IBADAH KELUARGA GBKP

KAMIS, 23 JUNI 2022

1. Rende “ Kasih Dari Surga” (Ibabai anak)
Kasih dari Surga memenuhi tempat ini
Kasih dari Bapa Surgawi,
Kasih dari Yesus Mengalir di hatiku,
Membuat damai di hidupku
Kasih dari Surga memenuhi tempat ini
Kasih dari Bapa Surgawi
Kasih dari Yesus Mengalir di hatiku
Membuat damai di hidupku
Mengalir kasih dari tempat tinggi (uuh)
Mengalir kasih dari tahta Allah, Bapa
Mengalir, mengalir, mengalir dan mengalir
Mengalir memenuhi hidupku
Mengalir kasih dari tempat tinggi (uuh)
Mengalir kasih dari tahta Allah, Bapa
Mengalir, mengalir, mengalir dan mengalir
Mengalir memenuhi hidupku
2. Ertoto (Ibabai Bapa)
3. Rende KEE No. 281:1 “Keklengen Yesus Kempak Manusia”
(Ibabai Anak)
Kek’lengen Yesus kempak manusia, desken Dibata engkelengi Ia
KekelengenNa maler kap man banta, adi sipakelah pedahNa
 Reff. Min si keleng-kelengen kita k’rina,
Bagi pedahken Yesus bas pustaka
Sababna kai sipindo bas gelarNa,
Ib’re Dibata man banta
4. Renungen (Ibabai Nande)
Teks : Jakup 2 : 1 - 9
Tema : Ula Erayo - Ayo
Pernah lit cerita sekalak Pandita si iundang maba kebaktin Natal i
bas sada kuta si ndauh. Tapi sekalenda agak berbeda ibahan
Pandita enda kerna kerehenna. Sope acara ibenaken nggo ia seh
dingen reh ia ku ingan kebaktin enda ilakoken. Panitia sangana
sibuk mpersiapkan kerina persikapen gelah sukses acara e. Sada
pe la mperdiateken kerehen Pandita e, sabap ia reh erpaken si la
metunggung. Tedis ia lalap natap kesibuken panitia ras
perpulungen i je. Piah dungna sekalak panitia ndahisa Pandita
ndai dingen nuruh ia guna lawes ku ingan si deban alu la nungkun
kai pe man bana. Kebalikenna si jadi sangana Pandita e reh ku
ingan e paksa ndeher acara kebaktin. Pakena jasna dingen
kantingna tas kotbahna, kerina panitia ras perpulungen reh
nalamisa dingen mpersilahkensa ia kundul.
Jakup ngangkatken kerna teridah min perbedaan kegeluhen kalak
si tek man Jesus Kristus bahkan ibenaken i bas perbahanen si
kitikna. Caranta ngidah ras mperdiateken kalak si deban jadi sada
catatan penting si perlu si perubahi e me kap ngkelengi alu
kekelengen Dibata, ula ER GELAH atau guna ndatken keuntungen.
Adi siakap labo lit untungna banta labo kita erbahan si mehuli man
sekalak jelma. Keleng-keleng Jambe nina, bas dalan ijujung-
jujung tapi seh rumah itaka. Ula erayo-ayo i bas nehken si mehuli
tapi sisehken lah kekelengen sebab kita nggo leben ngaloken
kekelengen Tuhan bas geluhta, sibagiken ku kerina jelma gia labo
lit untungna banta. Sabap Tuhan Jesus ngasamken kesahNa man
banta kerina manusia alu la ngenehen untung rugina, guna
keselamatan kerina manusia saja.
I bas jabu megati jadi la siangkan perbahan lit denga biak-biak
erayo-ayo. Kepentinganta sibahan jadi palas erbahan si mehuli,
piahna jadi perpecahan bas jabu. Perlu sisiksiki caranta ngkelengi
tengah jabuta, terlebih adi lit denga jadi la siangkan bas jabuta.
Lakin lah ban kiniulin sisehken kita labo ncurminken biak ni Kristus
tapi terjeng sura-sura dagingta? Sabap kiniulin si isehken
erpalaskan biak Kristus e me kekelengen si la rayo-ayo pasti
ngerehken dame dingen sikeleng-kelengen seh pe mpekena
kiniersadan. Tuhanlah sinampati kita nehken kekelengen si la
rayo-ayo.
5. Rende KEE No. 254:1 “Isuruh Dibata” (ibabai nande)
Reff. Isuruh Dibata sikeleng-kelengen
Si sampat-sampaten asa kengasupen
Mbue me kap tuhu si man bahanenta
Radu ras kerina kita ndahikenca
Palasta nampati em ate mekuah,
Ngusih Tuhan Yesus enggo kap nampati
Meriah ukurta adi teman pulah,
Masap kebiaren ‘je dat ate jadi
6. Pertoton Sapaat ras Pertoton Tuhan (Ibabai Bapa)