CERPEN BAHASA BALI

RING SEKOLAH

Soma semeng ring sekolah sampun sayaga guru lan sisiane mebaris ring lapangan jagi upacara
bendera. Samian sisiane tertib rikala upacara mamargi kantos puput. Ring kelas X-1 sami sisiane
uyut duaning gurune jagi ngicen ulangan nadak.

“Jana, adi rame kene kelase? Jeg sub acara di peken gen rame ne!”. Keto Kadek matakon.

“yeh, Kadek sing tawang? Jani nak ulangan mendadak Pak Nyoman ngumumang suud upacarane”.
Jana masaut.

“Oh keto, cang nak mara teka, sing milu upacara”. Masaut kadek sambilang kenyem-kenyem.

“Kadek nak mula rajin, teka sik duri mulih sik malu, hahahaha”.Keto Komang nimpalin.

“Weeee ngorta gen, enggalan masuk kelas, malajah tusing ape ker jawab nden? Ngota dogen!
Malajah si luungan”. Ami ngopak. “Inggih bu guru”. Komang masaut. Ring kelas sami sisiane
malajah, nenten sue raris rauh Pak Gung Aji. “Pada asana, Om Swastyastu”. Sisiane ngucapan
salam “Om Swastyastu”. Saur pak Guru Aji

“Sampun sayaga jagi ulangan puniki alit-alit?”. Pak Guru Aji metaken. “sampun pak”. Sisiane
mesaur.

“ Yening sampun niki wenten kertas soal, icen siki-siki nggih”. Pak Guru Aji ngenikain ketua
kelase.

“ Yening sami sampun polih, cawis nika soalne, Bapak icen galah kantos jam palajahan puniki
puput”. Lantur Pak Guru Aji.

Sesampune wusan nyawis soal ulangan. Pak Guru Aji ngicen tugas. Wusan punika raris istirahat.

Teeeet..tettt….teeet..bel istirahat

“Nyen sing bias nyawab soal ulangane mara?”. Komang matakon.

“Aduh, aget malajah mare, lancer cara di jalan tol nyawabne, tapi malin buku hahaha”. Andi
masaut

Rauh Ani nimpalin. “buihhh, nyen nyawab care di jalan tol lancarne? Dueg sajan toh”

“To Andi bagus genjing, biase ento Mi, Andi nak mule dueg, dueg nempa. Hahaha “Jana nyautin.

Ami kedek lan masaur. “hahaha, beneh san ento Jana”.

Teet…teeettt.. sampun bel masuk kelas, sami sisiane masuk ka kelas. Nenten sue rauh Guru
ngranjing ka kelas.

“Om Swastyastu”. Sisiane ngucap salam

“Om Swastyastu”. Gurunr nyaurin.

Paplajahan mamargi sekadi biasane. Sisiane jemet tur anteng nguratiang Guru rikala ngajahing
ring kelas. Galahe majalan, mangkin sampun jani budal, nanging sadurung budal wenten
pengumuman saking Wakil Kepala Sekolah.

“nunas uratian majeng alit-alit makasami, mangda benjang alit-alit makasami makta alat-alat
kebersihan lan nganggen busana adat madya santukan benjang jagi ngayah bersih-bersih ring pura
Dalem”. Baos Wakil Kepala Sekolah.

“Dek, sedang luunga mani masuk bersih-bersih, cang sing ngae tugasne Pak Yan”. Andi ngorahin.

“Yeh saja, Pak Yan ada ngemang tugas, aget ba to cang sing ngae masi”. Kadek masaut.

“Adah, keto ba males toh, ci jak duane mule peturu males”. Ami nimpalin.

“Raga ajak duane nak sahabat sejati, hahaha”. Kadek nyautin.

“luungan jani mulih, gae malu tugase saget bin mani urine ngumpul”. Jana nimpalin .

“Saja to Dek, Pak Yan kan keto, diapin bersih-bersih tugas tetep makumpul”. Ami ngorahin.

“Nah, mai jani mulih gae tugase. Yen sik Jana e ngae engken? Bareng-bareng ngae ditu”. Ami
ngajakin.

“Oh dadi masi to Mi, apang enggal suud, apang ade masih selingan ajak makedekan”. Jana nyautin.

“nah, yen keto unduke jam 3 kaantosang jumah Janae “. Komang ngorahin.
“Nah, yen keto jam 3 ba mulih ragae”. Jana nimpalin.

“Oke, mai mulih malu jani”. Ami ngajakin

“Nah nah”. Andi nyautin.

Makasami raris budal tur jagi makarya tugas ka umah Jana.