Acara Partangiangan Keluarga Op.

Mindo Sihite
Pangaradeon diri :
Hita sekeluarga Pomparan ni Op. Mindo na pungu di bagasan
tingkion! Ombas na uli do tingki on di na marpungu hita
martangiang laho mandok mauliate tu Debata Pardenggan basa
i na mangaramoti dohot mamasumasu hita saleleng tabolus taon
2020 na baru salpu . Jala andorang so tabolus taon 2021 na
baru tabongoti on, patut do hita mamuji dohot pasahathon
dirinta asa Debata ma tongtong mandongani dohot
mamasumasu hita. Alani i andorang so tapuji Debata ,
martangiang ma hita di bagasan rohanta ganup marsada-sada,
( tangiang na hohom )
A. Ibadah
1. Marende Huria:BE No.64 :1-2“ Naung moru do muse sataon”
Naung moru do muse sataon, huhut lam suda bohalhi,
Beha do ahu nasailaon, ture do pangalahongki
Lam ganda haporseaonku, nang holong ni rohangku pe
Di Jesus dohot Debatangku, nang di donganku sasude?
Aut alusanku Debatangku, ra tung maila au disi
Marningot salpu ni rohangku, ro di sude ulaonki
Ai dosa do binaen ni tangan, gok dosa nang rohangku pe,
Nang pat, nang mata, nang pamangan, luhut marsala do hape

2. Puji-pujian dohot Hasangapon tu Debata

(U: Manguluhon; R : Anggota Keluarga; S: Sude )
U: Puji ma Debata Ama na manompa hita sian tano gabe jolma
na marsangap
R: Pinuji ma Ho Debata Ama na mangalehon hosa dohot
hangoluan
U: Puji ma Tuhan Jesus Kristus na paluahon hita sian dosa
dohot hamagoan
R: Pinuji ma AnakNa Tuhan Jesus na mate ala ni dosa dohot
pangalaosionta
U: Puji ma Tondi Porbadia na manjou hita gabe jolma na
manghaporseai Ibana
R: Hasangapon ma di Debata Tondi Porbadia na mangajari hita
mananda Hata ni Debata
S: Gok hamuliaon ma di Debata Ama, AnakNa Tuhan Jesus
dohot Tondi Porbadia. Amen
 U: Martangiang ma hita :
Di bagasan unduk ni roha hami Tuhan marpungu ima
Pomparan ni Op. Mindo di bagasan tingkion. Mandok mauliate di
saluhut angka denggan ni basaM. Di pataru Ho hami mangujungi sada
taon na baru husalpuhon hami, gabe bongot hami tu taon
parasirohaon na imbaru taon 2021. Tangkas hurajumi hami molo ala
ni gogo dohot nasa ulaon nami ndang tama hami manjalo taon na
imbaruon. Holan ala ni asi dohot holong ni rohaM sambing ma gabe
tau hami manjalo asi-asiMi. Godang na huhadopi hami di taon na
buruk i alai ndang dipaloas Ho hami gabe mandele. Sapala dipabangot
Ho hami tu taon na imbaruon tongtong ramoti hami asa unang gabe
mabiar hami. Jalo ma puji-pujian nami on jala ajari hami asa mangolu
dibagasan panandaon dohot panghaporseaon na tangkas tu Ho. Amen
3. Marende Huria: BE No. 70 : 1 + 4 “ Naung Salpu Taon
Naburuki “
Naung salpu taon na buruk i, Ho ma hupuji Tuhanki
Ai diramoti Ho tongtong, tondingku dohot dagingkon 2x
Sai unang jujur dosa i, binaen di taon na salpu i,
Urasi hami sasude, asi roham di hami be 2x
4. Renungan :
“Hamoraon ni asi ni roha ni Debata”
Epesus 1 : 3-23
1. Pinuji ma Debata, Ama ni Tuhanta Jesus Kristus, naung
umpasupasuhon tu hita ragam ni pasupasu partondion sian banua
ginjang, di bagasan Kristus.
2. Ai dipillit do hita di bagasan Ibana, andorang so ojak dope tano on,
3. asa badia hita jala so hasurahan di adopanna i, di bagasan holong ni
roha.
4. Ditodo hian do hita bahen anakna, marhitehite Jesus Kristus, asa tu
Ibana,
5. mangihuthon halomoan ni rohana,
6. asa tarpuji asi ni rohana na marmulia i,
7. na niasihonna tu hita di bagasan na Hinaholonganna i.
8. Di bagasan Ibana dapot hita haluaon i, binahen ni mudarna i,
9. i ma hasesaan ni angka pangalaosion, mangihuthon asi ni rohana na
10. tarlobi i, naung buas niusehonna i tu hita mardongan hapistaran
dohot habisuhon godang.
11. Ai dipabotohon Ibana do tu hita tahi ni rohana,
12. na buni hian mangihuthon halolomona, naung pinahotna i di
bagasan dirina,
13. laho pasauthonsa di hagogok ni tingkina, mandok:
14. Pasadahon di bagasan Kristus i sasudena, na di banua ginjang dohot
na diatas tano on.
15. Ai di bagasan Ibana do dapotan partalian hita, angka naung
tinodona hian,
16. marguru tu tahi ni na patulushon sasude, mangihuthon pandok ni
rohana,
17. asa tarpuji hasangaponna marhitehite hita, angka naung
mangkirim hian di Kristus i.
18. Di bagasan Ibana dohot hamu umbege hata hasintongan i,
19. i ma barita na uli na taringot tu haluaonmuna,
20. jala di bagasan Ibana gabe porsea hamu,
21. laos disahaphon do tu hamu Tondi Parbadia na pinarbagabaga i.
22. Ibana do patujolo ni arta siteanonta, bahen haluaon ni na
hinophopna i,
23. asa tarpuji hasangaponna i.
24. Asa ahu pe, dung hubege, naung porsea hamu di Tuhan Jesus
25. jala holong rohamuna di saluhut angka na badia,
26. ndang mansadi ahu mandok mauliate siala hamu, marningot hamu,
di na martangiang ahu:
27. Anggiat dilehon Debata ni Tuhanta Jesus Kristus, Ama ni
hasangapon i, tu hamu
28. Tondi hapistaran dohot pangungkapon mananda Ibana.
29. Dipatiur ma mata ni rohamuna, asa diboto hamu rumang ni arta
sihirimon sian panjouonna i
30. ro di surung ni hasangapon, siteanon ni angka na badia i.
31. Asa ditanda hamu nang hagogok ni gogona na sumurung i na tu
hita,
32. angka na porsea sian pangkorhon ni hagogoonna na marmulia i.
33. Ai di Kristus do i diulahon Debata, di na pinahehena i Ibana sian na
mate jala pinahundulna i tu siamunna di bagasan banua ginjang i,
34. tu ginjang ni nasa harajaon dohot huaso, nang hagogoon dohot
hamuliaon, nang tu ginjang ni nasa goar na tarhatahon,
35. ndada holan di hasiangan on, dohot do di na ro sogot.
36. Saluhutna do dipatunduk tutoru ni patna, jala dipabangkit do Ibana,
na mangatasi sasude, gabe ulu ni huria i.
37. I do pamatangna na manggohi Ibana, asa gohanna sasude di
bagasan saluhutna. Ima Sahat na "Amen".
 5. Pasahat Selamat Taon Baru
1. Op. Tomson / Nyonya
2. Op. Tegas / Nyonya
3. Op. Saor / Nyonya
4. A. Tomson / Nyonya
6. Vocal Group Pasu-pasu Hami O Tuhan
Pasupasu Hami o Tuhan Di portibi on baen ma au Tuhan
Sai usehon dameMi Habaoran ni las ni roha
Sai ampehon tanganMi Tuhan Tu na marsak i tu na dangol i
Lehon tu au gogoMi Gabe pangapuli i
7. Pasahat Selamat Taon Baru
1. Op. Adril /Nyonya
2. A. Adril / Nyonya
3. A. Gandalf / Nyonya
4. Nai Johan
5. A. Pandes / Nyonya
6. Palan Hutasoit
8. Marende 792 : 2 ....... (Papungu Pelean)
Pasupasu Hami o Tuhan Baen ma hataMi saor tu roha ni
Sai usehon dameMi Na masihosoman i
Sai ampehon tanganMi Tuhan Pasupasu Hami o Tuhan
Lehon tu au gogoMi Sai usehon dameMi
Di portibi on baen ma au Tuhan Sai ampehon tanganMi Tuhan
Monang maralohon dosa Lehon tu au gogoMi
Dibahen gogoMi talu musu i Di portibi on baen ma au Tuhan
Sibolis pangago i Siradoti haholongon
Pasupasu Hami o Tuhan Togutogu ma hami on Tuhan
Sai usehon dameMi Marparange na denggan
Sai ampehon tanganMi Tuhan Pasupasu Hami o Tuhan
Lehon tu au gogoMi Sai usehon dameMi
Di portibi on baen ma au Tuhan Sai ampehon tanganMi Tuhan
Sipatupa hadameon Lehon tu au gogoMi

9. Tangiang Panutup.

Selamat Taon Baru ma di Hita Saluhutna