Sibasaon Minggu, 29 Mei 2022 (Exaudi)

Teks : Johannes 5: 1-9

Tema : Ibalosi Tuban do pangindoanni halak na pintor
Doding : Hal No. 337:1-3

PARLOBEINI
Pasal buku Johannes on adong keunikanni anggo ipausih hita hubani 3 Evangelium nalegan (Mateus, Markus
pakon Lukas). Pitah Johannes do namamungkah marhitei pernyataan bahasa Hata in domma adong mungkahni,
janah Naibata do Hata in (1 Mus. 1:1; Joh. 1:1; 1 Joh 1:1-2). Buei penafsir-penafsir Bibel na menjuluki Evanggelium
Johannes on aima ambilan na sadokahni-dokahni (Firman yang kekal). Bani buku Johannes on pe buei do ituliskon
halongangan-halongangan nabinahenni Tuhan Jesus termasuk ma teks ni ambilanta on. Perikop ta on ipungkah
humbani kalimat "I pudi ni ai”, na mararti ma ai bahasa lanjutan humbani peristiwa na ilobei do peristiwa on. Naija
Jesus mambahen tanda halongangan marhitei napamalumhon sada anakni pegawaini raja. Ijon pe Ia mambahen
tanda halongangan marhitei pamalumhon sahalak naboritan. Tangkas ibotoh hita bahasa naborit on aima sada
bentuk penderitaanni sahalak jolma, janah naborit on mengganggu aktifitasni jolma. Aima ase boi do ibayangkon hita
bahasa lang adong sahalak jolma pe namangharosuhkon ia boritan.

HATORANGAN
Ipatorang ijia bahasa dasma Ia bani sada ianan (paridian) na margoran Bethesda. Goran Bethesda marasal
humbani bahasa Aram aima bet hesda namararti rumah belas kasihan. Bethesda on marukuran luas, boi
manampung buei jolma janah adong 5 sopou-sopouni. Ijaima biasani halak naboritan martumpu, paimahon parrohni
malekatni Tuhan manggunsang bah ai. Adong keyakinanni sidea anggo parlobei masuk hubagas bah na domma hona
gunsang ai, malum ma ia. Janah bani natsni ambilan on ihatahon bahasa adong sada naboritan domma 38 tahun
dokahni, tapi lang ipatugah aha naboritni. Boi ibayangkon hita 38 tahun boritan, tontu domma cukup sabar ma ia
sadokah on janah pasti domma buei usaha-usaha naibahenni ase dapotan hamalumon ia. Das bani panorang Jesus
roh hu Bethesda ai, ijai pe ia paimahon hamalumon in. Mangidah situasi ai, ipungkah Jesus ma parsahapan pakonsi
“Sihol malum ham?” Tawaran naipadas Tuhan Jesus on sedo sembarang tawaran. Tontu domma itandai-Ni naboritan
ai, jadi iberehon-Ni ma tawaran ai. Ibotoh Jesus do aha naporlu bani naboritan ai, janah patut do ninuhur-Ni la
manawarhon ai hubani. Ididah hita balosni naboritan ai “Ham tuannami, seng dong diha-dihangku, na mangabingkon
ahu hu paridian in bani pargunsang ni bah in, ai rohhonsi ahu, domma adong na legan manlobei ahu turun.” Sada
balos napatugahkon ketidakberdayaan do balosni ai. Hunjon boi ma dapot hita situasi naialami naboritan on.
Patutma ia seng anjai malum, halani lang adong na mangabingsi ase masuk hu bah ai. Lambin tangkas ma sonaha
homa haporsayaonni pakon semangatni sihol malum humbani naboritni.
Manangar pengakuanni naboritan ai gabe holong ma uhurni Tuhan Jesus. Iparentahkonnima “Jongjong ma
ham, angkat ma podomanmu in, laho ma ham!" Tuhan Jesus langsung mambahen sada kalimat perentah. Tapi
parentahni Tuhan Jesus aima sada parentah na marisihon otoritas, pakon kuasa. Pitah Tuhan Jesus dassa naboi
manghatahon sonai, halani haganupan na adong i dunia on tunduk hubani parentahni Jesus. Na iyakini naboritan ai
bahasa maningon masuk do hubagas bah ai ase malum, janah domma buei terjadi nasonai ai. Sedangkan 38 tahun
dokahni ia lalap lang boi masuk halani lang adong namangabingsi. Tapi panorang ijia parentahni Jesus marbeda
pakon aha na iyakinisi. Lang ipatugah bani nats on sonaha ibagas uhurni naboritan ai. Lang mampu marlumba pakon
diha-dihani naboritan nalegan, ia domma tibal bani tilamni. Tapi mangidah responni ai boi ma nabotoh bahasa
porsaya do ia hubani parentahni Tuhan Jesus ai. Ipadaohni do keyakinanni ai bahasa maningon parlobei masuk hu
bah ai ase malum, tapi ihorjahonni do parentahni Jesus. Sada haporsayaon luar biasa janah ipaturutni ipartawai
namabuei ai ia pakon Tuhan Jesus halani parentah ai. Pangkorhonni ai dapotni ma sinintani uhurni aima hamalumon
(Heb. 11:2-9). Halongangan ma tongon buahni haporsayaonni ai halani mandalankon parentahni Jesus. Mintor
malum ma ai, iangkat ma podomanni, lanjar laho ma ia. Hunjon taridah bahasa haganup naborit ai lang markuasa
ibahen haporsayaonni naboritan ai hubani Jesus (Mat. 8:13;9:22). Naboritan ai boi mardalan tanpa marhiteihonni
ritual mangingon gabe halak naparlobei masuk hu bah Bethesda, la pitah mambalosi Tuhan do janah hasilni domma
ididah hita. Sedo paetekkon tradisini sidea ijia, tapi sedo pitah ai sarana anggo sihol malum. Haporsayaon hubani
Tuhan Jahowa daoh lebih margogoh marimbangkon aha naihaporsayai jolma na boi pamalumhon. Idopni uhurni
Jahowa ialo-alo haporsayaonni jolma, gabe pasu-pasu napasonangkon uhurma dob ni. Pambalosionni Tuhan hubani
ipatuduh humbani hasirsironni mandalankon parentah. Hunjon taridah bahasa halak na pintor do ia janah namabiar
mangidah Jahowa. Mabíar mangidah Jahowa mararti naporsaya, manangihon pakon mandalonkon hata-Ni.

HAHONAANNI
1. Domma gabe sada kebiasaan hubani sidea bani panorang ijia bahasa ari Sabat lang boi manghorjahon sada
horja. Termasuk ma pamalumhon baoritan songon na ihorjahon Jesus. Na ibahen Jesus on sekaligus
mambuka cakrawala marpingkirni sidea bahasa lang haganupan horja ilarang bani ari Sabat. Pardasni pasu-
pasuni Tuhan lang itontuhon humbani panorang termasuk ari Sabat, tapi itontuhon hubani waktu na
itotaphon Tuhan.
2. Marhitei idop ni uhur-Ni malum do na boritan 38 tahun ai. marhitei na porsaya hita hubani Naibata, hita pe
boi do mandapothon hamalumon jasmani pakon partonduyonta. Halani domma ipaluah hita humbani
gomgoman ni dousa maka maluaah ma hita janah totap ma satia hita bani hata-Ni bani goluhta bahasa
ibalosi Tuhan do pangindoanni halak parpintor. Anggo Sihol malum do hita, maka jalo hita ma pandiloonni
Tuhan bani goluhta siganup ari halani pitah Jesus di tabib sagala tabib bani goluhta.