tapi uga nge kira-kira kita memaknaisa, maba dame entah maba gulut ate. Mari sisaksiken Liturgi kerna Makna Natal ibas kegeluhenta tep- tep wari :
1. Supir Motor : ”Bulan Desember eme bulan Natal, adi aku
meriaaaahh kel kuakap ibas bulan Desember enda, melala rombongen, melala si gawah-gawah, healing-healing nina kin anak sigundari. Adi aku situhuna riahen kel kuakap maba rombongen asangken ernatal i gereja, sebab adi maba rombongen dat ka setoren ku Bos i kantor dat ka setoren man bos irumah.nande tigann... situhuna biaren nge aku man bos si irumah e, bujur Natal..
2. Persalon : ”bulan Desember e me musim Natal, tuhu-tuhu maba
keriahen ukur man bangku. Situhuna labo erkiteken Yesus si tubuh e,tapi adi melala kalak ernatal melala ka uang masuk, sebab mejileeee atena kerina siernatal ei, emaka meriah kel kuakap musim-musim natal enda.. apalagi uang masuk lalap lalit uang keluar e meriah kel tuhu..
3. Ibu Rumah Tangga : Natal.. natal.. lalap natal. Natal anak
sekolah, sekolah Minggu, natal sektor, natal moria, natal mamre, natal permata, natal arisan, natal komplek, natal geng konco, iooh sen kerina eee sen.. ntah ja atena buati e kerina, ningen pe natal, damee, tapi rubati lalap rumah ras Bp. Kaciwer muat penggalar natal, emaka natal e labo lit maknana man bangku...
4. Penyanyi : soll soll do do… aku penyanyi, emaka melala
singundang aku ngisi acara natal, merga kel bayarenku bas natal e, melala ka job ku, emaka meriah kel kuakap musim natal e, rende kujah kujeh.. 5. Polisi : prittttttt kirriiii pak, kanan.... bulan desember melala kel kalak lawes rumah nari, gawah gawah atena tapi nambahi dahin kami polisi enda sebab lalit sada pe siratur, macat ijapape, emaka latih nge musim natal e, kena kerina ula pedah lawes lawes ya, rumah saja kem
6. Pemulung sampah : andikoooooohhh padan, kalak man entabeh,
baju baru, megara ka gincuna, adi aku uga nge padanku enda. Sampah kalak ernatal e ngenca siman pekenanku, piga kali pe ernatal aku jadi pemulung nge lalp ndikohhhh padan.
7. Perawat : bulan desember bulan rawan.. hati hati jaga
Kesehatan.. bas kami Natal e pe labo ternikmati ban buena pasien, medem pe la terpedemken, natal pe labo terikuti kerina, ndikohhhh padan
8. Pendeta : Mejuah juah man bandu kerina kekelengen ni Tuhan.
Kata Dibata Johanes 3:16 ngatakenca ”erkiteken belinna keleng ate Dibata nandangi doni enda bagepe kita kerina emaka iberekenNa anakNa si tonggal man banta, gelah kita kerina la bene tapi dat kegeluhen si rasa lalap” emaka gulut ntah latih gia ukurta, Tuhan Jesus kap penebusta si nggo reh man kita, bicara meriah pe ukurta Dibata lah palas keriahenta sebab geluhta Ia kap empuNa. Tuhan simasu-masu kita kerina. Amin