Assalamualaikum wr.wb...

Om swastiastu, namo buddhaya...

Shalom, salam kebajikan...

Tabik-tabik pun..

Sai sekendua hormati Bapak rik Ibu dewan juri FTBI

Sai sekendua hormati kaunyin panitia penyelenggara FTBI

Sai sekendua hormati prabatin, batin tulak hanau, penggawa batin, kaunyin suri tauladan rik
tawok-tawok sai pacak hadir dilom ruangan sija.

Puji syukur kita panjatko kehadirat Allah SWT, bak ulah rahmat na kita pacak bekumpul
diruangan sija dilom keadaan sihat wal’afiat, shalawat serta salam mak lupa kita sanjungko
jama nabi balak kita Nabi Muhamad SAW sai selalu kita nantiko safa’at na di yaumul
kiyamat, aamiin allahuma amin.

Semakkung sekendua mulai pidato sekendua haga ngenalko badan kita pai, tolah
sekendua Dhika Efvrizal asal jak sikolah SMP Negeri 01 Belitang II.

Pendidikan sina hal sai ponting guai jolma, kaunyin agama ngajarko kita harus
bukembang jak jaman haguk jaman di iringi rik pengetahuan. Bak ulah sina kita sebagai
pelajar harus uwat semangat rik tekad sai kuat dilom bulajar.

Sekendua mahami tawok-tawok kaunyin sungkan dilom bulajar, bak ulah begurau game,
bergurau sosial media tambang asik na. Tapi ingok da tawok-tawok, Ali bin Abi Tholip kala
sina cawa “amun niku mak pacak nahan amuh na nuntut ilmu, mula siap-siap baka amuh
dihani tuha”

Ghoring bergurau game rik sosial media mih fatamorgana sai haga jerumusko kita dilom
kegagalan. Mula na jak sina tawok-tawok payu kita semangat bulajar, dang kita hancorko
masa depan kita jama rasa sungkan sai uwat di badan kita.

Pai kita lihak batang rik jukuk, batang sai balak tantu kena panas, hujan atauna angin sai
kuat jama lihak da jukuk sai dapok buindom dibah batang sai balak tapi siap di ilik-ilik.
Kesusahan bulajar goh-goh angin, hujan rik angin sai guncangko batang sai balak jama jolma
sai penyungkan goh-goh jukuk sai bulinggom dibah batang sai balak tapi siap di ilik-ilik. Jadi
kita dapok milih batang sai balak atau haga jadi jukuk sai bulinggom dibah batang.

Wahai tawok-tawok kita ja penerus bangsa sija, kita sai haga batok ko bangsa sija jadi
bangsa sai cadang ataupun bangsa sai jaya.

Kirana sinada sai sekendua pacak sampaiko, kurang lobih na sekendua kilu mahaf, jama
Allah sekendua mohon ampun, tawai-tawai di gusti pohngun kilu kehampuraan, sekendua
radui pai.. Wabilahi taufik hidayah, walaikumsalam, wr. wb
 #Nyingau Anipi#

Assalamulaikum . wr. wb

Tabik pun..

Sai sekendua hormati Bapak rik Ibu dewan juri FTBI

Sai sekendua hormati prabatin, batin tulak hanau, rik tawok-tawok kaunyin..

Perkenalko tolah sekendua Anga Linata asal sikolah SMP Negeri 01 Belitang II.

Jawoh-jawoh timoja mih haga bucerita, cerita buntak mak tojang-tojang gusti pohngun..

Judul cerita sekendua aja nyingau anipi.

Pagi sina angin bedeser ngelambaiko bulung-bulung, matahani kinjuk mancarko cahaya
na haguk bumi, sanak bakas tanggung ngiyungko karito na ngaliyui renghaya. Di cing-cing
na tas buwarna halom, ia lapah haguk sikolah dipa ia menuntut ilmu di SMP Negeri 01
Belitang II. Jarak jak lombahan haguk sikolah tambang jawoh mak nyurutko langkah zuhud
baka ngeraih cita-cita na. Ia laher jak keluarga sai kurang bangik rik ia munih layon siswa sai
pintor dikelas na tapi ia uwat tekad jama semangat sai kuat baka bulajar rik ia munih goring
ngalukis.

Seradu ia ngiyungko karito na sai pacak bolako tenaga na , akhir na ia tungguk di sikolah
sai balak nan megah buwarna hujau sai dihiasi rik batng-batang sai ringgom. Ia batok ko
karito na pas diparkiran bulakang ruang laboratorium komputer, diparkir sina kaunyin na isi
na montor selain karito jak zuhud.

Ia selalu simah maha jama kaunyin tawok sikolah, walaupun nayah jak tawok-tawok na
sai ngahampuk rik nyola badan na.

Pas ia tungguk dikelas laju mojong dikersi na.

“Zuhud, niku radu ngeliak pengumuman makkung ?” cawa galih

“Emang na uwat pengumuman api galih ?” timbal zuhud

“Dimadding uwat informasi lomba ngalukis dilom rangka hani peringatan sanak nasional
hud”

“Oh yu, coba ku nah pai di madding, terima kasih galih”

Radu sina zuhud langsung haguk madding ngaliak informasi lomba ngalukis sina. Pas
radu ngaliak informasi sai uwat di madding zuhud ngancang ngehalui wali kelas na sai tolah
na Buk Melta Mayasari baka bukonsultasi.

“tabik buk melta, zuhud haga sok lomba ngalukis”

“oh yu zuhud, holau da tapi kita harus sok seleksi pai tingkat sikolah, jomuh tanggal sapuluh
zuhud nyiapko sgala api sai diporluko dilom ngalukis” cawa buk melta

“iyu buk” timbal zuhud

Seradu bukonsultasi rik buk melta, ia moloh haguk kelas. Sua maha zuhud ngeratongi si
galih.

“galih, sekendua haga sok seleksi ngalukis tingkat sikolah, tapi masalah na sekemdua mak
engka patolot warna, juk sipa galih?”

Laju galih nimbal “nah zuhud, sekendua munih mak engka patolot warna, dilombahan adik
sekendua mih uwat pak warna, kuning, siau, halom rik kuning tuha”

“wah ana lobih jak cukup, jomuh sekendua nginjam pai”

Dihani seleksi tingkat sikolah, dilom ruangan ngalukis zuhud bukumpul jama peserta
bareh na sai radu ngusung peralatan cukup lamun”

“zuhud, api niku yakin haga sok lomba sija ?” cawa salah sai peserta.

“zuhud mih maha”

Kadongian bisik-bisik jak tawok-tawok sai bareh, ngumungko hal keluarga zuhud sai
kurang beduit. Kadongian bak zuhud, radu sina zuhud minjak jak pok mojong na rik cawa
“kita buktiko, sapa sai paling holau?”

Perlombaan dimulai rik keadaan sai lancar radu sina hasil lukisan dikumpulko jama
dewan jur. Dewan juri ngumumko zuhud jadi wakil sikolah dilom perlombaan ngalukis
tingkat kabupaten. Kaunyin peserta sai uwat diruangan sina ngucapko selamat jama zuhud.
Zuhud pun ngerasa sobik.

Zuhud jadi wakil sikolah dilom lomba ngalukis hani sanak nasional jama ia buhasil jadi
juara pertamo rik lukisan favorit na tokoh wayang gatot koco.

Dilenghaya seradu jadi juara dipa ia didampingi jama buk melta mayasari.

Buk melta ngaulih-ulih rik zuhud “zuhud bak api lukisan gatot koco sai niku pilih?”

“gatot koco ana inspirasi baka zuhud buk, ia sina sai jolma kesatria burasal jak kalangan
debah tapi bak ulah kegigihan rik tekad na sai kuat ia jadi kesatria sai hibat rik diakui bak
kaunyin nusantara buk melta”

“zuhud layon da sanak jolma sai kecukupan rik zuhud layon da sanak sai pintor angin na sai
keyakinan zuhud bu, jolma sai uwat tekat rik semangat sai kuat ialah kunci baka nyongau
anipi”

Sua hati haru buk melta ngarangkul zuhud.

 Sekian cerita buntak sekendua Ibu-Bapak dewan juri, kintu uwat sai mak nuwon dihati
Ibu-Bapak dewan juri sekendua kilu mahaf, jama Allah sekendua mohon ampun.

Sekendua radui rik salam, assalamulaiakum. Wr.wb