PARTORDING NI

PARTANGIANGAN PARPUDI 2023

HKBP JATIASIH

Rabu, 22 November 2023

SUSUNAN IBADAH

1. Marende BE 392 : 1 - 3 " SAI PASIAT TUHAN JEUS "

Sai pasiat Tuhan Jesus tu bagasan rohami.
Sai maimaima Jesus, bege panuktukNa i.
Sai pasiat Tuhan Jesus, jangkon i tu rohami,
Nunga tingki parasian, sotung jolo salpui.

Hariburon na di tano, sai ringgas di jangkon ho,

Marisuang Tuhan Jesus sai dihagarishon ho, Sai……………….

Ai sadia leleng nari laos so putus rohami?

Unang toishon, so tung salpu tingki parasian i. Sai……………..

2. Votum - Introitus – Tangiang

3. Koor : Wijk 4, 5, 9

4. Marende BE 354 : 1 + 3 " SAI TONG MAIMAIMA DO "

Sai tong maimaima do, rohanta i di Jesus
Ibana haluaon do, di angka naung tinobus
Rodo muse Tuhanta i, mardongan hasangapon i
Sai ro ma Ho, o Jesus, sai ro ma Ho, o Jesus

Satongkin nari nangkok be, marhitehite ombun

Rap dohot Jesus lao sude, tu surgo i marujung
Rodo muse Tuhanta i, mardongan hasangapon i
Sai ro ma Ho, o Jesus, sai ro ma Ho, o Jesus

5. Koor : Wijk 2, 3, 7

6. Epistel : Pangungkapon 21 : 1 - 4
21:1 Dung i huida ma banua ginjang na imbaru dohot tano na imbaru, ai
nunga salpu banua ginjang na parjolo dohot tano na parjolo i; laut i
pe ndang adong be.

1
 21:2 Jala huida ma huta na badia i tuat sian banua ginjang sian Debata, i
ma Jerusalem na imbaru, na pinature songon oroan na sinanggulan
mandapothon harajaanna.
21:3 Jadi hubege ma soara na gogo sian habangsa i, na mandok: On do
joro ni Debata di tongatonga ni angka jolma; na maringanan ma
Ibana di tongatonganasida, jala nasida ma bangsona, jala Debata
sandiri saor tu nasida!
21:4 Jadi apusan ni Debata ma nasa iluilunasida sian matanasida: Ndang
adong be hamatean nang arsak ni roha; nang angguhangguk, nang na
hansit, ndang disi be; ai nunga salpu na parjolo i!

7. Koor : Wijk 1, 8, 6

8. Tangiang Pangondianon :

9. Marende BE 523 : 1 - 2 "SONGGOP TU HAMI"

Aning andigan do tarbahen au, tu surgo i, tu surgo i
Asa huida disi Tuhanki, di surgo i, di surgo i
Lan do na porsuk siaeon dison, sonang di surgo do tondingkinon.
Alani i sai malungun do au, tu surgo i, tu surgo i.

Sai guru di lomoMi ma au on :,: Mian dison:,:

Butbut na jat, baen ias rohangkon :,: Di tano on:,:
Holong rohangku di Jesus tongtong, nang hahaanggi di portibi on
Sai na managam do rohangkinon. Di haroroM tu tano on.

10. Jamita : Jesaya 65 : 17 - 23

65:17 Ai ida ma, ahu ma manompa langit na imbaru dohot tano na

imbaru, jala ndang be ingoton angka na parjolo i manang
tarsunggul tu roha.
65:18 Ingkon marlas ni roha ma hamu jala marolopolop ro di
salelenglelengna ala ahu manompa angka i! Ai ida ma, ahu
manompa Jerusalem bahen parolopolopon, jala bangso isina i
bahen las ni roha.

2
 65:19 Ahu sandiri pe marolopolop do mida Jerusalem, jala marlas ni roha
ahu mida bangsongku, jala * ndang be tarbege disi soara
partangison manang soara angguhangguk.
65:20 Ndang adong be disi posoposo siotik ari, manang na ubanon na so
gok ariarina; ai dolidoli dope na marumur saratus taon laho mate,
jala pardosa sisaratus taon hona bura.
65:21 Jala paulionnasida ma angka bagas, laos inganannasida,
suanonnasida ma hau anggur jala panganonnasida parbuena.
65:22 Ndang tagamon nasida * paulihon bagas, gabe halak na asing
mangingani, ndang tagamon nasida manuan, gabe halak na asing
manganhon; ai songon ariari ni hau, songon i do ariari ni
bangsongku, jala jadijadian ni tangannasida ingkon halak na
hupillit marsaulihonsa.
65:23 Ndang tagamon loja so marniula nasida, manang manubuhon anak,
asa tilahahononna tibu, ai pinompar ni na pinasupasu ni Jahowa do
nasida ro di tubunasida i.

11. Marende BE 837 : 1 " SADA HUTA NA MANSAI ULI " ... P. Pelean
Sada huta na mansai uli, Sambulo ni tondita do i,
Bagas ni Debata Ama i, Diparade di na monang i
Sogot di surgo i, sai pajumpang do hita disi sogot di surgo i,
Sai pajumpang do hita disi.

Hita dohot donganta di san, rap marende mamuji Tuhan,

ndang adong hasusaan di san, salelengna di surgo sonang,
Sogot di surgo i . . .

Debata Ama parholong i, sai puji on salelengna i,

na marmuduhon ngolunta i, denggan basaNa sai hot do i,
Sogot di surgo i . . .

12. Tangiang Pelean - Tangiang Ale Amanami

13. Pasupasu