TUGAS KELOMPOK

DRAMA BALI MODERN LAN TRADISIONAL

NAMA ANGGOTA

1) Kadek Canca Ananda A.W (21)

2) Putu Calista Arthanti Dewi (34)
3) Ni Kadek Bunga Pradnyani (26)
4) Nyoman Ngakan Dibya Wiweka (25)

SMA NEGERI 1 GIANYAR

TAHUN AJARAN 2020/2021

DRAMA BALI MODERN

Makarya naskah drama modern tema bebas

TAN ELING SARENG-SARENG

Kacerita mangkin ring sekolah SMA Negeri 1 Gianyar wenten kelompok sisia sareng
patpat. Sisia-sisia punika wantah Tata, Gede, Anang, Budi. Kaceritayang mangkin indik
geginan para sisia puniki ring sekolah lan geginan sane pacang kalaksanaang ritatkala wenten
ulangan.

Sedek dina anu, rikala sampun wusan nerima pelajahan ring kelas sadurun mawali ke
jero soang-soang samian marencana lakar malajah bareng-bareng sawireh benjang wenten
ulangan.

Tata : Nang, mani iraga payu ulangan?

Anang : Tiang ten nawang pasti, coba Gede takenin!

Lantas teka Gede sareng lik Bud

Tata : De! Bin mani iraga payu lakar ulangan?

Gede : Nggih, iraga payu lakar ulangan buin mani!

Budi : Nggh mani payu raga ulangan!! Mara tiang maan orahina ngajak timpal-
timpal ne lenan

Anang : Seken nika?

Gede lan Budi : Seken!!!!!!

Tata :Nggih men keto buin mani kan payu raga ulangan, nyanan di umah tiange
malajah bareng-bareng. Ken-ken setuju napi ten?

Gede : Nggih dadi masih,

Budi : Nggih, jam kuda lakar nyidayang nyanan?

Anang : Jam 7 gen pun!

Tata : Nggih setuju ampun jam 7!

Sesampune marunding samian mawali ke jero soang-soang. Galah nyansan sanje, risampune
jam 7 peteng, Anang lan Gede sampun teka!

Gede : Ta….Ta….

Tata : Nggih jantos...

Tata : Mriki macelep!

Sampun neked ring tengah

Tata : Ken lik Bud??

Anang : Kari ring perjalanan, ten?! Ye kan umahne ejoh, kan tusing ngidang becat-
becat, masi ne suba peteng kan. Selamete alih!

Tata : Nah sambilang ngantiang, raga malajah be maluan yuk???

Dede : Nggih maluan pun. Bin kejep pasti teka!

Wau lakar mesuang buku, saget wenten anak makaukan!

Budi : Ta...Ta.....(lik bud sampun teka)

Anang : Nggih...... meriki Bud, pun antiange uli tunyan!

Budi : Seken sampung uli tunyan driki?yen tawang kenten selidan tiang majalan.

Tata : Ten, tiang macanda, mara pesan Gede jak Anang neked.

Budi : Sampunang kenten, tiang kan ten biasa uluk-uluka.

Tata : Nggih-nggih.. ampura Bud! Mecelep yuk!!

Budi : Nggih ten kenapi.

Sesampunne neked ring jeroan, Gede lan Anang sampun sayaga lakar malajah.

Gede : Ngujang makelo bud?

Anang : kanti tuh driki ngatiang!!

Budi : Seken? Kan patuh mara teka masih!

Tata : Nggih suud amonto, yen kenten buin pidan raga lakar malajah!?! Pesuang
ampun bukune

Sesampune meseuang buku, makejang pun bengong, mawinan buku sane kapesuang
malianan. Anang mesuang buku agama hindu, Tata mesuang buku geografi, Gede mesuang
buku matematika, lan Budi mesuang buku biologi.

Anang : Sane beneh ene ane engken?

Tata : Kan mani maan geografi, kaden tiang iraga lakar ulangan geografi.

Gede : Seinget tiange mani ulangan matematika. Kan sampun usan materi sane
ajahina tunyan, makane tiang ngaba buku matematika.

Tata : Adi teng ngorahang ragane, de!

Budi : Dinane sane ampun liwat kan ampung orahina iraga lakar ulangan biologi
ngajak bapak guru.

Gede : Ten kan matematika sampun usan materine, artinne mani raga lakar ulangan.
Bu Ida kan ngorahang ”anak-anak kalau materi sudah habis, kita ulangan”

Anang : Ngorahang bu Ida kar buin mani De?

Gede : Ten. (Gede lantas mendep)

Tata : Sekenang anake, sane encen kar ulangan buin mani?

Budi : Nggih mani ulangan biologi, pasti nika bapake kan ngorahin.

Tata : Aah,, ten mani ten maan biologi buin puang raga ulangan biologi pun. Kan
ampun orahina raga ”anak-anak hari rabu nanti kita ulangan, materi tentang
ini saja” keto bapakae maraosan.

Budi : Yee...saja hari napi mangkin? benjang hari napi? Tiang Cuma matakon
ulangan gen tunyan, malh ten nakonang napi sane kar ulangan.

Anang : Patuhan iraga ne, tusing nawang sane ken lakar ulangan buin mani. Melahan
mangkin takonin timpale sane lenan, Agung Indra takonin ken ulangan buin
mani..de coba sms Agung!
Gede : Bih... nang tiang ten ngelah pulsa, kantun gerit gati ting mangkin mangkin!

Tata : Tiang ampun ng’sms agung, mangkin tiang kari begeh ngelah pulsa!

Budi : Nggih ajumang pun!

Teka sms saking agung indra,

Tata : Agung ngorahang, benjang iraga ulangan kimia!

Anang, Budi, Dede : ???????!!!!!!??????!?!?!??!?!?!?!?!?!?!??!??!?!?!

Budi : Nah tiang ten ngaba buku kimia mangking, buku tatane pun anggon nggih
pang bareng-bareng!?

Tata : Nggih-nggih kanggoang ngidang mahas soal-soal dogen!

Anang : Nggih ten kenapi, ne penting maan malajah. Mahas soal masih madan
malajah.

Gede : Betul Nang!

Sawetara sampun makelone malajah.

Budi : (nyingakin jam) Ampun jam 11 niki. Tiang ampun suud ngaenin, tiang lakar
mulih malunan nggih. Niki ampun jam 11, tiang ten bani mulih lewat ken
jam 11.

Gede : Nggih tiang masi, niki kan ampun wusan masih. Ampun mantap masi, buin
mani bisa-bisaan nganggon dogen.

Anang : Nggih tiang masi lakar mulih, sampun wengi niki. Tiang takut, nyanan
sampun kancingina ngajak ibu kos. Disisin jalne nyanan tiang masare.

Tata : Nggih, niki sampun kaliwat wengi sampun mantap kan? Mani sareng-sareng
berjuang, pang manang nilai luung, ten remidi gen kanggo.

Anang : Patut ampun nika nika.

Sawireh galah sampun wengi pisan, makasami mawali ka jero soang-soang. Buin
mani semenganne, makejang sampun sayaga lakar ulangan kimia. Saking bucu kauh gantos
bucu kelod, ten wenten sane ten sayaga.
 Sapunika kaceritayang indik geginan sisia-sisia ring SMA Negeri 1 Gianyar. Lan
asapunika taler sane dados baan kapabalihang. Yening wenten sane nenten manut ring
pikayun idadane soang-soang, titiang lang sawitran-sawitran tiange nunas gengrene
pangampura.

Pinaka penguntat kasineb antuk parama santih.

Om Santih, Santih, Santih, Om

DRAMA BALI TRADISIONAL

Makarya naskah utawi dialog Drama Tradisional nganutin gambar sane wenten ring
pidabdab 6 hal. 135-136

1. Gambar 1

1. "Di, maraang sepalahan iba matindih mati. Da nyen iba nyager. Di tumbak kaine
tebus jiwan ibane.”
2. "Pabedikin iba ngadu sakti nira. Mula kai nyadia mapag jiwan ibane. Lagute layah
ibane tan patulang, bes lajulombos iba mesuang munyi. Lautang, amongken
kasaktian ibane, tumusang!”
 3. "Hi, mulih iba! Padalem kai jiwan ibane tua, tua kangkang iba, sing gati ada lenan
mawanan tua-tua arepang iba.
2. Gambar 2

1. "Ne te iba Galuh Liku. Sing suud-suud iba ngaba pangindra jala. Ooooo ulian
kene iba masolah nyelekang kai. Nah, apang ulian karman ibane berek ene mani
puan nepukin paileh jele."
2. "Ratu Beli, jag matiang ...bakal gena ngenuang jelema berek kene."

3. Gambar 3

1. "Adi, adeng-adeng malu, takonin malu ia anak uli dija kasujatiand ia? Ih, cai anak
uli dija, nyen adan caine?"
 2. "Titiang Panji Raras, Ratu Dewa Agung. Saking panegara Sapta Patala titiang
Ratu Dewa Agung."

BUKTI DISKUSI