HKBP

LAPAN – LAPAN
MINGGU
PALMARUM
Topik:
“Ida Ma, Na Ro Ma Rajami
Manopot Ho”

Minggu, 24 Maret 2024

Martangiang
Na Hohom
 BE No. 581 : 1
“Sangap Di Jahowa”
Sangap di jahowa na sun
timbul i, balga ni holongNa
ndang tarasam i. Dilehon
AnakNa na sasada i, manobus
hita jolma pardosa i. Puji ma
Debata ale manisia. Las
roham, las roham somba ma
Debata. Dapothon Jahowa na
 BE No. 581 : 2
“Sangap Di Jahowa”
Tung so hasuhatan do basaNa
i, marhite AnakNa nilehonNa
i. MudarNa durus do di hau
silang i, rara pe dosanta ias
dibaen i. Puji ma Debata ale
manisia. Las roham, las roham
somba ma Debata. Dapothon
Jahowa na sun timbul i,
 BE No. 581 : 3
“Sangap Di Jahowa”
Balga situtu pambaenMi
Debata, tung so hasuhatan
holong ni rohaM. Tu jolma
pardosa asi do rohaM,
diungkap Ho dalan lao tu
banuaM. Puji ma Debata ale
manisia. Las roham, las roham
somba ma Debata. Dapothon
 Votum
Introitus
Tangiang
 BE No. 115 : 2
“Tuhan Debata”
Jesus Ho tutu, Raja na
burju. Sai palua
tondinami sian
pardosaonnami. Pasupasu
be hami on sude.
 BE No. 115 : 3
“Tuhan Debata”
Sai parbadiai, sai
tongtong rajai. Ale Tondi
Parbadia rohanami asa
ria. Mangoloi hataM,
hombar tu rohaM.
 Patik
Psalmen 68:5
 BE No. 174 : 3
“Torop Do Pe Na Siat i”
Pardosa ho didok roham na so
tama be dohot? Ndang pola ala
ni dosam umbaen na sundat
bongot. Ai nunga sae do dosami
digarar Tuhan Jesus i. Naung
sae, naung sae, naung sae do
dosami.
 BE No. 174 : 4
“Torop Do Pe Na Siat i”
Haporseai ma hata i, ai i do
haluaon. Haposi Tuhan Jesus
i, mudarNa i ma golom. Ai
nang gok dosa rohami, malua
ho bahenon nii. Tutu, tutu;
malua baenon nii.
Tangiang
Manopoti Dosa
 BE No. 352 : 5
“Sai Hehe Ma Hamuna”
Hamu na holong roha di huta
Sion i. Sai tomu Rajamuna
marlasniroha be. Ai ari las ni
roha ma jumpang di hamu.
Hamu na nioroNa
parsanggulanNa do.
Epistel
Psalmen 72 : 1–11
Psalmen 72 : 1
Ale Debata, sai
pasahat ma angka
panguhumMu tu
raja i, jala
hatigoranMu tu
anak ni raja i.
Psalmen 72 : 2
Asa diuhum
bangsoM
marhitehite
hatigoran, jala
maruli uhum
angka na
dangolMu.
Psalmen 72 : 3
Asa
marparbuehon
hadameon angka
dolok di bangso i,
jala maruli
hatigoran angka
robean.
 Psalmen 72 : 4
Sai patingkosonna do
uhum tu angka na
dangol ni bangso i,
tumpahanna do
angka anak ni na
pogos, jala
ropuhanna do
sibahen gogo.
Psalmen 72 : 5

Sai Ho ma dihabiari
halak saleleng
adong mata ni ari,
jala saleleng tarida
bulan
marsundutsundut.
Psalmen 72 : 6
Sai tuat ma ibana
songon pangonai
ni udan tu padang
na sinabi, songon
udan nene na
mamornohi tano.
Psalmen 72 : 7
Martunasi ma di
angka arina i
partigor i, jala
manimbukbuk
hadameon ro di na
so adong be bulan.
Psalmen 72 : 8
Jadi ibana ma
mangarajai sian
laut sahat tu laut,
jala sian batang
aek i sahat ro di
angka ujung ni
tano on.
Psalmen 72 : 9
Ingkon marsomba
di jolona angka
pangisi ni
halongonan, jala
dilatan ni angka
musuna orbuk.
Psalmen 72 : 10
Boanon ni angka
raja sian Tarsis
dohot angka pulo
ma sombasomba,
angka raja sian Seba
dohot Etiopia
manaruhon
silehonlehon.
Psalmen 72 : 11
Jala sombaon ni
sude raja ibana,
luhut do angka
parbegu
mangoloi ibana.
 BE No. 240 : 1
“O Hamuna Na Porsea”
O hamuna na porsea, sai tong
hamu mangalo jea, utian ni
pangago i. Hata ni Debatamuna,
ma baen hamu sinjatamuna,
ndang talu be hamu disi. Bisuk
pe musu i, ditanda rohami, jou
ma Jesus, sai monang do
baenonNa ho alai musunta talu
do.
 BE No. 240 : 3
“O Hamuna Na Porsea”
Ale Jesus pargogoi ma nasa jolma
sioloi HataM di hasiangan on.
Paimbaru rohanami, huhut papir
ma tondinami, ai na gale do hami
on. Tu rohanami be pasaor ma
TondiMi na badia. Sai burju be, di
Ho sude, mangolu manang mate
pe.
Manghatindanghon
Haporseaon
Koor
Punguan Ina
Tingting
 BE No. 540 : 1
“Tuhan Jesus”

Tuhan Jesus sai hutagam

ariari haroroM. Naeng
dungo au, naeng rade au,
naeng hobas do
naposoM.
 BE No. 540 : 2
“Tuhan Jesus”

Pinapulik tu Tuhanku,
sirang sian dosa i. Sai
mardalan di na tiur
hupaima Rajangki.
 BE No. 540 : 3
“Tuhan Jesus”

Hupaboa na binaen ni
Jesus Sipalua i.
Na humophop ho na
dangol, na mamorsan
dosa i.
 BE No. 540 : 4
“Tuhan Jesus”

Lao managam
haroroNa sai
endehononku do.
Pangkirimon las ni
roha siboanon ni na ro.
 BE No. 540 : 5
“Tuhan Jesus”

Ai tibu do ro Tuhanta,
silu do langkaNa i.
Beta hita lao manomu,
taendehon Raja i.
 BE No. 540 : 6
“Tuhan Jesus”

Sai haporseai hataNa

dung i idaonmu do :
Saut sude bagabagaNa,
molo dung Tuhanta ro.
Jamita
Mateus 21:1-11
 Mateus 21:1
Dung i laho
mandapothon huta
Jerusalem, sahat ma
nasida tu sosor
Betpage,
mardonokkon dolok
Jetun. Sian i ma
disuru Jesus
siseanNa dua halak.
 Mateus 21:2
Ninna ma: Laho ma
hamu tu sosor na di
jolomuna an,
mamintor jumpang
hamu ma disi
tambat halode sada
rap dohot anakna;
harhari jala togu
hamu ma i tu Ahu!
 Mateus 21:3
Jadi molo tung
adong na mandok
hatana tu hamu,
alusi hamu ma:
Na ringkot do i di
Tuhan i! Dung i
pintor loasonna
ma.
 Mateus 21:4
Alai masa pe
sisongon i,
asa jumpang
na hinatahon
ni panurirang
i:
 Mateus 21:5
“Paboa hamu ma
tu boru Sion: Ida
ma, na ro ma
Rajami manopot
ho, na lambok do
rohaNa; halode do
hundulanNa dohot
anak ni halode
boban.”
 Mateus 21:6
Dung i laho
ma angka
sisean i
patupahon na
nidokkon ni
Jesus tu
nasida.
 Mateus 21:7
Diboan nasida
ma halode i dohot
anakna,
diampehon ma
ulosnasida tu
ginjangna, laos
dipahundul ma
Jesus tu atasna i.
 Mateus 21:8
Deba sian natorop
i pahembangkon
ulosnasida tu dalan
i, na deba nari
manalliki angka
ranting ni hau jadi
dipanserakkon
tusi.
 Mateus 21:9
Alai sude natorop i,
angka na di joloNa
nang na mangihut
sian pudi pe,
mangolopolophon:
“Hosianna di Anak ni
raja Daud! Pinasupasu
ma na ro marhitehite
Goar ni Tuhan i!
Hosianna ma di
ginjang!”
 Mateus 21:10
Jadi di na
bongot i Ibana
tu huta
Jerusalem, gaor
ma na sahuta i,
angka ninna ma:
Ise do Halak i?
 Mateus 21:11
Jadi dipandok
natorop i ma:
“Jesus,
Panurirang i do
i, na sian huta
Nasaret, na di
luat Galilea!”
Jamita
Mateus 21:1-11
 BE No. 363 : 1
“Mauliate Dok Hamuna”
Mauliate dok hamuna di Debata
na basar i.Sai puji ma denggan
basaNa, na so marpansohotan
i.O Israel girgir endehon ma asi
ni rohaNa i, na so hea
marparujungan, saleleng ni
lelengna i.
 BE No. 363 : 3
“Mauliate Dok Hamuna”
Ai uju au di hagogotan, joujou do
au tu Debata. Tangianghi do
ditangihon, dibaen do hosangki
arga.Jahowa do tongtong
donganhu, beasa ma mabiar au?
Tung aha baenon ni alongku, nang
manang ise dompak au?
 BE No. 363 : 4
“Mauliate Dok Hamuna”
Tuhanku do na manguluhon sude
na mangurupi au.Dibahen i ma
hutaluhon luhut na manghosomi
au.Dumenggan do marhaporusan
tu Debata na sintong i.Asa tu
jolma marhaposan nang pe tu na
rumaja i
 BE No. 363 : 5
“Mauliate Dok Hamuna”
Parbegu do manghaliangi au on,
mambuat hosangki.Hape sude do
hutanggoi marhitehite
Tuhanki.Ibana do hupangasahon i,
do umbaen malua au.Ibana do na
niarahon, umbaen marantu
monang au.
 BE No. 363 : 6
“Mauliate Dok Hamuna”
Sobokhon loba na marsorop
dihaliangi musu au.Hape laos
songon api mintop di bulu duri do
i lao.Marhite goar ni Tuhanhu do
hutaluhon sasude.Au na tinggang
naeng bahenonna, ditungkol
Debata dope.
Tangiang
Panutup
 Selamat
Hari Minggu