NARKOTIKA

Majeng ring pangeter acara titiang matur suksma antuk galah sane kapaice ring sikian
titiang. Ibu taler Bapak Guru sane dahat wangiang titiang pinaka pengureksa pidarta bahasa
Bali puniki taler para sisya sane pitrenasihin titiang.

Pinah ajeng ngiring nyinahang rasa angayu bagia majeng ring Ida Sang Hyang Widhi
Wasa duaning sangkaning pasuecan Ida, titiang pingkalih Ida dane prasida mangguh
kerahajengan turmaning sida mapadu ajeng sekadi mangkin. Antuk punika lugrayang titiang
ngaturang pangastung kara.

“ Om Swastiastu”.

Ring galahe sane becik puniki, titiang jagi nguningayang atur indik Narkotika,
mawinan narkotika punika pinaka baya nasional sane dahat madurgama. Sane mangkin dados
biuta wantah parindikan nganggen narkotika sane nenten manut tetujon, taler sane nenten
tepet kawigunanyane. Sadurunge teges narkotika utawi ubad bius punika wantah sahananing
tamba sane ngranaang lipia tan eling ring raga. Soroh narkotika punika katah pisan luire
minakadi ganja, eroin, morfin, kokain, opium, sabu-sabu, miwah sane lianan.

“ Sire sane patut nganggen narkotika???” Sane dados utawi patut nganggen narkotika
wantah para dokter ring rumah sakit rinuju pinungkan banget jagi maoperasi mangda sang
sungkan tan merasa sakit. Nanging manut siaran TV miwah radio sane nganggen narkotika
punika sampun nglimbak. Ganja soroh narkotikan sane kagenang ring lanjaran utawi amik-
amikan nanging eroin boya ring lanjaran sakewanten kasuntikang utawi kasedot antuk irung.
Punika mawinan para janane ring pambiaran akeh sane nganggen minakadi para sisya, para
mahasiswa, miwah para yowanane. Yening sane nenten patut nganggen raris nganggen
punika mawasta salah surup. Sane sampun kecanduan utawi ketagihan, tan urungang pacang
kedap sepra, bengong-bengong ngrawatang sane tan kasidan sekadi kasida. Antuk punika
narkotika sampun kapastikayang olih pemerintah marupa gegodan, ngoda katreptian jagat.
Ngapialangin pewangun, pinaka meseh sajeroning garba. Santukang sekadi punika, ngiring
mangkin, sampunang lali. Mangda iraga pamekas para yowanane setata menget ring sikian
sandurung kasep. Patut nyane sareng sami sayaga minakadi guru rupaka, guru pengajian
miwah guru wisesa. Sane pinih tragia tanlian wantah para yowarane setata eling ring rage.
 Wantah asapunika titiang prasida mahbahang atur ring galahe puniki. Maka kirang
langkung atur titiang lugrayang titiang nglungsur geng rena pengampura, pinaka pamuput
atur titiang ngojarang parama santi.

“Om Santi, Santi, Santi Om”.