tuhani.
Molo Sian ayat 17, Hata ni Tuhani !adong Onom singot singot Sian Debata tu bangso Israel tingki
hatihai! Na parjolo mai marguru tu nadenggan ,napaduahon mangalului uhum,na patoluhon mamittori
ni rupa, patikkoshon uhum tu nasopot so marama ,jala mangondingi ma hita tu angka na Mabalu.
Pasohot hamu ma angka na zat ido na nihalomohon Tuhani sian bangso Israel,bangso na pinillit nai.
Ikkon si tutu do manadikkon hajaton dungi gabe bangso parholong situtuma jala par asi roha.
Dihalomohon Tuhani do nasida boi jala olo marhamubaon dungi mulak ma Tuhani memuji jala
pasangapphon goarNA.
Lapatanna mangguruhon nadenggan,di halomohon Tuhani do bangso na pinillitnai giot boi marparange
nadenggan ,lam denggan jala Gabe massai denggan sian angka parkaro na tu Tuhani,tu na asing,Nang
tuangka dongan.Dihalolomohon Tuhani do Nasida Nang Hita pe apala di ditinkion .asa tongtong
mamuji pasangaphon dohot mangulahon hatanai massai denggan na lobi denggan jala na tung denggan.
Hagiothonma Hatigoran. Di bagasan bukku poda 21:3 didok disi :lomoan do rohani Jahowa mida
namangulahon hatigoran dohot uhum asa mida pelean jala di halomohon Tuhani do hatigoran tu angka
halak na lea.Didok di psalmen 140:13.tangkas do huboto Sai Maruli uhum do na dangol dohot na pogos
baenonni Jahowa.
Paubahon parroha na pulut. Sasittongna , Debata ni Israel dihalomohon do asa boi nasida nian
paubahon na pulut marroha tu dongan jolma. Nang tu halak nagale ,halak na dangol dohot akka jolma
na lea Pasiatton akka nasopot so marama dohot akka na mabalu .Hata ni Debata na tersurat di 2 Musa
22:22 mandok ,dang jadi rupaon boru boru na mabalu manang anak na lumang lumang " dungi tajaha
ma muse hata ni Debata na disurathon di 5 Musa 24:17.didok disi dang jadi papeolonmu uhum tu halak
dagang,dohot tu dakdanak na sopot somarama jala dang jadi buatonmu ulosni parompuan na mabalu
bahen singkoram.
Hata ni Debata na di surathon di 5 Musa 24:21.ima napaingothon hita asa unang hita mamutik anggur
na Padua hali hon ala lobi ni parbuaenai sumurung ni halak dagang ,nasopot somarama dohot na mabalu
na mai. Songon na nidok hata ni Tuhani "ia dung suda di tapu ho parbue ni porlak anggurmu dang jadi
ulahonmu manjopputi halak dagang ,nasopot so marama ,dohot namabalu nama nampunasa.
Lam tu daona ,ikkon tongtong do nasida mangguruhon akka nadenggan ,lam tu dengganna di adopan ni
Tuhani saleleng ngoluna. Ikkon tongtong do nasida manghagiothon laho mangguruhon akka nadenggan
dohot hasittongan udut mangendehon ende puji pujian na pasonanghon roha ni Tuhani ,jala porlu do
nasida marguru martangiang, mandok mauliate mamuji pasangaphon ,manomba dohot pasahatton
Pelean akkup di haporseaon na togu ,lam togu jala togu situtu ma..di ayat 18. Sasittongna Tuhan Jesus
na Badia nungga di patoru dirina, jala di pados tuat tuportibion mandalani hajolmaon !marsiak ,di
parsilangkon, mate jala di tanom, dungi mulak mangolu do Ibana Sian Tonga Tonga ni halak naung
mate diari patoluhon lao manobus jala paluahon sude akka pardosa na marhaposan tu Ibana.
Nungga tuat Ibana sian surgo tu portibion lao manobus nasa dosatta...nungga di urasi nasa dosani akka
naporsea tu Ibana jala dang manghirim manang aha sian Hita.Nangpe dosatta marrara songon bunga
dapdap nungga di tobus be sude,jala nungga di pa bottar songon itak jala nangpe dosa nasida marrara
songon hasumba nungga bottar dibaen songon hapas.
Di patakkas mai Muse diayat 19 ,molo taoloi jala ta ulahon do Hata ni Tuhani ,laos panganonta do
parbuae nadenggan sian luati.molo tongtong dohita mangoloi, marhamubaon, jala paibbaruhon diritta
dibagasan biar ta tu Ibana .Lam di pasu pasu ma hita jala di patuduhon holongna i di tikkina ,molo
tongtong do hita martangiang , mandok maulite ,mamuji ,pasangaphon goarNA jala pasonanghon roha
ni Tuhan di bagasan haporseaon na togu gabe jaloon ta ma holong na sian Tuhani dohot pasu pasu na
somarnasuda di siganup ari ,HALELUYA!
Molo taparate- ate hon di ayat 20.didok do Muse, molo hata ni Tuhani olo dohot Amen, taingot- ingot
ma hatani Tuhani, ikkon marpos ni roha do hita unang mangalo jala unang manimbil, oloi jala ulahon
hataNAi ,unang olo hita madabu di bagasan dosa nang hajaton.unang madabu hita tulombang hamatean,
tahaporluhon ma martangiang bissan di ngolutta dope jala mandok maulite tu ibaNA . baen ma puji
pujian, panombaon, pelean tu Tuhani pa pir ma tondim dohot mangido gogo tu Tuhani asa di undungi
Tuhani hita sian pusaha ni hajatoni martua ma hita napaias hon dirina jala na pasidinghon dirina sian
angka pangalaho naso suman, siala naung di tobus IbaNa sude dosa pangaloseon ta.
Martua ma halak namangguruhon nadenggan lao pasonanghon Tuhani, ala nungga di urasi jala di tobus
nasa dosantta nangpe marrara songon bunga Dapdap Gabe bottar songon itak jala di urasi dosanta na
Marrara songon hasumba Gabe bottar songon hapas.
Martua ma halak na togu di haporseaon jala na tongtong mangguruhon martangiang mandok maulite
mamuji pasangaphon jala
pasonanghon roha ni Debata, napadaohon pangalaho naso suman jala na mangulahon angka nadenggan!
ala nungga di parade inganan na sun denggan di hita di hangoluan na so ra suda, jala Dame ma dihita

III. Hahonaan dohot Panimpuli

1. Ulahonma aha na dihalomohon Debata di siganup ari, ai di bereng Tuhani doi, Unang ro tu rohatta
aha na tabaen denggan tu Tuhani alai gabe dang taingot songon dia do sasittongna naeng
silehonnatta Tuhani.
2. Pasohot ma mangulahon angka hajaton namambaen hita gabe dao sian Tuhani. Sasittongna Sai di
togu togu do hita Lao mangulahon na denggan di adopanNA
3. Nian akka nadenggan na taulahon unang ma na mar sipalessem holan asa di bereng halak burju,alai
dokma sude pangalahom na denggan holan Lao pasonanghon roha ni Tuhani.

Biv. R. MANULLANG
HKBP PARDOMUAN