Kacerita di Sekolah SMA Sari Manis, wenten sisya anyar saking SMA Sari Wangi,

maparab Nengah Bloyod. Bloyod nika parasne jele pisan, bocok, cupu, resem lan belog.
Dina soma, I Bloyod ngeranjing ke sekolah anyar.

Bu Eleng : “Inggih Bloyod, mangkin ngranjing dumun ke kelas.”

Bloyod : “Wastan tiang I Nengah Bloyod. Titiang saking Desa Yeh Pol. Titiang sisia
pindahan saking SMA Sari Wangi dumogi titiang driki polih timpal becik.”

Bu Eleng : “Inggih, melinggih pun, Ngah..”

Risedek I Bloyod melinggih, timpal-timpalne masuryak.

Bu Eleng : “Inggih para sisia, rarisang cingakin buku Bahasa Bali halaman selikur.”

Bloyod : “Bu, tiang ten makta buku Bahasa Bali.”

Bu Eleng : “Sarengin dumun semeton ne.”

Semeton ne nenten prasida nyarengin I Bloyod. Kacrita mangkin bel sampun

mamunyi.

Tet... Tet...

Bu Eleng : “Inggih alit-alit, mangkin sampun dados istirahat. Inggih mangkin puputang
antuk Parama Santih.”

Gung Gek : “Pada Asana, Parama Santih.”

Para Sisia : “Om Santih, Santih, Santih Om.”

Ring taman, I Bloyod matembang ring natah sekolah. Lantas rauh Gung Gek, Putu
Iting, sareng Yan Samah.

Gung Gek : “Pih, suara Nengahe merdu pisan.”

Putu Iting : “Napi merdu? Merusak dunia?”

Yan Samah : “Inggih patut, parasne pun bocok, suara jele, pateh teken dangdang
magetok!”

Gung Gek : “Ten dados kenten. Irage nak makejang pateh.”

Saget kenten, lantas I Bloyod nyingakin Putu Iting, penyingakanne ten makijepan.

Putu Iting : “Heh! Ragane sane mapesengan Bloyod? Kenapi penyingakane tan
Makijepan? Ragane tresna sareng tiang? Masuluh dumun ragane!

I Bloyod lantas kimud.

Yan Samah : “Mriki makejang, malih jebos sampun mantuk, sampunang runguange
I Bloyod bocok!”

Makejang sisia ne mantuk ke Puri soang-soang. Ring jalane cingakine sareng Gung
Gek, irike makedadue meraosan.

Gung Gek : “Eh Ngah! Ampunang sangetange nika, Putu Iting nak mule kenten. Nak ten
wenten anak sane sempurna.”

Bloyod : “Nggih, suksema Gung Gek. Tiang mantuk dumunan nggih.”

Gung Gek : “Inggih durusang, alon-alon, Ngah.”

Serauhe ring Puri, I Bloyod mapikayun, kantos wangde mesiram.

Bloyod : “Pih, kenten nasib titiange, napi kecap idamange jak I Meme?”

Lantas I Bloyod madue keneh ke balian sane sakti mandra guna.

Bloyod : “Wak..! wak..! wak...!!”

Wak Katek : “Inggih meriki ngeranjing, yih Bloyod aaaa ragane mriki patut ngerereh
kewibawaan nggih?”

Bloyod : “Mih mih... durus uning wak..”

Wak Katek : “Yih Wak Balian sakti madra guna, mriki negak.”

Lantas I Bloyod negak.

Wak Katek : “Sane punapi jagi karereh, bagus genjing? Bagus aeng? Napi punapi?”

Bloyod : “Lamun wenten, sane bagus SEDUNIA jagi rereh tiang, Wak.”

Wak Katek : “Hmm.. sane katunasin truna mangkin jeg soleh-soleh.”

Bloyod : “Ampurayang, Wak. (sambilang nyengir.)

Wak Katek : “Ong Kakak Ong Kalung, Ye Mrekak Ye Melalung!”

Bloyod : “Dados wenten perubahan, Wak?”

Wak Katek : “Durung! Patut jatma truna tawah! Malih jebos cingakin sapunapi kewikanan
titiang!

Bloyod : “Inggih, Wak. Mangkin tiang pamit.”

Wak Katek : “Eh, antos dumun, elingang warah-warah titiang, sampunang tresna sareng
anak istri sampunang tiwal peteweh ipun, bin jebos kawibawab ragane ical.

Bloyod : “Inggih, Wak. Tiang mapamit.”

Wak Katek : “Sampunang medal dumun, elingang sesarine.”

Bloyod : “Pih, sajan. Kude naur?”

Wak Katek : “Lamun Bloyod, wantah slae naur.”

I Bloyod naur. I Bloyod lantas mulih meliang-liangan.

Gumine sampun semeng. Rikala punika I Bloyod bangun lan mejalan manjus, sedek
I Bloyod masuluh, tangkejut pisan kenehne nyingakin parasne bagus. Jam 07.00 Bloyod
sampun sayaga jagi ngeranjing ka sekolah. Semeton nyane makesami nyingakin I Bloyod.

Putu Iting : “Sira nika, Yan? Jeg sekadi pragina.”

Yan Samah : “Pih, patut pisan, jeg wibawa gatii!”

Gung Gek : “Yee! Nika kan Nengah Bloyod!”

Putu Iting : “Mih! Ten mungkin!!” (bengong nyingakin bloyod)

Bloyod : “Rahajeng semeng timpal-timpal!”

Gung Gek : “Rahajeng semeng, Ngah. Adi berubah kenten penampilanne, Ngah?”

Bloyod : “Masak tiang berubah, Gung Gek? Perasaan tiange paras tiange nak biase
dogen. Mriki, Gung Gek, ngranjing ke kelas.”

Sisia-sisiane punika lantes ngranjing ke kelas. Irika Nengah Bloyod nyingkain Putu
Iting lantas maekin Ngah Bloyod.

Putu Iting : “Pih, Nengah.. adi ten nyambat-nyambat jagi berubah kenten, jeg tresna
tiang jak Nengah puk, nyak Nengah metunangan jak tiang?”

Bloyod : “Pih, ampura Putu. Tiang ten tresna sareng Putu. Tiang nak tresna sareng
Gung Gek manten.”

Gung Gek sareng semetonne makesyab ningeh I Bloyod.

Lantas I Bloyod berubah care pidan, nika krana I Bloyod melanggar pantangan
saking Wak Katek.

-TAMAT-
Pacutet :
Irage dadi manusia patut mensyukuri napi sane kaanugrahin Ida Sanghyang Widhi
Wasa, krane makejang manusia sane idup di gumine ten wenten sane sempurna, pasti
makejang ngelah kekurangan, ngiring ling mangkin irage mensyukuri napi ne wenten
krane idup puniki anugrah.

-Pemeran- :

1. Nengah Bloyod Jele : Surya Devayana

2. Nengah Bloyod Bagus : Ade Oka
3. Gung Gek : Ika Gunadi
4. Putu Iting : Ayu Pebri
5. Yan Samah : Yoni Serlina
6. Bu Eleng : Tina Kariasih
7. Wak Katek : Juniari
8. Moderator : Ajeng