PARTORDING NI PARMINGGUON

DI MINGGU XX DUNG TRINITATIS

(MINGGU HASITOLUSADAON NI DEBATA AMA ANAK DOHOT TONDI
PORBADIA)

Ev. Jesaya 1 : 16 - 20 Ep. Rom 6 : 15 - 23

TOPIK :

GURUHON NA DENGGAN, PASOHOT NA JAT

HURIA KRISTEN BATAK PROTESTAN

 MINGGU, 30 OKTOBER 2022
01. Marende BE HKBP No. 23 : 1 - 3 “JESUS HAMI RO DISON” BL. 78
 Jesus hami ro dison, asa masihangoluan. I pe ro ma Ho tuson, jala
baen ma pardomuan ni TondiM tu tondinami, unang mampar
rohanami.
 Holom rohanami be, nang parbinotoannami. Molo so ro TondiMi
manondangi rohanami. Ingkon Ho do paturehon dalannami sidegeon.
---Musik---
 (Jongjong)Sondang sian Debata, hatiuron sian ginjang. Baen ture
sondangi ma, rohanami asa sonang. Lao manjalo hangoluan,
pinatupaMi o Tuhan

02. VOTUM – INTROITUS – TANGIANG : A.XV/B.2 – D.XIII/55

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen.
Ingkon songon i do HatangKu na ruar sian pamanganKu: Ndang mulak boti tu
Ahu, ingkon bahenonna do lomo ni rohangKu, jala ingkon manjadi do
umbahen na Hutongos. O sude hamu, angka na mauas, ro ma hamu tu aek!
Jala hamu angka na so marhepeng, ro ma hamu manuhor dohot manganhon!
Sai ro ma hamu manuhor anggur dohot susu, unang pola marhepeng manang
marpanuhor. Sai lului hamu ma Jahowa, binsan tarbahen dope jumpang Ibana,
jou hamu ma Ibana binsan jonok dope Ibana. Haleluya!
H : (Mangendehon): Haleluya, Haleluya, Haleluya!
U : Martangiang ma hita ! Ale Tuhan Debata, Pargogo na so hatudosan! Na
badia do Ho, pardosa do ianggo hami. Alai diondingi Ho do angka na
marhaposan jala na maporus tu Ho. Ala ni i ro hami tu Ho, mangasahon asi ni
rohaM. Sai unang tulak hami sian joloM. Angkup ni i lehon di hami roha na
girgir tumangihon HataM, asa huboto hami mangulahon lomo ni rohaM, ala ni
AnakMu, Tuhan Jesus Kristus, Tuhannami. Amen.
(Hundul)
03. Marende BE HKBP No. 25 : 1 - 2 “HATAMI, ALE TUHANHU” BL. 181
 HataMi ale Tuhanhu, arta na ummarga i. Sai paian di rohangku, unang
so hutiop i. Molo so be sitiopan, hata na badia i; aha nama haojahan ni
haporseaon i?

1
  Ale Jesus sai matahon, sai ramoti ma au on. Asa hot haporseaon, di
bagasan rohangkon. Sai paringgas ma rohangku, mangoloi di hataMi,
Asa mauas di podaMu songon si Maria i.

04. PATIK:
U : Tatangihon ma Patik ni Debata di parmingguonta sadari on, i ma Patik parjolo
sahat ro di patik pasampuluhon! Patik Parjolo Ahu do Jahowa Debatam,
ninna Debatanta. Ndang jadi marangkup Ahu bahenonmu Debatam.
H: Patik Paduahon : Ndang jadi ganaonmu jala ndang jadi sumanonmu
manang aha na di banuaginjang dohot na di banua tonga on, ro di na di
bagasan aek na di toru ni tano, ianggo tung gabe sisombaon manang
sioloan.
U : Patik Patoluhon : Ndang jadi dohonon Goar ni Debata, ianggo so ture dalanna,
ai hona uhumNa do sogot angka na marsineang diGoarNa. 
H : Patik Paopathon : Ingot hamu ma pabadiahon ari Minggu i! Di na onom
ari ma ula hamu nasa siulaonmu, alai anggo ari papituhon i, ari
paradianan ni Jahowa Debatam do i. Ndang jadi ho mangula anggo di na
sadari i, manang anakmu pe manang borum, manang naposom lahilahi,
manang naposom boruboru, ro di pinahanmu ro di pangisi ni huta ni
halak pe na mangebati hutam. Ai di na onom ari do ditompa Debata
langit dohot tano dohot laut dohot nasa isina; dung i maradian do Ibana
di ari papituhon i. Dibahen i do umbahen na dipasupasu Debata Jahowa
ari paradiananNa i jala diparbadiai.
U : Patik Palimahon : Ingkon pasangaponmu do natorasmu asa martua ho, jala
leleng mangolu di tano na nilehon ni Jahowa Debatam di ho.
H : Patik Paonomhon : Unang ho mamunu!
U : Patik Papituhon : Unang ho mangalangkup!
H : Patik Paualuhon :Unang ho manangko!
U : Patik Pasiahon : Unang ho olo manghatindanghon hata na so tutu maralohon
dongan jolma.
H : Patik Pasampuluhon : Ndang jadi haliangan ni roham bagas ni
donganmu, ndang jadi haliangan ni roham dongan saripe ni donganmu,
manang naposona baoa manang naposona boruboru, manang lombuna
manang hodana, manang dia pe ugasan ni donganmu.
U : Boha do pandok ni Debata taringot tu Patik na sampulu i? On do: Ahu do
Jahowa Debatam, ninna Debatanta. Pargogo na so hatudosan jala Parrimas,
Siluluhonon do dosa ni amaama tu pinomparna ro disundut patoluhon, ro di
sundut paopathon, pinompar ni angka na sogo roha di Ahu; alai asi do
2
 rohangKu di angka na marriburibu angka na marholong ni roha di Ahu, na so
mangalaosi PatikHi.
Antong rap mangido gogo ma hita sianTuhan Debata!
H : Ale Tuhan Debata, sai pargogoi ma hami mangulahon na hombar tu
PatikMi. Amen.
05. Marende BE HKBP No. 172 : 1 - 2 “O JESUS, PANONDANG” BL.143
 O Jesus panondang, di portibi on. Mula ni na torang, tangi hatangkon
Sai asi rohaMu, di pardosa on. Ho ma mangapuli, au na marsak on.
(Jongjong)
 Sesa ma dosangku, ale Tuhanhi. Ala ni mudarMu, na nilehonMi. Asal
ma rohangku, salelengna i ingot di hansitMu, dohot mudarMi.

06. MANOPOTI DOSA:

U : Tatopoti ma dosanta di adopan ni Debata, martangiang ma hita : Ale
Tuhan Debata, Amanami, Pargogo na so hatudosan, Parasiroha mida hami
na dangol on! Na ro do hami tu joloM manopoti dosanami na godang i. Di
bagasan hajahaton do hami tubu jala ndang adong haporseaon di bagasan
rohanami hian, saluhut do hami manimbil sian angka dalanMu. Mansai
godang do pangalaosionnami di PatikMu.
H : Alai ingot ma hami, ale Tuhan, ala ni denggan ni basaM dohot asi ni
rohaM. Sai unang paingotingot angka dosa ni haposoonnami dohot
pangalaosionnami; sai ingot ma hami hombar tu asi ni rohaM dohot
denggan ni basaM ala ni GoarMu. Ale Tuhan Jesus, marpamuati ma
rohaM di dosanami na godang i! Amen.
U : Bagabaga ni Debata taringot tu hasesaan ni dosanta : Songon on do Hata
ni Jahowa: Unang ho mabiar, ai Ahu do Siluluhon ho; nunga pola Hujou
goarmu, Ahu nampuna ho. Hasangapon ma di Debata na di ginjang!
H : Amen.
(Hundul)
07. Marende BE HKBP No. 178 : 1 + 3 “RO MA TU JESUS” BL.196
 Ro ma tu Jesus, ro ma tibu, bege hataNa, jangkon burju. Na ro do
Jesus, pangolu ho, asal porsea ho. Mansai las rohanta i muse, molo ias
sian dosa pe. Sai ro ma hita tu surgo i, laos sonang ma disi.

3
  Ro ma tu Jesus hatop ho ro, ai so ditulak Jesus be ho. Na asi roha do
Jesus i, sai pos ma rohami. Mansai las rohanta i muse, molo ias sian
dosa pe. Sai ro ma hita tu surgo i, laos sonang ma disi.
08. E P I S T E L :
U : Tabegema hata ni Debata Epistel di Minggunta sadari on, ima na tarsurat di
ROM 6 : 15 – 23. Antong, beha nama? mardosa ma hita, ala ginomgoman ni
asi ni roha i, ndada ginomgoman ni patik i hita? Dao ma anggo i.
H : Ndang diboto hamu on: ia tusi dipasahat hamu dirimu gabe hatoban
pangoloi, hatoban ni i do hamu angka na mangoloi: manang hatoban ni
dosa tu hamatean, manang pangoloi tu hatigoran.
U : Alai mauliate ma di Debata, ala salpu tingki pangadopanmuna di dosa i;
gabe pangoloi hamu nuaeng sian nasa rohamuna di ruhut ni poda, naung
sahat tu hamu.
H : Ai dung malua hamu sian dosa i, gabe tunduk do hamu mangoloi
hatigoran i.
U : Ruhut ni jolma ma huumpamahon ala ni hagaleon ni dagingmuna: ai songon
naung pinasahatmuna angka ruasmuna gabe pangoloi di hahodaron dohot di
na so uhum, mangulahon na so uhum i; songon i ma pasahat hamu nuaeng
angka ruasmuna tu hatigoran, laho pabadiahonsa.
H : Tutu nian, uju hatoban ni dosa hamu, malua do hamu sian hatigoran.
U : Antong, dia do parbuemuna disi? angka na hinailahonmuna anggo nuaeng,
ai hamatean do hapateanna.
H : Alai nuaeng, dung malua hamu sian dosa i, dung gabe pangoloi di
Debata hamu, adong do parbuemuna tu habadiaon; jala hangoluan na
salelenglelengna do hapateanna.
U : Ai upa tinuhor ni dosa do hamatean; alai basabasa ni debata do hangoluan
salelenglelengna marhitehite Kristus Jesus Tuhanta i.
Ido sahatna. Martua do angka na tumangihon Hata ni Debata jala na
umpeopsa.
H : Amen.
09. Marende BE HKBP No. 214 : 1 - 2 “SONANG DI LAMBUNG JESUS” BL
161
 Sonang di lambung Jesus, sonang na ro tusi. Unang be ho mabiar, lao
mandapothon i. Tongtong dijouhon Jesus: “Sai ro ma ho tu Au,
4
 tadinghon haholomon, jala haposi Au. Sonang di lambung Jesus,
sonang na ro tusi. Unang be ho mabiar, lao mandapothon i.
(Jongjong)
 Sonang di lambung Jesus, rap hita lao tusi. Inganan na ummuli, do di
lambungNa i. Ai nunga diparade hasonanganta i, asa marhasonangan
na ro tu Jesus i. Sonang di lambung Jesus, rap hita lao tusi. Inganan na
ummuli, do di lambungNa i.

10. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu porsea di Debata Jahowa….. d.u.
(Hundul)
11. TINGTING
12. Marende BE HKBP No. 30 : 1 --- “JESUS LEHON HATORANGAN” BL
135 (Papungu Pelean Ia dohot Ib)
 Jesus lehon hatorangan, hapistaran mangantusi hataMi. Lehon mata
na marnida, dohot roha na umboto dalanMi. Asa tongtong maradophon
bohiMi mardalan hami. Asa digomgomi TondiMi ma hami.
 Ganup ari ma ajari hami na di haotoon i dope. Asa lam porsea hami
Ho sambing do hangoluannami i. Lam lumeleng lam pasolhot tu rohaM
ma rohanami. Hombar tu HataM ma pangalahonami.
---Musik---
 Sai martua ma nasida na mambahen Jesus haposanna i. Aut tung sura
olo hita Jesus i baen parsigantunganta i. Ale Jesus sai patogu hami na
di parporangan, asa dapot di ujungna hamonangan.
 Sai tangihon ale Tuhan molo martangiang hami be tu Ho. Pasupasu
marlobian lehononMu tu na ro manopot Ho. Sai dongani nama hami
asa hot di parpadanan. Mian hami sahat ro tu hasonangan.
---Musik---
13. JAMITA: JESAYA 1 : 16 - 20
14. Marende BE HKBP No. 694 : 1… “JESUS HO NAMPUNA AU” BL. 694
(Papungu Pelean II tu Kantor Pusat HKBP)
 Jesus Ho nampuna au dohot na adong di au. Gogo dohot hosangki
sahat ma tu tanganMi. Sahat ma tu tanganMi.
5
  Sai rajai ma matangki manangkasi dalanMi. Sai patinggil pinggolhi
tumangihon hataMi. Tumangihon hataMi.
---Musik---
 Dohot tanganhi tahe, naeng manjama na ture. Dohot pat sai naeng
tongtong mandalani dalanMon. Mandalani dalanMon.
 Hata nang soarangki sai rajai ma dohot i. Sai denggan huhut sintong
baen hatangku sai tongtong. Baen hatangku sai tongtong.
---Musik---
 Sere, arta, hepeng pe, buat ma di Ho sude. Tondi nang pamatanghi,
ingkon Ho oloan nii. Ingkon Ho oloan nii.
 Pinangido ma tu Ho, rohangki pe dohot do. BahenonMu Tuhanhi, tong
tu harajaonMi. Tong tu harajaonMi.
---Musik---
 Na dihirim rohangki, dohot haholonganhi. Sai tu Ho ma sahat i, sai na
sonang i disi. Sai na sonang i disi.

15. TANGIANG PELEAN :

U : Tatangianghon ma peleanta. Ale Debata, Amanami na di banua ginjang!
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga ni
HuriaM dohot di portibi on. Buhai ma roha nami marhitehite TondiM, asa
lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “Ndang Tadingkononhu Ho”
BL. 73
 Nasa nanilehonMi, tondi ro di pamatanghu. Hosa dohot gogongki, ro di
saluhut artanghu. Hupasahat i tu Ho, na so unsatonhu do.
U : Ale Amanami na di banuaginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!
H : (Mangendehon): BE.HKBP No. 841: 1 Ai Ho do Nampuna
Harajaon BL. 841
6
  Ai Ho do nampuna harajaon, dohot hagogoon, ro di hasangapon,
saleleng ni leleng na. Amen.
U : Tangiang Pasupasu
H : (Mangendehon) BE.HKBP No. 841: 1 Ai Ho do Nampuna Harajaon
BL. 841
 Amen, Amen, Amen.

SELAMAT ARI MINGGU