Sasuluhan Yowana Modern

Kacritayang, ring desa Mengwi wenten anak luh, jegeg pisan sane mawasta Gek Ayu,
Gek Ayu ia anak males melajah melenan pesan teken Gek Ratih ia anak jemet melajah. Gek
Ayu ngelah timpal madan Lingga. Lingga punika, ia anak dueg, nanging ia nenten
ngeringuang napi sane kaucapang olih Gek Ayu.

Gek Ayu : “Rahajeng semeng ngga..... ngae ape to?”

Lingga : “Mewali. Niki tugas fisika, tiang konden ngae”

Gek Ayu : “Mihhh semengan sube ngidang melajah, apa buin pelajahan fisika.
Aduhh nggaaa. Men tusing ngae tugas adenan bolos. Mai bolos jak
tiang!”

Lingga : “Sing nyak!”

Gek Ayu : “Mai ngga... tusing med melajah kene-kenean gen? ngudiang ngitung
kecepatan nyuh ulung uli punyanne, kuangan gae sajan. Adenan
nongkrong di mall ngidang ambilan ngae story”

Lingga : “Tiang sing nyak yu, iraga dados sisya patut nyane nganggen masa
yowana, niki anggen melajah miwah ngalih pengalaman. Kadi Ayu
kene jani?

Gek Ayu : “Mih Lingga sok alim sajan, nah men sing nyak tiang gen je pedidi,
de nyesel nah!”

Risedek Gek Ayu keluar kelas, ia kacingak oleh Gek Ratih timpal nyane saking sd
nanging mangkin nenten, sawireh Gek Ratih ngamolihang peringkat 1 ring kelas. Dumunan
wantah Gek Ayu sane polih nanging karebut olih Gek Ratih. Ring kelas 10 Gek Ayu anak
sane jemet pesan melajah, ia ngamolihan peringkat 1 ring kelas. Ia setata nulungin Gek Ratih
miwah timpal-timpal kelas nyane sane liananan melajah, nanging ring kelas 11 Gek Ratih
polih peringkat 1, punika ngaenang Gek Ayu sebet lan gedeg ngajak Gek Ratih punika mase
sane ngaenang Gek Ayu males melajah.

Gek Ratih : “Gek Ayu.... Lakar kije to?” (maekin Gek Ayu)

Gek Ayu : “Tiang lakar mulih, engken? Kel ngelaporang ke guru BK? Mu nae!”

Gek Ratih : “Tusing yu, kadi Ayu mulih? Niki kari jam pelajaran. Mai ke kelas,
ajake melajah bareng-bareng!”

Gek Ayu : “Tiang? Melajah bareng ajak Atih? Heh.

Gek ratih : “Ae yu, jak timpal-timpal di kelas mase.”

 Gek Ayu : “Yen tiang melajah bareng jak Atih ngidang tiang ngamolihang
peringkat 1 di kelas biin?

Gek Ratih : “Yen Ayu seleg miwah jemet melajah pastika ngidang.”

Gek Ayu : “Sok dueg. Kaden Atih e nyen sane ngaenang Atih dueg? Tiang! Yen
tusing Atih melajah jak tiang kanti sing Atih polih peringkat kadi
mangkin. Yen dadi ben tiang ngorang tiang nyesel ngelah timpal care
Atih!”

Lantas Gek Ayu ngengggalan melaib ngejohin Gek Ratih. Irika Gek Ratih sebet
pesan, ia lantas mejalan ke perpustakaan. Ring perpustakaan Gek Ratih ngeling sig-sigan
lantas teke Lingga lan Weda.

Weda : “Engken nike tih? Kadi ngeling sig-sigan?”

Lingga : “Pastika sawireh perusak nike nggih?”

Weda : “Sira perusak nike ngga?”

Lingga : “Sane negak jak tiang nike da. Seken sing tawang? 0....Pantes pun
Weda sing nawang kan sing taen di kelas. Setata bolos dogen!”

Weda : “O.. Gek Ayu. Kadi ye orahang perusak?”

Lingga : “Niki tolih sampun ngerusak timpal iraga ne!”

Weda : “Apan Ratih e usak tih?????”

Lingga : “Aduh da.. da... maksud Lingga to Gek Ayu sampun ngaenang Ratih
sakit,kanti ngeling sig-sigan kene!”

Weda : “O... be seken Gek Ayu sane ngaenang Ratih ngeling?”

Gek Ratih : “Sampunang ngorang perusak-perusak kenten. Gek Ayu nenten pelih,
Gek Ayu wantah terpengaruh aab jagate mangkin. Tiang percaya Gek
Ayu pastika ngidang care pidan buin, yadiastun nenten mangkin.”

Weda : “Ae tih, tiang mase percaya Gek Ayu pacang mewali care pidan”

Gek Ratih : “E.. niki sampun jam masuk . Ngiring ke kelas”

Lingga : “Ngiring-ngiring”

Lantas Gek Ratih, Lingga, lan Weda masuk kelas. Ring genah sane lianan Gek Ayu
sampun neked ring jumahne, cingak ne bapak nyane sampun ring arep pintu

Pak Wayan: “Kadi jam mone sampun teka? Bapak maan laporan Ayu bolos biin?”

Gek Ayu : “Ayu bolos ken sing emangne bapak peduli?”

 Pak Wayan : “Ayu to sing dadi orin pak ben munyi. To tolih Ratih, jumah seleg
nulungin magarapan, jemet melajah polih juara ring sekolah. Sing
ngidang to tuutin? Kel dadi apa yen ayu kene gen terus?”

Gek Ayu : “Pak.. suud ngebina-binain Ayu jak Ratih pak. Sing di sekolah sing
jumah setata Ratih. Panak bapak to Ayu ape Ratih? Nak sakit mase
keneh ayu bina-bina ne gen terus!”

Lantas Gek Ayu macelep ke kamarne sambil ngeling sig-sigan.

Pak Wayan : “Kene sube yowana ne mangkin, ngorin pelih, sing orin pelih mase.”

Sawatara sampun jam 1, sisya SMAN 1 Mengwi sampun budal irika Ratih makeneh
pacang melali ke umah Gek Ayu pacang ngidih pelih.

Gek Ratih : “Ayu.... Ayu... tiang Ratih bukakang pintu ne malu”

Gek Ayu : “Ngudiang Atih mai?”

Gek Ratih : “Yu.. Atih ngidih pelih, sing ngidang Ayu mewali cara pidan? Iraga
metimpal care pidan?”

Gek Ayu : “Pang kude Ayu ngorang sing nyak? Ayu sing perlu timpal care Atih.
Ayu be ngelah timpal baru, adanne Diah!”

Gek Ratih : “Diah kelas MIPA 5 to yu?”

Gek Ayu : “Ae, engken?”

Gek Ratih : “Yen dadi ben Atih ngorin, de san Ayu bergaul jak to! Diah to demen
ngeroko, demen minum miras, demen pesu peteng. Atih sing nyak Ayu
bareng keto!”

Gek Ayu : “O... ne Ratih ne bangga-bangga ne ken guru kanti bapak Ayu ne
bareng. Sifat asline demen ngejeleken nak di duri. Yen nak nawang
Ratih kene, nu bangga-bangga ne nyen?

Gek Ratih : “Atih tusing ngejelekin yu, mule keto asline.”

Gek Ayu : “Ayu sing peduli. Ayu tetep metimpal jak ye miwah benjek Ayu kel
melali jak Diah. Atih de sok peduli. Adenan jani Atih mulih!”

Gek Ratih : “Nah yu, jani Atih mulih. Yen ade engken-engken inget, Ayu nu
ngelah Atih.”

Ditu lantas Ratih mulih. Sawatara jam 6 Gek Ayu lan Diah pesu. Neked di genah sane
katujuin olih Diah, Gek Ayu jejeh miwah paling.

Gek Ayu : “Niki genah napi yah?”

 Diah : “Niki pun genah ne anggo tiang story ibi nike. Instragammable pisan
yu!”

Gek Ayu : “Kadi onyang minum miras yah? Meriki dados mefoto gen? Tiang
ten bise minum miras.”

Diah : “Tusing lah yu, mriki tiang je ngurukin. Pang ngenah hits di
Instagram”

Lantas Diah mesen minuman sane nenten kauningin oleh Gek Ayu

Diah : “Niki yu, Vodka sareng White Wine. Ayu ane ken?”

Gek Ayu : “Ane ken tusing bersoda yah?”

Diah : “Gek Ayu... Gek Ayu..... yen dot minuman sing bersoda di indomaret
meli susu mu! Ahahahah. Sing ngae story yu? Pang sing pocol ngajak
melali mai”

Gek Ayu : “Nggih mangkin pun”

Risedek mukak Hp, Gek ayu iseng-iseng ngalih napi punika minuman sane kaorahang
olih Diah ring google. Irika Gek Ayu tengkejut pesan nyingakin efek minuman punika.

Gek Ayu : “Yah, minuman niki berbahaya, Vodka niki ngaenang penyakit liver
miwah kerusakan hati, ngaenang iraga mati adeng-adeng yah!”

Diah : “Lantas? De sok alim keto yu, nikmati gen malu. Masalah mati to
takdir, onyang anake lakar mati.”

Gek Ayu : “Beneh sane kaorahang yah to, onyang anake lakar mati. Tapi tiang
tusing nyak mati ulian ane kene! Tiang kel mulih gen yah”

Diah : “Ye sing dadi. Neh minum malu!”

Gek Ayu : “Ayu sing nyak... Ayu dot mulih!!!”

Diah lantas nekekang ngisi liman Gek ayu.

Diah : “Sekonden Diah ngorin mulih de mulih. Negak, minum!”

Ditu lantas Gek Ayu inget teken napi sane kaorahang olih Ratih. Ditu ia ngenggalang
nelpon Ratih.

Sawatara 15 menit nyane. Gek Ayu, Pak Wayan, Lingga, miwah Weda teke. Ditu
lantas Gek Ayu ka ajak mulih miwah Diah kaurusang olih Pak Wayan

Gek Ayu : “Atih, Ayu ngidih pelih. Ayu mule egois”

Lingga : “Mare nyadar.”

 Weda : “Sttt.......”

Gek Ratih : “Nggih yu, Atih mase ngidih pelih, benehne Atih nyuuden masalah
ne uli pidan.”

Pak Wayan : “Ayu.. bapak mase ngidih pelih, bapak setata ngebina-bina in Ayu
sareng Ratih. Keneh bapak mangdane Ratih to anggo Ayu contoh,
nanging nike sane Ayu tertekan.”

Gek Ayu : “Nggih pak, Ayu mase ngidih pelih nenten taen ngeringuang tutur
bapak. Lan Lingga sareng Weda, ayu taler ngidih pelih. Utamane
Lingga, Ayu setata ngajak Lingga bolos.”

Weda : “Nggih yu, ten kenapi”

Lingga : “Oke.. Mani-mani Lingga je ngajakin bolos! Hahahaha”

Gek Ratih : “Iraga dados yowana Bali mangdane bisa nyaring utawi milah
budaya- budaya utawi arus globalisasi sane ngranjing ke Bali. Aab e
mangkin niki yen umapayang ring bahasa Indonesia “bagaikan pisau
bermata 2” yen beneh ben iraga nganggo utawi nrima lung kel tepuk
nanging yen pelih ben iraga jelek kel tepuk.”

Weda : “Jek Patut nike tih”

Ditu lantas para yowana punika makedekan lan mulih ke umah soang-soang.