Acara Minggu 6 dung Trinitatis

Dohot
PESTA GOTILON
HURIA KRISTEN INDONESIA
BAHALBATU
Minggu, 16 Juli 2023

Ojahan Minggu :

“Pangaramotion ni Jahowa
Maradophon Bangso na PinillitNa”
( Pslamen 65 : 1 - 9 )
 TATA IBADAH MINGGU 6 dung TRINITATIS
&
PESTA GOTILON HKI BAHALBATU
Minggu, 16 Juli 2023

I. Pangaradeon ( L = Paragenda ; H = Huria/ Ruas )

L : Horas jala Selamat Hari Minggu ma di hita saluhutna !
Tapasada ma rohanta dibagasan las ni roha laho paihutihuthon acara
Kebaktian Minggu dohot Pesta Gotilon di minggutta sadarion.
Tama hita mandok mauliate tu Jahowa, di saluhut pandonganion dohot
pangaramotionNa di sude pardalanan ni ngolunta.
Di ari sadari on, dilehon Jahowa ari na denggan tu hita laho manghalashon
denggan basaNa na mangaramoti saluhut angka na taula dohot ragam ni
angka ulaonta be.
Laho manghalashon saluhut asi dohot holong ni roha ni Jahowa di sandok
pardalanan ni ngolunta on, tapuji jala tasomba ma Ibana.
Marende ma hita :
L + H : Marende BE. No. 585 : 1 “ Somba ma Jahowa ”
1. Somba ma Jahowa Debatanta, Amen Haleluya..
Sigomgom langit tano on ro di isina, Amen Haleluya.
Beta hita lao marsinggang tu joloNa, Amen Haleluya..
Na songkal jala na badia do Jahowa, Amen Haleluya.
: Endehon amen haleluya.. endehon amen haleluya !
Endehon amen haleluya.. endehon amen haleluya ! 2x
( jongjong ma ruas )

II. Ibadah
1. Votum + Ayat + Tangiang Minggu + Singkat ni Patik :
L : Marhite-hite Goar ni Debata Ama, dohot Goar ni Anak-Na Tuhan Jesus
Kristus, dohot Goar ni Tondi Porbadia, na manompa langit dohot tano on,
dipasaorma dame-Na tu tondinta. Amen ..
Rap ma hita mandok tangiangta i :
L + H : Ale Jesus Tuhan nami, bereng hami na dison; Pinarmahan-Mi do hami saluhutna
na dison; Sai asi rohaM di hami, sai pangolu hami on. Amen ..
L : Ai songon on do hata ni Jahowa tu pinompar ni Israel ; lului hamu ma Ahu,
asa mangolu hamu.”
H : Ibana manghaholongi bangsoNa ro di saleleng ni lelengna, gok asi ni roha ni
Jahowa do sandok tano on. 1
 L : Martangiang ma hita :
Ale Tuhan Jahowa, Amanami na di Banua Ginjang ! Hupangido hami tu Ho,
sai lehon ma tu hami Tondi hasintongan dohot dame, asa tangkas huboto
hami nasa lomo ni rohaM. Sai urupi ma hami mangulahon hataM i sian nasa
gogo dohot rohanami.
Sian asi ni rohaM do hujalo hami nasa denggan basa na tau hangoluan ni
daging dohot tondinami. Na pungu do hami nuaeng mandok mauliate sian
nasa rohanami tu Ho laho pasahathon parbue na ni niula nami. Sai jalo ma
hamauliateon ni rohanami on na husomabahon hami marhitehite AnakMu,
Tuhan Jesus Kristus, Tuhannami.. Amen..
Didongani Tuhan Debata ma hita on saluhutna, Amen ! Haleluya....
L + H : mangendehon : Haleluya.. Haleluya.. Haleluya..!
L : Tangihon hamu ma Singkat ni Patik ni Debata na tarsurat di Pilipi 4 : 6 :
“Unang holsohon hamu agia aha ; alai sandok pabotohon hamu ma tu Debata
pangidoanmuna marhitehite tangiang dohot elehelek mardongan mauliate !”
Rap ma hita mangido :
L + H : Ale Tuhan Debata ! Sai pargogoi ma hami mangulahon na hombar tu
Hata-Mi ! Amen .. ( hundul )

2. Marende : BE. No. 3 : 1, 3 “Puji Jahowa, ale tondingku”

1. Puji Jahowa, ale tondingku, puji Ibana Debatami ; Tagan so suda dope
bohalhu, naeng pujionku basaNa i. Sitompa daging tondi pe, ingkon
dipuji sasude. Haleluya, Haleluya !
3. Martua halak na niondingan, ni Debatanta Jahowa i ; Angka na hot
marhaporseaon, di Jesus Kristus Tuhanta i. Molo Debata donganmu,
ndang adong hurang tuamu. Haleluya, Haleluya !

3. Panopotion ni Dosa + Bagabaga Hasesaan ni dosa : ( jongjong )

L : Martangiang ma hita manopoti angka dosanta tu Debata :
Ale Tuhan Jahowa, Amanami Pargogo Nasohatudosan, Ama Parasiroha jala
Pardengganbasa. Nabadia do Ho alai pardosa do hami. Jotjot do huulahon
hami angka na maralo tu hataM. Sai hulaosi hami hasintongan dohot
hatigoran ni hataM di ngolunami. Na ro do hami tu joloM mangido hasesaan ni
dosanami.
L + H : mangendehon : Mangendehon BE No. 681 : 1 “Ale Amang asi rohaM”
♫ Ale Amang asi rohaM, di au pardosa on. Unduk do rohangkon nuaeng,
marsomba di joloM. Unang jujur, unang jujur, angka dosangki. Sai
salpuhon, sai salpuhon sian rohaMi.

2
 L : Asi ma rohaM di hami, ale Tuhan Jesus ! Sai sesa ma dosanami, sesa ma
dosa ni huriaM HKI asa badia di joloM. Sai pargogoi jala parbisuhi ma hami
asa tau marparange na denggan hombar tu uhum dohot hataM i.
L + H : mangendehon : Mangendehon BE No. 681 : 2 “ Ale Amang asi rohaM ”
♫ Amang sai pargogoi ma au di hasiangan on ; TondiM pasaor tu
tondingkon, pamalum rohangkon. Sai usehon, sai usehon TondiMi
tu au. Asa monang maralohon, parungkilon au.
L : On ma bagabaga hasesaan ni dosanta: “Haholongon salelengna hubahen
manghaholongi ho, dibahen i hutogutogu ho marhitehite asi ni roha, ninna
Tuhan Jahowa”.
Hasangapon ma di Debata na di ginjang !
L + H : Amen ! ( hundul )
4. Marende : BE. No. 180 : 1, 4 “ Ro tu Jesus, ho na loja”
1. Ro tu Jesus, ho na loja, na maheu i.
Lam lumbang do di lambungNa, rohami.
4. Apulapul sae ni dosa, hangoluanmi.
Saluhut dilehon Jesus, tuami.
5. Manjaha Turpuk Epistel : ( Responsoria )
L : Tabege ma Hata ni Debata ima turpuk Epistel di Minggunta sadari on,
na tarsurat di Mateus 13 : 1 – 9.
L : Di na sadari ruar ma Jesus sian bagas i, laho hundul tu pasir ni tao.
H : Jadi marpungu ma torop halak tu jolona, gabe dipanaek Ibana ma sada parau
laho hundul tusi, jala sude natorop i jongjong do di pasir i.
L : Dung i godang ma dihatahon tu nasida, huhut pangke umpama, ninna ma: Na
laho tu balian do sahalak panabur laho manabur.
H : Jadi di na manabur i ibana, adong ma boni i deba na mamiltik tu dalan, dung i ro
ma angka pidong mamarguti.
L : Alai anggo na deba, tu tano na batu on do madabu, di na so sadia hapal tano,
jadi tibu ma tubu, dibahen na so bagas tano disi.
H : Alai di na lam timbo mata ni ari, rahar ma; gabe mate, ala so marurat.
L : Anggo na deba, tu parsihupian do madabu, laos tubu do angka sihupi i, gabe
dipisati ma eme i.
H : Alai na deba nari, tu tano na denggan i do madabu, gabe saut ma marparbue,
saratus lompit do na deba, onompulu lompit do na deba, jala tolupulu lompit do
na deba.
3
 L + H : Hamu angka na marpinggol, pinggol hamu ma i!
L : Martua ma angka naumbege jala na umpeop Hata ni Debata !
L + H : Amen..

6. Marende : BE. No. 130 : 1, 3 “ Parohon HarajaonMi ”

1. Parohon HarajaonMi, sahalaMi do i. Dibahen i o Jesuski, ndang jadi
sundat i. Alai ianggo eme i, ndang olo marparbue i, ianggo so mate i.
Di na buni di tano i ; denggan do i, dibaen na mate i.
3. Naung mate Ho di tano on, sobokkon eme i; Sondangi ma portibi on, na
sahat di Ho i. Sai suru angka naposoM, mangaliati tano on,
mamaritahon hataMi. Sai naeng tumpahan nami i, manumpak be, do
hami on sude.

7. Manghatindangkon Hata Haporseoan :

L : Rap ma hita manghatindangkon Hata Haporseaonta i…

8. Marende : BESJ. No. 115 : 1 - 2 “ Tuhan Debata ”

1. Tuhan Debata, sai ramoti na.
Daging dohot tondi nami, i do pangidoannami.
Sai pahipas be, hami on sude !
2. Jesus Ho tutu, Raja na burju.
Sai palua tondinami, sian pardosaon nami.
Pasupasu be, hami on sude.

9. Jamita : PSALMEN 65 : 1 – 9.

10. Marende : BE. No. 714 : 1 - 2 “ Tuhan na Marmahan hami ”

1. Tuhan na marmahan hami, togu hami ruasMon.
Lehon daMe mi di hami, angka na hinophopMon.
Tuhan Jesus, Sipalua, parmahani ruasMon ;
Tuhan Jesus Siparmahan, parmahani ruasMon.
2. Tuhan Parmahan haposan, dongan na sumurung i.
Sai padao pangunjunan, togu ma na lilu i.
Tuhan Jesus Sipalua, pasupasu ruasMi.
Tuhan Jesus Siparmahan, pasupasu ruasMi.

11. Tingting Huria + Tangiang Tingting

4
12. ACARA PESTA GOTILON : ( Sude Parhalado ni Huria jongjong marhaliang di
jolo mardompakhon ruas )
P : Hamu saluhutna ruas ni huria ni Tuhanta Jesus Kristus ! Nuaeng sahat ma hita
tu acara Pesta Gotilon ni hurianta. Itahalashon jala itahamauliatehon ma
saluhut denggan basa ni Jahowa. Antong marende ma hita sian Ende No 373 :
L + H : Marende No. 373 : 1 “Mangula hita jolma”
Mangula hita jolma, manabur boni i. Alai anggo jadina, di Debata do i.
Dilehon las ni ari, nang nambur udan pe. Tongtong di panumpakNa,
marguru sasude. Nasa uli basa ro sian Debata. I pe Ibana puji ma, huhut
haposi da.
P : Hamu angka dongan sahuria ! Nunga dilehon Tuhan Jahowa nasa ulibasa na
mauliutus di ngolunta be, jala nunga tajalo parbue angka na taula i holan ala ni
denggan ni basaNa sambing. Antong, tama situtu hita mandok mauliate tu
Tuhan Jahowa !
H : Mauliate ma Ho ale Tuhan Jahowa, naung mangalehon hahipason, gogo di
hami laho mangula nasa ulaon nami be. Jala dilehon Ho do parbue ni angka na
huula hami i.
P : Didok Tuhan Jahowa : Ingkon buatonmu ma sian patumonaan ni sandok parbue
ni tano i, na dapot ho sian tanomi, naung nilehon ni Jahowa, Debatam tu ho,
jala pamasuhonmu do i tu bagasan ampang, jala boanonmu do i tu inganan
sipilliton ni Jahowa, Debatam, bahen inganan di GoarNa. ( 5 Musa 26 : 2 )
Antong, tapasahat ma parbue ni angka na taula be tu adopan ni Tuhan Jahowa
dibagasan ias dohot las ni roha. Ro ma hamu pasahathon tu jolo …
- - - Pasahathon Parbue na niula - - -
( Angka Ina Pasahathon Parbue parbue pir, tu jolo )
L + H : Marende No. 848 : 1 “Dison adong huboan Tuhan”
♫ Dison adong huboan Tuhan, parbue ni ngolungku na so tardok nian. Sadia
ma argana Tuhan, molo sai ni rajuman sude denggan basaM? Jalo ma
Tuhan, sai las ma rohaM.
- - - musik - - -
♫ Huingot do HataM da Tuhan, ingkon sarihononhon anggim, na metmet an.
Ampehon ma tangamMu sangkan, itak na otik i, unang suda nian. Jalo ma
Tuhan, sai las ma rohaM.

5
 P : Mauliate ma ale Tuhan Jahowa ! Ama Pardengganbasa ro di saleleng ni
lelengna jala Haroroan mi saluhut angka naulibasa. Na ro do hami mandok
mauliate tu Ho, ala dipasupasu jala dilehon Ho udan dohot las ni ari di tingkina
be laho pabornokkon na huula hami, gabe dapotan parbue hami sian hauma
dohot ladang i.
Sian ias dohot las ni roha do hami pasahathon tu Ho parbue na huula hami i
marhitehite huriaM on. Sai buhai ma rohanami marhitehite TondiMi asa hutanda
hami godang ni silehonlehonMu di hami, jala asa lam girgir hami mandok
mauliate tu Ho.
Sai urupi angka dongannami na so dapotan gogo sian naniulana, dohot angka
dongan nami na hurangan di ngolu pardagingon. Unang loas nasida mandele,
alai patogu ma haporseaon nasida manghirim tu Ho. Jala pangke ma hami asa
rade masiurupan marbasabasa tu dongan nami na patut siurupan. Sai pasupasu
ma na niula nasida tu joloan on, asa lam marpos ni roha nasida di denggan ni
basaM. Lehon gogo dohot haringgason di hami mulalulaonnami jala padao ma
angka na naeng manegai na niulanami, asa tongtong taruli hami songon hataM
na mandok : ‘Na so ra mangula, unang ma ibana mangan.’
Tangihon ma tangiang pamujion nami on ale Jahowa, ala ni AnakMu, Tuhan
Jesus Kristus, Tuhannami ! Amen..

13. Marende : BESJ. No. 754 : 1 __ “ Gok Las ni roha do au” ( Pel. I - III )
1. Gok las ni roha do au di ngolungkon, di ngolungkon, di ngolungkon.
Gok las ni roha do au di ngolungkon, tongtong di rohangkon.
Reff : Mauliate, gok las ni roha, maringan holongMi Tuhan di au.
Mauliate, gok las ni roha, maringan holongMi Tuhan di au.
2. Mardame jala sonang do ngolungkon, di rohangkon, di rohangkon.
Mardame jala sonang do ngolungkon, tongtong di rohangkon.
Reff : Mauliate, gok las ni roha…
----musik----
3.Gok do holong ni Jesus di ngolungkon, di ngolungkon, di ngolungkon.
Gok do holong ni Jesus di ngolungkon, tongtong di rohangkon.
Reff : Mauliate, gok las ni roha…
5. Marlas ni roha do au di ngolungkon, di ngolungkon, di ngolungkon.
Marlas ni roha do au di ngolungkon, tongtong di rohangkon.
Reff : Mauliate, gok las ni roha…
6
13. Tangiang Panutup :
P : Nunga sahat hita patupahon ulaon Minggu dohot Pesta Gotilon ni hurianta
sadari on. Sai sahat ma pasupasu ni Tuhan mangaramoti hita on saluhutna.
H : Amen … ! Sai ditumpahi Tuhan Jahowa di ngolunami on, sai dilehon
hahipason asa sahat hita matua bulung dilehon tua dohot hadumaon.
P : Sai Tuhan Jahowa ma sai tongtong mangiringiring pardalanan ni ngolunta be,
sai sahat ma hatuaon dohot hadameon nang las ni roha jala tongtong
dibagasan na masihaholongan hita on saluhutna.
P + H : Ima tutu ale Tuhan Jahowa Pardengganbasa Nasumurung ! Sai ramoti hami
asa marparbuehon na denggan di ngolunami hombar tu lomo ni rohaM, jala
parsidohot laho pahembanghon harajaonMu marhitehite huriaM on.

P : Tapasahat ma peleanta tu adopan ni Debata, martangiang ma hita :

P : Tangiang Pelean ( Agenda )
P+H : Tangiang Ale Amanami …
P : Tangiang Pasupasu.
P+H : (Mangendehon) : Amen… Amen… Amen…

===

“ Selamat Hari Minggu …”

Tuhan Jesus Memberkati … !

“Taruhon hamu ma sintong parsampuluan i tu bagas parpeopan,

asa adong bohal di bagasan jabungKu, jala unjuni hamu ma Ahu
taringot tusi, ninna Jahowa Zebaot, manang so ungkaponKu di
hamu angka pandiloan ni langit, jala mangusehon tu hamu gabe
maradu marlobilobi.”
( Maleaki 3 : 10 )