Bahan Sermon Ambilan 24 Desember 2023 (Malam Natal )

Ambilan : Mateus 1:18-23

Topik Minggu : Hasomanta do Naibata

Evangelium Mateus patandahon Tuhan Jesus na gabe Sipaluah bani Bangsa Israel na paimahon Mesias
na laho paluahkon BangsaNi hunbani dousa pakon hajahaton, na ipungkah mangihutkon garis
Keturunan Josep songon na somal bani adat Jahudi.

Bani teks ni ambilan on ipatoranh do bahasa sanggah martunangan ope Josep pakon Maria, domma
hape boratan rumah Maria humbani Tonduy Na Pansing. Tontu Josep na gabe tunangan ni gobir atap
maruntol do mambotoh domma boratan rumah Maria. Halani Josep aima paruhur na pintor, seng ra ia
mambahen Maria tarbador i lobeini namabuei, ase tubuh uhurni manirangkon Maria sip-sip.

Ibagas sitaronon ni Josep na banggal ai, roh do Malekat ni Tuhan manjumpahkonsi ibagas nipini na
laho patugahkon bahasa ase Josep ulang gobir mangalop Maria gabe parinangonni sekaligus ma ai ase
ulang isirangkon Josep si Maria. Penekanan hata “O Josep, Anakni si Daud” aima na gabe tanda bahasa
partubuhni Jesus aima mangihutkon garis keturunan ni Abraham pakon Daud na memang sadokah on
ibotoh halak Jahudi bahasa Mesias atappe Sipaluah roh hunbani ginomparni Abraham pakon Daud.
Janah Malekat manobut Marhitei Tonduy Na Pansing aima na laho patuduhkon bahasa partubuhni
Tuhan Jesus halani campur tangan ni Tuhan Naibata. Songon Josep na ibere Tuhan hagogohon laho
pamagouhon hagobironni, marhitei teks on taridah do bahasa anggo domma Naibata mamilih hita gabe
parugasni, ibere Tuhan do apoh-apoh janah hagogohon laho pasaudkon harosuh-Ni.

Keputusan na ibahen Josep aima manghorjahon parentahni Tuhan marhitei Malekatni, na patandahon
bahasa Josep aima jolma na taat dan setia bani Tuhan. Kesetiaan ni Josep bani Tuhan lang pitah
ipataridahkon sanggah bani malasni uhur, tapi ibagas pergumulan ni pe Josep totap setia bani Tuhan
janah totap manghorjahon parentahni Tuhan.

Ipatugah Malekatni Tuhan do hubani Josep ase ibahen ma goran ni Anak ai aima Jesus. Jesus aima hata
na dos pakon hata Heber Yeshua (Yosua) na mararti “Tuhan Paluahkon”. Goran on pataridahkon
bahasa tugas na ijolom Anak na sihol tubuh aima paluahkon jolma humbani dousa marhitei partubuh
pakon parmateiNi. Partubuhni ai aima marhiteihon ni “Anak Boru” (23), anak boru bani teks on mararti
do homa hunbani hata Gorik “Partenos” pakon hata Heber “Almah” na mararti gadis yang sudah cukup
umur tapi pansing ope. Hal on pataridahkon Maria aima sada anak boru na pansing (suci, perawan)
songon pangungkabon ni Jesaya.

Hahonaanni

1. Tuhan Pasautkon PadanNi

Bani mungkahni jolma hubagas dousa, domma ipadankon Tuhan na laho paluahkon jolma
humbani dousa. Na laho paluahkon jolma humbani kuasa dousa ibere Tuhan Naibata do Jesus
Kristus hu dunia on na laho gabe sipaluah. Na gabe galangan terakhir ase boi jolma mardamei
pakon Tuhan.
2. Ketaatan pakon haporsayaon aima respon bani rancangan ni Naibata
Songon Josep na setia pakon taan bani parentahni Tuhan, sonai ma homa hita bani goluhta on.
Malam Natal paingatkon hita ase totap manghorjahon hatani Tuhan bani sanggah malas ni uhur
atappe ibagas pergumulan. Pos uhurta seng ipaturut Tuhan hita mandompakon masalah ai, tapi
ibere do gogoh hubanta ase boi saut rencani ni Tuhan.
3. Hasomanta do Naibata.
Songon topik mingguanta, bahasa partubuhni Tuhan Jesus hu dunia on aima patandahon bahasa
hasomanta do Naibata. Seng ipaturut Tuhan Naibata hita manggoluh janah matei ibagas dousa.
Tapi roh do Ia marhitei Tuhan Jesus roh doskon jolma in, janah pal amatei ia tarsilang halani
holongni uhurni hubanta jolma.