IBADAH SYUKURAN PEBERKAT ANAK LAWES ERDAHIN

Pilipi Kaban anak dari Cipta Kaban (+) & Riasni br Sembiring
Kamis, 28 Desember 2023 ielai : Pdt. Sri Muliana br Kaban, St.Th

1. Rende : KEE No. 368:1, 3 “Si Puji Tuhan Dibatanta”

Si Puji Tuhan Dibatanta. Kataken bujur baNa
Sabab IA Si merekenca pasu-pasu man banta
Reff. Mbelin ras mulia kekelengen Tuhan ibas doni enda. Ajari o Tuhan kami k’rina anakNdu naksiken
kerina perbahanenNdu
Geluh kami meriah tuhu k’rina si k’rajangenNdu
Sabab kalak si nembah baNdu datken pasu-pasuNdu (Reff.)

2. Ertoto

3. Padan Dibata man kalak si erkemalangen man BaNa

L : Sangap kal kalak si malang man TUHAN, si nggeluh ngikutken kerina PerentahNa.
P : Ipanna me ulihna latih, sangap nggeluh, mehuli sikerajangenna.
L : Ndeharana bali ras anggur si meramis buahna i bas rumahna, dingen anak-anakna bali ras tunas batang
saitun i sekelewet mejana.
P : Bage me pasu-pasu TUHAN, man kalak si malang man BaNa.
L : TUHANlah si masu-masu kam i Sion nari, mbera idahndu kesangapen Jerusalem kidekah umur geluhndu.
Cawirlah kam metua, maka sempat idahndu kempu-kempundu. Damelah sikerajangen Israel!
P : Terpuji gelar Tuhan

4. Rende : KEE No.307:1-2 “O Tuhanku Kam Kap Permakanku”

1). O,Tuhanku Kam me Permakanku, emaka la kekurangen aku. Ku mbal-mbal m’ratah aku babaNdu,
ipesenang-senangNdu geluhku
Reff. Permakanku si njayam geluhku, malem ateku senang tuhu. KelengNdu tetap maler man bangku. Kam me
Tuhanku Permakanku
2). IteguNdu kempak lau si maler, ibahanNdu ateku nggo malem. Emaka tedeh ate tendingku kempak
keg’luhen si sikapkenNdu (Reff.)

5. Renungan (ibenai ras idungi alu ertoto)

6. Persembahen (Rende : KEE No. 316:1- )

1).Seh kel simparna pemereNdu o Tuhan,
mejuah-juah kerina ibas jabu.
La lit si magin pinakit la ertahan,
ngataken bujur pusuh kami man baNdu
2).Nggo kap mbuah bage page si nisuan
janah pe merih bage manuk niasuh,
ajari kami ersembah baNdu Tuhan,
lah malem ate ras dame ibas pusuh
3).’Di kiniteken erbuah bas perlagu,
bas engkelengi pe ola kita medu.
Bas si mehuli lalap min kita mbaru
Tuhan Dibata tetap si masu-masu

7. Pertoton Persembahen ras Syafaat

8. Rende KEE No. 381:1-2 “Sura-sura Yesus Bangku”

1. Sura-sura Yesus bangku
Ersinalsal tetap
Nggeluh bujur ras mehuli
Si ngena atena.
Reff. Ersinalsal terang
Em sinisuraken Yesus
Ersinalsal terang
Ku tetap ersinalsal

2. Sura-sura Yesus Kristus

Nandangi geluhku
Mpehaga turang senina
Sisampat-sampaten.
Reff...

9. Pertoton Penutup + Pertoton Tuhan

10. Acara Keluarga