DUDONAN ACARA WANTI WARSA KA-31

STT SARI BHUANA BELIMBING

Inggih titiang nunas uratian majeng ring ida dane sareng sami, riantukan acara wanti warsa
STT Sari Bhuana Belimbing jagi kakawitin.

Pinih riin ngiring iraga sareng sami ngaturang astiti bhakti majeng ring Ida Sang Hyang
Widhi Wasa, sangkaning antuk pasuecan Ida, iraga prasida mapupul iriki tur ngamolihang
kerahayuan lan karahajengan, larapan antuk nguncarang pangastungkara panganjali umat:

Om Swastyastu.

Inggih majeng ring jero mangku sane merage suci,sane baktinin titiang ring pura paibon
belimbing,

Sane murdayang titiang Bapak Kelian Banjar Dinas Belimbing,

Sane mustikayang titiang Klian Banjar Adat Belimbing,

Taler para Panglingsir sane suksmayang titiang,

Lan para anggota muda-mudi Sari Bhuana Belimbing sane banget tresna sihin titiang.

Rumasa garjita pisan manah titiang, riantukan mangkin ring rahina Saniscara duk pinanggal 1
Januari,warsa 2022 jagi kamargiang acara “Wanti Warsa STT Sari Bhuana Belimbing sane
ka-33”.

Ngeninin indik dudonan acara inggih punika sakadi ring sor.

1. Pamahbah, atur sane sampun mamargi.

2. Panguacenan doa.
3. Laporan Ketua STT Sari Bhuana Belimbing.
4. Sambrama wacana saking Bapak Klian Banjar Dinas Belimbing.
5. Sambrama wacana saking Klian Banjar Adat Belimbing.
6. Sambrama wacana saking Jero Mangku Belimbing.
7. Sambrama wacana saking Panglingsir Banjar Belimbing.
8. Pamotongan Tumpeng olih Ketua STT Sari Bhuana Belimbing.
9. Undian berhadiah lan penyerahan hadiah lomba.
10. Panyineb.

Inggih sumangdenyane nenten sami nelasang galah, sane mangkin acara jagi kalanturang
antuk panguacenan doa. Titiang nunas majeng ring jero mangku, durusang.

Majeng ring ida dane sareng sami, acara selanturnyane inggih punika laporan Ketua STT
Sari Bhuana Belimbing. Majeng ring I Kadek Agus Alit Dwipayana antuk galah durusang.

Majeng ring ida dane sareng sami, nglantur ring acara selanturnyane inggih punika
sambrama wacana olih Bapak Klian Banjar Dinas Belimbing, Bapak I Nengah Mertana,
antuk galah durusang.

Inggih, punika sambrama wacana olih Bapak Klian Banjar Dinas. Sane mangkin
kalanturang antuk sambrama wacana olih Bapak Klian Banjar Adat Belimbing, Bapak I
Made Darta, antuk galah durusang.

Asapunika sambrama wacana olih Bapak Klian Adat. Salanturnyane inggih punika
sambrama wacana olih Jero Mangku Belimbing, Jero Mangku (lihat sikon siapa yang
berbicara), antuk galah durusang.

Inggih, asapunika sembrama wacana olih Jero Mangku Belimbing. Raris kalanturang
antuk sambrama wacana olih Panglingsir desa adat Belimbing. Antuk galah durusang.

Punika sambrama wacana olih Panglingsir desa adat Belimbing. Sane mangkin puncak
acara ring acara wanti warsa STT Sari Bhuana Belimbing sane ka-33 inggih punika
Pemotongan Tumpeng olih Ketua STT Sari Bhuana Belimbing. (lihat sikon siapa yang
berbicara), antuk galah durusang.

Inggih ida dane sareng sami, acara sane pinih untat inggih punika penyerahan hadiah
lomba, lan doorpize utawi undian . Antuk galah durusang.

Inggih, wantah asapunika dudonan acara sane prasida aturang titiang. Titiang ngaturang
suksma majeng ring ida dane sareng sami sane sampun prasida rauh ring acara puniki.
Yening wenten atur titiang sane nenten manut ring kayun, titiang nunas geng rena sinampura.
Maka panguntat, puputang titiang antuk parama santih.

Om Santih, Santih, Santih, Om