November 20, 2017 [ Acara partangiangan kertimbang ]

ACARA PARTANGIANGAN LAHO MANABURHON BONI

PENYERAHAN MOBIL BUMK
HUTA KERTIMBANG
Tgl. 24 Desember 2019

01. Votum
P : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni
Tondi Parbadia namanompa langit dohot tano on, dipasaor ma Damena tu Tondinta. Amen. Laos
rap ma hita mandok tangiangta i
P + R : Ale Jesus Tuhan nami bereng hami na dison. Pinarmahan mi do hami saluhut na dison sai asi
rohaM di hami sai pangolu hami on. Amen
02. Marende Huria: BE. No: 56: 1 -2 “Sai Roma Hamuna”
Sai ro ma hamuna angka na porsea
Sai ro ma hamuna tu Betlehem
Ida dakdanak, Sipalua hita
Tasomba ma Ibana, Tasomba ma Ibana, Tasomba ma Ibana, Rajanta

O Raja na sangap Tuhan ni saluhut

Ditaon Ho na porsuk di tano on
Ala ni jolma na di hamagoan
Tasomba ma Ibana, Tasomba ma Ibana, Tasomba ma Ibana, Rajanta

P : Sogot manogotna i saburhon bonim jala unang patait tanganmu nang

bodarina i, ai ndang diboto ho manang dia sian na dua i manjadi, manang tung
rap duansa manjadi. (Parjamita 11 : 6)
Martangiang ma hita: Ale Tuhan Debata Ama nami na di banua ginjang. Sasada Ho do
siparmahan nadenggan roha. Namarpungu do hami nuaeng martangiang, laho pasahathon
pangidoan nami tu Ho. Huhaporseai hami do, Ho do Debata mula ni nasa na adong, Ho do
sitompa na adong hian naso adong hian, jala mambaen manjadi sude nasa naniula. Nuaeng
huboan hami do boni on tu joloM, asa jumolo pasu-pasuonMu andorang so husuan hami. Asi ma
roham ale Debata, sai ramoti ma na huula hami, asa dao sian angka bala, isara ni aek magodang,
antingango, gulok-gulok ni tano, alogo manang ambolas, ro di manang aha pe tahe na tau
manegai na huula hami. Lehon ma udan dohot las ni ari ditingki halehetanna asa tung mansai
denggan tano hatubuan ni suansuanan natau gabe hangoluan nami. Hupangido hami ma tu Ho,
sai parrohai jala ajari ma hami marhaseanghon gogo ni naniulanami ia tung maruli pasupasu sian
Ho, asa hupatupa hami i tu namarguna di hami, jala tau pangalapan sangap di goarMu. Sai
tangihon jala oloi ma pangidoannami on, marhitehite Tuhan Jesus Kristus Tuhannami, Amen.

03. Mandok Hata

1. Panita
2. Natua-tua ni Huta
3. Kepala Desa (Penyerahan Mobil)
04. Martangiang Sian Sahalak Ama : (Manangianghon angka ianakkon na diparsikkolaan, na di
luat parserahan lumobi na dibagasan parsahiton dohot asa adong roha dame di huta on)
 November 20, 2017 [ Acara partangiangan kertimbang ]

05. Marende Huria, BE. No: 57: 1 “Nunga Jumpang Muse Ari Pesta i”
Nunga jumpang muse ari Pesta i
Hatutubu ni Tuhanta Jesus i
Tuat do Ibana sian surgo i
Mebat tu hita on

Hasangapon di Debata
Dame, dame ma di jolma
Las ni roha ni Debata
Hajolmaon muse

06. Martangiang Sian Sahalak Ina: (Manangianghon angka na ni ula ni tangan na di balian, di huta
suang songoni di namangaradoti Mobil BUMK asa dao sian parmaraan jala hipas-hipas)
07. Martangiang Sian Sahalak Parhalado: (Manangianghon angka ruas ni huria asa dibagasan
hahipason dohot ringgas ni roha laho manngula-ulaonna suang songoni nang tu parmingguan.)

08. Marende Huria, BE. No: 52 : 1-2 “Hatuaon do”

Hatuaon do las ni roha do Hatutubu ni Jesus i
Mago do jolma ro ma Tuhanta las be, las be ma rohanta i
Mago do jolma ro ma Tuhanta las be, las be ma rohanta i

Hatuaon do las ni roha do Hatutubu ni Jesus i

Domu do hita tu Debatanta las be, las be ma rohanta i
Domu do hita tu Debatanta las be, las be ma rohanta i

10. Jamita: Poda 2 : 4-6

11. Marende Huria, BE. No: 53: 3 – 6 “Dibetlehen do tubu” (Pelean)
Sai naeng haholonganku Ho ale Tuhanki
Nang marsak las rohangku ingkon lam ganda i
Olo, olo, ingkon lam ganda i

Burju naeng lehononku di Ho rohangkinon

Asi rohaM Tuhanku Urupi au tongtong
Olo, olo, urupi au tongtong

Partohap di dagingku Ho, Debata hian

Tu Ho naeng au mardomu Ho artangki hian
Olo, olo, ho artangki hian

Sai unang sirang hita Momosi ihot i

Di holong ni rohanta O Jesus, Tuhanki
Sai tong, sai tong di Ho ma rohangki

12 Tangiang Panutup

Selamat Natal, 25 Desember 2019

&
Tahun Baru, 01 Januari 2020