GEREJA METHODIST INDONESIA

Jemaat Kyo Moon Lumban Huala

Tertib Acara
Perayaan Natal Keluarga

KAMIS, 23 DESEMBER 2021

Tema :
“Holong Ni Debata Mamboan Dame (Joh. 3:16)

1
1. DIPUNGKA MA ACARA MARHITE TANGIANG NAHOHOM -
(YOHANES 3:16)
2. MARENDE: BEM No. 47 : 1 – 2
Sai ro ma hamuna angka na porsea, Sai ro ma hamuna tu Betlehem, Ida dakdanak
Sipalua hita, Tasomba ma Ibana (3x) Rajanta.
Hamu suruan , puji ma Jahowa Rap dohot sude na martua I, Sangap di Tuhan
Debata di surgo. Tasomba ma Ibana (3x), Rajanta. Amin.

3. VOTUM – INTROITUS – DOA

(L=Liturgis, K=Keluarga, LK=Bersama-Sama)
 L : Marhitehite Goar ni Debata Ama, dohot Goar ni anakNa Tuhan Jesus Kristus,
dohot Goar ni Tondi Parbadia, na tumompa Langit dohot tano on.
 K : Amin
 L : Ditiki on, Ama-Ina nang sude keluarga na pungu di bagas joro on. Tama do
hita marlas ni roha di tingki on ala dipatau Tuhanta I hita mamestahon Natal ima
hatutubu ni Yesus Tuhanta I, nang pe godang parungkilon na taadopi di
partingkian on.
 K : Tama do tutu mandok mauliate godang hita tu Tuhanta pardengganbasa I, na
marsuru AnakNa na sasadai gabe hangoluanta. Ndada ala jinou ni tuanta manang
ala ni denggan ni parangenta, alai ala tung ala asi dohot holong ni rohaNa
sambing do hita jolma pardosa on.
 L : Nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonNa GoarNa.
 K : Sipartahi halongangan, Ulubalang ni Debata Ama, saleleng ni lelengna, Raja
ni hadameon.
 L : Endehon hamu sada ende na imbaru di Jahowa, endehon ma Jahowa, ale
sandok tano on. Pajojor hamu ma di tongatonga ni angka sipelebegu
hamuliaonNa i, ditongatonga ni saluhut bangso halongangan, angka na
binahenNa i. Marsomba ma hamu tu Jahowa marpahean na marhadohoan, angka
hitir ma hamu maradophon Ibana, ale isi ni sandok tano on.
 J + K : Ale Debata, Ama na di banua ginjang! Pujipujian, hasangapon dohot
hamauliateon husombahon hami tu Ho, marningot silehonlehonMi na balga i tu
hami jolma na di pardangolan on, i ma AnakMu, Jesus Kristus, na sinuruMi sian
banua ginjang ala ni hami. Gabe na dangol do Ibana jala na pogos, pola tubu
Ibana di bara ni Betlehem, asa mamora hami. Sai rajai jala togutogu hami
marhitehite TondiM, asa lam huida hami godang ni holong ni rohaM na pinapatar
ni AnakMi. Amen.
2
4. MARENDE: BEM No. 45 : 1 – 2
Bege ende ni suruan, Pasangaphon Raja I. Dame, ro nuaeng tu hita, Sian
Debatanta i. Marlas roha angka bangso, mangendehon hasangapon. Ala
Yesus na ro I, Tubu di Betlehem i (2x).
Saluhutna pardisurgo, Unduk di adopanmi, Ro do Yesus gabe jolma,
Ditinggalhon surgo I, Hadameon binoanNa, Na pasae sude dosanta. Tubu do di
Betlehem Kristus I Immanuel (2x). Amin
5. LITURGI KELUARGA: Lukas 2 : 1 – 20 (liturgi keluarga dijaha marganti-ganti
sude keluarga)

6. TANGIANG HAMALIMON (martangiang sian sahalak anggota keluarga)

7. MARENDE: BEM No. 56 : 1 – 2

Bege ende na badia, Ende ni suruan I, Tung tongam do marsaringar, Turun sian
surgo i. Saaaa……..ngap ma, di Debata, Ama (2x).
Di adaran do parmahan, Uju i di borngin I, Dibege ro sian ginjang, Marsaringar
ende i. Saaaa……..ngap ma, di Debata, Ama (2x). Amin.

8. Renungan Natal: Johannes 3:16 “Holong Ni Debata Mamboan Dame”

Syalom ma di hita saluhutna. Da’amang da’inang rap dohot sude keluarga na
hinaholongan dibagasan Kristus Yesus. Mandok mauliate do hita tu Debata ala
denggan nibasana tuhita sahat ro di sadarion. Di masa-masa ni Covid-19 on, naung ta
salpuhon manang piga-piga taon on, Alana mardongan pangurupion sian Debata.
Tarlumobi di taon 2021 on, dilehon dope dihita tingki laho mamestahon arinatal di
tonga-tonga ni keluargata. Molo taingot pandohan Natal ingkon laho do pingkiranta tu
pandohan “Holong” ni Debata tu portibion (Joh. 3:16). Rodo ibana tu portibion dohot
tu parngoluanta lao mangalehon Holongna tu jolma na loja jala na sorat. Hatutubu ni
Yesus Kristus tu liat portibion patuduhon holong ni rohana tu angka jolma na
menderita dohot persoalan na asing. Barita las niroha on ma na gabe mangajak hita
holong masi haholongan. Hatutubu ni Yesus Kristus, sada ulaon ni jolma laho
masihaholongan dohot dongan jolma, laho patuduhon dame diportibion suang songoni
dohot di banua ginjang.
Hamu nahinaholongan, barita Natal ima barita lasniroha tu sandok jolma na di
portibion, alani na mabiar dohot loja hinorhon ni Covid-19 on, adong do na magoan
keluarga, adong na tangis alani na male, hajahaton ni jolma pe lamtamba hinorhon ni
ekonomi dohot angka na asing. Tabaen ma tantangan on gabe sada pedoman laho
padenggan parngoluonta, ingkon na masiurupan nasada dohot na asing dibagasan
holong na sian Debata, jala ido tujuan Debata ro tu portibion ima lao mamboan dame.
3
 Marhite turpuk jamita on, tapabotohon ma barita las nirohaon tu angka donganta
sahaporseaon dohot donganta na mangido angka pangurupion. Hatutubu ni Yesus
Kristus patubuhon semangat masihaholongan dohot dongan jolma. Huhut paturehon
angka pangalaho na hurang denggan. Ulahononta ma on sian roha nadenggan tu angka
donganta sahaporseaon. Sopoala di dongani angka ungut-ungut dohot angka na asing.
Hatutubuni Yesus Kristus ima sada pengorbanan ala holong ni Debata, Jala ingkon
parduli dohita di angka donganta. Ingkon marsihaholongan do hita sian nasa rohata tu
angka donganta na mangido angka pangurupion. Jala ido na dipangido Debata
dibagasan ngolunta.
Amang/inang, marhite Natal keluarga on, di pangido Debata do hita marlasniroha
lao manomu-nomu hatutubu ni Tuhan i, jala diigil Debata do sian hita masihaholongan
dohot angka donganta, tar lumobi angka dongan namangido pangurupion sian hita.
Nunga di patuduhon Yesus holong na marhite natubu Ibana tu portibion ima lao
mangalehon haluaon tu sude jolma (Joh. 3:16). Dijou dohita asa gabe parholong
niroha tu angka donganta, tarlumobi angka dongan na menderita, namangido
pangurupion sian hita. Saluhutna sian Debata do haroroanna. Anggiat ma nian holongi
boi ta ulahon di tonga-tonga ni keluargata, ditonga-tonga ni parsaoranta, dohot tu sude
jolma, dungi dapot hita ma dame dohot lasniroha di Natal on. Songon hata ni Tuhan na
mandok di Josua 24:15 “Alai anggo ahu dohot donganku sajabu, ingkon Jahowa
do oloannami”. Lapatanna disi Jahowa do na gabe uluanta/sipujionta ditonga-tonga
kaluarganta, Debata do na manjoloani langkanta tarlumobi lao mandapotton tahun
naimbaru ima tahun 2022 asa tongtong dibagasan dame. Selamat Natal. Tuhan Jesus
mamasu-masu hita sude. Amin.
9. MARENDE: BEM No. 46 : 1 – 2 (Papungu Pelean)
Marlas ni roha hita on, Tuhanta nunga ro, Rade tabaen rohanta be, Marende ma
sude (2x) Sude marende ma sude.
Marlas ni roha ma sude, Rajanta nunga ro, Girgir ma hita sasude, Pasangap Raja I
(2x) Girgir Pasangap Raja i. Amin.

10. Panutup : Tangiang pelean+Ale Ama Nami+Doxologi+Pasu-pasu+Amin 3x

Selamat Natal 25 Desember

Kepada Semua Keluarga

4
Goar Kaluarga:
Godang Ni Pelean: