Bahan Sermon Evangelium 06 Februari 2022

Nats : Markus 1:16-20

Tema : Gabe Siihutkon Kristus
Usul Doding : Hal No.107:1-3

I. Parlobeini
Haganupan halak na porsaya bani Tuhan Jesus isobut do Kristen, namararti siihuthon Kristus.
Buei do cara ni ibahen Tuhan laho mandilo jolma na gabe susianni, na gabe alat laho
mambaritahon hasintongan hu dunia on. Markus pataridahkon bahasa Tuhan Jesus mambahen
onjolan Harajaonni marhitei pandiloonni bani susianni. Tuhan Jesus mamungkah pangidangionni
na laho mambaritahon ambilan namadear marhiteihonni mandilo susianni. Sahalak pemimpin
maningon manontuhon ise halak na boi gabe hasoman sahorjani. Tuhan Jesus na laho mambahen
“tim” bani pangidangionni, aima na gabe penerus tongkat estafet na laho mambaritahon ambilan
namadear in.
II. Hatorangan
Dipanggil tanpa memandang status
I huta Galilea buei tumang na gabe nelayan. Yosefus na bani panorang ai menjabat Gubernur
Galilea manghatahon bahasa dong sekitar 330 parao na berlayar i tao Galilea, hal on halani
makanan pokokni sidea aima dekke. On ma nagabe profesini Simon, Andreas pakon Jakobus
ampa Johannes.
Simon, Andreas, Jakobus pakon Johanes aima rakyat sederhana (sedo masombuh), panjala do
sidea. Sidea sedo berpendidikan tinggi, sedo homa halak na bayak. Artini sidea aima jolma biasa
na lang marlatarbelakang na hebat. Dong istilah namanghatahon “sedo halani markuasa ase
ipilih, tapi halani ipilih ase ibere kuasa”. Tontu hal on relevan do homa songon pandiloonni
Tuhan Jesus hubani susianni, jolma biasa na ibere idopniuhur marhitei kuasa laho
mangambilankon Ambilan namadear.
Amos manghatahon “Seng nabi namin ahu barang anakni Nabi, tapi parmahan do ahu anjaha
sipaturei-turei hayu ara. Tapi ibuat Jahowa do ahu humbani na mangalai biri-biri, anjaha
ihatahon Jahowa hubangku, ‘Laho neh, manjahai dompak bangsang-Ku Israel’.”(Amos 7:14-15).
Hal on patuduhkon bahasa pandiloonni Tuhan hubani jolma na ipilihni gabe susianni sedo
marhitei latarbelakang. Sedo halani pendidikan tinggi, sedo halani itanda halak, sedo halani
jabatan,pnl. Pandiloonni Tuhan hubanta aima halani idopni uhurnNi do. Hal na maningon
icontoh hita aima, sonaha cara pandangni Tuhan Jesus mangidah halak na legan, Tuhan Jesus
lang mengidah hunbani daratni, tapi hunbagas dirinta do, Tuhan boi mangidah sonaha potensi-
potensi ibagas goluhni susianni. Sonai do homa gambaranni Tuhan mangidah hita, seakan Tuhan
mengatakan pada kita “Berikanlah hidupmu kepada-Ku, maka Aku akan menjadikan engkau
seharusnya ada”.
Perubahan: Sijala dengke-Sijala jolma
Pandiloonni Tuhan Jesus hubani Simon pakon Andreas ipungkah marhiteihonni pangarahanni
Tuhan Jesus marhitei hata “eta, ihuthon nasiam ma Ahu, Hubahen pe nasiam sijala jolma”. Boi
hatahononta, parjumpahan on lang na gabe panandaion na parlobei bani Simon pakon Andreas,
sidea domma bahat manangar pasal Jesus. Anggo mangihutkon paraelelni teks bani injil sinoptik,
teks on berkaitan do homa pakon Johannes pandidi. Jadi boi ihatahon bahasa marhitei Johanes
pandidi, domma ibotoh sidea ise do Jesus ai. Ipungkah ayat 16-19, bani tiap nats dong do sada
ugas-ugas na gati isobut, aima “jala”. Marulak-ulak do hata “jala” isobut Markus sedo pitah na
laho patugahkon bahasa sidea aima panjala, tapi lobih hunjai arahanni Jesus marhitei jala ai
aima: marhitei jala do boi dapotni sidea dengke na gabe sumber penghasilan, onma dalan goluh
na ipasu-pasu. Janah marhitei jala ma homa sidea mamboan pasu-pasu hunbani Tuhan, aima
padashon Ambilan namadear. Bani bahasa inggris taridah do perubahanni hata on aima
Fisherman gabe fishers of man. Sada hata na hampir mirip tapi banggal tumang perbedaan
artini. Halani hunjon ma taridah sada perubahan na banggal, aima perubahan horja na bersifat
parsatongkinan gabe horja na bersifat sadokahni-dokahni. Anggo mangihuthon surat paralelni,
aima Johannes 1:35-51, dong do sungkun-sungkun ni Tuhan Jesus bani sidea “aha do
pindahannima in?” boi do gabe sungkun-sungkun revleksi dohomani on banta, sasintongni aha
do na ipindahi hita? Hal na sifatni sementara tumang do atap rado homa mamindahi na sifatni
sisadokahni dokahni in.
Idilo laho mangidangi
Hal na menarik bani pandiloonni Tuhan Jesus bani susianni aima idilo langsung laho marhorja.
Somalni anggo dong sahalak pemimpin laho mangarahkon halak nalegan laho bergabung bani
horjani, hal na parlobei itawarhon aima pasal keuntungan. Hape anggo Tuhan Jesus tawaranni
aima “tugas” laho gabe sijala jolma, na secara ekonomi lang dong keuntungan sama sekali. Jesus
mandilo sidea sedo laho bersenang-senang, na laho mangidangi do. Tuhan mandilo sidea sedo na
laho hidup nyaman dan tenang serta malas-malasan tanpa kegiatan, Ia mandilo sidea na laho
ituntut tanggungjawabni laho manggalangkon dirini bani Jesus ampa bani samah jolma. Tapi
panandaion na sintong na ipataridahkon Simon, Andreas, Jakobus pakon Johanes ra manjalo
ontanganni Tuhan Jesus laho mangirikonsi, manjalo tugas pangidangion na iondoskon Tuhan
bani sidea. Hata “minttor” (segera) bani ayat 18,20 mambere bukti tekad ni sidea na laho
mangirikhon Jesus. Tontu hal on lang “segampang membaca” tapi buei do na itadingkon sidea
laho mangirikkon Jesus. Tapi sada hal na pasti, sidea idilo laho mamboan hubani hamonangan.