Bahan Sermon Sibasaon Minggu 17 September 2023

Teks : 1 Musa 50:15-21

Topic Mingguan : Ulang Manguhumi
Usul Doding : Hal. No 355:1-3
I. Parlobeini
Bani perikop ni Ambilan on boi do ididah sonaha Josep pataridahkon holongni hubani sanina-saninani.
Totap do Josep mangkaholongi sanina-sanina ni ai agepe sidea domma mambahen na lang madear hubani.
Bani panorang ijia ongga do ia laho ibunuh sanina-saninani ai, janah rencana pembunuhan ai marubah gabe
penjualan si Josep hubani halak Masir. Diperjualbelikan do ia sebagai jabolon oleh saninani sandiri. Sadokah
gabe jabolon I Masir Josep pataridahkon parlahou na madear janah rajin, aido ase gabe hinaholongan do ia
bani tuanni, tapi parinangon ni tuan ni ai menuduh Josep mangkorjahon sada hal na lang madear hubani. Halani
fitnah ai mambahen si Josep mandapot sada uhuman janah tartutup. Mulai hunjin menderita janah maruntol
tumang ma pargoluhan ni si Josep, namun hunbani ianan na terpuruk aido homa kisah pargoluhan ni gabe
marubah. Hun bagas tutupan nari ma si Josep iangakat gabe sahalak pejabat I Masir, na sadokah on ia lang
adong kekuasanni marubah ma gabe sahalak jolma na sangat markuasa. Josep na bani mungkahni aima jolma
na lang terhormat marubah ma gabe jolma na terhormat janah isegani buei halak. Hal on ma homa na ihabiari
sanina-saninani ai, anggo Josep berniat laho mambalaskon dendam pakon borit ni uhur ni bani sidea. Anggo
ibalaskon si Josep ma pambahenan sanina-sanina ni ai na lang madear hubani domma pasti celaka ma sidea,
tapi lang hape ipakei si Josep kekuasaanni pakon kesempatan na adong bani ai gabe dalan na laho mambahen
na lang madear hubani sanina-sanina ni ai. Justru ipakei ni do kuasa na adong bani ai laho melindungi sanina-
sanina ni ai.
II. Hatorangan Teks
Dob konsi matei si jakob mabiar do sanina ni ai anggo ibalaskon si Josep ma bani sidea pambahenan
sidea na lang madear ai. Ibotoh sidea do Bahasa si Josep hormat tumang do bani bapani ai janah iarusi sidea
do homa Bahasa somalni agepe domma matei bapa ni ai anggo hata ni totap do idalankon niombah ni. Yakin
do sidea anggo Josep manangar podah si Jakob bapa ni ai Bahasa maningon do iampuni hasalahon ni sanina ni
ai. Dalan pikiranni Josep lang sadalan pakon sanina ni ai. Lang adong hagigi ni si Josep bani sanina ni ai lang
halani pesan ni bapa ni ai tapi Josep mangkaholongi sanina ni ai halani lang ra manggantihkon peran ni Naibata
aima mambalaskon uhum bani jolma na jahat (ay 19). Josep lang ra mambuat peran ni Naibata tapi ia pitah
mangkorjahon peranni ilobei ni Naibata aima mamikirhon pakon mangkorjahon na madear ase goluh ni lambin
ipasu-pasu Naibata.
Bani hubungan antara Josep pakon sanina-sanina ni ai , boi ididiah hita sonaha Josep patuduhkon
kebesaran hatinya, otik pe lang adong domdom ibagas uhurni hubani sanina ni ai. Ibotoh ni do Bahasa sanina-
sanina ni ai domma mambahen na masambor hubani tapi boido ia kaluar hunbani pemikiran na lang madear,
lang ra ia pitah mamikirhon hasamboran na domma ihorjahon sanina-sanina ni ai hubani. Ia lang marpikir
hunbani sisi negative ni tumang tapi mampu do ia mangidah sisi positif ni bahkan boi do ia mangidah Bahasa
ipudi ni pambahenan ni sanina-sanina ni na masambor ai pasti do adong hikmah na maharga. Josep mangidah
Bahasa campur tangan do Naibata bani pardalanan ni goluhni, lang itadingkon Naibata ia, martarimakasih do
homa ia Bahasa hasamboran na binahen saninani ai domma iubah gabe hadearon. On do homa na isuratkon
Apostel Paulus bani Rom 8:28: “Ai ibotoh hita do, haganup do manumpak hubani na madear bani sagala na
marholong ni uhur bani Naibata, na mandilo-Ni bani sura-sura-Ni hinan”. Halani ai Josep lang tertarik laho
mambuat posisi sebagai hakim na laho mandabuhkon uhuman bani hajahaton sanina-sanina ni ai na hinan
hubani. Josep mambuat sada posisi na ija ibagas uhur nab ulus marpangulaki do uhur ni bani sanina ni ai janah
ibagas uhur na terbuka ra manjalohon sanina-sanina ni ai ibagas na madear.
III. Hahonaani
1. Manguhumi aima sada horja na gati tumang ihorjahon hita bani pargoluhanta on janah on do homa na
gabe tantangan I tongah-tongah parsaoranta nuan on. Gati do hita menilai hasomanta termasuk homa
dirinta marhiteihonni standar-standar na ibahen hita sandiri. Padahal sebagai halak na porsaya naming
lang hita na laho manilai hasomanta sonai homa age dirinta sandiri tapi Naibata do. Halani ai
kehadiranta gabe siboan pasu-pasu ma ulang gabe sipanguhumi bani halak na legan.
2. Bani haganupan aha na masa bani pargoluhan ni si Josep in ma homa na gabe siparayakonta. Yakin do
si Josep bani haganupan pambahenan sanina ni na masambor ai hubani pasti adong rencana ni Naibata
na madear hubani halani aido ase si Josep mangondoskon penghakiman pitah hubani Naibata tumang.
Hita pe bani hagaupan na masambor na ijalo hita bani goluhta on aningon yakin do homa hita Bahasa
adong do renana ni Naibata ibalik ni haganupan ai, paturut hita ma Naibata na marhorja bani goluhta.