Allah yang kita sembah adalah Allah yang tertib.

Ia mengatur kehidupan umat-Nya supaya tidak

terjadi kekacauan. Hal ini di gambarkan dengan pengaturan tempat perkemahan orang Israel
menurut suku-suku mereka (2: 1-34).

Lebih daripada itu, Allah mengatur agar keseluruhan hidup umat-Nya berpusat pada diri-Nya
sendiri. Allah menentukan perkemahan tiap suku di sebelah utara, timur, selatan dan barat dan
Kemah Suci di tengah-tengahnya (2:1-2). Masing-masing kelompok suku harus berkemah di
dekat panji-panji pemimpin kelompok sukunya.

Dalam pengaturan ini, orang Lewi tidak dihitung bersama suku-suku yang lain. Oleh karena itu,
terdapat sensus khusus bagi suku Lewi (3:15). Mereka mendapatkan tugas dan hak istimewa
untuk melayani Tuhan. Berbeda dengan para imam yang melayani di tempat kudus (3:1-4),
orang Lewi yang bukan imam menjadi pelayan para imam (3:5-13). Baik para imam maupun
orang Lewi yang bukan imam melaksanakan tugasnya sesuai dengan apa yang ditetapkan Allah.
Tidak ada tumpang tindih. Tidak ada saling rebut jabatan. Tidak ada kecemburuan dan iri hati.
Bila mereka melanggar salah satu aturan, murka Allah akan turun atas mereka.

Setiap anak Tuhan dipanggil untuk melayani. Namun, tidak semua

dipanggil untuk melayani penuh waktu dan khusus di rumah Tuhan.
Ada banyak anak Tuhan dipanggil di bidang-bidang umum yang
berkaitan dengan kesejahteraan fisik dan sosial masyarakat.
Sebagian lain, dipilih untuk melayani penuh waktu dalam pelayanan
keagamaan baik di gereja, maupun di lembaga-lembaga pelayanan
pendamping gereja.

Tuhan mengkhususkan suku Lewi untuk pelayanan di kemah suci, mendukung

pelayanan keimaman yang dipercayakan kepada keluarga Harun. Oleh
karena itu orang Lewi tidak dipersiapkan untuk berperang melainkan
untuk memastikan pelayanan ritual kemah suci yang diselenggarakan
para imam dapat dilangsungkan dengan baik dan benar.

Kekhususan suku Lewi ini ada hubungannya dengan penebusan Tuhan atas
putra sulung dari bangsa Israel ketika mereka akan keluar dari
Mesir. Semua putra sulung Mesir dibinasakan, sementara putra-putra
sulung Israel diselamatkan (lih. Keluaran 11-12) . Artinya, semua
putra sulung Israel ialah milik Tuhan untuk melayani Tuhan di
kemah suci-Nya. Maka, seluruh suku Lewi mewakili putra-putra
sulung suku-suku lainnya untuk melayani Tuhan (3:12-13, 45).

Pelayanan kaum Lewi diaturkan berdasarkan puak-puak mereka, Gerson,

Kehat, dan Merari. Setiap puak memiliki tugas khusus dalam
pengelolaan kemah suci dan segala perabotannya. Pasal tiga dan
empat kitab Bilangan ini kemudian mengatur secara terperinci
tugas-tugas masing-masing puak. Pengaturan ini bertujuan agar
penyelenggaraan pelayanan ritual kaum Harun tidak terganggu,
justru terbantu olehnya.
Pada masa Perjanjian Lama pembedaan ini sangat penting karena
menyangkut kekudusan ritual kemah suci. Orang awam tidak boleh
bersentuhan dengan kemah suci dan perabotannya. Di dalam Kristus,
perbedaan seperti itu tidak lagi diberlakukan. Semua pelayanan,
baik di gereja, lembaga Kristen, maupun di dunia umum, sama-sama
kudus di mata Tuhan.

Khotbah GBKP Minggu Tgl. 31 Juli 2016

KHOTBAH GBKP MINGGU TGL. 31 JULI 2016

Minggu Perawaten Inventaris Gereja
Pdt. Larena br. Sinuhadji (Nd. Reynard Tarigan)

Invocatio : “Madin sada wari i bas RumahNdu asangken seribu wari i bas ingan si deban.
Madin tedis i bas gerbang Rumah Dibatangku asangken ringan i bas rumah kalak jahat”
(Masmur 84:11)
Ogen : Nehemia 7:70-73 (Tunggal)
Khotbah : Johanes 2:13-17 (Tunggal)
Tema : ERGAKEN RAS PEBADIAKEN RUMAH PERTOTON

Penjelasen Bahan Pustaka Si Badia

Peristiwa Tuhan Yesus merawa i Rumah Pertoton sabab enggo ialihfungsiken

tercatat i bas kerina Injil, subuk Injil Sinoptik ras Injil Johanes. Tapi jelas lit perbedaanna.
I bas teluna Injil Sinoptik Yesus mengutip Yes. 56:7 ras Yer. 7:11, sedangken Injil
Johanes la lit kutipen je nari. I bas injil Sinoptik la lit lembu, biri-biri, cambuk. Ras si
paling menonjol, i bas Injil Sinoptik kegiaten enda ilakoken i bas tahap akhir pelayanen
Yesus sedangken i bas Injil Johanes ilakoken awal pelayanen Yesus.
Tradisi bangsa Israel nehken persembahen i bas erbage-bage peristiwa entah pe
tupung ia erbahan dosa man Tuhan, maka imanfaatken para imam guna makeken
kesempaten e lako erbisnis. Sabab persyaraten rubia-rubia si arus ipersembahken man
Tuhan arus si mehuli, la lit cacatna, maka imam bekerja sama ras pengusaha rubia-rubia
si banci ipersembahken i bas Rumah Pertoton. Umumna bas pengusaha si tertentu ndai
maka kurban persembahen enggo layak, la lit cacatna. Lit kalak si nukari duit (money
changer). Usaha-usaha si ialoken e enggo pasti lit pajakna ku Rumah Pertoton (Imam-
imam). Bage me kira-kira situasi i bas Rumah Pertoton asum Yesus reh ku Jerusalem ope
wari raya Paskah. Idapeti Yesus i bas Rumah Pertoton e kalak si erbinaga lembu, biri-biri
ras nderepati. Lit pe kalak si nukari duit. Reh Yesus alu merawa, cambuk si enggo
idandanna alu tinali ndai ipakena guna ngeligasi asuh-asuhen gelah ndarat i bas Rumah
Pertoton e nari janah itunggalikenNa meja-meja kalak si nukari duit, seh maka merap
duitna kerina.
 Alu tegas Yesus merawa man kalak si erbinaga nderapati gelah ngangkat kerina
barang binagana, ula bahan Rumah Tuhan (Rumah Bapangku) jadi ingan erbinaga. Kai si
ikataken Yesus ngigetken ajar-ajarNa kerna kai si enggo isuratken i bas Pustaka si Badia,
maka Pemasmur ngatakenca, “O Dibata keleng ateku nandangi RumahNdu, ngukut
desken api”.
Kai si ibahan Tuhan Yesus enggo pasti erbahan la senang pemimpin-pemimpin
agama si enggo pasti berkurang sen masukna. E maka nina, “Tanda sengget kai banci
ibahanNdu guna nuduhken man kami maka lit hakNdu erbahan si enda kerina?” E maka
nina Yesus, “Runtuhken Rumah Dibata enda, maka i bas telu wari enggo banci kupajeken
mulihi”. Kai si ikataken Yesus situhununa rikutken tulisen Johanes maka i je Yesus
ngerana kerna kematen ras kekekenNa i bas wari peteluken. Enggo pasti la mungkin
iakap pemimpin-pemimpin agama e sabab lenga bo tandaina kel Yesus bahkan
ibandingkenna ras proses pembangunen Rumah Pertoton e si memakan waktu 46 tahun.
Kenca enggo Yesus mate ras keke mulihi, menjadi legitimasi maka ajar-ajar reh tekna
nandangi kai si enggo ikataken Yesus bage pe si isuratken bas Pustaka si Badia nari.
I bas pengogen si pemena icidahken man banta i bas pekena Rumah Pertoton si
enggo ihancurken kalak Babel, maka bangsa Israel mereken penampatna guna nggalari
ongkos pekena Rumah Pertoton Tuhan, subuk gubernur, kepala-kepala terpuk, bage pe
bas umat e nari. Tanggung jawab guna pekena Rumah Pertoton Tuhan isedari menjadi
tanggung jawab ras-ras.

Aplikasi

Tema si seh man banta, “Ergaken ras pebadiaken Rumah Pertoton”, tole
mpersingeti kita uga kita arus ncidahken sikap hormat nandangi Rumah Pertoton. Piga-
piga hal si banci silakoken :

 Mengfungsiken Rumah Pertoton e bagi arusna e me ingan ersembah man Tuhan,

ingan mpermuliaken Tuhan. Walaupe labo hanya i bas Rumah Pertoton kita
ersembah man Tuhan. Tapi secara khusus i bas Rumah Pertototon inganta jumpa
ras Tuhan bage pe teman-teman sada kiniteken guna ersembah man Tuhan.
 Pedauh sikap bagi si ilakoken pemimpin-pemimpin agama ras kalak si erbinaga,
berbisnis, mencari keuntungen dengan dalih guna kemulian Tuhan. Melala gundari
si terjadi adi la kita kritis, alu dalih melayani Tuhan alu erbahan pelayanan doa,
penyembuhen tapi di balik si e imanfaatkenna guna ajang berbisnis alu
menawarken produk-produk tertentu guna mpebayak sesekalak jelma (pemimpin
agama). I bas hal si deban umpamana, melala peristiwa i ja i bas persidangen, la
nari lit sikap pebadiaken Rumah Tuhan. Rubati, merawa-merawa i bas
persidangen Gereja si ilakoken Pelayan-pelayan Tuhan. Bage pe memanfaatken
Gereja guna keuntungen pribadi alu merhaten menduduki jabaten tertentu, rsd. Si
e kerina perlu menjadi bahan perenungen man banta guna semakin memurnikan
dahin-dahin pelayanen i bas Gerejanta.
  Kerina bertanggung jawab guna menjaga kebersihan, mpekena-kena Rumah
Pertoton termasuk menjaga inventaris Gerejanta. Labo hanya tugas Koster ras
BPMR tapi tugas kerina jemaat Tuhan.

I bas Minggu Perawaten Inventaris Gereja enda mulihi kita ipersingeti kerna
kebadian Rumah Pertotonta, mari radu ras kita mpekena-kena Rumah Pertotonta ras
merawat inventarisna ibenaken i bas dirinta sekalak-sekalak.

BIMBINGEN KHOTBAH 31 JULI 2016

BIMBINGEN KHOTBAH 31 JULI 2016

ERGAKEN RAS PEBADIAKEN RUMAH PERTOTON
Invocatio : Masmur 84 : 11
Ogen : Nehemia 7 : 70 – 73
Renungen : Johanes 2 : 13 – 17

- Pengantar
Adi sisungkun dirinta sekalak-sekalak gundari, kai kin si pertama sikataken man kalak si
nungkun adi kita pertama kali kugerejana ntah masuk kita kugereja simbaru ?
Biasana jawaban si belasken kalak eme :
1. Galang gerejana
2. Mejile penataanna
3. Mejile sound systemna
4. Rsdna si berkaiten biasana ras bangunan gereja.

Pernahkah lit si jawabsa :

1. Luar biasa Kesah Sibadia singkeleweti gereja enda sanga ibadah ntah
2. Kurasakan kal kerehen Dibata sanga ibadah ndai.
Paling si mendekati kal jawabanna, menarik kal khotbah pendeta ndai.
Enda sada kebiasaan si nggo menjadi hal si la asing ntah lanai ateta mamang, perban memang
adi ngerana kita masalah bangunan gereja, kalak selalu ngerana erkiteken masalah fasilitas ras
kelengkapenna.
E labo menjadi masalah situhunna, tapi masalah si utama eme adi keinginan guna ngelengkapi si
e kerina guna menyenangken kalak ngenca. Contoh :
1. Masang AC, gelah kalak nyaman la melas akapna.
2. Masang LCD, gelah lanai akap kalak mesera maba buku enden-enden.
3. Rsdna kerina
Sekali nari e labo masalah, tapi persoalanna focus maun-maun labo ku Dibata tapi ku manusiana.
Memang adi ngerana kita masalah kenyamanan labo siakap dalih, tapi adi misalna hal-hal
sideban si lebih penting guna peribadahan e sendiri lenga dung kerina, e kuakap sideban enda
banci tunda lebe. Enda banci siidah ibas bahannta :
- Johanes 2 : 13-17
 Ibas bahan enda ituriken uga Tuhan Yesus merawa man kalak si sangana erbinaga I rumah
pertoton, engkai maka Tuhan Yesus merawa :
1. Perban ingan si erbinaga e rumah Bapana
Biasana kalak adi lit barangna siakapna meherga nce la iergai kalak ugapape pasti ia merawa.
Enda ka si terjadi nandangi Tuhan Yesus, ia merawa erkiteken rumah pertoton enda ingan
ersembah man bapana. emakana merawa ia.
2. Rumah pertoton e nggo ijadiken kalak sebagai lahan bisnis ntahpe kepentingan pribadi ngenca.
Sue ras kai sikataken arah lebe ndai, e terkadang bahwa gereja ntah pe rumah pertoton nggo jadi
alat guna menyenangken jelma ngenca ntah pe jadi alat guna menguntungkan jelma ngenca.
Emakana Tuhan Yesus merawa. Emakana marilah kita focus mulihi ku kai situhunna tugas
rumah pertoton enda.
3. Tuhan ijadiken sebagai alat penarik keuntungan man kalak.
Enda teridah uga ibas paksa si e nggo nandangi deher perayaan wari paskah Jahudi. Enda tentu
saja pasti melala kalak reh ku rumah pertoton. Hal si enda imanfaatkan kalak erbinaga ndai guna
mencari keuntungan. Situhunna labo masalah si e, tapi ingan si pakena enda nggo lanai pas. Adi
misalna ia erbinaga bas pasar deher rumah pertoton ndai, kuakap Tuhan Yesus la mungkin
merawa.
Emakana sue ras tema ibas wari sisendah enda, kita harus ngasup ngergaken ras mempebadiaken
Rumah Pertoton, perban labo e tugas ras tanggung jawab koster ngenca. Melala kalak
erpengakap bahwa ngergaken ras mpebadiaken rumah pertoton ngerana masalah kebersihan
ngenca. Adi kuakap labo e ngenca. Lit piga-piga hal si perlu si perdiateken guna ngergaken ras
mpebadiaken rumah pertoton
- Nehemia 7 : 70-73
Ibas bagin enda, ituriken uga nehemia membangun tembok Yerusalem ras menghitung mulihi
kalak Israel si mulih ibas pembuangan nari ras rencana guna pembangunan rumah pertoton. Hal
si menarik kal jenda adi megermet kita berkaiten ras temanta
Ngergaken ras mpebadiaken rumah Pertoton :

1. Kepeken ibas ngergaken rumah pertoton, lit piga-piga carana :

- Kalak Israel si mereken sumbangan man pembangunan rumah pertoton baru denga mulih ibas
tanah pembuangan nari, tapi aminna pe secara materi masih sangat berkekurangan tapi ia nggit
muat bagin ibas pembangunan rumah pertoton. Engkai maka bage, perban meherga akapna
rumah pertoton e. akapna tuhu-tuhu enda rumah ersembah man Dibata. Penungkunan uga siakap
gerejanta enda ?
- Adi siakap meherga, bagi Tuhan Yesus, kita la nggit hal-hal sideban si la aturenna bas rumah
pertoton enda nggo lit bas rumah pertoton enda. Penungkunenna uga bas gerejenta enda ?

2. Ibas mpebadiaken Rumah pertoton, lit ka piga-piga carana :

- Labo bersih secara mata ngenca tapi secara perukuren pe harus bersih. Perban e gelarna rumah
pertoton.
- Pengerana pe harus bersih
- Perbahanen pe harus bersih
- Rsdna kerina
Memang melala, tapi e gelarna rumah pertoton, cuba min sihitung piga jam kita biasana bas
gereja ? sibandingken adi kita kurumah bos ntah pe kalak siakap mehaga, pasti cara kundul, cara
 ngerana seh kucara njemak cangkir pe siperdiateken. Engkai ? perban siakap mehaga kal kalak
sidahi kita enda.
Penungkunenna la kin mehaga Tuhannta enda i lebe-lebenta ?
Enda ngenca situhunna penungkunen adi kita nggit ngergaken ras mpebadiaken gereja, adi
akapndu gereja enda ingan Dibata ras mehaga akapndu Dibata enda. Pasti gereja enda meherga
ras badia.
Gundari marilah sisungkun pusuhta sekalak-sekalak uga sedekah enda pemahamannta masalah
rumah pertoton enda ?
PERPULUNGEN JABU-JABU

GEREJA GBKP

TANGGAL 31 JULI – 6 AGUSTUS 2016.

Bilangan 3:5-10.

Tema : Njaga Kebadian Perkakas Rumah Pertoton

LATAR BELAKANG

1. Kemah perjumpaan eme cikal bakal rumah pertoton si lit ibas Yerusalem.Ikataken kema perjumpaan
sebab tupung sie bangsa Israel ibas perdalanan i Mesir nari ku taneh Kanaan, tanah siipadanken Tuhan.
Bagepe ingan ersembah ras nehken persembahen man Tuhan. Kemah perjumpaan enda banci ibongkar.
Ibas erti kata adi bangsa Israel ibas perdalanan maka kema perjumpaan enda ibongkar janah isusun rapi
gelah iangkut. Tapi adi bangsa Israel ngadi maka kemah perjumpaan ibangun mulihi. Kemah Perjumpaan
eme ingan perjumpan Tuhan ras bangsa Israel. Bagepe ingan ersembah ras nehken persembahen man
Tuhan.

2. Erkiteken kemah perjumpaan ingan ersembah ras nehken persembahen, maka tentuna lit barang-
barang ibas kema perjumpaan siipake guna ersembah man Tuhan. Alu bage barang-barang e, la saja
terjeng pendukung ibas peribadatan bangsa Israel, tapi merupakan bagin si la terpisahkan ibas kema
perjumpaan. Emaka kerina barang-barang ibas kema perjumpaan e badia.

3. Dibata e me Dibata Si Badia ras Dibata ibas kiniraturen. Emaka ate Dibata kerina si lit ibas kema
perjumpaan tetap bersih ras badia, bagepe lit min si khusus ndahiken dahin-dahin keimaman ras
singurusi kemah perjumpaan rikutken alat-alatna kerina.

4. Suku Lewi ibas bilangan suku-suku Israel la dat bagin ibas taneh pusaka, bagepe la jadi tentera bangsa
Israel,sebab nggo ikhususken Tuhan guna ngurusi kema perjumpan ras perkakas-perkakasna (band.
Bilangan 2:49-51). Erkiteken sie me, isuruh Tuhan siMusa gelah kalak Lewi erdahin guna nampati imam
Harun. Memang secara umum kalak Lewi itugasken guna nampati imam Harun. Tapi secara khusus,
 dahin suku Lewi ibas kema perjumpan eme : 1). Ndahiken dahin-dahin siiperluken ibas kema perjumpan.
2). Ndalanken tugasna guna imam-imam ras guna perpulungen kerina. 3). Ngurusi alat-alat si lit ibas
kema perjumpan. 4). Ndalanken tugas guna kalak Israel sidebanna.

5. Suku Lewi saja sibanci erdahin ibas kema perjumpan. Adi lit kalak sideban/suku sideban sindahiken
dahin, ia arus ibunuh. Sebab suku Lewi ngenca siikhususken Tuhan. Suku Lewi ngelaksanaken dahin
ntah pe kewajiban-kewajiban Harun ras perpulungen, bagepe njagai ntah pe ngerawat alat-alat si lit
ibas kema perjumpan. Emaka situhuna dahin kalak Lewi, arah njaga ras ngerawat alat-alat si lit ibas
kema perjumpan, maka subuk imam bagepe perpulungen banci ersembah man Tuhan alu mehuli.

APLIKASI

Ibas oratenta sekali enda kita ibabai kerna tanggungjawabta selaku kalak sierkiniteken man
Yesus Kristus guna ngenen uga pentingna alat iventaris si lit ibas gereja. Perlu siteh lebe, gereja eme
ingan kebaktin perpulungun (Koinonia). Erkiteken gereja eme ingan kebatin, maka gereja arus iangkai la
saja terjeng gedung perjumpan, tapi ingan perjumpan kita ras Tuhan ibas kebatin. Emaka gedung e
badia.

Gedung gereja lit peranan si penting ibas pembentukan kiniteken ras spitualitasta, sebab i je lit
kebaktin eme ertoto, rende ras megiken kata Dibata. Tujun kerina e gelah kita kerinabanci erbagesna
pengangkanta kerna kita selaku imago Dei. Bagepe ibas rangka melengkapi ras mendukung peribadatan
gelah seh tujun e, maka ilitken alat-alat guna itamakan ibas gereja ras ipake ibas pelayanan gereja. Jadi
alat-alat la terjeng pelengkap ngenca, tapi pelengkap ras pendukung ibas pelayanan gereja. Emaka dahin
kita selaku kalak sierkiniteken eme uga gelah kita banci ngerawat barang/ perkakas rumah pertoton
tetap badia. Tuhu secara khusus lit serayan Tuhan sierdahin ras ertanggungjawab ibas pelayanan i
gereja. Tapi adi la sisampati pelayanan serayan Tuhan e, khususna njaga ras ngerawat perkakas si lit ibas
rumah pertoton, maka banci ceda. Emaka ibas rangka gelah perkakas ibas rumah pertoton tetap badia,
si arus ilakoken eme : 1). Siertiken gereja eme ingan ersembah man Tuhan ras ingan perjumpan kita ras
Tuhan. 2). Ula kotori gereja. 3). Ula ngerana semberangan. Ibas erti kata siergai gereja e badia. 4).
Sehkenlah persembahen guna pekena-kena rumah pertoton. 5). Ula cedai iventaris gereja ras pakeken
alat iventaris bagi arusna. 6). Asesoris gereja arus ipake sue ras tema gereja. 7) Reh kita ku gereja. 8). Lit
perhatin ras kerina runggun gereja mperdiateken kerna keadaan gereja. 9). Kita gereja situhu-tuhu arus
badia, gelah gedung gereja ikut badia, rsd.

Pdt. Steven Kumenit, STh.M.Min.

Diposkan oleh Pdt.Stevenson Kumenit, STh.,M.Min di 18.14 Tidak ada komentar:

Label: renungan/khotbah.

Selasa, 26 Juli 2016

 Ergaken Ras Pebadiaken Rumah Pertoton (Yohanes 2:13-17)

KHOTBAH TANGGAL 31 JULI 2016.

GEREJA GBKP
Invocatio : Madin sada wari i bas RumahNdu, asangken seribu wari i bas ingan si deban. Madin tedis i
bas gerbang Rumah Dibatangku, asangken ringan i bas rumah kalak jahat (Mazmur 84:11).

Ogen : Nehemia 7:70-73 (Tunggal).

Khotbah : Johanes 2:13-17 (Tunggal).

Tema : Ergaken Ras Pebadiaken Rumah Pertoton.

LATAR BELAKANG

1. Wari raya Paskah eme salah sada wari raya simbelin ibas bangsa Yahudi, janah kerina kalak Yahudi
sitading i ja pa pe arus reh ku Yerusalem guna ngerayaken ras nehken persembahen ibas Rumah
Pertoton i Yerusalem. Man kalak Yahudi lit 3 wari raya si mbelin siarus irayaken i Yerusalem eme Wari
Raya Paskah, Pentakosta ras wari raya Sapo-sapo.
2. Yesus Kristus selaku kalak Yahudi tetap ikut ibas aturen agama eme ngerayaken wari raya Paskah kalak
Yahudi i Yerusalem. Wari raya Paskah kalak Yahudi eme wari raya guna mpehagaken Tuhan, sebab
Tuhan nggo mulahi bangsa Israel ibas perbudaken i Mesir nari. (Keluaren 12:27; Imamat 23:5).
3. Kenca Yesus seh i Yerusalem ibas rumah Pertoton idapetina kalak erbinaga lembuh, biri-biri ras
nderapati. Bagepe lit i je kalak kundul si dahinna nukari sen. Kerina enda isetujui imam kepala. Ibas
situasi sibage rumah pertoton siarusna ingan Dibata, janah ibas rangka ersembah man Tuhan, bagepe
ingan nehken persembahen nggo lanai teridah kerna makna rumah pertoton. padahal man kalak Yahudi
rumah pertoton eme symbol kemegahan ibas kiniteken ras pengerapan kerna kehadiran Tuhan (band.
Kel. 25:8-9). Alu bage rumah pertoton lanai badia, sebab nggo gejek kal nggo bagi pajak. Emaka merawa
Yesus, iligasina kerina asuh-asuhen si lit i rumah pertoton, janah isuruh Yesus gelah iangkat ras ibaba ku
darat kerina barang-barang binaga kalak e.
4. Man kalak Yahudi nehken persembahan lit aturenna arus badia. Bagepe persembahen enda itentuken
imam kerna banci ntah lang persembahen e, khususna persembahen lembu, biri-biri ras nderapati.
Sebab ersembahen e la saja terjeng persembahen pengataken bujur tapi persembahen pengalami dosa.
Bagepe kalak Yahudi berkewajiban mbayar tanggungjawabna eme persembahen guna rumah pertoton.
Persembahen guna rumah pertoton arus badia. Janah siikataken badia arus ngunaken mata uang Yahudi
sejati eme syikal. Memang tupung sie melala mata uang siberedar eme mata uang Romawi, Yunani,
Persia, rsd. Tapi kerina mata uang e ianggap kafir, emaka la banci imasukkan ibas peti persembahen.
Bagepe mata uang syikal tupung sie nggo cukup mesara ndatkenca.
5. Erkite-kiteken persembahen asuh-asuhen itentuken imam-imam, ras persembahen syikal sebage
persembahen badia, bagepe lit ketentun kalak Yahudi si reh ibas ingan sindauh nari banci nukur asuh-
asuhen i rumah pertoton (band. Ulangan 14:24-25). Erbahanca melala perbinaga ibas rumah pertoton.
Asuh-asuhen ras duit syikal siidayaken meherga kal, emaka melala keuntungen siidat perbinaga.

APLIKASI
Rumah pertoton berbeda ras ingan kalak jahat. Sebab rumah pertoton eme ingan Tuhan.
Erkiteken rumah pertoton ingan Tuhan maka rumah pertoton e badia, sebab Tuhan e Tuhan si Badia.
Genduari rumah pertoton eme Yesus Kristus (band. Yohanes 2:19-22; 1 Korinti 6:19). Bagepe
rumah pertoton iertiken gereja, sebab kepala gereja eme Yesus Kristus. Bagepe gereja eme ingan
ersembah ras nehken persembahen man Tuhan. Gereja eme sentral peribadatan kalak si tek man Yesus
Kristus. Emaka tentuna erkiteken gereja ingan sentral ibas kegeluhen kalak sitek, maka gereja arus
sipekena-kena (irawat). Jadi penungkunen man banta, ise siertanggungjawab pekena-kena gereja.
Tentuna kita kerina. Jadi labo majelis gereja ntah pendeta ngenca. Majelis gereja bertanggungjawab
merawat, erkiteken tanggungjawab organisasi, gelah gereja enda ifungsiken secara maksimal, bagepe
terbangun ntah pe lit pembangunan kiniteken man kerina runggun gereja.
Erkiteken gereja ingan persadan kebaktin (koinonia), maka tentu gereja arus ipekena-kena si
berbeda ras rumahta. Gelah ibas kita ersembah lit kenyamanan si banci mabai erdeherna kita ersembah
man Tuhan. Alu bage sidat kedamen ras kemalemen ate.
Adi siperdiateken ibas ogenta (Nehemia 7:70-73), maka kerina ertanggungjawab mereken
ongkos guna pekena rumah pertoton, ibas pemerintah nari, kepala-kepala terpuk ras ibas bangsa nari.
Alu bage kerina bertanggungjawab. Soal esa kai tanggungjawabta, tentuna sue ras pemere Dibata man
banta , janah bereken simetunggungna man Tuhan.
Ibas rangka ngergaken ras pebadiaken rumah pertoton eme : 1). Siertiken gereja eme ingan
ersembah man Tuhan ras ingan perjumpan kita ras Tuhan. 2). Ula kotori gereja. 3). Ula ngerana
semberangan. Ibas erti kata siergai gereja e badia. 4). Sehkenlah persembahen guna pekena-kena rumah
pertoton. 5). Ula cedai iventaris gereja ras pakeken alat iventaris bagi arusna. 6). Asesoris gereja arus
ipake sue ras tema gereja. 7) Reh kita ku gereja. 8). Lit perhatin ras kerina runggun gereja mperdiateken
kerna keadaan gereja. 9). Kita gereja situhu-tuhu arus badia, gelah gedung gereja ikut badia.

Pdt. Steven Kumenit, STh.M.Min.