WANTI WARSA SEKA TERUNA – TERUNI

"Om Swastiastu"

Mantuka ring para manggala praja makadi Bapak Prabekel

Bapak Klian Dinas sane bhaktinin titiang
Para manggala desa makadi Bapak Bendesa Adat Prajuru Adat
Bapak Kelian Adat Banjar sane kusumayang titiang
Para truna truni Catur Utama Banjar Sedang sane tresnasihin titiang

Pinih ajeng, lugrayang titiang ngaturang rasa pangayubagia majeng ring Ida Sang Hyang Widhi
Wasa sane ngicenin iraga kerahajengan mawinan prasida ngamiletan acara “ Wanti warsa seka
truna – trunine puniki.

Ring galahe sane becik puniki, titiang pinaka Ketua STT Catur Utama matur suksma ring
sapengrauh ida dane para manggala taler para sameton sinamian, sane sampun parama ledang
nodia pakaryan titiang sajeroning wanti warsa sane kaping dasa Sekaa Truna Truni Catur Utama
Banjar Sedang rainane mangkin.

Atur uningayang titiang ring ida dane makasami, sajeroning nyanggra wanti warsa sane kaping
dasa puniki kadagingin antuk makudang-kudang pacentokan, gotong royong kebersihan desa,
taler kajangkepin antuk ngaturang punia amatra ring panti werda majeng ring anak lingsir sane
patut polih uratian iraga sareng sami.

Mungguing prabea sane kaanggen nyanggra acara wanti warsa rahinane mangkin wantah saking
urunan miwah kas sekaa truna truni, katambahin antuk paica lascaria saking krama Banjar
Taman Palekan. Manda taler sauninga, sekaa truna truni sane iring titiang natak panes tis ring
lingkungan banjar iriki akehnyane karobelah diri lanan satus diri, istri seket diri.

Salanturnyane titiang makesami iriki nunas mangda sueca Bapak Prabekel pinaka manggala
praja ngicenin tuntunan, pawisik, pawarah-warah, mangda prasida titiang iriki salung-lung
sabayan taka paras-paros sarpanaya, tur sida ngulati sane mawasta "matuha, migasa, mawerdya"
sayan duur yusane, sayan urati miwah gelitik tur prasida sayan limbak ring sajeroning sekancan
utsaha. Taler jagi aturin titiang Bapak Prabekel jagi motong tumpeng pinaka cihna acara wanti
warsa Sekaa Truna Truni Banjar Sedang sampun mamargi.

Titiang pinaka prawartaka wanti warsa ngaturang suksmaning manah antuk uratian ida dane para
sameton sinamian taler nenten lali titiang nunas agung rena pangampura. Pinaka pamuput atur,
titiang puput antuk parama santih.

"Om Santih, Santih, Santih Om"