PARTORDING NI ACARA

MINGGU PALMARUM
HKBP BATAM CENTER - RESSORT BATAM CENTER
Distrik XX Kepulauan Riau

Minggu, 10 April 2022

 Ev: Psalm 118: 19 – 29  Ep: Mateus 21: 1 –
Topik: PINASUPASU MA NA RO DI BAGASAN GOAR NI TUHAN I

1. Joujou mamuji Debata: U = Uluan R = Ruas

U: Hamu angka dongan sahaporseaon dibagasan Jesus Kristus
Tuhanta i, na marpungu do hita di bagas Joro on pasadahon
pamujionta tu Debata naung sumeahon diriNa humophop hita.
Antong aha ma dohonanta ?
R: Pinuji ma Debata naung manobus hita saluhutna.
U: Balga situtu do saluhut pambahenan ni Debata, naeng ma hita na
punguon marlas ni roha siala ni i, jala naeng ma luhut
natinompaNa mamuji goarNa na badia jala na bonar. Beta ma hita
tapuji ma goarNa.
R: I ma tutu. Dibagasan las ni roha ma hita, mamuji Ibana.
U: Maremare! Pinasupasu ma na ro di bagasan goar ni Tuhan i.
marende ma hita..

2. Marende BE. HKBP No. 11 : 1 – 2 “Aha ma endehononku” BL. 185

(1)Aha ma endehononku asa pujionku Ho? Ale Tuhan Debatangku, sai
urupi au gogo. Ai ndang tarpajojor ahu asi ni rohaM di ahu. Ala ni hupuji
Ho tung marribu hali do.
-----Jongjong-----
(2)Sai sungguli ma rohangku mangendehon gogoMi. Dohot asi ni rohaMu
ro di habasaronM. Ai i do dihatindanghon tondi dohot pamatangku. Ala nii
hupuji Ho, tung marribu hali do.

3. Votum : A.VI.B6 – D.V.22

-----Hundul-----
1
4. Marende B.E HKBP No. 392 : 1 “Sai pasiat Tuhan Jesus” BL.261
(1)Sai pasiat Tuhan Jesus tu bagasan rohami. Sai maimaima Jesus, bege
panuktuknai. Ref. Sai pasiat Tuhan Jesus, jangkon i tu rohami. Nunga
tingki parasian, sotung jolo salpu i.

5. Patik : VI + Lapatanna

6. Marende B.E HKBP No. 411 : 2 – 3 “Nang pe rara dosamu“ BL. 274
(2)SoaraNa manjouhon, O, pauba rohamu! SoaraNa manjouhon, O,
pauba rohamu! Ai na asi do rohaNa sai dipio Ho. SoaraNa manjouhon
soaraNa manjouhon: O, pauba rohamu, O, pauba rohamu!
-----Jongjong-----
(3)SesaonNa dosamu, ndang dibaloshon tu ho. SesaonNa dosamu,
ndang dibaloshon tu ho. Tu Jesus ro, ho na loja, disi sabam ho.
SesaonNa dosamu, sesaonNa dosamu, Ndang dibaloshon tu ho, ndang
dibaloshon tu ho.

7. TANGIANG MANOPOTI DOSA: B.1 – C.1

-----Hundul-----

8. Marende BE. No. 210: 2 “O Tuhan na marasi roha” BL. 109

(2)Dibahen Ho do Pardengganan, pasaehon dosa i sude. I do
manghorhon haluaon di hami na tarjea i. Ipe mauliate ma au on di Ho, O
Debata!

9. Epistel:
U: Hata ni Debata Epistel di minggunta sadari on tarsurat di
Mateus 21: 1 – 9 tajaha ma marsorinsorin: Dung i laho
mandapothon huta Jerusalem, sahat ma nasida tu sosor
Betpage, mardonokhon dolok Jetun. Sian i ma disuru Jesus
siseanna dua halak.

2
 H: Ninna ma: Laho ma hamu tu sosor na di jolomuna an,
mamintor jumpang hamu ma disi tambat halode sada rap
dohot anakna; harhari jala togu hamu ma i tu Ahu!
U: Jadi molo tung adong na mandok hatana tu hamu, alusi hamu
ma: Na ringkot do i di Tuhan i! Dung i pintor loasonna ma.
H: Alai masa pe sisongon i, asa jumpang na hinatahon ni
panurirang i:
U: "Paboa hamu ma tu boru Sion: Ida ma, na ro ma Rajami
manopot ho, na lambok do rohana; halode do hundulanna dohot
anak ni halode boban."
H: Dung i laho ma angka sisean i patupahon na nidokhon ni
Jesus tu nasida.
U: Diboan nasida ma halode i dohot anakna, diampehon ma
ulosnasida tu ginjangna, laos dipahundul ma Jesus tu atasna i.
H: Deba sian natorop i pahembangkon ulosnasida tu dalan i,
na deba nari manallihi angka ranting ni hau jadi
dipanserakhon tusi.
U: Alai sude natorop i, angka na di jolona nang na mangihut sian
pudi pe, mangolopolophon: Hosianna di Anak ni raja Daud!
Pinasupasu ma na ro marhitehite Goar ni Tuhan i! Hosianna ma
di ginjang! I ma sahatna: Martua do angka na tumangihon hata
ni Debata jala na umpeopsa.
H: Amen.

10. Marende BE.HKBP No. 716 : 1 – 2 “Di na mamolus sandok ngolu

on” BL. 716
(1)Di na mamolus sandok ngolu on, gok do na marsak, gale. Boan
sinondang tu na holom i, asa margogo muse. Ref. Bahen ma ahu
parhiteanMu, pasupasuM mabaor ma i. Ale Tuhanku patupa ma au, baen
pasupasu tu dongan sude.
-----Jongjong-----
(2)Sai baritahon Jesus na burju, tuk manesa dosa i. Asa porsea di Jesus
tutu, denggan pambaenmu disi. Ref. Bahen ma ahu…
3
11. Manghatindanghon Haporseaon:
-----Hundul-----

12. Tingting

13. Marende BE. HKBP No. 217: 1-2 “Jahowa do donganku“ BL. 248
(1)Jahowa do donganku tung ise alongki? Tangiang ni rohangku
padaohon musu i. Hasian ni Debata au, Kristus ulungki. Tung aha
hatahata ni panginsahi i?
(2)Ai Damang do Jahowa, hupuji i tongtong. Sai i digolom roha, marningot
na holong do roha ni na timbo; tuk do gogoNa i mambuat nasa holso,
pasonang roha i.

14. JAMITA: Psalmen 118: 19 – 29

15. Marende BE.HKBP No. 363 : 1, 8, 11-12 “Mauliate dok hamuna”

BL.194 (Papungu Pelean Ia, Ib, IIa tu Pembangunan dohot IIb tu
Kantor Pusat HKBP )
(1)Mauliate dok hamuna di Debata na basar i. Sai puji ma denggan
basaNa, na so marpansohotan i. O Israel, girgir endehon ma asi ni
rohaNa i, na so hea marparujungan, saleleng ni lelengna i.
(8)Timbul do tangan ni Jahowa sibahen hamonangan i. Na tunduk do na
jungkat roha, hot jongjong do partigor i. Ndang mate au, sai na mangolu
do au marhite Tuhanhi. Pajojoronku, o pangolu ma saluhut pambaenanMi.
-----Musik-----
(11)Ianggo batu binolongkon ni angka pande bagas i. Jahowa do na
pajongjonghon baen batu na di suhi i. Na pinatupa ni Jahowa do i, na
longang situtu do roha ni na marnidasa huhut marsomba be burju.
(12)Nuaeng ma ari na dumenggan binaen ni Debatanta i. Dibahen i ma
tapadenggan nuaeng parendeonta i. Tumpahi hami ale Tuhan, di aril as ni
roha on. Sai pasupasu ma pambaenan ni tangannami be tongtong.

16. TANGIANG PANUTUP -----Jongjong-----

4