Nama : Ni Made Nia Juniantini

Absen : 28
Kelas : XI IPS 6

Wana Kertih – Sabdaning Taru Mahottama dados unteng ring

parikrama Bulan Bahasa Bali Tahun 2021, sane madue teges taru pinaka
prananing kahuripan sumangdane prasida kajaga lan kalestariang. Iraga
I Manusa mangda madue rasa olas asih ring sarwa prani mangda
prasida luputing olih sakancan bhaya. Unteng Punika ngakah ring
pamargi Bulan Bahasa Bali Desa Banajarasem.

Pamargi Bulan Bahasa Bali ring Desa Banjarasem Kariinin olih Pamargi
Bulan Bahasa Bali ring Desa Adat Yehanakan sane kalaksanayang dina
Wraspati, 25 Februari 2021 magenah ring SD Negeri 2 Banjarasem
ngawit galah 9 semeng. Pinaka panyembrama kasolahang tari Sekar
Jagat, raris kabungkah olih Bandesa Alitan Majelis Desa Adat
Kecamatan Seririt antuk nepak gong, parikrama punika mamargi antar
nganutin protokol kesehatan Covid 19. Nyurat Aksara Bali pinaka
wimbakara sane kalaksanayang ring Desa Adat Yehanakan, wimbakara
puniki kasarengin olih 10 diri alit-alit pinaka duta soang-soang banjar
adat.

Raris kalanturang antuk Desa Adat Banjarasem sane taler

nglaksanayang Bulan Bahasa Bali ring dina Wraspati, 25 Februari 2021
magenah ring Wantilan Banjar Dinas Dajan Rurung ngawit galah 1
Tengai. Parikrama puniki taler kabbungkah olih Bandesa Alitan Majelis
Desa Adat Kecamatan Seririt. Wimbakara Nyurat Aksara Bali pinaka
wimbakara sane kalaksanayang ring Bulan Bahasa Bali Desa Adat
Banajarasem. Wimbakara kamiletin olih 10 diri alit-alit, sane kaambil
saking soang-soang banjar adat. Yadiastun kabanda antuk ujan angin,
nenten ngicalang rasa teleb lan pageh alit-alit pamilet wimbakara nyurat
aksara Bali Desa Adat Banajarasem surud.

Sane kaping untat kamargiang Bulan Bahasa Bali ring dina Redite, 28
Februari 2021 ring Desa Adat Kalanganyar pinaka pamuput Bulan
Bahasa Bali 2021. Paraikrama punika kalaksanayang ngawit galah 1
tengai, magenah ring Wantilan Pura Desa Adat Kalanganyar. Pinaka
panyembrama kasolahang tari Sekar Jagat, raris katepak gong olih
Bandesa Alitan Majelis Desa Adat Kecamatan Seririt pinaka cihna Bulan
Bahasa Bali Desa Adat Kalanganyar kabungkah. Wenten makudang-
kudang wimbakara sane kalaksanayang minakadi : Nyurat Aksara Bali,
Makidung, Masatua Bali, lan Ngwacen Aksara Bali. Wimbakara punika
kamiletin olih alit-alit pasraman ring Desa punika. Yadiastuun kari
masan Pandemi pamilet soang-soang lomba nenten surud, alit-alit ring
Desa Adat Puniki sayan teleb nincapang lan nglestariang Basa, Aksara,
lan Sastra Bali.

“Dumogi tahun salanturnyane, Desa Adat miwah Desa Dinas mangda

adung ri kala nglaksanayang Bulan Bahasa Bali Puniki. Mangda Basa,
Sastra, lan Aksara Bali sayan nincap sakadi visi misi Pemerintah
Provinsi Bali inggih punika Nangun Sat Kerthi Loka Bali.” Punika
pangapti Dane Camat Seririt Nyoman Agus Tri Kartika Yuda,S.IP, M.Si
ri kala ngicen sambrama wacana ring parikarama Bulan Bahasa Bali.

• Pokok Materi ring artikel baduur :

Ngelaksanayang Bulan Bahasa Bali ring dina Redite, 28 Februari 2021
ring Desa Adat Kalanganyar pinaka pamuput Bulan Bahasa Bali 2021.