PARTORDING NI ULAON

BUHA - BUHA IJUK

HURIA KRISTEN BATAK PROTESTAN (HKBP)

kedataran
17 April 2022

1. Marende BE No. 96:1-3 NUNGA TALU HAMATEAN BL. 101

1. Nunga talu hamatean dibaen Tuhan Jesus i
 Ai na hehe do Ibana songon na nidokNa i
Ref.: Haleluya, haleluya nunga hehe Jesus i .
Haleluya, haleluya nunga hehe Jesus i
2. Ia angka boruboru lao do tu tanoman i
Ndang disi be Tuhan Jesus, nunga hehe sian i.Ref.:
...........(jongjong)...............
3. Marlas roha be ma hita, ala hehe Jesus i
Ai malua sude hita sian hamagoan i.Ref.:
2. Votum – Introitus – Tangiang (Jongjong) (U= Uluan H= Huria S=
Sude)
U: Marhitehite goar ni Debata Ama, dohot goar ni AnakNa Tuhan Jesus Kristus
dohot goar ni Tondi Porbadia na tumompa langit dohot tano on.
H:Amen!
U: Ida ma, Debata do hatuaonku. Ibana huhaposi, jadi ndang mabiar ahu, ai Tuhan
Jahowa do hagogoonku jala pujionku do na manjadi hatuaon di ahu.
H:Pinuji ma Debata Ama ni Tuhanta Jesus Kristus, na tumubuhon hita
paduahalihon sian godang ni asi ni rohaNa tu pangkirimon na mangolu
marhitehite haheheon ni Tuhan Jesus Kristus sian na mate.
U: Nunga hehe Tuhan i, nunga tutu hehe Ibana. Ari on do najinadihon ni Jahowa,
marolopolop jala marlas ni roha ma hita disi. Batu naung binolongkon ni angka
pende bagas, i ma gabe batu parsuhi. Pinamasa ni Jahowa do i, halongangan do i
anggo di matanta.
H: (Mangendehon) BE. 96 Nunga talu hamatean (Holan Reff) BL.101
Haleluya, haleluya nunga hehe Jesus i
Haleluya, haleluya, nunga hehe Jesus i
U: Unang ho mabiar, Ahu do bonana dohot ujungna. Na mangolu do jala naung
mate do Ahu najolo, jala ida ma, Ahu do na mangolu ro di saleleng ni lelengna,
jala diAhu do anakhinsu ni banua toru dohot hamatean.
H:(Mangendehon) BE. No. 96:1 Nunga talu Hamatean (Holan Reff) BL.
101
Haleluya, haleluya nunga hehe Jesus i
Haleluya, haleluya nunga hehe Jesus i
U : Martangiang ma hita. Ale Tuhan Jesus Kristus naung hehe sian hamatean.
Nunga ditaluhon Ho sorop ni hamatean i. Ndang tartiopi banuatoru Ho. Ai Ho
do Tuhan ni na mangolu dohot na mate. Gohi ma las ni rohanami asa partohap
hami di haheheonMi. Marsangap ma goarMu, sadarion, ro di saleleng ni
lelengna, Amen ! (Hundul)
3. Marende BE. No. 92: 1, PUJI MA NA MANALUHON B.178
1. Puji ma namanaluhon dosa hamatean i
 Puji ma na Pangoluhon saluhut pardosa i
Jesus na dung mate i, las roham o huriaNa
Ala na mamillit ho, Jesus i mangolu do
4. Epistel: Psalmen 97 : 1 – 6
U: Epistel di Hita ima natarsurat di Psalmen 97 : 1 – 6 Marsorinsoorin ma hita
manjaha:Jahowa do raja, marolopolop ma tano on, marlas ni roha ma *
pulopulo angka na lan i!
H: Ombun jala haholomon marimpotimpot humaliang Ibana, hatigoran
dohot uhum ojahan ni habangsana.
U: Api mardalan di jolona manganhon angka alona humaliang.
H: Disondangi angka hilapna do portibi on, jadi lalolalo tano on marnidasa.
U: Malala do angka dolok songon pantis maradophon bohi ni Jahowa,
maradophon bohi ni * Tuhan ni sandok tano on.
S: Dibaritahon angka langit do hatigoranna, jala sude angka bangso
marnida hamuliaonna
U: I do sahatna. Martua ma natumangihon Hata ni Debata jala na umpeopsa.
Amen.
5. Marende BE. No. 89: 1 ATE DIDIA SOROPMI BL. 130
1. Ate didia soropmi nuaeng o hamatean
Didia hamonanganmi nuaeng banua toru
Na talu do hamu sude, na talu do sibolis pe
Ai ditaluhon Jesus
6. Jamita : Rom 6 : 4 – 6
7. Marende BE. No. 633:1-3 NUNGA HEHE KRISTUS I
(Pelean)
1. Nunga hehe Kristus i, haleluya. Sian hamatean i haleluya
Parlangitan jouhon ma, haleluya. Tano on alusi ma haleluya
2. Singkop panghophopNa i, haleluya. Gok hamonganNa i, haleluya
Sondang haluaon i, haleluya. Patiur dalanta i, haleluya
(jongjong)
3. Tartaban naroko i, Haleluya di baen Tuhan Jesus i, Haleluya
Nunga mungkap surgo i, Haleluya, di na tinobusNa i, Haleluya

8. Parsuruon
U: Antong, las ma rohanta ala naung monang do Tuhanta i. Nunga talu be hamatean
i jala mago do soropna i ala haheheonNa i.
H: Sangap ma di Tuhan i, pujionku ma goarNa na mambahen hamonanganta.
U: Puji ma Ibana jala unang be ganggu rohamuna, nunga tutu hehe Ibana jala sai na
hehe do luhutna ala huasoNa na sun gogo i. Martangiang ma hita: Ale Tuhan
Jesus Tuhannami! Na mandok mauliate do hami tu Ho, ala ditaluhon Ho do dosa
dohot hamatean marhitehite hamamateMi. Ala disondangi Ho tanomannami, asa
marpangkirimon na mangolu hami ala ni haheheonMi. Ndang pola be mabiar
hami mida hamatean, ai Ho do ulunami, ruasMu doo hami. Dipaunsat Ho do
hami sian haholomon tu hatiuron, sian hamatean tu hangoluan. Antong pargogoi
ma hami mamuji dohot mangoloi Ho ariari, pasangaphon Ho di bagasan
haporseaon na mangolu, paima sahat hami tu lambungMu. Amen. Rap mandok
ma hita di tangiang Ale Amanami.
S: Ale Amanami na di banua ginjang………….Amen
U: Tangiang Pasupasu.
S: Mangendehon Amen...Amen...Amen...