Bahan sermon Khotbah Minggu 12 Juni 2016 (Minggu Kerja Rani)

Invocatio : Kenca bage bahanlah kerja rani guna pehaga Tuhan Dibatandu alu maba persembahen ukur
meriah man baNa. Buena rikutken pasu-pasu si iberekenNa man bandu (Ul. 16:10).
Ogen : Keluaren 23: 14-19 (Tunggal)
Khotbah : Rut 2:1-9 (Tunggal)
Tema : “I Bas Rani Icidahken Kekelengen”.

I. Perlebe
Gerejanta GBKP enggo semal ngelakoken kerja rani sue ras pesan Alkitab, amin pe lenga
maksimal ibas pelaksananna. Lit denga si lenga ngelakokenca secara pesta bagi ipesanken Alkitab. Emaka
tetap denga perlu ipersingeti ras ibereken pemahamen man ngawan perpululungen nehken kerja rani/ulih
peraninna. (Ulih rani arah erbage-bage dahinta sekalak-sekalak, sabab labo kerina kita erjuma).
Tetap secara Alkitabiah enda ka min pemahamenta ibas nehken balinna persembahen kerja raninta
e me rikutken pasu-pasu si ibereken Dibata, emaka labo lit keberaten ukur ibas nehkenca. Setiap kita
nehken persembahen termasuk kerja rani dasar meriah ukur ras mpehaga Tuhan Dibata.

II. Isi
Secara latar belakang keluarga Elimelek lawes ku negeri Moab erkiteken lit masa
kesusahen/kelihen i negeri Israel. I negeri Moab erjabu me anak-anakna si Mahlon ras Kilyon muat beru
Moab si Orpa ras Rut. Elimelek ras duana anakna Mahlon ras Kilyon mate. Mahlon ras Kilyon mate langa
lit anak ipupusna. Emaka mulih me Naomi ras permenna Rut ku Betlehem kutana ndube. Orpa tetap
tading i negerina Moab sabab lanai bo lit erta bibina si man arapenken.
Nats (Rut 2:1-9) bagin ibas Rut 1-23, Rut erdahin ibas juma Boas. Guna ndatken kebutuhen Rut
erdahin ku juma kalak Israel si sangana rani gandum, sabab Naomi lanai bo lit ertana. Kepeken Rut
erdahin ibas juma Si Boas kalak si mehuli ras ia pe termasuk keluarga si Elimelek denga. Iperintahkenna
gelah mandur si ngurus juma e

III. Aplikasi