Bahan Sermon Perpulungen Jabu-Jabu, 15 – 21 Februari 2015

Ogen : 1 Timotius 4 : 13 –16

Tema : Ngiah-Ngiahi Alu Tutus
Tujun :
1) Gelah ngawan ni perpulungen “ mengevaluasi” dahin perkunjungen rumah tangga
2) Gelah ngawan ni perpulungen tetap ngiah-ngiahi itengah-tengah perpulungen

I. Perlebe

Melala anggota jemaatta mengalami perbeben si mberat ibas geluhana. Lit deba secara
langsung si idah, lit ka deba la si idah, lit si terbegi , lit ka si la terbegi. Secara umum kalak si lit
perbebenna hal si paling iperlukenna secara psikologisna emekap litna kalak si mediate kerna ia
ibas perbeben e. Secara teologis kalak si erbebe maka si niperlukenna emekap kalak si ngasup
mabai ia ras menuntun ia guna banci jumpa ras Tuhan, sebab jumpa ras Tuhan mereken gegah
man bana guna mengatasi pergumulen si ni ihadapina. Tapi kenyataan seh asa gundari dahin
perkunjungen rumah tangga enda merupaken sada dahin si paling mesera (sukar) i laksanaken si
erdahin bage pe ngawan ni perpulungen.

Perkunjungen rumah tangga si tuhuna labo terjeng hanya ialamatkan man ngawan ni
perpulungen si la aktif, si bermasalah tapi man kerinana; baik nguda, metua, sakit ras sehat.
Sebab kerina anggota jemaat perlu ndatken perawaten pertendin secara keseluruhen. Sebab si
sehat kulana langa bo tentu pertendinna pe sehat. Pertendin si sehat pe perlu ka iperdiateken
gelah ula ka sempat bengket kubas pengajaren si papak. Si sakit perlu man kunjungen gelah ia
banci ndatken pergegeh man tendina si nampati kubas kesehatan kulana.

Emaka tentuna kerina si erdahin, si ngepkep perpulungen entah pe pengurus perpulungen

jabu-jabu, pertua/diaken ras perpulungen rukur kerna hal enda. Ibas perikop PJJ-nta si idah piga-
piga saran penting ibas Paulus kerna dahin enda .

II. Isi Nats

Pelayanan penggembalaan man ngawan ni perpulungen enda hanya banci terjadi adi
secara sadar si erdahin nginget ras menyadari tugas penggilan enda secara mbages. Emaka
Paulus mereken piga-piga masuken si sangat berharga man Timotius kerna dahin e:

1) Pakekenlah Paksa si lit guna ngogeken Pustaka Si Badia man perpulungen sope aku reh
pagi. Iah-iahi janah ajari kalak e. Ngogeken Pustaka Si Badia merupaken sada prioritas
penekanen man si erdahin, enda si itekenken Paulus man Timotius pe. Sebelum kita
ngogeken Pustaka Si Badia man kalak ibas ngajar, maka si pertama lebe secara pribadi ka
kita harus ngogesa ras ngukurisa. Sada pengajaren Pustaka Si Badia si nggeluh emekap si
ngajarken Pustaka Si Badia la banci lang harus lebe mpegeluh e ibas dirina lebe. E me si
 erbahanca maka kata e banci mereken dampak si mbelin man kalak si deban. Erkiteken
mesunah akap kalak guna ngantusisa. Alu litna pengangkan jemaat kerna Pustaka Si
Badia maka ia pe ngasup ngelawan pengajaren si papak si berkembang paksa sie.
2) Ola sia-siaken pemere si isehken Dibata man banndu (Jangan lalai dalam
mempergunakan karunia yang ada padamu). Sada hal si la banci kita lupa ibas melayani
emekap litna penggejapen maka kuasa Kesah Si Badia mereken pemere (karunia) man
banta. Karunia si nimaksudken ibas perikop enda emekap kuasa si ibereken Kesah Si
Badia gunaa ngelakoken tugas pelayanan (Ul. 34 : 9). Hal enda mpegegehi Timotius
guna ndahiken dahinn si mberat erkietekn ia enggo ngaloken Kuasa Kesah Si Badia. Tapi
ibas dampar si deban Timotius pe harus ka ertanggung jawab ibas mpergunaken karunia e
ras memperkembangkenca. Kuasa Kesah e la banci erdahin alu sendirina tentu pe perlu i
respon alu kiniteken.
3) Dalankenlah si enda kerina alu tutus , gelah kerina kalak ngidah kemajunndu. Adi setia
kita ibas ndahiken dahin pelayanen e maka la banci lang kemajunta pe idah jelma si
enterem. “Kita melihat anugerah dan tanggung jawab senantiasa bergandengan tangan.“1
4) …Jagalah dirindu ras kai si ajarkendu … Sada hal si penting akap Paulus guna
memperlengkapi Timotius emekap gelah ola sempat ia lengah dingen kehilangen
semangat. Sebab akibat si banci itimbulkenna emekap perpulungen banci ndabuh kubas
pengajaren si papak. Ajaren si sehat bage pe perbahanen si mehuli enda me jadi
kesaksian man jelma si enterem.

III. Aplikasi/Renungen.
1) Perkunjungan rumah tangga sada pelayanan si paling efektif. Adi perpulungen la ia reh
kubas kebaktian, perpulungen jabu-jabu ras si debanna kuja nge kita reh guna ngelai ia?
Sada pelayanen si penting guna idalanken emekap ngelakoken perkunjungen rumah
tangga. Ibas rumah secara langsung kita ngidah uga kecibal jabu e. Kita banci
berinteraksi ras si mada jabu, baik nande, bapa, bage pe anak-anak. Tentuna pelayanan
enda banci ilakoken alu palas kiniteken si mbages. Sebab ibas jamanta enda pe labo
kurang ajaren si papak, ajaren si la payo bage pe ajaren si mbeneken ngawan ni
perpulungenta.
2) Guna banci ngelai alu efektif ibas perkunjungen rumah tangga enda maka kerina ngawan ni
perpulungen, pertua, diaken ras pengurus pjj sektor ersada arih guna empebagesi pengangankanta
kerna Pustaka Si Badia gelah kita pe sikap ibas ndahken dahin e. Sanga kita ndahiken dahin
pelayanen e, kita pe mengalami proses pertumbuhan dirinta.
3) Ibas hal si deban sanga kita ndahiken dahin e maka kita pe semakin njagai dirinta gelah ola
sempat kita jadi batu antuken man jelma si enterem. Kita tetap menjadi saksi Kristus si setia.
Bertumbuh secara pribadi ibas pelayanen bage pe peka ibas mangawasi diri sendiri gelah la jadi
batu antuken man jelma si enterem. Janah dahinta ras-ras ngiahken (ngiah-ngiahi) kalak si la rajin
ibas kebaktin Minggu, PJJ, Moria, Mamre, ras pelayanen si debanna.

1
Dr. R. Budiman , Tafsiran Alkitab : Surat-Surat Pastoral I,II Timotius dan Titus.,(Jakarta : BPK Gunung Mulia, 1991), 43