Dudonan acara

Pamahbah:
Om swastiastu. Om anobadrah kretawyantu wiswantah. Om sarwa karya prasida
sidantam. Dumogi pikayun sane becik rauh saking sagenah-genah, lan nuntun sajeroning
pemargi. Angayu bagia aturang titiang majeng ring Ida sang Hyang Widhi Wasa, duaning
sangkan pasuecan ida, titiang ping kalih ida dane sareng sami prasida macunduk mapupul
masadu ajeng ring galah lan genah sane becik puniki melarapan antuk kerahayuan lan
kerahajengan.

Swasti prapta aturang titiang ring ida dane para uleman sane sampun prasida rauh ring
acara BULAN BAHASA BALI DESA BIAUNG lan DESA ADAT SE-DESA BIAUNG rahina
mangkin ring suba dewasa Saniscara Pon, wuku Ugu, tanggal masehi 26 Februari warsa kalih tali
kalih likur.
1. Sane mustikayang titiang, Perbekel Desa Biaung
2. Sane wangiang titiang Ketua BPD Desa Biaung
3. Sane wangiang titiang Jero Bendesa Adat se Desa Biaung
4. Sane wangiang titiang Pendamping Desa, Desa Biaung
5. Sane wangiang titiang Kepala Wilayah Se-Desa Biaung
6. Sane wangiang titiang Kepala Sekolah Dasar SD1 lan SD2 Biaung
7. Sane wangiang Angga Panureksa Wimbakara
8. Lan para pamilet Bulan Bahasa Bali sareng sami sane banget andelang miwah tresna sihin
titiang.

Mungguing dudonan acara rahina mangkin inggih punika:

1. Pamungkah atur saking pangenter acara
2. Ngaturang Puja Pangrestiti
3. Swagata Wacana saking Kepala SDN 1 Biaung
4. Sambrama wacana saking Bapak Perbekel Desa Biaung. sapisanan mungkah acara
5. Pamargin Panureksan Wimbakara Nyurat Bali Pantaraning sisia SD se Desa Biaung
6. Pangwedar Jayanti
7. Penyineb.

Inggih, wantah kadi punika acara Bulan Bahasa Bali Desa Biaung rahina sane mangkin,
mogi-mogi sida ngicen pikenoh sane mabuat turmaning dados anggen sasuluh sajeroning
Ngajegang kawentenan Basa, Sastra, lan Aksara Bali. Titiang ngangganing prawartaka sami
ngelungsung geng rena sinampura menawi wenten atur miwah parilaksanan titiang sajeroning
acara puniki nenten manut ring sajeroning pikayun, duaning tan hana wong swastya annulus.
Pinaka wasananing atur, puputang titiang antuk ngaturang parama santih. Om Santih, Santih,
Santih Om