KEBAKTIN NAMAKEN

BATU PALAS RUMAH SIMBARU

Keluarga:

Hardimen Ginting
Ervina Br Sitepu

GBKP Rg Rumah Galuh

Klasis Kuala-Langkat
Rabu, 11 Mei 2022
Ielai : Pdt. Rio Berseba Bangun S.Th.
 KEBAKTIN NAMAKEN BATU PALAS RUMAH SIMBARU
Keluarga Hardimen Ginting 1

Rende Pembuka : KEE 205:1

Rehlah min oTuhan sikap kami Krina, ersembah man baNdu jenda
Nusurlah min Tuhan, bahan sikap krina, ukur kami pe badia
O Bapa bre gelah, daten pasu-pasu, kami krina enda

I. KEBAKTIN
1. Votum : Kebaktin enda ibenaken ibas gelar Dibata Bapa simada kerina tinepa,
ibas gelar anakNa Yesus Kristus takal Perpulungen, ras ibas gelar
Kesah Sibadia sijadi ulu pasu-pasu jabu kalak si erkiniteken
2. Salam : Penampat man bandu reh ibas Jahwe nari sinepa langit ras doni,
singkawali perberkat ras permulihndu genduari nari seh rasa lalap.
Amin.
Perpulungen : A…..min, A…….min, A…..min.
3. Invocatio : Adi rumah la bekas TUHAN mantekisa, sia-sia me pendahin
tukang. Adi kuta la ikawali TUHAN sia-sia me pengawal erjaga-jaga
(Masmur 127:1)
4. Rende : Rende KEE No : 368 : 1, 2
1) Sipuji Tuhan Dibatanta, Kataken bujur baNa
Sabab Ia simerekenca pasu-pasu man banta
Reff : Mbelin ras mulia kekelengen Tuhan ibas doni enda
Ajari o Tuhan, kami krina anakNdu
Naksiken kerina perbahanenNdu
2) Geluh kami meriah tuhu, kerina sikrajangenNdu
Sabab kalak sinembah baNdu, Datken pasu-pasuNdu
Reff:.....

5. KHOTBAH : ( ibenaken ras idungi alu pertoton)

6. Pengakun Kiniteken

7. Pengogen Kata Dibata Kerna Namaken Batu Palas Majekken Rumah :

 “ O kam senina ras turang ibas Yesus Kristus, ijenda kita tedis kerina lako
namaken batu palas rumah enda. Sieteh nge maka dahin enda eme sada dahin si
sue ras singena ate Dibata bagi tersurat ibas Masmur 127 : 1 nina “Adi rumah
la bekas ipanteki TUHAN, sia-sia me kelatihen tukang, adi kuta la ikawali
TUHAN sia-sia me pengawal erjaga-jaga”. Bage pe ibas Lukas 6 : 47-48 nina
“ise si reh ku Aku, simegiken KatangKu dingen ngikutkenca, bali ras ise ia
banci ipeseri? Kukataken man bandu ia bali ras sekalak sierbahan rumah,
ikalina taneh seh mbages seh jumpa batu. Janah ibabo batu e me ipajekken
palas rumah e. Emaka adi reh banjir ras lau mbelin ndempar rumah e, la mugur
pe ibahanna, sebab rumah e seh kal teguhna”. Dage sigejapkenlah maka
sinidahiken kita ibas wari enda eme nehken singena ate Dibata ibas majekken
rumah ibabo doni enda.
8 . Namaken Batu Palas : Dage senina ras turang ibas gelar Tuhan Jesus Kristus,
gundari seh me paksana kita namaken batu palas guna majekken rumah s/t ta
“Hardimen Ginting” enda sekeluarga. Ibas gelar Dibata Bapa, AnakNa Jesus
Kristus ras Kesah Si Badia… Amin.
Umputen Namaken Batu Palas :
1. Keluarga Simajekken Rumah
2. Sukut
3. Kalimbubu
4. Anak Beru
5. Runggun Gereja
9. Persembahen :
L : Kata Dibata kerna Persembahen :“Bahanlah pengataken bujur jadi
Persembahen man Dibata, sehkenlah kai si enggo ijanjikenNdu man
simeganjangNa”
Rende guna persembahen : Rende KEE 315 : 1 - 3

1) Simpar tuhu pemereNdu

Jujurkenndu kap man bangku
Ermengkah kal me ukurku
La kulupa lias ateNdu
 Reff : AlokenNdu o Tuhanku, persembahen anakndu
Usekenlah pasu-pasu, peteguhi perpulungenNdu

2) Benih si isuan kami

Epe kap ibas Kam nari
KuasaNdu mahanca turah
KuasaNdu mahanca erbuah
Reff :.......
3) BreNdu kami kepentaren
G’lah nirangken kepapaken
Ajar kami kebujuren
Maka pinter ka perukuren
Reff :.......
10. Pertoton Persembahen + Syafaat :

11. Rende: KEE 184:2-3 Yesus Tuhanku Njaminisa

Ngendes man baNa sikap tuhu, Keleng ateNa negu-negu
Mindo man baNa, ola medu, maka i breNa Pasu-pasu
Reff: Tuhanku Yesus Kam me tetap, pengendesenku rasa lalap
Temani aku o Penampat, Tuhanku Yesus JuruS’lamat.
Malem me ate di ras Ia, la kai pe kurang ib’rekenNa
KataNa jine seh gegehNa, petetap ukur bas geluhta. Reff....

12. Pertoton Tuhan

13. Pemasu – masun :

L : Alokenlah pasu-pasu idur Dibata nari :
“Ipasu-pasu janah ikawali Dibata kam. Siang ayo Dibata ersinalsal
ibabondu, janah melias atena ngenehen kam. Itatap Dibata ku kam janah
malem atendu ibahanNa Amin. “
P : Amin…… Amin….. Amin

II. Acara Selanjutna Iterusken Anak Beru

4
4